إيه .. صح إن الورق هو كان ميّت
بس حتى الريح .. ما كانت بريّه !
وإلا يوم الراااي معها .. كان عيّت
ما تَعَرْف الضرب بَ الميّت خطيّه !
و .. يستمر الصراخ :
يا طيـر .. يا أطرش
إن كان تبغى ( تعيش ) ماينفعك هَ الريش !
و إن كان مالك عش
شف كومة سنيني إن كاااان تصلح .. قش !
لا تحالف
لا تحالف
لا تحالف
أي ساحل .. يدري إن الموج ينقل للبحر كل السوالف !
و أنا دايم :
ما أخاف الصبح يقعد .. يلقى إن الليل نايم
أنا أخاف من الألـم !
لا من وصل حد القلم
.
.
.
تبي سـر ؟
تبي سر .. عمري ما قلته لـ أحد ؟
بس ..
تكفى لاترد العِلم عنّي
ياخي .. ملّيت منّي !!
كل ما أكتـب .. شعـر
أكتشف كم كنت كافر !
تدري ليه ؟!
شِم أصابـع أيّ شاعر
بعد ما يكتب قصيـدة
إن سلمت : من اليدين
ما سلمت من الأظافر !