فمان الله ياحب تغلغل في حنايا الزور
فمان الله ياغلا من نسم صدري وشرياني
فمان الله ياللي لك مكان ومنزلك معمور
فمان الله ياللي مسكنك قلبي ووجداني
فمان الله يانور العيون اللي ما تلقى نور
فمان الله ياكلي وتاريخي وعنواني
فمان الله ياريح الندى في خايع ممطور
فمان الله يازرع سقيته عطف واشقاني
فمان الله والعبره تراها عدت الحنجور
فمان الله لكن خلها تشرح لك احزاني
فمان الله تذرفها عيون الخاطر المكسور
فمان الله تعبير الدموع اصدق من لساني
فمان الله ما فكرت بالفرقى لكن مجبور
فمان الله وين القى حبيبي ووين يلقاني
فمان الله سامحني اذا مني لقيت قصور
فمان الله واعذرني جفيتك قبل تجفاني
فمان الله مايمحي غلاك سنين والاشهور
فمان الله كيف انسى غلاك وكيف تنساني
فمان الله وادعني وداع الغالي المقبور
فمان الله وان طول غيابي لا تحراني
على شاني تقبل كل شي وخاطرك مسرور
تقبل كل ما قلته ولا تزعل على شاني
انا لو في يدي حيله او ان بداخلي مذخور
ما والله تسمع الفرقا وطاريها على لساني
ولكن الزمن زادت جروحه والسنين اتبور
عيوني للسعد بس السعد مر وتعداني
فمان الله ما فكرت بالفرقى لكن مجبور
فمان الله تعبير الدموع اصدق من لساني
العرض العادي
