[align=center]مساء الخير كيفكم بعد الخميس والجمعه انشاء الله تمام اما انا صارت لي سالفه بهاليوين فكرت اني اروح لبيت اخوالي لاني من اسبوعين ماقبلت جدي وجدتي وأخذت عفشي وقلت يابنت روحي ناميلك يومين عندهم و وسعي صدرك .. <<<<((( الله يعينهم على غثاك)) الصراحه انا رحت لسببين الاول وهو الاهم اني ابي ادخل السعاده لقلوبهم تعرفون انا دمي عسل >>> ((الا بصل وانتي الصادقه)) والثاني ان في هوشه بسيطه مع اخواني تحتاج لافتراق جسدي الين تهدأ الاوضاع المهم اني رحت وادخل عليهم واسلم على روسهم (((ياعيني عالادب ))) وجلست اقهويهم وبدون قصد حدثت الطامه الكبرى وانكب (( انسكب باللغه العربيه )) شوي من القهوه على السجاده الايرانيه الله جايبها خالي صالح الله يرحمه وصار قلبي يدق دقات خوف دقدق دقدق.. دقدق.. دقدق.. الخ لان معرفتهما بالطامه الكبرى يمكن يسبب مشاكل مالها اول من تالي جدي يمكن يستعمل عصاه في امور غير مستحبه تخصني شخصيا (((بس والله ياسوسو انك تستاهلين العصا))) ((ايش)) ((لاخلاص ولاشي كملي)) وجدتي يمكن ان يصيبها خدر في الجزء الايمن من جسدها بسبب الجزع الشديد واحتمال تعود لها الجلطه اللي تسميها ((شنطه)) هعهعهعهع اما سوسو الي هي انا فالاكيد اني راح اصاب بنوبه ضحك لاشعوريه قد تتسبب في انهيار ترابط الاسره.. انا قلت في نفسي يابنت خليك ساكته الين يقومون ونظفي انتي السجاده وفعلا حاولت امسك نفسي وكنت اضحك بحماس : على كل النكت المكرره للمره العشرين بعد المليون اللي يقولونها واستمتع بسرور مبالغ فيه الى نفس القصص التي من يوم وانا باللفه في حضن امي اسمعها ((مو لفه بالشارع اللفه اللي يلف فيها المولود)) والله كل سواليفهم كانت قبل الحرب العالميه الاولى .. حتى ذكرياتهم ابيض واسود.. قديييييييييييييمه ومع ذلك كنت استمتع وانتظر بفارغ الصبر انفراج هذه الازمه.. ومع تشعب الكلام والسواليف قلت ياسوسو ضيفي للجو نوع من الطرافه >>>> ((ياليتها ارتاحت)) فسألت جدتي عن قصة زواجها (( السؤال المعروف)) وتسنع جلستها وتتبسم ذيك الابتسامه وبعدين قالت يوم خطبني ابوصالح احترت اوافق عليه ولا لا .. لان قبله بيومين خطبني ابو ناصر جلست اقول (ابو ناصر عنده دنيا نخل وكم غنيمه لكنه حار ((عصبي)) وعصاه اسرع من يده أما ابوصالح فتخرج من مدرسة المطوع ومزيون شوي)) والتفت لجدي الا وذيك الابتسامه غاصت(ن) فيها كل ملامحه (( تعرفون جدتي تمدحه)) وتابعت جدتي (كان مهري>>>(((ملاحظه: جدتي شيييي تعرف مهرها مو مثل جدت خيي سداح خذوها لبيت زوجها وهي ماتدري انها بتتزوج ))) تقول كان مهري ناقتين مغاتير ماتت بعد زواجي بأسبوعين ويظهر انه اشتراها استوكات وعليهن تخفيض لانهن مريضات ) هنا زعل جدي وقال : من ستين سنه وانا احلفلتس انهن صاحيات واني شريتهن بكل ماجمعته لكن صحيح انتس ماتستهلين خير.... ليتني ماخذ نوير بنت عمي اصرف لي!! وتصيح جدتي ( نوير !! العصلاء الشهباء !! انا ادري انها في قلبك من ذيك الايام لكن خير رح خذها طلعت هالشهر من العده تحسبني ميته عليك .. وش فيك ياحسره .. شايب دايخ.. ماغير تكح تالي الليل!!!! ) - ( انا شايب دايخ يابنت ام خمس طعش!!!! شوفي وجهك متعرفط كأنه تفاحه خايسه!! كلما شفتك تعوذت من الشيطان ) واشتدت المعركه وانا بدأت استخدم اسلحه جديده ارشيفيه عباره عن قاموس فيه كامل مفردات قريتنا التي كانت مزدهره قبل الحروب العالميه الحقيقه اني تمنيت لو كان معي دفتر اسجل فيه الكلمات اللي يقولونها لانها فعلا كلمات قاربت على الاندثار .. وبعد عراك طويل انتهى بإنسحاب جدي وهو يقول اعوذ بالله من الشيطان الرجيم ( وكأنه يقصدني بالشيطان ) تبسمت جدتي وقالت بإرتياح .. الحمد لله غلبته >>>>>>(((( اووووه ان كيدكن عظيم)))) قامت جدتي تصلي وانا انتهزت الفرصه ورحت ابي اغسل السجاده وحطيت عليها شوي كلوركس .... يااااااااا ربي تحول لونها الى الوردي الباااااهت ... جف ريقي .. زااادت نبضات قلبي.. بس لاتخافون على سوسو قمت وحركت الطاوله وخليت رجلها فوق البقعه ولا من درا ولا من شاف ومباشره اروح اجمع اغراضي وستأذن منهم وهرووووووووب الى بيتنا الحبيب وعلى قول المثل ( هواش اخواني ولا جنة اخوالي) تحيااااااااااااااتي لاتنسون تعلقووون عالموضوع بما لايقل عن 4 ولا 3 اسطر مثل مايقول خيي سداح >>>>>>> ((( كيفي ابي اقلد))) [/align]
السطر الأول بسم الله الرحمــــــــن الرحيــــــــــــــــــــــــــــــــــم السطر الثاني كيف حااااااااااااااااااالكـــــــــــــــــــــــــم ؟؟؟؟؟؟؟؟؟؟ السطر الثالث موضووووووووووووووع جميــــــــــــــــــــــــــــــــل السطر الرابع والأخير بس والله يااجدك وجدتك فله اجل متعرفط وجهك كنه تفااحه خاايسه ههههههههههههههه [motr]تحيتــــــــــــــي للجميـــــــــــــــــــــــــــع[/motr]
[align=center] *** ( ^ الأمــــــــل ^ ) *** مــعــجــزة الــجــبــنــاء .. وابــتــســآمــة الــعــظــمـــآء .. قــلــم الــمــفــكــريــن .. ومــمــحــاة الــيــآئــســيــن .. تبي ترسل لي أي شيء اضغط هنا [/align]
ههههههههههههههههههههههههههههههه جبت مترجم وياله ياله قريت ومشكوووووره على التنسيم المنتفخ هع وموضوعك سراحة جميل صرقعتك اجمل وتقبلي تحيا تي
خلنا مني طمني عليك ,, ما أنام الليل من خوفي عليك أنت طيب هذا هو اللي يهم ,, انت طيب وغير هذا ما يهم F55a@hotmail.com Black Berry: 21991D62
اهلين سوسو حبيبتي كيفك ... يعني تيتا تبع سداح تزوجت وما تعرف بالموضوع .. ذكرتيني بمسرحية الصعايدة وصلوا .. واحد صعيدي ...جابوا العروسة لبيته .. قال لها ...اهلك يعرفون انك بايته عندي
[align=center][/align] [align=center]قل ماشئت في مسبتي فسكوتي عن اللئيم جواب,, لست عديم الجواب ،، ولكن مامن أسد يجيب على الكلاب ،،[/align]
ههههههههههههههههههههههههههههههههههه والله ياجدك و جدتك فله ,,, ههههههه بس صدقتي
خخخخخخخخخخخخخخخخخخ...... اقوووول جدك هذا مايلام من كلام جدتكك.... يسلموووووووو على الفرفشه ...
[glow1=CC0033][glow1=CCFF00]احبكم يا أعضاء المنتدى الغالي[/glow1][/glow1] ... [glow=FFFF00]نعوووس[/glow]
ههههههههههههههههههههه مشكوره اختي سوسو بنت سادس ج والله يخليلك جدك وجدتك واخوانك والسجاده وتقبلي مروري..
[align=center]ppl laugh and ppl cry some give up and some always try "some say "Hi and some say "Bye others forget U but never WILL I[/align]
المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها
كلمات البحث : منتدى بريدة | بريده | بريدة | موقع بريدة