هذا كلام حريم ...! حطوه بالزباله و أنتم بكرامه ...!

[فور يو]

أهلا وسهلا بالجميع ...

كل ما طق عود بحصاة ,

قالوا : لا يهمك ...!

هذا كلام مره و لا يؤخذ به ...!

وفور يو يقول : -

المرأه , الأنثى ...

أمي اولا

أختي و زوجتي و إبنتي ...

إلا متى يتم إستحقارهن ...؟!

_____________

هام جدا :-


العنوان لا يحكي واقع الموضوع بل يناقضه 100% ...



أعذب تحيه لكلل .

[صدى الصوت]

كلام جهال

مايعرفون قيمة المرأه


كلام يتوارث جيل عن جيل

دون معرفة السبب

الحين المرأه الكل بالكل

[هين هين]

أخي فور يو

أن المرأة لها فضل عظيم بعد فضل الله على الكثير من خلق الله هي من حملتك تسع شهور في بطنها و ربتني بتربية الأسلام وعلمتني ...

هي أم العالم ... والقاضي... والمهندس... والطبيب ... والأمام والخطيب ..


تحياتي

هين هين

[حزام الأمان]

لا يستحقرن المرأة الا متغطرس جاهل ,,,,واذا كان كلام المراة لا قيمة له فالمسؤول الأول هو الرجل لانه لم يخاطبها ويحاور عقلها ,,,,,وبالتالي اصبح ادراكها بسيط وقد لا تعي اموورا كثيرة ولن تعيها حتى
تخاطب عقوووول الرجال !!!!!!!!!


تحياتي لك استاذي فور يو وتحياتي لكل منهم مثلك ,,,,,
*كنت سابقا لااصدق من يكتب هذا الكلام في المنتدى ولكني للاسف سمعته بنفســــي,,,

[شموع تحت المطر]

مهب على كيفك يافــــــــــــــــــور يــو..

تحط عنوان وكلامك تقصد فيه شي ثاني <<< مع اني اشك فيها..


طيب ليش يوم انك مشرف وانت كنت تنفــــــــــــــــــــذ المسخرة اللي بالعنوان..<< ودي اعرف وش استفدت ولا وش خذيت من ذيك المهازل..

والحين تقول امك وبنتك...


<<< على مين هـــــــــــــــام جداً..

[برود الثلج]

اي والله صارت المرأه بوقتا الحااااااالي هي الفارس والعقل المدبر والكل في الكل ،،

صار الواحد ذلحين يخاف و مايقدر يتبسم في وجه ابوه وإلا أمه إلا بعد مايشوف وجه الغندوره (( حرمه المصون )) ياترى هي راضيه وإلا لا ونبطل .. <<إلا من رحم الله ..

رحم الله أيام زماااااان كانت ماتقدر تملي عينها من ابو عيالها ولا تقدر تطلب طلب عادي إلا بعد ماتبلع ربعه ..

اخوي فور يو تطمن وحط ببطنك بطيخه صيفي ولا تأكل هم عليهن << ترى اليوم هن يوكلن الواااحد عظم


سلااااااااااام 07 ،،

[ღ ][ وحيدة كالقمر ][ღ]

فوريو::::


صدق بعض الحريــــــــــم قسم وأنا إمرأة احط كلامه بسلة النفايات...ويش عاد الرجل؟




بعضهن يتكلمن ع غير سنــــــــــــع....وتبخص تحلف إنه ابن باز الله يرحمه...


<<<غاثاته هالأشكال وبتفل غله عندكم...


نااادراً من تلقاه تجيب لك كلام (يجمد ع الشارب) ...



رفع الله من قدرك


تحيتي

[ღ ][ وحيدة كالقمر ][ღ]

اقتباس: إلا بعد مايشوف وجه الغندوره (( حرمه المصون )) ياترى هي راضيه وإلا لا ونبطل .. <<إلا من رحم الله ..

برود ...

مو كأنك بالغت باهالكلام؟



<<<إعذرني ترى أول مرة أسمع بهالحركة؟

صحيح بعض حريم هالوقت ياكافي بس ماأعتقد تاصل

بعدين ماأعتقد يمشي مع كذا إلا إسمح لي أقولك(كمخه) مو رجال اللي يسوي كذا




تحيتي لك

[برود الثلج]

(( وحيده ))

لا ورب السموااات والأرض أني ما ابالغ وأنها حقيقه واقعيه والأدهى و الأمر أنهم اشخاص على مستوى تعليمي عالي يعني على بلاطه وربي دكاتره بس في هيئه بغاااال مركوبه << بالكرامه

وإذا انتي ما صدقتيني بيميني بكره راح يجيك بالأخبار من لم تتوقعيه منه ،،<< بس لا تقولين برود ماقلي

ودمتي بكل خير ،،

[جابر عبدالله]

فوريو اشكرك على الموضوع الجميل والقصير ذو الأبعاد الجميلة

الف شكرلك يعطيك العافية

دمت بخير

[ღ ][ وحيدة كالقمر ][ღ]

اقتباس:  المشاركة الأصلية كتبت بواسطة برود الثلج     (( وحيده )) لا ورب السموااات والأرض أني ما ابالغ وأنها حقيقه واقعيه والأدهى و الأمر أنهم اشخاص على مستوى تعليمي عالي يعني على بلاطه وربي دكاتره بس في هيئه بغاااال مركوبه << بالكرامه وإذا انتي ما صدقتيني بيميني بكره راح يجيك بالأخبار من لم تتوقعيه منه ،،<< بس لا تقولين برود ماقلي ودمتي بكل خير ،،

يــــــــــــــالطيف....


دكاتره؟


<<<شيّب راسه من هول ماقرأت...


يالله يارب لاتسخط بنا..اللي مايضحكون لوالدينهم إلا برضاء زوجاتهم

الله يهديهم...

قهر يُطلق عليهم(دكاتره) ورب الكوووون قهرررر



طيب شذنب الوالدين؟


حسبي الله ونعم الوكيل...



تحيتي لك

[الكبري]

ربما يجري مجرى المثل ..

فيكون المراد أن هذا الكلام لاقيمة له ..

وليس المقصود منه تحقير لكلام المرأة ..

وربما يندرج تحت مدار أن من صفات النساء الثرثرة فيعد هذا الكلام مجرد ثرثرة لا طائل منها ...

لكم أطيب المنى

[خـالد النـاصر]

لم يستحقر ديننا المرأه ولم يشك بقدراتها العقليه
والدليل الأحاديث الصحيحه التي تروى عن أمهات المؤمنين
والمواقف النبويه التي فيها شاور الرسول الكريم نساءه
صلى الله عليه وسلم وعلى آله وصحبه أجمعين

[Silent Hill]

[align=center]

المراة اكبر من اي شي

للأسف الأرث التاريخي لنا يكثر فية من يغيب المراة

فيجب قطع التواصل بين الجيليين بهذة النقظة وغيرها[/align]

[جبل عمر]

أغلب من يستحقر المرأة يكون له خلفية سابقة مع تعامل أهله للمرأة
المرأة صحيح أنها ضعيفة وتتحكم عاطفتها قبل قلبها لكن تبقى أنها تحملت مالم
يتحمله عظماء الرجال وعظماء الرجال هم الجهال لأنهم لم يعرفوا كيف يتعاملوا
ويقدروا ظروف هذه الجوهرة حملوها مالم تطيق وطالبوها بأشياء المولى عذرها فيه
في وقتٍ معين