سحر و الخبل المملوح ..... حب بزران
بسم الله و على بركة الله.......................
سحر...... في الصباح :
شعرها كل يوم تحط عليه زيت خردل ( اوفففففففف عليه ريحة ) و تقعد تمشط عند المغسل , الين تسد جميع المسالك
و إذا خلصت من التمشيط ( أي تمشيط , إلاّ كنس ) تروح تسوي اثنين , يعني
بكلة حق تيمون , و الثانية حق بومبا :he , و بعدين تروح تلبس المريول الأخضر
حق المدرسة ( لسه ما خلصت الابتدائية )
و بعدين تحط الشنطة على ظهرها ( هذيك الشنط أم خمستعش ) و تروح
المدرسة , طبعاً في الطابور تجي اخر وحده , لأنها أكبر وحدة في المدرسة
( درست مع المديرة زمان ) المهم , يطلعون الفصل , و تديرها نوم من
الحصة الأولى إلى الحصة الثالثة ( ماتسمع إلا شخير و هذيان ) و بعدين تجي
الفسحة .............
في الفسحة طبعاً , أنسى إنها توقف مع الطابور , عييييييب , تجي الشغالة
حقت الكافتيريا , و تجيب الفطور حد المركاز حقها ( ما باقي إلا حجر باعشن ) ,
طبعا معها بنات ورعان ,, يؤ يؤ , أقصد ورعات , عاد هي
تقعد تطقطق على روسهم , و هم مايقدرون يسوون شي , بس تغلق الفسحة ,
تطلع طبعاً متأخرة ,
و تدخل الفصل بعد المدرسة , و طبعاً معها ثنتين من المركاز , و هم بيسوون
يعني إنهم قد التأخير ,
بس المدرسة تضرب فهالمساكين بالمسطرة الخشب , و لما تدخل صاحبتنا ,
تقولها المدرسة : افتحي يدك
إلا هي تطالع فيي المدرسة بنظرة ...... يعني انتبهي , و لا الميعاد عند باب
المدرسة!!!!!!!!
حشا هذي مو بنت ؟؟؟؟؟!!!!!!!!
المهم المدرسة تنحرج من الطالبات , بس تعدل الموقف و تطردها , حبيبتنا تموت
في الطرد بعد الفسحة ,
تروح سيدا حق الفراش , و تاخذ البكت حقها من عنده , بس و تاخذ ذيك
السجارة , و تقعد ورا المختبر حق العلوم , و يوم تخلص , تأكل من الزرع ,
عشان الريحة تروح .
المهم ......... ترجع الفصل بعد الحصة ...
الحصة الخامسة ..... المادة : رسم , الموضوع : رسم الشارع و الاشارات ......
طبعاً كل الطالبات دروج , بس تخبيص , و السيارات , مربعات و فيها دويرتين
زي البيضة .....
و الناس , خط على فوق و يتفرع منه أربع خطوط ( اليدين و الرجلين ) , و الرأس (
ماتدري وش هو شكله ,
احتاروا فيه علماء الرياضيات ) , بس و تجيك خويتنا و ترسم , اييييييييييه
حركات , السيارة فيها منحنيات ,
فيه صدام و تزبط الجنوط , و ترسم تندة في السقف , يعني حركات ..... و الناس , ايييه , اللي ببدلة و اللي
عسكري , و اللي لابس شماغ , و حريم ...... يعني هالحصة بس اللي تموووووت فيها , و تبدع فيها ....
المادة الوحيدة اللي تنجح فيها دوم ,,, حتى فيه سنة من السنين , رسمت كل الرسمات حق السنة الجاية
في الإجازة ..... حافظة المنهج .
ترررررررررررررررن , خلصت الحصة ..
و في الفسحة الصغيرة ...... يجون خوياتها اللي في الفصول الثانية , و هاتك يا سواليف , الين تنتهي الفسحة,
الحصة السادسة و الأخيرة ........
اووووووووفففففففف ,,,, حصة العلوم ...... تطفشششششششش , مرئ , معدة , دورة دموية , .........
يعني مافي وناسة ... ( لا وناسة و لا هوت ميل ) احم المهم , تجي المدرسة , و تقعد تشرح.........
و هذي مهي لمها ......
تكتب في أوراق صغيرة و ترميها على اللي معاها في اَخر الفصل (instant message ) .....
و شغاليييييييييييين الين تكفش المدرسة وحدة فيهم , و بس تفتح الورقة , اوفففف , و تقعد تصفق فهالمسكينة
مادرت إن السبب هو ......
و قبل ماتخلص الحصة بربع ساعة ,,, إلا و هي تمسك الكتب و الدفاتر ( أصلاً هي كلها الكراسة و كتاب )
و تحطها على السجادة , و تقول لزميلتها اللي جنبها ::: بالله شدّي معاي , أبي ألف السجادة !!!!!! ص6
و تخرج من الفصل قبل ما تنتهي الحصة , تعرفون كيف؟؟؟؟
أنا أقول لكم ::: تقول للمدرسة أبي أروح دورة المياة ( الله يكرمكم ) و يوم تخرج , ترمي لها وحدة من البنات
السجادة مع الشباك اللي يخرج على الصالة , و ترووح على الشارع .....
خارج المدرسة .......
أول ما تطلع ,,, ماتروح حق البيت .... لأ , تشتري فش فاش , و سن توب ( معاشرة أطفال ) طبعاً من كل شي
اثنين ؟!؟!؟!؟! عارفين ليش ؟؟؟؟
عشان الخبل المملوح ينطرها .... يؤ يؤ يؤ !!!!!!
الخبل ,,,, طبعاً هو في المدرسة الإبتدائية اللي جنبهم ,,, كيف تعرفوا ؟؟؟ أكيد يدور هذا السؤال في راسكم...
أقولكم .... تقابلوا أول مرة في البقالة .... و طاح من الخبل كتاب الهجاء و الإملاء !!!!!!!
استغربت و قالت له ::: إنت تدرس إبتدائي؟؟؟ قال لها إيه.... و هو انتبه للون المريول ..... احم احم
المهم استحت منه هي و برقعها ذا , و مشيت على بيتهم , و من يومها و الخبل ما ينام , و هي ولا على بالها .
المهم صدفة و تقابلوا الاثنين ..... و الخبل مو مصدق عينه ص6 ص6 ص6 ... المهم , احتار ....
كيف يفتح معها الموضوع ؟؟؟؟
الاثنين دروج , ما يقعدون إلا مع البزران , بالمدرسة و برا حاطين مركاز عند بيوتهم .......
المهم , افتكر إنه سمع أغنية قام يغني ......>>>>
صدفة و لتقــيـنـا *~*~*~ صرت بسأل و ينا
شافوها عينيا, عينيا*~*~* وخطفوا قلبي
المهم , حست إنه يقصدها .... قلبها قاعد يطامر , راح قلبها في راسها , ثمن رجع الى بطنها , بعدين صار
برجلها , المهم .... كلمة من هنا و كلمة من هناك , صاروا يتقابلون عند البقالة ( ما فيها إلا فش فاش
و سن توب و كراميللا , و بسكوت أبو الرز ) يعني دكان , المهم , صاروا دايما يتقابلون و يروحون البيت سوا
و كل يوم السن توب و الفش فاش على واحد , ( اللي يكون يومه , طبعاً مايتفسح ) و يهرجون و يتكلمون
سواليف بزران , ( من عاشر قوماً أربعين يوماً صار منهم ) .........
المهم , نرجع للموضوع , راحت تقابل خبووووولها , طبعاً الخبل نفس الحكاية , بمدرسة ابتدائية , و شرد من
الحصة الأخيرة , و متفقين يصير يوم رومانسي ,,,, ماعندهم ماعند جدتي......
روحوا أخواننا في الله كل واحد مجهز هدية تعبر عن شعوره , و كل واحد معه شريط مسجل فيه كم أغنية يبي
يهديها للحبيب....
المهم يوم تقابلوا و شافوا بعض , و لا هم تحمر خدودهم , و الخبل مسوي فيها ولد انتيكه , و مسوي
هذي القصة اللي صرنا نشوفها بصور القدامى , منذ مبطي , و لابس بدلة رياضة اللي فيها خط مع الجنب ,
و الفنينة اللي لونها مو معروف , المهم , تقابلوا و مشوا على طريقهم المعتاد ( و مشينا في طريق ما فيه شي,
تصل الانبساطة فيه قبلنا , و ضحكنا ضحك ورعين معاً , و جرينا فسبقنا ظلنا )
ايييييييه الجو حاااااااااااااااار , و هو يقدم لها عسكريم ( اللي في اَخره لبانة ) و هي ترد له الهدية بعسكريم
( عم عزوز ) , و يسوفون ...
سحر : على التلفزيون البارح , ايش شفت ؟؟
الخبل : هاااااااه , شفت و لا كنترول !!!!
و هم يقلبونها طقطقه , و كل واحد يحكي للثاني , عن مغامراته اللي في المدرسة , كيف يطنش الاستاذ و هو
يناديه , و هي يوم تسب الابله في الفصل قدام الطالبات .......الختس ( الختس = الى اخر التنسيم و الاستهبال )
و مادروا الا وهم واصلين عند بيت سحر ,,,,, و الله الوقت يمشي بسررررررعه ...
و بس عند اَخر اللقاء , كل واحد يسلم الثاني الهدية .....
راح الخبل لبيتهم , و سحر طلعت بيتها ...
فتحت سحر الهدية >>>>>>>>>> شريط كاسيت , و معاه ألبوم ؟؟؟؟!!!!!
الشريط فيه أغاني ..... تعرفون وش هي ؟؟؟؟ أغاني قرانديزر : عللي عللي بطل فلييد ( على باله غربي )
و الألبوم ::::::::: فيه صور حق العشاق ؟؟؟!!!! >>>>>>>> عدنان و لينا ...خخخخخخخخخخخخخخ
و الخبل .... لقى الشريط فيه أغنية عدنااااان و ليناااااااا ( على بالها رومانسية و أغاني رايقة )
و في العلبة , خخخخخخخخخخخخ لقى صورة تيمون و بومبا و هم بجانب بعض و تحت مكتوب توقيع فلاش
( حبايب و بزران للأبد ) ..... ما صدق عينه و صار كل يوم يطالع فهالصورة و هي بالمقابل تطالع في الالبوم
و يسمعون هالاغاني المنسمة , و يطالعون بهالصور , اللهم ياكافي .....
و على هالحال ,,,, الى الاَن و الى بكره و حتى بعده ...........................
*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~
*~*~*~*~*~*~*~*~*~*~*~*
حبايبي أرجو إنكم ما تاخذون بخاطركم ........
تحياتي
لقد نسبت شيئا لنفسك ولم تذكر انه منقول 000 رجاءذ كر المصدر والاشارة الى ان الموضوع منقول000 وشكرا0 علما انه سبق تنبيهك لذلك0
الله يوسع صدرك مثل ماوسعت صدرونا ايوا والله مثل ماقلت حب بزران 
العرض العادي
