الشهية العجيبة ...!

[وضوح]

[align=center]عبووود [/align][align=center]
سلامتك...
وربي كرهتنا بالحلويات ...!

أنا أقترح يكون من المعلومات المقدمة للزوجة وقت الخطبة ...للأهمية ،؛

أجل أنت راعي الكاتم ذا ..؟!
تصدق الى الآن ماتأملت فيه أبت عيناي وتشقلبت معدتي

طيب ممكن تعطينا الفوائد الموجودة في هذا القدر ؟
وهل تشرب عليه بيبسي والا شاي مخدر ع الفحم ؟
وماحال معدتك عند النوم الا تشعر بثقل أو أشياء غريبة تتحرك في أمعاءك ؟
وشكراً لسعة صدرك أيها الطباخ الماهر سابقاً قبل اختلاف المسمى [/align]

[القرمه]

وضوح خليهم يأكلونه هني وعافيه بس لايجيبونه عندنا ,,
مره فتحت ثلاجتي وصرخت أحسب به قطوه آثاري أبو الشباب جايب كرك وسادحه بالثلاجه !!!!

[قـتـالـه]

اقتباس:  المشاركة الأصلية كتبت بواسطة وضوح     الكراث ورق مثل الجرجير ومن الخضار المفيدة للجسم ..! والله لو اسأل اللي يأكلون الأطباق ذي شوو الفائدة كان يبتلش هو طلع على ان الرجال يأكلونها وبس ...يبغى يصير رجل مو خكري

خخخخخ جرجير!
انتي ناويه تعدمينهم وش بيصيرون عاد منحينهم يحبون ..
شوفي ياحيي الاكلات البريه وقود ملوا وهم يلمحون ..ومايعرف قدرها الا اللي جرب نفعها ..عندهم بعد نظر ويعرفون وش ياكلون لا تهتمي

[وضوح]

[align=center]قتاله

كل مازاد أكل القدور هذي كل مازادت نسبة تذمر الزوجات ..!
خلي عنك بس
والله لو فيها مصلحة ان يحسدون زوجاتهم
ياخوفي يكون العكس ..!
بعدين وين الدليل فيه تحليل للأكلات هذي والا كل من حب شيء نسب له هالفائدة ؟
بعدين ممكن تكون نقمة هذي الفائدة ..،؛[/align]

[عاشق الخير]

[align=center]الضبان و الجرابييع و القميري و الكرك والفقع والأرانب [/align][align=center]

ما سبق جربتهن ولا أظن بجربهن ..

لكن

وضوح لو جربتي الجراد ...يمميممميم
مقرمش من برا وحلوو ولذيذ من جواااااااااا ...

لا بعد ترى العاام شااري 20 حبه بــ 150 لا تحسبونه رخيص
ولا فيشون




وحاليا بالأسواق جراد معلب

[/align]

[سبشل]

ياحليلك ياااعذبة

أجل ماتعشيتي عشان يقالك اتكيت

ترى مهب هذا الإتكيت الي حنا نبيه ونطالب

الإتكيت اسلوب وتعامل

بس يمدحون الإندومي تراه زينه بتالي الليل

[وضوح]

وااااااااااااااااااو ياعاشق الله يصلحك
يالله صباح خير

أجل يميي ومقرمش اقترح تطلع بقناة المجد
وتسوي دعاية للمعلب ..حج وقضيان حاجه ...!


صحيح فيها فوائد لكن استغفر الله مافي فرق بينها وبين الصراصير < عجزت أتخيل أكله

[سبشل]

تسلمين وضوح على الأطباق التي طالما اشتهيناها وتمنيناها ماعدى الجراد ما أواطنه بعيشة الله

بس ياترى هل يوجد بنت بالوقت الحالي تعرف تطبخ الأكلات هذي وبنفس البراعه

أنا من ناحيتي ما أضن لأني حسب معرفتي بنات هالوقت زين لاصارت تعرف تسوي شاهي

أنا أدري إن كلامي يزعل بس للأسف هذي الحقيقة لدرجة إن الواحد إذا بغى يخطب أول شي

يسأل عنه هي تعرف تطبخ أولا قبل كل عشان مايتوهق ومحظوظ إذا لقى ههه

[وضوح]

[align=center]^

الحين عجزنا نطيق نحط عيوننا عليها وتدهورت حالتنا الصحية
لما تبين لنا مايأكله رجالنا خارج البيت ..!
وتبغى نطبخه .. قل ماتهجون اذا شفتوهـ وبعدين يصير خير ..

وقفت على الطبخ الله يزيد النعمه ،؛
أجل تسلمين !!


بالعافيه [/align]

[وضوح]

اقتباس:  المشاركة الأصلية كتبت بواسطة احمد النجم     وضوح لم تكن حسابتها دقيقه! على غير العاده فأدرجت وجبه الضب مع المذاق الطيب اللي هو الطيور

على غير العادهـ .. الله يسلمك

لكن يضل الشكل هام
والطيور تؤكل بطريقة أفضل من هذا
المنظر كأنها مواليد ..صراحه

ليست مقارنة بقدر ماهي تعجب من قبول
المعدة له دون تردد ..!

[To Be]

[align=center]

صدق ان عالم النساء عالم الجنون

اقتباس: ويأكلون حيونات وحشرات غريبة طيور ضبان جراد خرفان دجاج بط وز ضفادع خفافيش سحالي كل ماتبين

الحين انت شايفتهم ؟

لي عوده بس لخلصت من اكل الرمان

ولا نمت

[/align]

[وضوح]

اقتباس:  المشاركة الأصلية كتبت بواسطة محاور     [align=center]موضوع غريب نوع ما [/align]

أهلاً بالمحاور /

ماالغريب الا الشيطان
وين الغرابة في القدر الأول و كبسته الشهية !!
أم في التذمر من نوع الأكلات ...؟

تحيتي لك ،؛

[عذبـــــة]

اقتباس:  المشاركة الأصلية كتبت بواسطة بإنتظار الغد     عذبــــه غريبه مع ان حياتك كلها مطاريس الا انك ماتقبلين تأكلين من هالمطاريس أكرم الله النعمه... كان تعشيتي بالزواج والله ماحد داري عنك أهل الاتكيت يتعشون بالزواج عادي! لكن اهل بريدهـ حاطين لهم دستور اتكيت مادري وش يبي !!

حياتي مطاريس صح بس أكلي مو مطاريس بالعكس انواع التكتكه والتفنن والذوق فيه
بعدين والله ماتسوى علي اجي كاشخه واتيكيت ويالله يالله امشي من شوفه النفس
بعدين ادخل صالة العشى صالة الحرب العالمية واتهااوش مع الحريم على الأكل الله لايبلانا
اروح للبيت وبعد مااغير واخذ دوش دافي اروق بعد هالازعاج اكل على اقل من مهلي مو مثل الملحوقة والكل يناظر فيك وتنشب اللقمة بحلقك

اخر موقف اذكرة بزواج بالعزيزية دخلت صالة العشى وكان الوضع هادي مرة لأن الناس قليلييييين جدا
صرت ورى حرمتين بالخمسينات
كل شي يمرن من عنده ياخذن منه شوي
اخذن سلطات ومشاوي ومحاشي و و و كل شي سلمن عليه واخذن منه شوي
وصلن لشي يشبه المرقه بالدجاج .. جت الاولى بتاخذ من المرق بتحط بصحنها
قالت الثانية لالا لاتحطين من هذا ترى صحنك يبي يصير خويضه هههههههههههههه
وربي ان كحلي سااال من الضحك عليهن
مدري متى يتطورن هالعجز وياخذن اللي يشتهنّه وبياكلنّه بس
بس شرط ضروري بوفيه لازم نذوق كل الاصناف لو حنا مانحبه
وتقولون لي ادخلي وتعشي بعد ؟؟
شفتي دستور اهل بريدة اللي تتكلمين عنه ؟؟
الله يكرمهم اصحاب الزواج بس بتعشى ببيتي اهنا لي .

[وضوح]

[align=center]ياراعي الطائف [/align][align=center]
لا يذبحك الرمان
استمتع بالبرشومي قبل ترجع ورجل الغزال < اعتقد كذا اسمه
الرمان لاحق عليه ..،؛



عالم الجنون
الله أعلم من اللي مجننهم [/align]

[عذبـــــة]

اقتباس:  المشاركة الأصلية كتبت بواسطة عاشق الخير     [align=center]الضبان و الجرابييع و القميري و الكرك والفقع والأرانب [/align]

اقتباس:  المشاركة الأصلية كتبت بواسطة عاشق الخير     [align=center] ما سبق جربتهن ولا أظن بجربهن .. لكن وضوح لو جربتي الجراد ...يمميممميم مقرمش من برا وحلوو ولذيذ من جواااااااااا ... لا بعد ترى العاام شااري 20 حبه بــ 150 لا تحسبونه رخيص ولا فيشون وحاليا بالأسواق جراد معلب [/align]

الصراحة قمه الغثيان الصورة وتراني حذفتها من الاقتباس

طيب ماتلاحظ ان الجراد غالي؟؟
لو انا بمكانك اصور مع كل واحدة قبل اكلها حسافة اشتريها بهكالقيمة ولا اخذ معها كم صورة

اقتباس: و الكرك

وشو الكرك ؟؟ مو هذا اللي يحفرون به الأرض ؟؟
حتى ادوات الحفر والسفلته صرتو تاكلونها ؟؟
الله يستر على عيالكم وحريمكم ماتلفونهن هن بعد
ليتكم تاكلون ورق عنب وتتعوذون من ابليس احسن