بسم الله الرحمن الرحيم
--------------------------
الجربعه ؟؟
نسبة إلى طرد الجرابيع
يقال يجربع أي يقوم بطرد الجرابيع
والجربعه فن لا يجيده إلا من تتوفر به بعض الصفات وذالك مثل :-
1- مهارة القفز من صندوق الونيت والونيت يمشي 2- طول السيقان والرشاقه والسرعه ,, يعني الدب مثل اللي في بالي يلزم أرضه ابركله 3- الرساوة ,, أي انه من حيث ما يفرفر الجربوع يكون معه ,, يعني ما يقلب مع اللفه ( مواصفات ألمانية ) ,,
ومن أهم الشروط في الجربعه ما يلي :-
1- أن يكون السواق متمرس على الطردي وان يكون نظره قوي بحيث ان الجربوع ما يفلت منه للبته طبعاً نفس الوضع لمساعد السواق لازم يكون مفتح عيونه ,,
2- أن يجيد المجربع مسك طرف الثوب بفمه لأنه لو فك الثوب من فمه وهو مسرع عزتيله بيتكرفس ويطير الجربوع من يده :028: أو انك تربط ثوبك زين على وسطك بس اهم شي لا تجربع وانت مجنتل
3- أن يكون المجربع غشيم يعني حط الجربوع نصب أعينك ولا يمنعك أي شي عنه حتى لو توطيت خويك
4- أن يكون هناك تنافس بين المجربعين يعني الطيب من يطرح أكبر عدد من الجرابيع
5- إذا أصبح المجربع في نزال خاص مع الجربوع أي سنّد الجربوع وسنّد معه المجربع على الباقين أن يتحلوا بالروح الرياضيه ويتركوا زميلهم وإذا غلبه الجربوع يعاقب المجربع وذالك بأن يحرم نوبتين ما يطرد
والطريقة المثلى لمسك الجربوع من أقصر الطرق هي كالتالي : -
المرحلة الأولى : هذه المرحله تعتمد على السواق يعني اذا شاف الجربوع يلحقه لين يحطه على نور السيارة ثم يولع ويطفي يولع ويطفي .. طبعاً بعدها الجربوع بيوقف فجأه لأنه انعمى وما عاد يشوف ,,
المرحلة الثانية : اللي عليهم النوبه يفزون ويطمرون من الصندوق طبعاً كل واحد معه جريد نخل ,, واحد يجي على طرف النور من يمين والثاني من يسار ,,
المرحلة الثالثه : عندما يحس الجربوع أن هناك من يحاول الاقتراب منه سيطلق ساقيه للريح ويولي بالفرار وعندها تبدأ المهمة الصعبه وعلى السواق في هذه المرحله الإنتباه للمجربعين لأنه وقتها يمكن ما يشوف الجربوع ويعتمد على تحركاتهم ,,
نقطة أخيرة ,, رحلة الجربعة لازم يكون فيها من يسمونه ( فاكهة الطلعه ) وهو إما أن يكون دب وإما أن يكون ما يعرف وشهو الجربوع ,,
كنا نجربع مره من المراريت وكانت هالليله قمره يعني تبطي ما اجهرت الجربوع وكل ما طرنا الجربوع يجحر ( يعني يدخل جحره ) كان معنا واحد من أهل مكه الله يذكره بالخير ويسمع الشباب يقولون ( جربوع جربوع لا لا جحر جحر ) المهم يوم انتهينا والصندوق مليان جرابيع قال ياشباب دحينه هدي كلها جرابيع ولا جحر
وووووووووووووووووسلامتكم ,,
ودمتم سالمين.
dob_113@hotmail.com
وشلون تجربع.
العرض العادي
