حديقه قوافي خيمه الشعر

[>ريانه<]

طالت الغيبه حبيبي ولا جيــــــت ** طالبك تكفى ارجع ورجع حياتــــي
وش علامك بعد الفراق مارديـــــــت ** اكيد العواذل شوهولك صفاتــــي
لكن بظل احبك لو ما دقيـــــــت ** ما انهي حياتي معاك يا غلاتـــــــــي

عساك تلقى بدنيتك من تمنيــــــــــت ** تحبه وتعزه ولا تحاتـــــــــــــــي
ويشهد الله من بعدك ما حبيــــــت ** احد كثر حبي لك يا مناتــــــــــــــي
اثاريك دوم في بالي ما حسيت ** وكنت احسبنك ممسوح(ن) من ذكرياتي
احترت انا مابين انساك ونسيــــت ** وكل ما غبت تجيني بسهراتــــــــي
ماعمره طلبني طلب وعصيــــت ** كنت اوافق من عيونه الناعساتـــــي
ياكثر مانويت اصد ولا صديــــــت ** فؤادي يرجعني عن كل قراراتـــــي
يوم كنت بهوا حبه ما نذليــت ** لكن غصب هجرني وتركني في معاناتـي
صحيح من فراقه شكيت وبكيـــــــت ** لكن ابدي فوق كل هذا كراماتــــي

[خــــا لـد]

كفاك نورا .. لا تسلط بالاضـــــواء
ترى عيوني تعشق النور خافــــــت

واحيان ابي ظلماء في كل الاجـــــواء
اخشى عليك من الحسد والتهافــــــــت

خــــا لـد

[pepsi]

يتعدل القاف لو مـا وده .. يتعـدل

يكفيني إني أسطّر صـادق احساسـي

أفضفض جروح تنكى قبل مـا تدمـل

وابعثر أوهام دارت في رحـى راسـي

وأشرب من أقداح فكري لين ما أثمـل

لا صار خمري خيالي ودفتري كاسـي

أخذ من الوقت ذكرى وحلم مستقبـل

للحاضر اللي توسد سطـر قرطاسـي

كل مره أكتب عن العشـاق واتخيّـل

حالي متيـم سعيـد ومغـرم يقاسـي

واليوم أبكتب عن اللي صابني في مقتل

وأحتلني بالرضى من ساسي لساسـي

واساير جنون عاشق مـا يبـي يعقـل

يموت في شوفتـي ويـذوب بانفاسـي

لا غبت عنه يطـوف بعالمـي يسـأل

ولا من لقاني يحـط اللـوم ويواسـي

مجنون في العشق ومعدن غيرتـه أهبـل

يحب ضحكي ويعشق صرَّة أضراسـي

ساعة أشوفه طفل مهـووس ومدلـل

وساعة أشوفه رصين وكالجبل راسـي

وفي كل الأحوال أشوفه أجمل وأجمـل

يا علّني ما انحرم مـن رقـة القاسـي

ما أظن شعر(ن) كتبته في حضرته يكمل

وأخاف من زود حسنه أعلن افلاسـي

[pepsi]

جمرة غضى .. أضمها بكفي

أضمها حيل . .

أبي الدفا .. لو تحترق كفي

وأبي سفر لليل

بردان أنا تكفى .. أبي احترق بدفا

لعيونك التحنان .. فعيونك المنفى

جيتك من الإعصار .. جفني المطر .. والنار

جمرة غضى

والله الجفا برد .. وقل الوفا برد

والموعد المهجور ما ينبت الورد

ياحبي المغرور .. ياللي دفاك اشعور

رد القمر للنور .. واحلى العمر .. في وعد

بردان .. بردان أنا تكفى.. أبي احترق بدفا

يا أول الحب .. شفتك أنا مره

واهديت لك قلب

ورديت لي جمرة

ومن يومها كان الرحيل

وليل الشتا .. القاسي الطويل

وآه يا الحنين

لليل باب له حارسين

برد وسحاب

[>ريانه<]

اليـوم صوتـي يناسـب لحظـة الفـرقـا
كانـك تبينـا نتفـارق .. خلّهـا الليـلـه

من ينتظره الشقـى .. لـو ينتظـر يشقـى
دام الشقا ينتظرني .. ليـه مااجـي لـه ؟!

ياقلبي المنتظـر .. مكتـوب لـك تبقـى ..
محروم حتى من اللـي كنـت تشكـي لـه

خـل المراكـب تسيـر ..و ودّع الغـرقـا
في موادع الحمْل .. راحة من هـو يشيلـه

اللـي يـدّور عـذر لفراقـي .. بيلـقـى
يامن نويت المفارق .. قبل تمشـي لـه ..

أرحل من احلامي اللـي قلـت لـك ترقـى
ومن روحي اللي ماعاد اعرف من هي له !!

ومن دفترك .. وأرتباك خطوطـه الزرقـا ..
ومن كل ضحكه , ودمعه .. فـي تفاصيلـه

أرحل .. و خذ ذكرياتـك معـك .. لاتبقـى
ساعدني أرجع لنفسـي كـان لـك حيلـه

علمتك الوصـل .. علمنـي علـى الفرقـا

محتاج لي قلب .. يشبـه قلبـك .. الليلـه

[خــــا لـد]

والله احبــك حب خالد لحطيـــــــــن
انتي اكتشفتيني .. وانا ما اكتشفتك
.
.
هذي هي الاشواق من دون تلويـــــن
ولا تزعلي لو من حبيبك خطفتــــــك


خــــا لـد

[pepsi]

بقلوبنا / نبض آمتلى حب وإحساس
............ محنا [ فقارى عاطفه ] يامواعيد

نبغى نحب . . ومشكلتنا مع / الناس
............ والثانيه / . . [ عاداتنا والتقاليد ]

في مجتمعنا الحب / محفوف باليأس
............ وجهة نظرهم عيب / وبدون تعقيد

ياذابحين الحب / . . . ماهو بنوماس
............ وقلوبنا للحب : صارت شواهيـد !

لا تذبحون الحب / وعروقه . . يباس
............. خلوه / يروا والضوامي مواريد !

وخلو السهر بعيون من صابه نعاس
............. يرسم على وجه الليالي تجاعيد !

وياجرح / تدري . . إني إنسان حسّاس
............. وإذا انجرحت آجيب في نفسي العيد

من عقب ماهي مشاركتني / بالأنفاس
............. الله وكيلك . . فرقونا / المقاريـد !

هم جرعوني . . لوعة الفقد بـ الكأس
............. وبكيت من حره على شيخة الغيـد

مكاننا . . آخر بقـآياه . . . . كـّرآس !
............. مكتوب فيه الحب أصبح عنا / قيد

كم لي أردد [ يامواعيد ] . . لا بأس !
............ وكم لي أغني [ يامواعيد ] وأعيـد

حسبي عليهم / أحطبوا حبنا . . بفـأس
............ وقصوا غصون اشواقنا . . والعناقيد

إلى متى . . واشواقنا بين [ الاقواس ]
............ لوعه / ودمعه / واحتضار . . وتناهيد

وإلى متى : حنا ضحايا . . لـ هالناس
............ وبحلوقنا غصة بقايا / . . تقاليـد !




,

[خــــا لـد]

سألني استاذ اللغه في البلاغــــــه ـه
يقول وش معنى .. ( تعدى حدوده)

قلت العفو .. تبي جواب او دلا11غــه ـه
ان كان تبغى الصدق ,,, يعني صدوده

خــــا لـد

[>ريانه<]

بــسألك يــادنيــا..؟؟ بس سؤال وصارحينـي..؟؟


ليــــه الأمانة بالقلوب في زماننا تحتضر ..!

وليــــه المحبة والمودة تنداس بأقدام البشر ..!

وليــــه الصداقـــة ذابلة ومن الخيانة لا مفر ..!

ولامن زرعــت الخيـــر في الدنيا يحاصرك الخطر ..!


ابســـألك ياا دنيــــــــاا..؟؟

ليــــه نلقى في زماننا جروح وأحزان وهموم ...!

ليــــه التفاؤل والفرح يبقى ثواني ما يدوم ..!

ليه العيون الخايفة ..!

وبعض المشاعر زايفة ..!



ابســـألك ياا دنيــــــــاا..؟؟


ليــــه دايم ننتظر ...!

لين آخر هالعمر .!

حتى الصبر

مل واختار السفر ..!

وما بقى إلا الهموم ..!

مكتوبة لك طول الدهر ..!



ابســـألك ياا دنيــــــــاا..؟؟

دامك الدنيـــا..ابسألك ..!!

يمكن ألقى منك جواب

أو يمكن بس أفهمك

أني تعبت من الهموم

وكل جرح من جروحي يعلمك ...!

انه تعود علـى العذاب

ابســـألك ياا دنيــــــــاا..؟؟

ليــــه في كل ابتسامة ألقى أمامي دموع ..!!

وكل دمعة من دموعي تطفي شمعة من الشموع ...!

وليــــه أرحل دام همي هو همي ...!

ما يتغير وما يزول ...

حتى لو حل الفرح هو ثواني ما يطول ..!



ابســـألك ياا دنيــــــــاا..؟؟

دامك الدنيا....أكيد عندك جواب

لكل سؤال وكل عتاب ....!!

ابســــــألــــــــــــك...؟؟


فهمينــــــــــــي..!!

بس سؤال وصارحيني.....كل الناس مثلي

أو أنا وحدي.....همومي تسري فيني



جاوبيني يا دنيـــــــــاا:,::,: ...!!

[خــــا لـد]

ودي بليل الحزن يقلب تسالي
ودي بأهل الحزن يمسون سالين

ماهو مهم احزن وابكي لحالــــي
اهم شيء ما شوف هالخلق باكيـــــن


خــــا لـد

[البراق999]

أنا جيت بظما عاشق تعب يطرد سراب اللال
أنا جيت استفز رضاك من فرقاكوالجا لك

أنا ما همت بك عاقل أنا كنت اعشقك بخبال
أنا ما كنت احبك حي أناكنت اعشقك هالك

تخيل من كثر ما اخاف تلقى للزعل مدخال
أخاف اخطي على طيفكوادوس برجلي ظلالك

[خــــا لـد]

احمل براسي للمفاهيم تيجــــــان
واسخر من الدنيا .. وافاخر بدينـــــي

خــــا لـد

[البراق999]

شــى بقلـبـى يـــا مـــلا حـايــرن فـيــة
شــىء تحـيـر ابــة الـعـقـولالفـهـامـى

مـخـفـيـة بــفـــوادى ولا ودى ابــديـــة
وادور الـخـيـراتشــرقــن وشــامــى

احتـرت بــة مــا شـفـت شــى يحالـيـة
والـيـومابنـشـد عـنــة مـانــى بـكـامـى

[خــــا لـد]

ما دامها فلة حجاج وتهانـــــــي
ودي اهنيكم بشهر الصيامـــــي
.
.
.
والله ماهو قول قافي حدانـــــــي
الا اني اهواكم .. وانتم حسامــــي


خــــا لـد

[>ريانه<]

ماقد طلبت وقلت لك مقدر اعطيك
ولاقد جرحت وقلت لك : انت جاني
.*.
وماقد سهرت الا وعيني تراعيك؟
ولاقـد رقـدت الا وطـيـفـك لـفـانــي
.*.
بس الغريب اليوم ماعاد اعنيك
وماعاد تفرق لوشكيتـك زمـانـي
.*.
بي دمعة ٍ لو شفتها يوم تبكيك؟
صارت بغيابك ماتـفـارق مـكـانـي
.*.
دمعة غريبه يوم حلت خطاويـك
سالت تـقـول الـيـوم خـلـي نسانـي
.*.
حتى الدمع بعيون خلك يناديك
دمـعـي على فـرقـاك واللـه كـوانـي

.*.
اربع ثواني عشتها هايم ٍ فيك
هـذا وهي ياصـاحـبي (4 ثواني) !!
.*.
وشلون لازادت ليالي بطاريك؟
خـايـف مـع الايـام انـسـى اخوانـي
.*.
ليتك تشوف الدمع بعيون مغليك
يـمـكـن مع الايـام تـرجع عـشــانـي
.*.
وكانك رجعت بيوم ماعاد ابغيك
خلاص يكفي مامضى من زمانــــي
.*.
اول شريتك يوم انا مغرم ٍ فـيك
واليوم بعتك يـوم قـلـبـك نـسـانـــــي
.*.
دور على غيري يحبك ويغليك
حاول تحـب وتـخـون انـسـان ثـانــي
.*.
ماهو خطأ قلبي اذا قام يبكيك
هذا خطأ حـظـي وغـلـطـة زمـانـي !!