₪ دمـﯙ؏ تـבـتضر فيـﮯ בֿـژآئن آڷآيــآم .. ™ ‏

[Ṥẩђฮř]

احس اني بحلم وابصحى منه في يوم من الايام ...!!

[Ṥẩђฮř]

ودي باحد يعطين ذاااااك الطرااااااااااااااااق ويقول صدقي وفكري صح <<< لا عاد امزح اللحين يجي صدق هع <<خافت

[Ṥẩђฮř]

اليوم يوم كئيييييييب جداا ...
نمت تقريبا 9 ونص الصبح ..
وووو
يالله قمت من الكسل ..الساعه 4 العصر ..ولا نزلت على طووول جلست بغرفي ثم نزلت الساعه 5

وجيت اساعد بالمطبخ ..واليوم سويت بس صنف واحد .. مالي خللق ابد ..

وافطرنا وجلست مع اهلي شوي ..ورقيت لغرفتي ؛؛<<اليوم مالي خلق اشووف احد بنوووب ,,

وقعدت لي شوي وقمت اتروش علشان انشط شوي ويروح اللي كاااتم صدري <<<

وقعدت احوووس شوي فوق ..ثم نزلت لهم .. وقعدت شوي معهم .. ماجازتلي سواليفهم وازعاج التلفزيون مشغل وهم يتناقشون بمواضيع ..

قلت خل اطلع ..بالصاله <<وقعدت لحاااالي <<<صايره احب اتوحد مااحب اشوف احد او اسمع سواليف <<من حيني متضايقه بلا زحمة حككيي,,,

وجلست بالصاااااله وامسك ياتفكير وخوذوا وخلواااا ......!!

قلت خل اطلع للحوش يمكن يستاسع صدري .. بس ماااش كله واحد ..

ورحت اكلم صديقتي منال .. وقالوا اهله تعبانه ...<<الله يقومه بالسلامه ,,

وارجع لموطني وموطن غربتي <<<غرفتي اللي ماابطي وافاارقه <<وماادري انا ارجع له او لا...!!

وافتح اللاب او على ماتقول اختي <<<عدووووك <<هي تسميه كذاا ..

ايه واتصفح شووي بس ماااااااش قلبي يوجعن ..ومنكتتتتتتتتمه ...

الله يفرجهاا علي وعلى كل مسلم يااااااااااااااااااااااااااااااااااااااارب ,,,.....!!

وبس هذا يومي ..!!

وابروح اشوف امي تبين ....!!

برب ..

[Ṥẩђฮř]

اقتباس: الذين يشاهدون محتوى الموضوع الآن : 2 ( الأعضاء 2 والزوار 0) ‏Ṥẩђฮř , ‏ĵềŗǿαђ

منووووووووره المدونه بطلتكـ لاعدمنااااااااااكـ

[Ṥẩђฮř]

من الفجر وانا اتصفح هالمدونه

مدونة عبدالله بريدة ابهستر وابسذب وابفحط ماعليكم مني

12 صفحه ...بس ياهو عليه قصص خياليه <<<هـــــــــ ع


وتوي قاضيتن منه

[Ṥẩђฮř]

ربي ~

في هذا الصبآآح . . .
...........آسقِ آحبتي " الفـــــــــــرح " دون إكتفاء
فـَ إني . . " آحبهم فيك " . .
فـَ لاتريني فيهم بأسآ يبكيني ...

[Ṥẩђฮř]

آللهمّ

طهّرني من الحُزن و بَعثرة الخطايا !
وَ اوهبني يَ االله / نسْيانا ( )

[Ṥẩђฮř]

...الذين يشاهدون محتوى الموضوع الآن : 4 ( الأعضاء 3 والزوار 1)
‏Ṥẩђฮř , ‏مهسترهـ ع اصول , ‏الكيان الشامخ


منووووووووووورين لاعدمتكم

مهستررره مشكوووره اااد الدنيااا ...

[Ṥẩђฮř]

●●يـآاااااارب ع‘ـــــــــفـوووك ~●●
[,]

[Ṥẩђฮř]

عذراً لـ" نفسي "



عندما..

يضيق صدري، وتتزاحم الهموم في قلبي..
وأشعر أنه لا أحد ممن حولي يستمع إلي ويفهمني..!!
فألجأ إلى البكآء لا إلى أيأحد.،
وأهدر كثيرا من حقوقي...وأصمت..

وسحقآ لـ" صمتي "



عندما..



يمنعني لساني عن التحدث..

رغم أن هناكـ كلمات تود الخروج ،تود التحرر ،ولكن لا يمكنها ذلك..!!

عذراً لـ" أحبتي "



عندما..


تجرح كلماتي المتهورة قلبًا بريئًا..
ولكن لاأكتشف ذلك إلا بعد فوات الأوان..!!

وسحقآ لـ" أنانيتي "



عندما..



يتحدث معي أحدهم بحرارة ،
وأنا غارقٌ في عآلمي..!!

عذراً لـ" أحبتي "



عندما..


يقدم لي أحدهم يد العون ،ويبذل جهده في مساعدتي..
وفي النهاية لا يجد مني كلمة شكر..!!

وسحقآ لـ" ضعفي "




عندما..



يقع الظلم أمام عيني..
ولا أملك حيلة .. سوى المتابعة بـِ صمت..!!

عذراً لـ" أحبتي "



عندما..


أسيء التقدير ،وأسيء الفهم..
وأسبب لأحدهم الكثير من المتاعب..!!

عذراً لـ" قلبي"



عندما..



أفارق الشخص الذي أحببته دائما..
وأنا لم أودعه حتى..!!

عذراً لـ" أحبتي"


إن رحلت دون أن أخبرهم...
فالرحيل لن يخبرني قبل أن يأخذني ..

Ṥẩђฮř<<<

[Ṥẩђฮř]

اضحڪ .. لامني ذڪَرت ؟ ايامنا الحلوه

وليا ذڪَرت انها راااحت ! .. جلست ابڪَي ( )



ياحسرتتتتتتتتتي ... كانت ايام روووعه

[Ṥẩђฮř]

بدأخليْ عبرٍة لهأ يومينْ / تخنقنيْ ,
وبداخليْ دمعة عنيدةِ حآبسةِ هميْ !




***

[Ṥẩђฮř]

بـــــــــرررررب

[Ṥẩђฮř]

لقيت مدونتي محلوتتن باخر الصفحه الثانيه

وماشاء الله كل ماجيت اثره به احد ..

اقتباس: الذين يشاهدون محتوى الموضوع الآن : 2 ( الأعضاء 1 والزوار 1) ‏Ṥẩђฮř

بس هالمره زائر واحد شكل الناس نوماا هع ..

[Ṥẩђฮř]

ايه وماجابن انا هالوقت الا الارق وقل النووم

ماجاني النوم قلت خل اروح اخربط بالمدونه

اسولف بامس .. امس يقهر شوي

خل اقول اليوم بالتفصيل الممل ,,,

قمت الساعه 4 العصر وسيداا عالمطبخ ..

كان يومي الطبخ ..
وعجنت للبيتزاء وللفطاير <<البيتزاء شي اساسي ببيتنا لو مااسويهاا كان مايفطرون ياكافي

وقعدت انتظر العجينه تزين <<تخمر رقيت فوق وفتحت اللاب وسيدا لمنتدى بريده ومنتدى ؟؟؟

ابشوف الناس ذولاك متى دخلوا وطلعوا ..

عاد اني شفت ونزلت تحت

قعدت مع اخووي سسسس لي شووي بعدين رحت للمطبخ ابدا بشغلي
وزينت البيتزا وزينت فطاير لحم وفطاير جبن .. يوم خلصت واقوم ازين ذااك اللي يسمونه مخباة التاجر هع

وبسرررعه خلصت وقعدت اجهز الفطور مع خواتي ..

واولم لاخووي من اللي زيناا <<لازم ياخذ معه للاستراحه كل يوم

ويوم افطرت

واقعد مع اهلي عند طاش اليوم تقل انه ازين من الحلقات اللي فاتن ..

عاد كل طاش تلهد هالسنه ..

ايه يوم ذاااا وجي اروح اتبطح بالغرفه الثانيه .. كنت ابنام لاني ماشبعت نوم ومرهقه

بس التفكير يخلي احد مرتاح .. ومن جنب لجنب لمين اذن العشاء

ولا رحت اليوم للمسجد تعبانه شوي ارهاق

وقعدت اولم لهم لاجوا من الصلاة لا زم فواكه وفطاير وكذاا من اللي مسوين ..

وقعد بالصاله هوجيس لي شوي وجاء ابوي واهلي من المسجد

واروح اقهويه
وجي اقوم اروح فوق واقعد مع اخواني عند باب الحاره

<<< هالسنه مااتابع شي كسسل ..
بس فيه مسلسل شكله حلوو اسمه زواره الخميس بس ماتابعته اشوف مقتطفات منه بس

ايه واقوم افتح النت شووي .. بس كسل مابه احد يونس وسكرته

يوم ذاا وانزل تحت اثره البيت فاضي وين الناس ..

واروح لغرفة التلفزيون اثر اختي الصغيره به قلت وينهم قالت من زمان راحوا

قلت وين ..

قالت .. امي راحت للمستوصف مراجعه

واختك المصون راحت تمشى مع الحبيب اخوك ..

ولا قلت لك ادري تبي تعيين تطلعين

قلت وابوي قالت راح لسوق التمر يبي يشري يكمل الثلاجه

قلت اوكي واجلس معها شوي

يوم دريت وجي يدخل ابوي واخواني

وينقلون من هالكراتين .<<<اقاله جاب شوي

ايه واروح انادي الخدامه تساعدن عليه ..

ومادريت الا امي جت وجي تقعد معنا تزين

يوم شفت الساعه اثر جاء وقت السحور اشب على اللحمه بالكاتم طبعا هع

وازين خضار وسلطه ..واغسل الرز وانقعه .. وكذاا

وجي وارقى فوق ابسولف مع ذولاك النااس ولهتن عليهم

ابشوف اخبارهم

وبسم الله لا فتحت النت راح الوقت خصوصا لا صرت مستانسه

وفيه احد يستاهل

عاد وجلست اسولف مع الغالين ..صدق اني انصدمت باشياااااء .. بس يالله ياكثر الصدمات اللي شفته بحياتي

صدق تتعب بس يقولون انه كل ماتتعبك تقويك وانا اشوف العكس ,,,

ايه وسواليف لمين 2ونص .. وجا وقت ازين الرز ..

عاد سكرت النت ونزلت تحت وزينته بسرعه ورحت اتروش يوم خلصت نزلت واثرهم حاطين السحور ويحترونن اجي اتسحر

قلت تسحرواا ماابي

وامي ضاق صدره يابنيتي تعالي مااكلتي شي حتى فطور زي الناس ماافطرتي

قلت يمه والله مااشتهي تسحري انتي والله كاني متسحره

واقوم اشرب لي كاس مااء ..

واذن الفجر ورقيت اصلي وقريت قران الى ان اسفرت ...

وافتح النت وسواليف مع البنات

وقلت خل ادخل اخربط بمدونتي لمين يجين النوم

وبس وهذاا يومي

الساعه 9_13 ص ..

اليوم 8/9 / 1431هــ



‏Ṥẩђฮř