وين انتي ؟؟؟؟؟؟؟؟؟؟؟

[راعي العنود]

بسم الله الرحمن الرحيم

اخواني واخواتي : السلام عليكم ورحمة الله وبركاته .........


دائماً وأبداً سيكون لبريده الأحقية والأسبقيه .....قصيده جديده أرجوا أن تحوز

على رضاكم كما يشرفني أن يكون ظهورها الأول منتدانا الحبيب منتدى بريده..




يامن عذل قلبه المغـرم ولا طـاعه ### ماكنه الا عشـق من وقتـه اللوعه

كم مرة ٍ عن همومه حاول إقناعه ### كم مرة ٍ ينصحه ما يصغي سموعه

عليه جـار الزمــان وغــيّر اطباعه ### من فعـل سود الليالي صابته روعه

استوحش الدار مايبغى بها طماعه### واستعذب الليل يسهر مَسنده كوعه

ما كـنه ا لا بدار ٍ كــثرة سـباعه ### جـاها جفـاف ٍ شــديد ٍ زوّد بجـوعه

قلبي رضى بالشقى يستوطن بقاعه ### يحيـطها بالجهات الأربع ضلوعه

قلبي يحـن وحنــينه زوّد أوجـاعه ### ما كنه الاعـزف للحــزن مقــطوعة

كنه غرير ٍ بكــاء من فقد رضاعه ### توّه صغــير ٍ ولا كمــل له اســبوعه

وين انتي ياللي بك الأشواق ملتاعه ### وين انتي ياللي بوسط القلب مزروعه

وين انتي ياللي عيوني منك دمّاعه### هو انتي عن شوفتي يابنت ممــنوعه

والنيّــه الطــيبه ما هــيب منّــاعه ### عــن نيـة ٍ ســيئه بالنــاس مطــبوعه

ذي قصتي مع خفوقي ساعه بساعه ### وش حيلة اللي خرج قلبه على طوعه



وسلامتكم ............

أرجو أن تحوز على رضاكم ..............وتسلمون .......




مع تحيا1111111111تي ..

[الشقردي]

عذب الشعر

و


عذب الاخلاق
0

0

اخوي الغالي راعي العنود00000

هلا والله وغلا

صح لسانك وكلك

هي العادة قصيدة عذبة وجزلة

يابو صالح ما شاء الله عليك ينبوع يجري شعراً عذباً

لله درك

عندما تحظر تحظر العذوبة

نستمتع

ونطرب

شكرا ملايين يالغالي

حيثك طلبت منا الحيله خذها

استلم والمعذره من القصور

0


0
حي الله اللي بحيله زيّن اوضاعه

------------- الصاحب اللي قليل طبعــــه ونوعــــه

الحيلة ان صار ظبيك وسط مرباعه

------------- اعرف هواها عدل لاتكون مصروعه

القلب وان جاع يلزم خلك اشباعه

------------- لو قست بالشبر حبك قاس في بوعه

هذي هوى الروح وهي العشق بانواعه

--------------- كنّه من الفل والريحان مقطوعـــه

وسط الضماير تفل بقلبك اشراعه

-------------- تبحـر مع الغربي بدنياك متلوعـه

ان كان قصده هجر لاتحاول ارجاعه

------------- وان كان قصده غلا ياحلوه ميوعه

وان كان هي فزعة جيناك فزاعه

------------ ترى الشقردي معك يحاول ارجوعه


وسلامتكم 0000

الشقردي

[مـ وميلاد ـو عد]

أخي المتميز جدا : راعي العنود

من بين غمائم الأحرف هطلت إبداعا

و أرتوت أرض الشعر منك بعد جفاف

عاد إلى الأزهار ربيعها النضر بحضور مثل هذا النص الرائع

تقبل تحياتي

و فائق إعجابي

أخوك : أبو محمد

[عصي الدمع]

كفو والله يا ( راعي العنود )

والله رائع وصف للحال ولا أروع . تسلم والله .

[أبو أنــــس]

قصيدة رائعه وهذا ماعهدنان عليك ياراعي العنود وقصائدك الجزله00

[الذهبي]

ماشاء الله دائم مبدع

[راعي العنود]

السلام عليكم .............

اخوي وحبيبي : أبوسلطان ...................ياهلا والله ومسهلا بك يابعدي ..

تشرفت بحضورك وتواجدك ,,,, صح بدنك والله يسلمك ,,,

وعاداتك ماشاء الله والله تحرجني دائما ردودك احسن من قصائدي الله يحفظك.


تسلم والله يابعدي ......


مع تحيا11111111111تي ..

[مجنونة المجانين]

ماخذ بالحب ثلاث اصفار...

انا هنا بمنتدى بريده...

تسلم راعي العنود..


لاتدعي الحب وينك ووينه
توك بديت وتدعي فيه سلطان
تكذب على نفسك وتكذب علينا
وتقول في حبي أنا اليوم حيران
حبك رفضته والخطايا كثيرة
واللي تمادى في خطا اليوم خسران
اللي عشقته أحكي عن العشق عينه
وإن كنت ماتبي ترى العشق نيران
كلمة صراحه والمشاعر حزينه
احنا انتهينا وشعرك خير برهان



تشكرات مليار

[راعي العنود]

السلام عليكم ............


اخوي الحبيب:مـ وميلاد ـو عد........................ياهلا والله ومسهلا بك يابعدي ,,

وشرفتني يابومحمد .... والله يسلمك ,,,شكرا لحضورك وتواصلك الله يحفظك..




مع تحيا1111111111تي ..

[راعي العنود]

السلام عليكم ........

اخوي ومراقبناالحبيب :عصي الدمع ................ياهلا والله ومسهلا بك ..

شرفتني طال عمرك والروعه هي حضورك يابعدي ..



مع تحيا1111111111تي ..

[راعي العنود]

السلام عليكم ..........

اختي : ساره ..................ياهلا والله ومسهلا فيك .....

شرفتي موضوعي الله يحفظك وشرفتني كلماتك الطيبه ........وتسلمين ..



مع تحيا11111111111تي ...

[محمدالمويعزي]

(راعي الشعـــــــــــــــــــــر)

عبدالرحمن البطي

أبوصالح

كم أعجبني هذا البيت:-

قلبي رضى بالشقى يستوطن بقاعه ### يحيـطها بالجهات الأربع ضلوعه


وأيضاً:-

كنه غرير ٍ بكــاء من فقد رضاعه ### توّه صغــير ٍ ولا كمــل له اســبوعه


وأيضاً:-

ذي قصتي مع خفوقي ساعه بساعه ### وش حيلة اللي خرج قلبه على طوعه


تدري ياراعي (الشعر)

وبرب محمد إنها قمة الإبداع من رأسها إلى أخمص قدميها
ومن يقول غير ذلك (ماعنده سالفه) وانا خصيمه.

شكراً ياأبو/صاااااااااااااااااااااااااااااالح كل الشكر عليها.
.

[راعي العنود]

السلام عليكم ...

اخوي ومراقبنا الحبيب : الذهبي .......................حياك الله وهذي الساعه المباركه اخوي ..

وتسلم ,,,,




مع تحيا11111111111تي ..

[معاهدات]

الجميل جدا راعي العنود


ونحن معك نحيل السؤال لم أراد لنا التعب في وقت ينعم هو بالراحه !!!

[راعي العنود]

السلام عليكم ............

اختي : مجنونة المجانين ...............................ياهلا والله ومسهلا بك اختي ..

يؤ يؤ يؤ يؤ يؤ :2: :2: ثلاث أصفار ياستار؟؟؟؟؟؟؟؟؟؟؟؟

وشلون انتي بمنتدى بريده ؟؟؟؟ أحد قال انك بباريس خخخخخخخخ



مع تحيا1111111111تي ..