ياجماعه والله مستحي أخطب بنت ... من أهلها على سنة الله ورسوله . وش الحل

[صحاري نجد]

السلام عليكم

يأخوان أنا مستطيع الزواج جسديا وماديا ولله الحمد ودي بالزواج الليله قبل باكر لكن الاهل رافضين يخطبون لي يقولون أخاف تفشلنا وأنا ولله الحمد ملتزم لا سهر ولا إستراحات ولا سفريات ‘ عاد مالكم بطويلها ودي أخطب بنت .... مدري وشلون الطريقه هل أروح لأبوها وأبطها على طول وإلا كيف حتي ياللاسف مالقيت أحد يشجعني أو يروح معي يساندني , انت توك صغير ومن هالكلام تكفون عطوني حلول على طريفة الخطبه ؟

منتظر حلولكم

والله ثم والله إن أكلمكم جاد

[نـدى الـورد]

:


اذا هذي صورتك

فــ انت ب الفعل صغير

ولا اعني صغير بــ الممارسات الزوجية

وانما تحمل المسؤولية

ولو إنني أب لفتاة تود ان تخطبها

لرفضت... بكل بساطة

لعدة اسباب

[ابو عراده]

رح لأبو البنت واخطبها على طول وتراهم لايعضون ولاعند بابهم تسلب يعض وإذا تبي اروح معك اجسرك ماعندي مانع .
بس عليك بالحافزيه أو وحدتن من اللي وظفوهن مزارعات قبل كم يوم ويافلب لاتحزن

[هنري]

اقتباس:  المشاركة الأصلية كتبت بواسطة نـدى الـورد     : اذا هذي صورتك فــ انت ب الفعل صغير ولا اعني صغير بــ الممارسات الزوجية وانما تحمل المسؤولية ولو إنني أب لفتاة تود ان تخطبها لرفضت... بكل بساطة لعدة اسباب

أضحكني ردك سيدة ندى

................

عموماً ياصديقي، لانعرف عمرك وحالتك المادية والإجتماعيه. حتى الآن لاتقدم على خطوة بدون رضى والديك.

[الصيااد]

اقتباس:  المشاركة الأصلية كتبت بواسطة صحاري نجد     لكن الاهل رافضين يخطبون لي يقولون أخاف تفشلنا منتظر حلولكم والله ثم والله إن أكلمكم جاد

أهلك ابخص ....!

وانتبه لاتروح لأبو البنت ... كم طالبا عود مطلوب ...

[نـدى الـورد]

اقتباس: أضحكني ردك سيدة ندى

جميل ... جميل

ان نرى " ضروسك " هنري من الضحك

رفض الوالدين لتوافقهم مع رأيي

هو يحسب الزواج خبط لزق واذا ماعجبته مع السلامة

ماسأل نفسه كيف بيعيش بنت الناس ؟

ومن فين يصرف عليها؟

وين يسكنها؟

وكيف يستقبل اولاده في المستقبل؟

الزواج حجمة كبيرة جداً ولايمكن ان يأتي واحد كما صاحب الموضوع ويقول

ابي اتزوج فقط لأنها فكرة راودته للحظة

هو حتى شكله لساعه في صفوف الدراسة
,

[لسان الطير]

الزواج الان ليس كلاما يقال
وليست نزوه عارضه
والزوجه تريد ظهر تستند عليه

[جبل السكر]

تفشلهم !!
سبب غبي مع احترامي للأهل
روح وربي معك وييسر لك ولاتستنى احد

[bant tamim]

..... اولا فكر قبل ماتتسرع وتتقدم بأي خطوه ادرسها من جميع النوآحي لانه زوآآآج مولعبه..

ثانيا اهلك من كلآمك رآآآفضين كيف تروح تتقدم لاهل البنت من غيرموآفقة اهلك ورآح يسأل ورآح يشك بوضعك وبيرفض عارف ليه!!


1يعتقد انك لعآب وماعندك نية زوآج
2مارآح يوآفق لان اهلك مورآضين اللي مافي خير لأهله مافي خير لبنت النآس ورآح يسأل لان مارآح يعطي بنته لاي وآحد..<<بيكون تفكير ابوها كذا

3 من كلآم اهلك انك توك صغير الزوآج مسؤليه كبيره ومارآح تستوعبها لا لاطاح الفآس بالرآس ومايبغي بنته ترجع له مطلقه بزوآج متسرع من غير تفكير لعوآقبه...

اذا انت ودك بالزوآج كلم اهلك كم مره ولاتتقدم الا بموآفقتهم ولو تكون بين الحريم احسن من انك تتقدم لابوها وتتحطم افضل لكم جميعا......<<يمكن انت ودك بحل كيف تتقدم لكن مايمنع ننصحك ونقول لك سلبياتها ع حسب كلآمك عشان ماتصندم برد ابوها يوم تتقدم...


وبس ربي يكتب لك اللي فيه الخير.....

[جبل السكر]

اقتباس:  المشاركة الأصلية كتبت بواسطة نـدى الـورد     جميل ... جميل ان نرى " ضروسك " هنري من الضحك رفض الوالدين لتوافقهم مع رأيي هو يحسب الزواج خبط لزق واذا ماعجبته مع السلامة ماسأل نفسه كيف بيعيش بنت الناس ؟ ومن فين يصرف عليها؟ وين يسكنها؟ وكيف يستقبل اولاده في المستقبل؟ الزواج حجمة كبيرة جداً ولايمكن ان يأتي واحد كما صاحب الموضوع ويقول ابي اتزوج فقط لأنها فكرة راودته للحظة هو حتى شكله لساعه في صفوف الدراسة ,

مراحب ندووش ازيك

يقولك يستطيع والزواج في نفسه
مع العلم هدا السبب الرئيسي في ضياعهم
ومااكتر يلي اتزوجو في سن 18 وعاشو حياتهم
ليه نستغرب طلبه رغم انو شيء طبيعي وسنه معقول للزواج




تحيتي

[نـدى الـورد]

وووينك وين ايامك جبل سكر

وحشتيني مووت وكل الأماكن ولهانه عليك

اقتباس: يقولك يستطيع والزواج في نفسه

جبل سكر انتي اعلم مني ان الزواج يتطلب الكثير

ومنها النضج العقلي وكما ترين صاحبنا بداية السن العمرية للشباب

ولا اتصور انه موظف وله قووت يوم من عرق جبينه

لاتقولين عنده...

أكرهه ما اشوف الشباب في هذا العمر يقول ابوي عندي ويصرف علي

ينتظر 3 سنوات ويشوف نفسه ويركد عقلياً ويتوظف

وعقب كل بيت يتشرف فيه زوجاً لبنته

.

[ألمــاس]

امم اذا انت تقدر تتحمل مسؤليه زوجه وبيت واطفال فحاول تقنع اهلك
بس انك تروح لحالك تخطب هذي اللي عجزت اهضمها
وين عايش الله يصلحك

[جبل السكر]

اقتباس:  المشاركة الأصلية كتبت بواسطة نـدى الـورد     وووينك وين ايامك جبل سكر وحشتيني مووت وكل الأماكن ولهانه عليك موجوده لكن بشكل تاني يسعدك ربي ويكرمك وإنتي اكتر والله جبل سكر انتي اعلم مني ان الزواج يتطلب الكثير ومنها النضج العقلي وكما ترين صاحبنا بداية السن العمرية للشباب ولا اتصور انه موظف وله قووت يوم من عرق جبينه لاتقولين عنده... أكرهه ما اشوف الشباب في هذا العمر يقول ابوي عندي ويصرف علي ينتظر 3 سنوات ويشوف نفسه ويركد عقلياً ويتوظف وعقب كل بيت يتشرف فيه زوجاً لبنته .

طيب ندوووش بدي الحاله ايش يعمل
انا ارى بأن اي شخص يفكر بالزواج بهذا السن فهو شخص عاقل
وفكر بطريقه سليمه لإنه اراد ان يتجنب طرق اخرى قد لاتسر

و ارى بأن الزواج ليس له سن معين طالما الشخص يرى بأنه مؤهل للزواج وقادر على تحمل تبعاته
ولا اعتقد بأن هناك من يجهل ماذا سيكون بعد الزواج من مسؤوليه وانجاب ونفقه ومصاريف ووو

وياستي فيه اشخاص تعدو مرحلة النضوج ولازالو يجهلو ماهية الزواج
فلانظلم صغار السن ونتهمهم بالقصور العقلي


تحيتي

[يزيد 2011]

تبي نصيحتي وانا اخوووك لا تعرس الا اذا صااار عمرك 31 او 32

استاانس بعمرك وممدي ع الشقى ...


بالتوووفيق ....

[سالي رجب]

موووووووووووفق يااارب