مقالب حلوة لاتفوتك!!!!!!!!!

[كرباج]

ياهلا والله ومسهلا يالله حيهم اسفرت وانورت
ابكتب لكم بعض المقالب اللي قريتها واعجبتني وفطستني من الضحك وان شاء الله بتفطسون انتم بعد بس يارب ماتكون قديمه ويطيح وجهي


المقلب الاول:-

يقولك فيه مجموعه شباب عزاب في مسكن واحد لظروف العمل وكان واحد منهم ينام مبكر وهم يبونه يسهر معهم فمره وهو نايم وحاط يده على خده حطو صمغ شديد القوه على طرف يده من جهة الخد وبعد ماقام ماقدر يفك يده وراح للمستشفى وعملو له عمليتين الاولى لفك اليد والثانيه للتجميل




المقلب الثاني:-

فيه بشكه قصمنجيه رايحين رحله للطائف وشف الخير والرزق والأمطار عندهم..............مره جابوا برشوم ( صبار شوكي ) طازه من المزرعه بقشره ومعهم واحد طعس ما يعرف البرشوم.......... الأنذال سووا فيه مقلب مستغلين طيبه قلبه......سألهم : شلون اقشره؟؟؟؟؟؟؟؟؟ قالوا: قشره بيدك .......... المسكين طار الشوك بيديه ووجهه وقعد يصرخ من الألم قالوا له (اصدقائه المخلصين) ادعك وافرك خشتك بالقشر عشان يروح الألم........ ما درى الا والألم يزيد وانتفخت خشته واخيرا كسر خاطرهم وحطوا له ثلج يبرد عليه......... لكن بصراحه كان مقلب أليم جدا



المقلب الثالث:-


مقلب ثقيل شوي ( ومن المقالب ما قتل)

فيه شله كشتوا للبر وبغوا يمزحون مع واحد منهم............. حفروا حفره بالليل وجلسوا واحد منهم فيها ودفنوه بحيث ما يطلع الا راسه وباقي الجسم تحت الارض وحطوا فوق راسه قدر وبعدين ارسلوا اللي يبون يمزحون معه للقدر عشان يجيبه والمسكين ما درى وش يحتريه رفع القدر ما درى الا راس صديقه ثم طاح مغمى عليه الربع خافوا وطاروا به للمستشفى ويوم وصلوا هناك تذكروا انهم ناسين خويهم هناك(المدفون) يوم راحوا له لقوا القدر على راسه ورفعوا القدر لقوه ميت مختنقا ورجعوا للمستشف ى اللي علمهم بوفاه صديقهم الثاني (اللي لعبوا فيه المقلب)



المره ذي ماراح اضحك راح اسوي كذا:4: فعلا فيه شباب مزحهم يابس


المقلب الرابع:-

مجموعة شباب طالعين رحله للبر معهم واحد(خواااااااااف)بغو ربعه يصلحون فيه مقلب.......يوم جت حزة النوم حطو في فراشه عقرب محنطه

يوم جاء ينام قرصه واحد من العيال في رجله وصرخ(الخوااااف)اااااه وش ذا؟؟؟؟؟؟؟؟ قالو اخوياه:ياويلك يافلان عقرب تبي تموتك .........صدق المسكين وقال:ااااااااه السم بدا يسري بجسمي .............قالوا: يالله للمستشفى بسرعه قبل لا تموت...........وهو يصرخ : ااااااااااه السم وصل نص ساقي اه اه اه (خرااااااااط)

يوم انتصف الطريق قال : السم وصل بطني (كذوووووووووووووب) وهم يقولون له: تصبر.تصبر ويوم وصلوا الشله للمستشفى وهو يصيح: يا شباب حللوني انا ابموت اشهد ان لا اله الا الله وان محمدا رسول الله ..............في هذه اللحظه ما قدروا الشباب يكتمون ضحكاتهم وهم يقولون له: قم يا نصاب ما فيك الا العافيه





تحياتي كرابيج

تشااااااااااااااااااااااااااااااااو

[بردقانه]

حلووووووه هذه المقالب التي اتمنى عدم تكرار العنف فيها.

وعلى طاري الطائف كنا في رحله اليها بصحبة الاهل . المهم كانو عندي اخوان

اثنين تقريباً متقاربين بالعمر. وسكنا بإسكان على خط الشفاء عباره عن بيوت

جاهزه متشابهه جداً المهم مالكم بطواله. قامو اخواني لصلاة الفجر وصحو

اولادهم وطلعو للصلاة ولما رجعو الاثنين سوى كانو يسولفون بيناتهم ويقولون

ان هاالجحوش ما صلو قال اخوي الكبير انا اوريك بهم هالحين . المهم انهم دشو

البيت واحد منهم راح دورة المياه وانتم بكرامه والثاني دخل للمقلط وقام يصحي

النائمين ويقولهم اصحو يا لله وين الصلاة يالي فيكم ما يخطيكم المهم وهو قاعد

يصحيهم واذا هاك الرجال الكويتي واقف بالباب ويقول عسى ماشر وشفيكم

الاخوان سكارى المهم ان اخوي ضاع بثيابه من الفشيله وكيف يطلع اخوي الي

بدورة المياه .. صارو الاخوان داشين بيت يشبه بيتنا . المهم ان السالفه كانت

طويله واعطيتكم ايها مختصره وصارت صداقه حميمه نحن وعائلة الكويتي الى

هذه الساعه..


تحياتي وفائق احترامي. بردقانه

[كرباج]

هلا بالبردقانه

اشكرك على اضافة المقلب الحلو


والله من المواقف بعد عندي بس عطوني وقت


شكرا لك

[اسير الشوق]

ههههههههههههههه
حلوه مرررررررررررررره

[الــــــشبل]

هههههههههههههههههههههههههههههههههههههههههههه