[grade="8B0000 FF0000 FF7F50"]ولا أنته ولا غيرك ولا حتى السنين السود
تخلي دمعتي تنزل على خدي وأكفكفها
أناأدري منيتك أن تشوفيني وأنا مهدود
ولكن أغسلي يدك محال دموعي أذرفها
أحبك! كنت أنا أحبك وحبك كان بي موجود
ولكن عشرتك هالحين أنا من القلب عايفها
عطيتك كل ما أملك ولا فكرت بالمردود
وكلما تصدميني بجرح اقول احباب طوفها
تقولين الخطأ وارد وأنا اقول الصبر بحدود
وتقولين البشر تخطي واقول الناس عارفها
اعرف اللي ربا طيب واعرف اللي ربا بجحود
واعرف اللي سعا لأرضي مصالح بأرضي شايفها
وناسٍ لو تسولف لي أصدقها بليا شهود
وناسٍ من كثر كذبه بدون أسباب احلفها
وأنتِ منتي أولهم ولا أنتِ آخرالمطرود
ولاأنتِ درس علمني عطايا القلب أطرفها
انا ربي وهو ربك وهو الخالق المعبود
خلق نفسي عشان إني على الصعابات اكلفها
انا ماني هذاك الي اذا ضاقت عليه يعود
انا يا الضيقه تنسفني ياما الضيقه انسفها
نصار الظفيري..[/grade]
العرض العادي
