العودة   منتدى بريدة > منتدى التصوير > منتدى التصوير والرحلات السياحية

الملاحظات

إضافة رد
 
 
أدوات الموضوع انواع عرض الموضوع
 
قديم 11-05-12, 05:35 am   رقم المشاركة : 1
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً
القصمان في بلاد الألمان( تقرير رحلتي الى المانيا ,النمسا,سويسرا,فرنسا)




بسم الله الرحمن الرحيم
الاخوه الاعزاء رواد منتدى بريده
احببت ان اشارككم تقريري


لرحلتي الاوربيه (ميونخ-زيلامسي –كونستانس-انترلاكن- رست- باريس)
لصيف 2011
علما بأني نزلت التقرير في منتدى المسافرون العرب بوابة السفر للنمسا بعنوان
(بروحي تلك الارض مااطيب الربى ومااحسن المصطاف والمتربع)
في تلك الرحله الرائعه التي قطعنا فيها اكثر من 2500 كلم مابين المدن والارياف الساحره تم التقاط حوالي 1000 صوره حيث سأعمد في تقريري على الصور لاجمل الاماكن التي مررنا بها وساحاول التعليق على كل مايهم المسافر قاصدا الفائده والمتعه في ان واحد.
سيكون هذا التقرير على عدة اجزاء فبداية
سأدرج ملخص عن السفر والتكاليف
ثم بعد ذلك سنبدا في التخطيط للسفر




وبعدها الاستعداد للسفر وحزم الامتعه وانطلاق الرحله من ارض القصيم


إضغط على الصورة لتكبيرها ... أبعاد الصورة الأصلية 640x480 وحجمها 43 كيلو بايت .


ثم سنتناول كل وجهه من وجهات السفر والتي استمرت 14 يوما ابتداء بمدينة ميونخ وقلاعها الرائعه




ومرورا بجنة الله في ارضه زيلامسي الساحره


إضغط على الصورة لتكبيرها ... أبعاد الصورة الأصلية 640x480 وحجمها 72 كيلو بايت .

وبعدها سنأخذكم الى بحيرة كونستانس حيث تلتقي فيها المانيا والنمسا وسويسرا ونتجول بكم في جزيرة الزهور


إضغط على الصورة لتكبيرها ... أبعاد الصورة الأصلية 640x478 وحجمها 91 كيلو بايت .

ومنها سنسافر بكم الى درة الريف السويسري (انترلاكن ) مرورا بمدينة زيورخ وشلالات الراين


إضغط على الصورة لتكبيرها ... أبعاد الصورة الأصلية 640x480 وحجمها 73 كيلو بايت .


ثم سننطلق برحلة ترفيهيه عبر منطقة باسل الى رست الالمانيه حيث نستمتع بأكبر مدينة العاب ترفيهيه في اوربا
يوربا بارك


إضغط على الصورة لتكبيرها ... أبعاد الصورة الأصلية 640x478 وحجمها 49 كيلو بايت .


ومنها الى نهاية المطاف باريس


إضغط على الصورة لتكبيرها ... أبعاد الصورة الأصلية 640x480 وحجمها 64 كيلو بايت .


فكونوا معي


ابوعبدالله,,,,,,






رد مع اقتباس
قديم 11-05-12, 05:47 am   رقم المشاركة : 2
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء الأول




ملخص السفر والتكاليف
-السفره شبابيه وعدد الاعظاء خمسه(انا &ابوصالح & ابوفهد & وليد& والبش مهندس)



تاريخ السفره 16-6-2011 الى 30-6-2011
- تم حجز التذاكر بقيمة 11600 بمعدل 2200 ريال للشخص
- رسوم فيزه من السفاره الالمانيه مع تأمين السفر 2625ريال
- رسوم اصدار عدد 2 رخصه دوليه 250 ريال
-السكن فنادق وشقق 4 نجوم ماعدا فندق باريس 3 نجوم بقيمة 1800 يورو
مايساوي 9900 ريال بمعدل 707 ريال لليله
- حجز سياره بي ام دبليو فئه فخمه 2011 لمدة عشرة ايام بقيمة 3900 ريال
- 14000 ريال تقريبا مصروف الرحله بمعدل 1000 ريال يوميا
- مافيه تسوق NO SHOPING بس الي تسوق من الشباب على حسابه
- اكلنا اربع وجبات بالمطاعم والباقي نطبخ اكلنا بانفسنا
- الاجمالي 43000 ريال بمعدل 8500 للشخص الواحد شامل كل شي.




التخطيط للسفر
انطلقت الفكره من مقر اجتماع الاصدقاء (الاستراحه) بحديث عن جمال الطبيعه في الريف الالماني بيني وبين ابوفهد حيث رويت له بعضا من ذكريات



رحلتي العائليه لاوربا في خريف 2009 فتحمس واقترح عرض الموضوع على بقية الشباب وبالطبع جائت الموافقات واحده تلو الاخرى , كان الحد الاعلى للمقاعد 5 فقط ولذلك اعتذر للاصدقاء الي تاخروا بالموافقه ونهيب بهم سرعة ارسال الموافقه في السفرات القادمه.. مسوي فيها حمله..هههههههه
وبعد ذلك تم الاتفاق على موعد مناسب للجميع واتفقنا على ان يكون في النص من شهر جون وذلك قبل موعد الرحله باكثر من ثلاثة اشهر وبدأت بالبحث عن افضل الخطوط الناقله وانسبها وذلك باستخدام بعض محركات البحث وهذا رابط ممتاز تكتب فيه خط السير والتواريخ ويعطيك افضل الخطوط حسب الفلتر الي تختاره اما حسب السعر او التوقف اوغيره
http://ar.weflyto.com/
واخيرا تم اختيار الخطوط المصريه بسعر 2200 ريال وكان خط السير
الرياض-القاهره –ميونخ-
باريس –القاهره –الرياض


وبعد ذلك بدئنا بتجهيز متطلبات الفيزا للسفاره الالمانيه
وهي:
1-تعبئة نموذج الطلب APLICATION FORM
2- عدد 2صوره شخصيه 4*6 خلفيه بيضاء ويطلب غالبا بدون شماغ مع العلم اني في 2009 عطيتهم صور بشماغ ومشت بس خلك في السليم.
3-تأمين سفر اخذته من التعاونيه ب85 ريال للفرد لمدة 16 يوم.
4-جواز سفر صالح لاكثر من ستة اشهر مع صوره منه مع التوقيع داخل الجواز في الخانه المخصصه للتوقيع.
5-حجز طيران ذهاب وعوده.
6-حجوزات فنادق مؤكده.
7-تعريف من جهة العمل مترجم بالانجليزيه ومصدق يوضح فيه تاريخ التحاقك بالخدمه ومقدار الراتب.
8- كشف حساب لاخر ثلاث شهور طلبوه من احد الزملاء بس حنا رجعوه مااخذوه منا.
هذه المستندات ارسلناها مع احد الشباب مشكورا كوننا من القصيم وقدمها لمكتب السفاره على طريق الملك فهد وعطونا موعد للمقابله بعد اسبوع .
طبعا الرسوم للتقديم 90 ريال لكل جواز ولما جينا للمقابله دفعنا 320 لكل جواز يعني 410 قيمة الفيزه
وعشرة ايام من المقابله والفيزه خالصه
لاتنسون بمكتب التقديم تعطونهم عنوانDHL علشان يرسلونه عليه وماله داعي
تسافرون لاستلام الجوازات
وبعد استلام الفيزه بدا الترتيب الفعلي فاستقر الوضع على ان يكون الجدول 3ميونخ 3زيلامسي1 كونستانس3 انترلاكن1 رست 3باريس
حيث تم اعتماد خط السير بعد رسمه على قوقل ماب

إضغط على الصورة لتكبيرها ... أبعاد الصورة الأصلية 640x478 وحجمها 72 كيلو بايت .


وبعد ذلك بدأت البحث بين اشهر مواقع حجوزات الفنادق وعملت مقارنه من حيث الاسعار والخدمات فكنت اقارن اسعار الفندق نفسه في موقع بوكنج وهوتلز واجودا وهوم اوايhome away وهذا رابطه وهو موقع جيد وفيه عروض جيده للشقق
http://www.homeaway.com/
واخيرا استقر الوضع على موقع http://www.booking.com/
حيث كان بنظري الانسب والاكثر مرونة من حيث التعديل والالغاء, فقد كانت مرحلة اختيار الفنادق والشقق هي اصعب مرحله في التجهيز للسفر كون عددنا خمسه وكنت اعتمد في الاختيار على التوصيات في المنتدى وقراءة أراء النزلاء وللأمانه فأن موقع بوكنج رائع من حيث المصداقيه ومن حيث اراء النزلاء
وسأذكر اسم كل فندق في حينه وسادرج رابطه.
بعد ذلك بدأت البحث في اشهر مواقع ايجار السيارات بين سكست ويوربكار وافيس فاستقر الاختيار على شركة سكست وقبل تنفيذ الحجز تصفحت موقع ترافل جغسو لتاجير السيارات http://www.traveljigsaw.ae/فوجدت السياره الي اخترته وهي
BMW 5 SERIES
بسعر اقل من سيكست ب100 يورو لكامل المده فارسلت ايميل لهم وجاني اتصال ثاني يوم من بريطانيا مقر هذه الشركه وكانت الموظفه عربيه لبنانيه وعملتلي الحجز كامل وفهمتني كل شي وللامانه فانا انصح بهذه الشركه لان تعاملهم جدا راقي من حيث المصداقيه وكذلك شروط الايجار حيث يمكنك من خلال هذه الشركه الغاء الحجز اوتعديله بدون رسوم بعكس كثير من الشركات الي يقولك
NO REFUND FOR CANCELLATION
بمعنى انه اذا انت دافع عربون يروح عليك او بعضه
وقبل الحجز من أي شركه يستحسن ان تعرف المصطلحات التاليه:
OPEN MILAGE OR UNLIMETED KILOMETERSبمعنى كيلوات مفتوحه
وفي التأمين
LOSS DAMAGE WIVER بمعنى تأمين ضد التلف وهذا ضروري جدا مهما كان سعره
THEIFT PROTECTION تأمين ضد السرقه
THIRD PART INSURANCE تامين ضد الطرف الاخر
ONE WAY FEE رسوم تسليم السياره في بلد اخر
وبعد كذا حجزت السياره بقيمة 3900 ريال لمدة عشرة ايام يضاف عليها رسوم تسليم السياره في باريس وهي 119 يورو والغريبه جابولي الفوتشر من شركة سكست واستلمت السياره منها وطلبوا مني الوثائق التاليه:
1-جواز السفر
2-الرخصه المحليه والدوليه وللمعلوميه قدمت للموظفه الرخصه السعوديه فقط علشان اشوف تمشي ولا لا وبالفعل ماسألت عن الرخصه الدوليه بس الاحتياط واجب يمكن تطيح بموظف غلس على قولة المصريين.
3-فوتشر الحجز نفسه
4-بطاقة الفيزا الي حجزت فيها.
لاتنسون يبي يسلمونكم السياره فل بنزين وترجعونه فل والا يدفعونكم البنزين الي ناقص بالاظافه للضريبه
وبالنسبه لسعر البنزين في المانيا للتر ب1.4 يورو اما سويسر وفرنسا فاغلى بشوي اعتقد 1.7 يورو
وهذه صورة السياره الي استلمناها 2011 جديده

إضغط على الصورة لتكبيرها ... أبعاد الصورة الأصلية 640x478 وحجمها 60 كيلو بايت .

وبعد الانتهاء من هذا كله بدئنا بتجهيز البرنامج السياحي لكل منطقه وهذه من الاساسيات رسم البرنامج حتى تستفيد من كل ساعه في يومك فكنت اضع 6 فعاليات يوميا واسعى الى تحقيق 4 فعاليات وبالنهايه لوحققت 70 بالميه من البرنامج المرسوم اعتبر الرحله موفقه مع العلم اننا ولله الحمد طبقنا برنامجنا بنسبة 90% ...
في الحقيقه جمعت اهم المعالم لكل منطقه من هذا المنتدى الرائع ومن المواقع الرسميه لكل مدينه وكنت ارسم كل معلم على الخارطه واستخرج الاحداثيه وكان المساعد في ذلك برنامج MAP SOURCE حيث يمكنك رسم خط السير ومعرفة الاتجاهات والاحداثيات والمسافات بدون انترنت
وهو ضروري اثناء التنقل هناك لمعرفة توزع الاماكن السياحيه واستغلال
الوقت
في ان يكون خط سيرك واحد ومنظم..
فكان المساعد في التنظيم ذلك البرنامج وجهاز نوفي 1310.

إضغط على الصورة لتكبيرها ... أبعاد الصورة الأصلية 640x478 وحجمها 36 كيلو بايت .

وهنا أؤكد على ضرورة االاستعداد بجهاز النوفي او أي جهاز ملاحه قبل السفر وعدم الاعتماد على الاجهزه الي توفرها شركات التاجير لانه احيانا يكون الجهاز لغه المانيه او نوعيات غريبه ماتتعامل معها بسهوله وهذا ماحصل معي فقد جهزت النوفي بجميع الخرائط والاحداثيات وكانت السياره المستاجره فيها جي بي اس بس صعب استخدامه...
وهناك بعض البرامج الضروريه الي لازم ناخذها على الايفون مثل برنامج القبله, والملاحظات, وبرنامج الطقس لمتابعة احوال الطقس هناك فقد تحتاج الى تعديل اضطراري على خط السير بسبب المطر .....


ولا ننسى الاستفسار عن تسعيرة شبكات الاتصال في الدول التي سنسافر لها


ولاتنسوا تاخذوا معكم هذي

إضغط على الصورة لتكبيرها ... أبعاد الصورة الأصلية 640x478 وحجمها 48 كيلو بايت .

وهنا شكر لابوفهد فقد ابدع بفقرة مايطلبه المستمعون...




#الاستعداد للسفر وحزم الامتعه وانطلاق الرحله من ارض القصيم:
بدئنا الان بتجهيز الامتعه واخذنا معنا شنطه واحده للمؤنه جمعنا فيها كل مانحتاجه من اغراض طبخ ومؤنة وبعض الشوكلاته واغراض القهوه





وبالنسبه للطبخ في الفندق استخدمنا سخان كهربائي ممتاز ويفي بالغرض وعادي تدخله في الطياره ومنه احجام شي للطبخ وشي صغيير للقهوه ماياخذ مكان وهذي صورة الصغير في احد السفرات

إضغط على الصورة لتكبيرها ... أبعاد الصورة الأصلية 640x480 وحجمها 49 كيلو بايت .

وبدأ الشباب بحزم امتعتهم وتفاجئنا بشنطة من الحجم العائلي لبوصالح الى الان ماادري ليش جايبه ضيق علينا به ؟؟ بس واحد من الشباب يقول ناوي يجيبه بقره المانيه بالرجعه هههههههههههه

إضغط على الصورة لتكبيرها ... أبعاد الصورة الأصلية 640x480 وحجمها 43 كيلو بايت .

وصرفنا يورو ب5.5 ريال

إضغط على الصورة لتكبيرها ... أبعاد الصورة الأصلية 640x478 وحجمها 58 كيلو بايت .

وانطلقنا من ارض القصيم متجهين الى مطار الملك خالد بالرياض يوم الاربعاء 16-6-2011 ووقفنا سيارتنا بالمطار بسعر 2 ريال للساعه كثيييييييييييييييييير
شحنا الشنط وقصينا البوردنق وختمنا جوازات وبانتظار الطائره

إضغط على الصورة لتكبيرها ... أبعاد الصورة الأصلية 640x480 وحجمها 55 كيلو بايت .

إضغط على الصورة لتكبيرها ... أبعاد الصورة الأصلية 640x478 وحجمها 65 كيلو بايت .

وصلنا مطار القاهره الدولي مشاالله مطار على مستوى يفتح النفس ,ليت مطاراتنا لو نصه
وصلنا على الفجر وكان الترانزيت قرابة 4 ساعات صلينا الفجر ووجبة افطار في احد الكافيهات

إضغط على الصورة لتكبيرها ... أبعاد الصورة الأصلية 640x480 وحجمها 38 كيلو بايت .

وللامانه الخطوط المصريه ممتازه جدا واسطولها ضخم وخدماتها جيده بس المشكله فيها لما طلعنا من الرياض عوائل مصريين معهم اطفال مزعجين الي مايتحمل الازعاج لايروح عليه..
الاخ وليد شوي ونازل في برشوت ومن وشين حظه في طفل بدا يستخف دمه عليه ؟؟؟؟
اقلعت الطائره الحمدلله الى مطار ميونخ في موعدها المحدد

إضغط على الصورة لتكبيرها ... أبعاد الصورة الأصلية 640x480 وحجمها 26 كيلو بايت .

وهذه صوره قبيل الهبوط في مطار ميونخ

إضغط على الصورة لتكبيرها ... أبعاد الصورة الأصلية 640x480 وحجمها 33 كيلو بايت .

وانتظروني في الجزء الثاني






رد مع اقتباس
قديم 11-05-12, 05:53 am   رقم المشاركة : 3
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء الثاني
الوصول الى ميونخ16-6-2011
وصلنا مطار ميونخ الساعه الثانيه بعد الظهر بتوقيت ميونخ ودخلنا وختمنا الجوازات وكلمت الموظفة اننا سياح وعطيته خط السير وكنت طابع الفوتشرز من بوكنج واعطيته الحجوزات ومع العلم ان فترة اقامتنا بالمانيا فقط اربعة ايام الا انها ماتكلمت وسألت منوين هنرجع فقط
وبعدها وقفنا على سير الامتعه واستلمنا الشنط ومافيه أي تفتيش وكنا خايفين يوقفو شنطة المؤنه لكن الحمدلله مافيه شي . وهذا ايضا ماحصل معي برحلتي 2009
لانه بعض الاعضاء اشار الى منع دخول الاطعمه بالمطار....
وهنا استوقفنا مجسم بي ام دبليو وبمجرد مرورك امامه تشتغل السياره

إضغط على الصورة لتكبيرها ... أبعاد الصورة الأصلية 640x480 وحجمها 39 كيلو بايت .







وبعد كذا وصلت الى مكتب لقطع تذاكر الاندرقراوند وهنا اؤكد على السوال عن انسب التذاكر للمجموعه , فالتذكره للشخص الواحد من المطار الى وسط ميونخ ب 9 يورو ولكن طلبت تذكره مشتركه تسمى partner ticket وكان سعره لخمسة اشخاص مع التجول داخل ميونخ لمدة ثلاثة ايام ب32 يورو وهذه التذكره شرطها انكم تطلعون مع بعض مو كل واحد لحاله
طبعا اقتصاديه جدا لو اخذتوا تاكسي مو اقل من 70 يورو مشوار المطار فقط.


ولازم نعرف وش نحتاج من الزونات الي تغطيلنا اغلب الاماكن السياحيه واعتقد الزون 5 كافيه لاغلب المعالم
وهذه صورة للزونات الخاصه بالاندرقراوند


وهنا صوره لخريطة الاندرقراوند وضحت عليها اهم المعالم








طلعنا على القطار s1 ووصلنا الى المحطه الرئيسيه في ميونخ (الهابنهوف)
ووصلنا الى فندق ريجنت تصنيفه اربع نجوم و الذي يبعد خطوات عن المحطه الرئيسيه




وهذا رابط الفندق على بوكنج
http://www.booking.com/hotel/de/regent.ar.html?label=gog235jc;sid=a72629dd46325cc5 852d3c6783146a9d
الفندق اجمالا جيد اخذنا فيه غرفه ثنائيه وغرفه ثلاثيه لمدة ثلاث ليالي مع الافطار ب520 يورو والصراحه كانت الغرفه الثلاثيه اشبه ماتكون بشقه كنا نجلس فيها كل الوقت واطلاله من جهتين ولااروع وهذي صوره للفندق من الخارج


وهنا صورة الغرفه من الداخل
إضغط على الصورة لتكبيرها ... أبعاد الصورة الأصلية 640x480 وحجمها 38 كيلو بايت .

هنا لحظة الوصول ودخول الفندق الساعه الثالثه بتوقيت ميونخ ويظهر الاجهاد على ابوصالح ,,,قم مافيه نوم ,,النوم بالليل باقي على الغروب حوالي 6 ساعات

إضغط على الصورة لتكبيرها ... أبعاد الصورة الأصلية 640x480 وحجمها 35 كيلو بايت .

هنا المهيله تنتظر الشباب ,,مافيه مجال للنوم فأنا مشتاق لساحات المارين

إضغط على الصورة لتكبيرها ... أبعاد الصورة الأصلية 640x480 وحجمها 37 كيلو بايت .

الان الشباب صحصحوا وتوجهنا الى المحطه الرئيسيه ومنها الى اشهر ساحات ميونخ وهي ساحة المارين والساحات الي حوله وتجولنا فيها الى الغروب

إضغط على الصورة لتكبيرها ... أبعاد الصورة الأصلية 640x480 وحجمها 56 كيلو بايت .

إضغط على الصورة لتكبيرها ... أبعاد الصورة الأصلية 640x480 وحجمها 54 كيلو بايت .


صوره جماعيه بأحد الكافيهات في ساحة المارين

إضغط على الصورة لتكبيرها ... أبعاد الصورة الأصلية 640x480 وحجمها 53 كيلو بايت .

وهذه الصوره من الساحة الملاصقه للمارين ساحة الكارلسبلاتز
ويظهر فيها القصمان في بلاد الألمان

إضغط على الصورة لتكبيرها ... أبعاد الصورة الأصلية 640x480 وحجمها 49 كيلو بايت .

رجعنا بعد الغروب ويبدو ان التعب بلغ مبلغه -لاننا كنا مواصلين وحرصت على اننا ماننام الابالليل, وتوجهنا الى مطعم برجر كنج في محطة الهابنهوف واخذنا خمس وجبات بحولي 40 يورو
وتوجهنا الى الفندق واحلى نومه للاستعداد لليوم الثاني.

في اليوم الثاني صحينا بدري نزلنا لمطعم الفندق وافطرنا وبعده توجهنا للاولمبك بارك عبر خط U3 والوقوف في محطة اولمبيا
وهنا مدخل الحديقه الاولمبيه إضغط على الصورة لتكبيرها ... أبعاد الصورة الأصلية 640x478 وحجمها 46 كيلو بايت .

إضغط على الصورة لتكبيرها ... أبعاد الصورة الأصلية 640x478 وحجمها 57 كيلو بايت .

إضغط على الصورة لتكبيرها ... أبعاد الصورة الأصلية 640x478 وحجمها 65 كيلو بايت .

وهنا صوره لبرج الاولمبك في وسط الحديقه


وهنا الطيور تنتشر بالقرب من البحيرات


مكان رااااااااااااااااايق


وهذي صوره لي اخر بسطه


هنا الشباب منهكين من المشي يبدو ان اللياقه أي كلام بس تعجبني يابوصالح تحث على استغلال الوقت


ويمكن استاجار قوارب والتجديف في البحيره

إضغط على الصورة لتكبيرها ... أبعاد الصورة الأصلية 640x480 وحجمها 63 كيلو بايت .

ابوصالح لو بعارين ابوسفيان هنا كان تطلع كل اسبوع؟؟ ,,ههههه
إضغط على الصورة لتكبيرها ... أبعاد الصورة الأصلية 640x480 وحجمها 70 كيلو بايت .

وهنا ابوفهد قوووووه مبسوط بس يترزز وصورون صورون

إضغط على الصورة لتكبيرها ... أبعاد الصورة الأصلية 640x478 وحجمها 72 كيلو بايت .

ياسلام احلى خلفيه
ولاتزعل ياوليد
وانت الي محليه
ادري هالصوره تبي تهيج مشاعرك لشعيب ابو مراكي
هههههههه

إضغط على الصورة لتكبيرها ... أبعاد الصورة الأصلية 640x478 وحجمها 184 كيلو بايت .

منظر رائع للطيور حول البحيره


وهنا المدخل الرئيسي للبرج حيث يمكن شراء تذاكر الصعود لاعلى البرج وكذلك يوجد محلات لبيع التذكارات


صوره المطل الرائع لبرج الاولمبك


تذكرة الصعود للبرج 5 يورو
وبعد جولة طويله في تلك الحديقه الرائعه رجعنا للفندق وجوله اخرى مع القهوه والتمر والشيكولاته


وفي اليوم التالي توجهنا باكرا الى ساحة المارين وكان صباحا ماطرا حيث تفاجئنا بوجود احتفالات في الساحه الرئيسيه واطلاق مدافع -صراحه ماندري وش السالفه –
شكلهم فرحين بنا ومحتفلين
بس انبسطنا معهم وهذي صور للاحتفال



وبعد انتهاء الاحتفالات توجهنا للساحات المجاوره مثل ساحة الادينوبلانز وكلها ساحات حلوه وفيها قلاع قديمه ورهيبه وهذي صور المكان



قصمان بنكهه اوربيه
ماادري شكله مهب لائق علينا امبريلا



لاحظوا الجو مطر يعني نبعد الامبرلا لحظة التصوير فقط











بعد كذ توجهنا الى اقرب محطه للقطار واخذنا الترام 17 متجهين الى قصر نوفمبيرج school of nufmberg
وهو القصر الذي شيده اول ملوك البافاريا الملك ماكسيميلان على الطراز الايطالي








قصر يستحق الزياره وفيه حدائق رائعه
وهذي صور الشباب متوجهين للقصر


وهنا ابو فهد امام القصر


بحيرة القصر مليانه بجع ,,,,,,,


من اعلى القصر واطلاله على الحديقه الخلفيه للقصر ابداااااع




صوره من داخل القصر


وبعد كذا زاد المطر ودرجة الحراره بدات تنخفض حتى اننا لم نستطع الدخول للحديقه من البرد.وبعده
رجعنا ومرينا بطريقنا سوبرماركت تركي اسمه فيردي
قريب من المحطه الرئيسيه كل شي عنده وفيه عنده لحوم حلال وممتاز واسعاره ممتازه اخذنا منه لحم غنم ب8 يورو الكيلو يعني ارخص من عندنا
وبعدها رجعنا للفندق وظبطنا العشاء


وهنا نصل الى الصباح الاخير لمدينة ميونخ ونتوجه لمطعم الفندق لتناول الافطار استعدادا للسفر الى الوجهه الثانيه
وهنا توجهت انا وابوصالح لمحطة الهابنهوف لاستلام السياره بينما الشباب يحزمون الامتعه


يتبع






رد مع اقتباس
قديم 11-05-12, 05:57 am   رقم المشاركة : 4
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

هنا مكتب سيكست لتاجير السيارات اعطيتهم الفوتشر وانتظر استلام المفتاح

إضغط على الصورة لتكبيرها ... أبعاد الصورة الأصلية 640x478 وحجمها 37 كيلو بايت .


استلمنا المفتاح ووجهتنا الى مرآب قريب من المحطه وقالت تحصلون السياره في الموقف وهنا نتفاجأ بالبي ام انه جديده اصفااااار
ياسلام بي ام اصفار ب390 ريال باليوم و كيلوات مفتوحه وشامل التأمين
سبحان الله نفس مكاتب التاجير عندنا؟؟؟؟؟؟؟؟؟؟هههههههه



ركبنا اغراضنا وهنا اود التنبيه الى عدد الشنط ديرو بالكم لاتكثرون الشنط تعجزون تركبونهن بالسياره
حنا الحمدلله كان معنا مهندس صمم لنا مخطط لصف الشنط ولا بغينا نضحي بشنطة ابوصالح...,,؟؟؟؟ ههههههههه
وبعد كذا قلت حرام نطلع من ميونخ مامرينا الحديقه الانجليزيه فظبطنا الاحداثيه وتوجهنا لها وهذه صورة لحظة الوصول الجو رهيييب

إضغط على الصورة لتكبيرها ... أبعاد الصورة الأصلية 640x478 وحجمها 67 كيلو بايت .


وهنا جنه طبيعيه من جنان ميونخ انجلش قاردن



إضغط على الصورة لتكبيرها ... أبعاد الصورة الأصلية 640x478 وحجمها 70 كيلو بايت .


إضغط على الصورة لتكبيرها ... أبعاد الصورة الأصلية 640x478 وحجمها 68 كيلو بايت .


وهنا ابوفهد يلعب مع الألمان
إضغط على الصورة لتكبيرها ... أبعاد الصورة الأصلية 640x478 وحجمها 74 كيلو بايت .


ابوصالح راااايق يله طريق زيلامسي ينتظرنا

إضغط على الصورة لتكبيرها ... أبعاد الصورة الأصلية 640x478 وحجمها 83 كيلو بايت .


وهنا نصل الى نهاية جولتنا في مدينة ميونخ والشباب يودعون هذه المدينه الجميله وكلهم شوق للرجوع لها مرة اخرى ,,,,
وهانحن متجهين للريف النمساوي الى جنة الله في ارضه زيلامسي الساحره
بأجواء ماطره لاتنسى

إضغط على الصورة لتكبيرها ... أبعاد الصورة الأصلية 640x478 وحجمها 21 كيلو بايت .


توقفنا عدة مرات على الطريق مناظر في غاية الروعه ,,كانت المسافه من ميونخ الى زيلامسي 180 كلم تقريبا . وصلنا ماحسينا بالطريق من روعة الجو والطبيعه

إضغط على الصورة لتكبيرها ... أبعاد الصورة الأصلية 640x478 وحجمها 59 كيلو بايت .


وانتظروني في الجزء الثالث (الوصول الى زيلامسي الساحره والتجول بين احضان الطبيعه
ومواقف حرجه وطريفه
كونوا معي
ابوعبدالله






رد مع اقتباس
قديم 11-05-12, 06:09 am   رقم المشاركة : 5
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء الثالث
الوصول الى زيلامسي 19-6-2011 الى 22-6-2011
اولاً اعتذر عن التأخير وبالنسبه لمقاطع الفيديو لميونخ تعبت صراحه ماقدرت احمله على اليوتيوب ماادري اليوتيوب فيه مشكله ولا ايش
بس الحمدلله نزلت مقطع واحد في كابرون والباقي انشالله اخر التقرير


وصلنا الى زيلامسي واتجهنا الى كابرون وهي قريبه جدا من وسط زيلامسي يمكن قرابة 5 كيلو بس, وكان بأنتظارنا السيد كريستين صاحب الفندق استقبلنا الرجل بحفاوه وكان مجهز لنا الشقه حقيقه كانت شقه في غاية الروعه حجزته من بوكنق وكان تصنيفه 4 نجوم والحقيقه كل شي فيها حلو نظافه وترتيب ومطبخ مجهز تجهيز كامل وانترنت سريييع , شقه لخمس اشخاص ب 60 يورو بس
يضاف عليها 60 يورو عند تسليم الشقه رسوم تنظيف وهذا رابط الفندق
http://www.booking.com/hotel/at/appartements-zur-kapelle.ar.html?aid=309654;label=Hotels-ar-EXO%2AQORanzkyjrXQLq1zcgS8146159132;sid=a72629dd46325c c5852d3c6783146a9d;dcid=1


فيديو وفيه اطلاله الشقه الرائعه من البلوكونه مع هااااااايدي
http://youtu.be/BUSnC578smg


وهذي بعض الصور لحظة الوصول






وهنا اطلالة البلكونه






نزلنا اغراضنا في الشقه وضبطنا القهوه وبعده بدينا اول فعاليات الرحله
واتجهنا الى بحيرة زيلامسي







اضن بتكرر الرحله ,,,شكلك رغبت قوووووه




ركبنا السفينه في جوله رائعه في البحيره ب 9 يورو للشخص ,مشاهد حلووووه,, البحيره والسفوح الخضراء والقمم البضاء في ان واحد




صوره جماعيه للقروب في السفينه ,,,,الله يعيد ذيك الايام





رجعنا بعدها للفندق وكنا مرهقين ضبطنا العشاء,, وعلى فكره البقاله العربي الي وسط زيلامسي ماعجبتن للاسف فيها عرب لاعبين بالاسعار ومستغلين العالم






في اليوم التالي وبعد الافطار




توجهنا صباحا الى زحليقة سلفادين وقطعنا تذاكر بقيمة 12 يورو للشخص طلعنا فيها التلفريك ونزلنا بالزحليقه رههههههيبه




إضغط على الصورة لتكبيرها ... أبعاد الصورة الأصلية 640x478 وحجمها 48 كيلو بايت .


بعدها تجولنا في قرية سلفادين قريه حلوه وهاديه ركنا السياره في احد المواقف وتمشينا








ومن هالقريه الجميله رجعنا الى زيلامسي واتجهنا الى قرية kalam حيث المصبات المائيه liechtensteikalamm والوديان الجميله حيث تعتبر من اعمق المصبات المائيه في جبال الالب وفيها جسور خشبيه رائعه
قطعنا التذاكر للصعود للشلالات اعتقد 5 يورو للشخص ومنها بدئنا بصعود الجسور الخشبيه وهنا اود التذكير للي معهم اطفال وكبار سن لايطلعون لانه متعب وخطير شوي..





وسط هذه المصبات صار لنا موقف صعب شوي والي هو اننا كنا متحمسين للمصبات واستمرينا بطلوع الجبل على امل الوصول الى محطه ثانيه (الله يهديك يابوفهد وهقتنا)
المهم قطعنا الجسور الخشبيه كلها واستمرينا بطلوع الجبل لحد ماوصلنا لمنطقه مقطوعه وموحشه فيها اكواخ قديمه مهجوره ؟؟؟المشكله كان الوقت متاخر وقرب الغروب يعني لو رجعنا من نفس الطريق عبر الشلال هيكون ظلام ,,
البشمهندس يوم شاف الاكواخ المهجوره قال اعتقد انكم تبي تشوفون فلم الطعنه لايف هنا... ههههههههههه
المهم وصلنا لطريق نائي كل نص ساعه تمر سياره اشرت ماحد وقف ومرت بنت نمساويه بدباب وقفت وقالت بينك وبين مواقف الشلال اكثر من عشره كيلو وطلبت منها توصلن للسياره وارجع للعيال ورفضت تقول طريقه مو هناك –ادري حسدون العيال-خخخخخخخ
المهم بعد مايأسنا قررنا نرجع مع وسط الشلال ونكون سريعين بالنزول لعلنا نقطع اكبر مسافه قبل الغروب على اساس انه طريق تعرفه ولا طريق ماتعرفه.
المشكله بطاريات جوالاتنا قربت تخلص من كثر التصوير يعني مافيه كشافات تساعدنا لو جاء الليل خاصه ان منطقة الشلال مظلمه بالنهار مابالكم بالليل.


وقبيل رجوعنا اقبلت سياره قلت ابأشر اخر مره وفعلا وقفت عجوز نمساويه وشرحت وضعنا قالت اوصلكم بس المشكله العدد اكثر من حمولة السياره
بس والله صارت هالعجوز (شنب)هههههههه قالت رفيقك هذا واشرت على اقصر واحد خله يركب ورا وينزل تحت المرتبه علشان الشرطه
قلت لو تبين نحطه بالشنطه بس توصليننا (هذي مادريت به يابوفهد) العمر ازين مايطلع واحد من هالاكواخ بمقشة حشيش ...خخخخخخخخ

ركبنا وقالت انا ساعدتكم لاني احب السعوديين واتضح انه اشتغلت في ارامكو
لكن هبلتبنا تقود بسرعه جنونيه بطريق جبلي وتشوفن خايف وتضحك شكله شاربه ديتول هههههههه وانا اقول عسا مهب منيتنا ,سلمنا من الشلال ونبي نموت مع هالعجوز,ههههههه نشف دمي
المهم وصلتنا الى سيارتنا بمواقف الشلال وقالت ابي عشره يورو ولو طلبت 100 يورو عطيته...
وبعده حمدنا الله على السلامه ورجعنا للشقه وحنا تعبانين للاخر ,ظبطنا عشانا ونمنا ,,بس كانت مغامره لاتنسى
انا لهيتكم بموقفنا ونسيت اعطيكم صور الشلال هذي الصور








في احد كهوف الشلال




وهنا ماء بارد وماتروى من شربه




في اليوم التالي رجعنا صباحا لقرية سلفادين وكان فيها نادي صحي وسوينا مساج لازالة اثر التعب الي صار في الشلال .






وبعد كذا توجهنا للقمه الثلجيه في كابرون وكانت قمه رائعه ارتفاعها تقريبا 3000 متر
وهي عباره عن ثلاث محطات كل محطه فيها توقف تنزل وتتمشى وفيها مطعم وجلسات حلوه





قطعنا التذاكر اعتقد التذكره ب30 يورو واعتذر عن عدم تذكري للرسوم لاني مسجل كل شي في الملاحظات وانحذفت من الاي فون.
ولاتنسون اذا رجعتوا ترجعون التكت وتستردون 2 يورو
هنا قطع التذاكر




هنا صوره توضح خطة الصعود للقمه






وهنا لاتفوتكم متعة التزحلق على الجليد رهيييبه
نفس الي عندنا بس حنا نتزحلق بالنفود باستخدام اكس راي خخخخخخخخ




قمم جبال الألب رووووعه






يابشمهندس رياضه ورانا ورانا حتى بقمة جبال الالب




خلصنا جولتنا في القمه ورجعنا وهذي صوره لأحد السفوح وفيها الوديان تنساب من الجليد في القمم




رجعنا ومرينا في طريقنا شلال سجمويد القريب من الفندق








وهنا الرجوع للفندق واخذ قسط من الراحه




المهيله مع سكري القصيم وشوية نقنقه –بسم الله عليك يابوصالح ماتحب الكتكات- راحت قطتنا كتكات’’’’ ههههههههه




بعد القهوه قررنا نطلع نتمشى في المنطقه القريبه من الفندق بدون سياره لان النهر لايبعد سوى خطوات عن فندقنا ,,صراحه تمشايه مطبوعه بالذاكره ...


هذا الاخ وليد راااايق ويفكر بامتلاك كوخ بكابرون, ويقول ان اجداده لهم أثـل بزيلامسي وكابرون كانوا محيينهن قديم ويحلف انهم كانوا ينقلون الماء للأثل على بعارين ,,هههههههه ويقول ان جدي ج ر الثالث عشر عشقله سويديه وهاجر للسويد وضيع الاثل الله يخلف
واشار في نهاية حديثه ان اخوال اجداده من اصول سويديه,,,,هههههههه
شطح الرجال,,,,,




صوره لامتداد النهر اللي جاي من شلال سجمويد




وهنا وصلنا الى اخر يوم من ايام زيلامسي وستعدينا للانطلاق الى الوجهه الاخرى وكنت مرتب انه اخر فعاليه من الفعاليات هي المرور بشلالات الكريمل كونها تبعد 50 كيلو عن زيلامسي وعلى خط الذهاب للوجهه الاخرى.
ودعنا زيلامسي وذكرياتها الجميله وكلنا شوق للعوده مرة اخرى
وهنا الطريق الى شلال كريمل




شلالات كريمل تعتبر من اكبر شلالات النمسا حيث يصل كمية الماء المتدفق خلال شهر جون وجولاي حوالي 5.28 مليون جالون بالساعه,وفي اغسطس 1987 وصل اعلى حد له بحوالي 160 مليون جالون في الساعه.
وصلنا الشلال وكنا مقررين اننا فقط نشوف الشلال ومانطلع لان عندنا مشوار طويل لمدينة كونستانس
نزلنا للشلال وهذي صوره










طبعا سبحنا من رذاذ الشلال ولازم ننشف ملابسنا قبل نركب السياره




انطلقنا من الشلال على طريق انسبورك وكان طريق جبلي جميل جدا لكنه متعب بالقياده والمسافه من زيلامسي الى كونستانس حوالي 400 كيلو تعبنا فيها مره وكانت الرحله في الاصل الى انترلاكن ولكن قررنا التوقف في كونستانس للراحه وزيارة جزيرة الزهور




طبعا فيه على الطريق بوابات تحصيل رسوم الطرق بس مو كثيره مابين 4 يورو و12 يورو لبعض الطرق السريعه.
صور من الطريق ومنطقة انسبورك




هنا الفرق بين انك تسافر على سياره او قطار ,, لو مريت بمكان حلو تاقف وتمبسط فيه




وعندي انشالله كم مقطع فيديو ابحاول انزلهم والي عنده خبره باسرع طريقه لتنزل مقاطع الفديو يساعدنا
دمتم في رعاية الله




وانتظروني في الجزء الرابع
كونستانس وجزيرة الزهور







رد مع اقتباس
قديم 11-05-12, 06:13 am   رقم المشاركة : 6
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء الرابع
الوصول الى كونستانس والتجول في جزيرة الزهور والمرور بشلالات الراين 22-6-2011 الى 23-6-2011
وصلنا الى مدينة كونستانس الواقعه على بحرة Bodensee وهذه البحيره تلتقي فيها المياه القادمه من شلالات الراين وهي ترتفع395 مترفوق سطح البحر وتلتقي فيها ثلاث دول المانيا وسويسرا والنمسا,
وصلنا قبل الغروب طبعا انتم عارفين الشمس ماتغيب الا بعد تسعه مساء يعني النهار طويييل وتوجهنا الى فندقنا مباشره وكنت قد حجزت فندق Apartment Hotel Konstanz اخذنا فيه غرفه لخمس اشخاص كبيره وفيها مطبخ صغير بقيمة 159 يورو لليله واحده. والهدف من المرور بكونستانس هو فقط للراحه لأن الرحله من زيلامسي الى انترلاكن بعيده ومرهقه فقررنا الوقوف في كونستانس ومنها زيارة جزيرة الزهور
بالنسبه للفندق جيد ونظيف بس البنايه قديمه جدا
هذا رابط الفندق على بوكنج


http://www.booking.com/hotel/de/apartment-konstanz.ar.html?aid=325250;label=bookings-naam-Q2baxLPfjqBIpLENLTYbvgS5979554598;sid=a72629dd4632 5cc5852d3c6783146a9d;dcid=2

وهذي الصوره لحظة الوصول بمواقف الفندق

إضغط على الصورة لتكبيرها ... أبعاد الصورة الأصلية 615x460 وحجمها 69 كيلو بايت .


ريحنا في الفندق شوي وطلعنا على مول حلو اسمه لاقو سنتر وتمشينا فيه وبعده توجهنا لاقرب مطعم ماكدونالدز واتعشينا بتقريباً 60 يورو بمعدل 12 يورو للوجبه وبعد العشاء كنا منهكين جدا رجعنا للفندق واحلى نومه.
في الصباح نزلنا بدري للمطعم وكان الفطور مشمول بسعر الغرفه افطرنا ولبسنا وحملنا الشنط وسلمنا الفندق وتوجهنا للجزيره...


جزيرة الزهور Insel Minau

هذا رابط موضوع للعضو (ضوء الصباح )جايب معلومات حلوه يمكنكم الرجوع له لمزيد من المعلومات
http://travel.maktoob.com/vb/travel275744/

وصلنا الجزيره, جزيره حلوه مره تمشينا فيها قرابة 4 ساعات واعتقد ان حقه يوم كامل لاننا كنا مستعجلين ورانا سفر لانترلاكن وناوين نمر بالطريق على شلالات الراين وساترك الصور تتكلم

الجزيره تفتح من الساعه السابعه وهذي تسعيرة الدخول –كبار 15.90 يورو وصغار 8.5 يورو


خريطة الجزيره

إضغط على الصورة لتكبيرها ... أبعاد الصورة الأصلية 640x478 وحجمها 94 كيلو بايت .




وهنا وصلنا الى نهاية الجوله في تلك الجزيره الرائعه وركبنا السياره واتجهنا الى شلالات الراين التي تبعد 60 كيلو فقط من كونستانس...

قبل الوصول الى الشلالات توقفنا عند بوابة الحدود السويسريه وسألونا بعض الاسئله وطلبوا الجوازات واوراق السياره وخبرونا انه لازم نشترى ستيكر رسوم القياده على الطرق السويسريه وفعلا وجدناه في اول محطه واشتريته ب35 يورو
ولصقناه على السياره لأنه بدونه تتحمل غرامه 100 يورو



طبعاً راح تلاحظون ان الطرق في سويسرا فيها انفاق طويله لأن الطريق جبلي والطرق المؤديه لانترلاكن جبليه وعره

صوره من الطريق باتجاه زيورخ وشلالات الراين لأن الشلالات قريبه جداً من زيورخ

إضغط على الصورة لتكبيرها ... أبعاد الصورة الأصلية 640x478 وحجمها 36 كيلو بايت .


وهنا انصح بمرور شلالات الراين لأنه بصراحه تستحق الزياره وبالنسبه لي تعتبر اروع شي مريته بسويسرا,,,

دخلنا وقطعنا التذاكر ب 5 فرنك سويسري



وجلسه في احد الكافيهات في مدخل الشلال طلبنا فيها قهوه وبعض الحلويات
إضغط على الصورة لتكبيرها ... أبعاد الصورة الأصلية 640x480 وحجمها 49 كيلو بايت .


وصلنا للمصب الرئيسي سبحان الله المشهد مهيب جداً
وهنا وقبل ان اعرض صور النهر هذه بعض المعلومات الجغرافيه والتاريخيه عنه
نهر الراين أو رين (بالألمانية: Rhein) هو نهر في أوروبا يمر عبر سويسرا، فرنسا، ألمانيا , ليختنشتاين وهولندا. يعتبر الراين أحد أهم وأطول الأنهار في القارة الأوروبية.اسم النهر مشتق من الكلمة السيلتية Renos والتي تعني (الجاري).
يحتل نهر الراين مكانة مهمة في التاريخ الأوروبي بوجه عام, والألماني بوجه خاص, حيث كان يشكل على مدى 400 عام الحدود الرئيسية بين بلاد الرومان والقبائل الجرمانية, كما نشأت على الجانب الغربي منه العديد من المدن الألمانية, والعديد من المدن الفرنسية على ضفافه, لذلك ظلت المناطق المحيطة به مكانا للنزاع والصراع بين ألمانيا وفرنسا, بغرض السيطرة على منافذ النهر. ظل الأمر بينهما إلى أن انتهت الحرب العالمية الثانية, واستقرت الأوضاع السياسية في العالم, وصار النهر من أهم الممرات المائية العالمية.
من جبال جليدية توجد شرقي سويسرا بالقرب من الحدود الإيطالية ينبع مجريان هما الراين الأوسط والراين الخلفي, بمحاذاة الحدود الغربية للنمسا, وعند بحيرة كونستانس يتحد المجريان في مجرى واحد هو الراين الكبير, الذي يتخلص من الطين والحصى الذي حمله من الجبال, يخرج من البحيرة باتجاه الغرب بانحدار يبلغ ارتفاعه حوالي 21 مترا, ثم يواصل جريانه بين ألمانيا وسويسرا باتجاه مدينة بال السويسرية, ويبلغ عرضه في هذه المنطقة حوالي 205 أمتار, ثم ينعطف شمالا ليجري بين الغابة السوداء شرقا, وجبال الفوج غربا ويسير وسط سهل يبلغ عرضه 32 كيلومتر, وعند هذه المنطقة يشكل النهر حدودا طبيعية بين فرنسا وألمانيا, ثم يعبر ألمانيا وهولندا, لينتهي به المطاف في بحر الشمال ليصب فيه.
يبلغ الطول الإجمالي للراين حوالي 1230 كيلومتر, يغطي مساحة تقدر بحوالي 252,000 كيلومتر مربع. يرتبط الراين بأنهار أوروبية مهمة مثل الدانوب, والرون, ومارن, مما يجعل منه مجرى ملاحيا داخليا عظيما, حيث تنقل المراكب الهولندية والألمانية من خلاله الفحم, ومشتقات النفط, وخامات المعادن, والحبوب.
على الرغم من تلوث بعض أجزائه بمخلفات السفن العابرة فيه, إلا أن هناك أجزاء أخرى لا تزال تحتفظ بجمالها الطبيعي الذي يستقطب اهتمام السياح من جميع أنحاء العالم, ولا يكاد يخلو برنامج سياحي لزيارة معالم أوروبا من رحلة نهرية عبر ضفاف الراين, كما تقع العديد من القلاع التاريخية الألمانية والفرنسية على ضفاف النهر لتؤكد أهميته كمجرى مائ
يرتبط بالنهر أيضا العديد من الأساطير الألمانية مثل أسطورة حورية البحر (لوريلي)) التي تظهر أحيانا للبحارة وعابري النهر, عند منحدر صخري شاهق يعرف بنفس الاسم, فتكون السبب في اختفاء سفن هؤلاء البحارة عند ذلك المنحدر.

هذه بعض الصور للنهر عند المصب الرئيسي

إضغط على الصورة لتكبيرها ... أبعاد الصورة الأصلية 640x480 وحجمها 64 كيلو بايت .


إضغط على الصورة لتكبيرها ... أبعاد الصورة الأصلية 640x478 وحجمها 61 كيلو بايت .


وقبيل الخروج من الشلال كان فيه عربات تبيع كرز واصر ابوفهد انه يشري
واقنعنا بنظرية ان الكرز يجلب السعاده
الحمدلله بسويسرا مبسوطين بلا كرز خل الكرز للرجعه
طبعا كنا خايفين من البكتيريا المنتشره بالمانيا العام الماضي
لكنه اشترى الكرز وغسله غسلاً مبرحاً
ماسكه يستانس قووووه

إضغط على الصورة لتكبيرها ... أبعاد الصورة الأصلية 640x478 وحجمها 50 كيلو بايت .



وبعد جولة ممتعه في شلالات الراين توجهنا لمدينة زيورخ وكانت الخطه فقط للمرور بالمدينه والخروج منها مباشره لانترلاكن......

قريباً درة الريف السويسري انترلاكن
دمتم بود
ابو عبدالله








رد مع اقتباس
قديم 11-05-12, 06:19 am   رقم المشاركة : 7
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء الخامس
درة الريف السويسري


انترلاكن 23-6-2011 الى26-6-2011
بعد جوله ممتعه في مصبات نهر الراين توجهنا للعروسه انترلاكن
عبر طريق زيورخ ولما وصلنا مشارف زيورخ كان بالامكان نستمر بالطريق السريع بس حبينا ندخل زيورخ ونشوفه على عجل,,
دخلنا زيورخ ولفينا فيها لفه سريعه بالسياره
خرجنا من زيورخ باتجاه انترلاكن وكانت المسافه قرابة 118 كلم طبعا ديروا بالكم الطريق مراقب بالكميرات اخذنا في هالطريق قسيمه سرعه مادريت عنها الا بعد شهرين من عودتنا وصلني خطاب من شرطة زيورخ يطلبون حضوري للمحكمه واخر شي صارت القسيمه 120 فرنك,,,


الطريق الى انترلاكن


إضغط على الصورة لتكبيرها ... أبعاد الصورة الأصلية 640x478 وحجمها 38 كيلو بايت .



وصلنا انترلاكن وتوجهنا لقرية Lauterbrunnen وهي تبعد حوالي 12 كيلو من وسط انترلاكن وكنا حاجزين كوخ في مخيم رهههههههيب بين شلال ستوباخ وتروميل باخ وحوله انهار وجداول رهيبه اسم هذا المخيم
كامبيج جنقفورا
camping jungfora


هذا مدخل المخيم


إضغط على الصورة لتكبيرها ... أبعاد الصورة الأصلية 640x478 وحجمها 82 كيلو بايت .



تم حجزه عن طريق بوكنج ب 390 فرنك لثلاث ليالي ويعتبر رخيص مرره مقارنه باسعار الفنادق في وسط انترلاكن طبعا اخذنا كوخ 6 اشخاص فيه غرفه فيها سرير مزدوج وغرفه صغيره فيها اربع سرر فوق بعض وصاله مع مطبخ مجهز تجهيز كامل
وبالنسبه للمخيم فيه كل التجهيزات وفيه سوبرماركت ومقهى
يعني لو تجلس فيه بدون ماتطلع ماتمل
ولو تبي وسط انترلاكن بخمس دقايق
هذا رابط المخيم على بوكينج


http://www.booking.com/hotel/ch/camping-jungfrau-hostel.ar.html?aid=325250;label=bookings-naam-
Q2baxLPfjqBIpLENLTYbvgS5979554598;sid=a72629dd4632 5cc5852d3c6783146a9d;dcid=2


هنا بعض الصور للكوخ والمخيم
طبعا المخيم تحت شلال ستوباخ يعني نسمع صوت الشلال واحنا في الكوخ







هنا وقفنا السياره جنب الكوخ


إضغط على الصورة لتكبيرها ... أبعاد الصورة الأصلية 640x480 وحجمها 56 كيلو بايت .



صور من داخل الكوخ واعداد العشاء


إضغط على الصورة لتكبيرها ... أبعاد الصورة الأصلية 640x480 وحجمها 34 كيلو بايت .



إضغط على الصورة لتكبيرها ... أبعاد الصورة الأصلية 640x480 وحجمها 42 كيلو بايت .



هاه يابشمهندس السقف هردي ولا ايه


إضغط على الصورة لتكبيرها ... أبعاد الصورة الأصلية 640x480 وحجمها 38 كيلو بايت .



طبعاً نسيت اقولكم هالمخيم يأجر اكواخ ويأجر مكان فقط تطق فيه الخيمه و فيه ناس يجون على كرفانات وحاطين مرافق عامه للغسيل والطبخ ,,,


في الصباح تشوفوا المشاهد جميله,,, الناس يجهزون الفطور والقهوه على دوافير
سبحان الله وانت هناك كنك في مخيمات عسيلان والطرفيه
هههههههههههههههههه


شوفوا الصور ولاحظوا الشلالات مع كل جهه من الجبل


إضغط على الصورة لتكبيرها ... أبعاد الصورة الأصلية 640x480 وحجمها 77 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 59 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 89 كيلو بايت .



في الصباح اخذنا جوله في المنطقه المحيطه بالمخيم ,الحقيقه منطقه جميله جداً وفيها مكان لتأجير المناطيد وكذلك وجدنا طائرات صغيره تاخذ بك جوله على المنطقه خمس اشخاص ب600 يورو غاليه شوي والقروب كله عنده فوبيا مرتفعات,ههههه


ومرينا بشلال تروميل باخ بس ماطلعنا له
هذي صور للمنطقه


إضغط على الصورة لتكبيرها ... أبعاد الصورة الأصلية 640x478 وحجمها 76 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 60 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 53 كيلو بايت .






إضغط على الصورة لتكبيرها ... أبعاد الصورة الأصلية 640x480 وحجمها 66 كيلو بايت .






إضغط على الصورة لتكبيرها ... أبعاد الصورة الأصلية 640x480 وحجمها 47 كيلو بايت .






ونزلنا لبحيرة ثون وبيرن وتمشينا حولهم


إضغط على الصورة لتكبيرها ... أبعاد الصورة الأصلية 640x480 وحجمها 49 كيلو بايت .



إضغط على الصورة لتكبيرها ... أبعاد الصورة الأصلية 640x480 وحجمها 53 كيلو بايت .



عوده للمخيم





اطلاله من نافذة الكوخ لقمة جنقفور
يمكن الصعود لقمة جنقفورا الثلجيه بس حنا ماطلعنا لاننا طلعنا قمة كابرون


إضغط على الصورة لتكبيرها ... أبعاد الصورة الأصلية 640x480 وحجمها 34 كيلو بايت .



في اليوم التالي وبعد تناول وجبة الافطار مع الخبز الابيض (جابته لنا هايدي على طريقه وهي طالعه للجبل بعنزاته)ههههههههههههههه
اخذنا قهوتنا واغراضنا وطلعنا باتجاه انترلاكن ودخلنا وسط البلده وركنا السياره بمواقف بقيمة 1 يورو للساعه وتجولنا في البلده رووووووووعه


شوارعها حلوه والتمشي فيها يشرح الصدر
طبعا توجهنا لشارع هوهيفيج وهو شارع تنتشر فيه المطاعم والمقاهي ومحلات تجاريه وفيه فنادق على نفس الشارع


في هذا الشارع جلسنا في احد المقاهي جلسه رايقه وتشوف العربات الي تجرها خيول والسياح كثيرين رايحين جايين وفي جهه من هذا الشارع فيه ناس تأجر طيران شراعي يحلقبك فوق انترلاكن اعتقد ب 100 فرنك,,,,


بعض الصور للشارع الرئيسي في انترلاكن


إضغط على الصورة لتكبيرها ... أبعاد الصورة الأصلية 640x478 وحجمها 59 كيلو بايت .



اه ياحلو هالتمشايه
مطبوعه في الذاكره


إضغط على الصورة لتكبيرها ... أبعاد الصورة الأصلية 640x480 وحجمها 53 كيلو بايت .



صوره لاحد المقاهي ,,
يابوفهد مايكفي كبتشينو ب8 يورو وجاي تبي حليب طازج كماااااان


إضغط على الصورة لتكبيرها ... أبعاد الصورة الأصلية 640x478 وحجمها 54 كيلو بايت .



هنا معارض الشوكلاته السويسريه


إضغط على الصورة لتكبيرها ... أبعاد الصورة الأصلية 640x478 وحجمها 60 كيلو بايت .



هدايا من الشكلاته السويسريه بقيمة 100 فرنك


إضغط على الصورة لتكبيرها ... أبعاد الصورة الأصلية 640x478 وحجمها 69 كيلو بايت .



وبعد هذه الجوله الممتعه توجهنا الى البحيره الزرقاء bluesee
وهي بحيره تبعد حوالي 20كم من انترلاكن في قرية اسمها mitholz
تفتح 9 صباحاً الى 7 مساءً وهي بحيره لونها ازرق وفيها قوارب تقدرون تركبونها مجاناً وفيها منطقه للشواء والطبخ وفيها مطعم كبير مطل على البحيره


اذكر ان تذاكر الدخول بحدود 5 يورو للشخص


إضغط على الصورة لتكبيرها ... أبعاد الصورة الأصلية 640x478 وحجمها 60 كيلو بايت .



دخلنا البحيره ومعنا قهوتنا وجلسنا فيها قرابة اربع ساعات استمتعنا فيها جداً


إضغط على الصورة لتكبيرها ... أبعاد الصورة الأصلية 640x478 وحجمها 77 كيلو بايت .



إضغط على الصورة لتكبيرها ... أبعاد الصورة الأصلية 640x480 وحجمها 73 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 66 كيلو بايت .



صوره للبحيره عن قرب


إضغط على الصورة لتكبيرها ... أبعاد الصورة الأصلية 640x480 وحجمها 72 كيلو بايت .



يمكن ركوب القوارب مجاننا


إضغط على الصورة لتكبيرها ... أبعاد الصورة الأصلية 640x480 وحجمها 66 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 62 كيلو بايت .



واخذنا جوله حول البحيره ووجدنا نهر جاري عبرنا جسر خشبي ووصلنا للنهر وهذي صورته






إضغط على الصورة لتكبيرها ... أبعاد الصورة الأصلية 640x480 وحجمها 62 كيلو بايت .



إضغط على الصورة لتكبيرها ... أبعاد الصورة الأصلية 640x480 وحجمها 67 كيلو بايت .



وجاء وقت صلاة العصر وصلينا على ضفاف البحيره


إضغط على الصورة لتكبيرها ... أبعاد الصورة الأصلية 640x480 وحجمها 53 كيلو بايت .



رجعنا وفي الطريق توجهنا الى سوبرماركت مقرسmegros
سوبرماركت كبير جدا وفيه كل شي ولكن سألنا عن لحوم او دجاج حلال وماحصلنا والغريبه ان احد الموظفات لما سألته عن اللحوم الي مذبوحه حلال قالت لاتسأل لان القانون يحاسبك بس مايأسنا وحصلنا سيده هنديه مسلمه وقالت فيه بقاله تبيع منتجات حلال جنب سنما ريكس ,,,طيب وصفي لنا قالت مااعرف ,, وحنا ماسكه نظبط الكبسه,,,رحت للسياره وشغلت النوفي وبحثت عن صالات السنما وحصلت سنما ريكس وتوجهت لها ولقيت البقاله جنبه وفعلاً فيها دجاج مكتوب عليه بالعربي مذبوح على الطريقه الاسلاميه ومنتجات اخرى حلال ,,,هذا للعلم لانه احيانا صعب تلقى الاكل الحلال...
لو بغيتوا وصفه (جنب سنما ريكس ورجل الديك تجيب الديك)
اشترينا دجاج ب9 يورو الدجاجه الوحده بينما في ميونخ ب4.5 يورو يعني دبل السعر
هذا عادي لكن في سوبرماركت مقروس تخيلوا 100 جرام لحم غنم ب 5.5 فرنك يعني الكيلو ب55 فرنك يعني 220 ريال كيلو اللحم اجل لو ارضهم صحراء وماعندهم مراعي كم بيكون؟؟؟
بس فرق جامد عن ميونخ اخذت الكيلو ب 8 يورو يعني 44 ريال ...



رجعنا للمخيم وكملنا قهوتنا من شرفة الكوخ لحظة الغروب


إضغط على الصورة لتكبيرها ... أبعاد الصورة الأصلية 640x478 وحجمها 60 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 53 كيلو بايت .



وظبطنا العشاء ونمنا استعداداً للانطلاق للوجه التاليه وهي رست الالمانيه
طبعاً كان الوقت المقرر لرست يوم واحد فقط وحنا عارفين ان يوربا بارك تفتح الساعه 9 صباحا فاستيقظنا بدري وظبطنا القهوه والشاي وكنا مرتبين شنطنا من الليل لانه أي تأخير يلخبط الجدول....


وكالعاده البشمهندس يهبلبنا ماقام –الله يعين الي تبي تزوجه –لازم تصرفله بدل تقويم,,,,,هههههههه,,,,,


لازم نشد ونهمهم علشان نلحق على اليوربا بارك





حملنا شنطنا وودعنا كوخنا الجميل يوم 26-6-2011 وهذا التاريخ وثقته على شنطة البي ام


إضغط على الصورة لتكبيرها ... أبعاد الصورة الأصلية 640x478 وحجمها 67 كيلو بايت .



ادخلت احداثية اليوربا بارك ورفض النوفي يحتسب الطريق
يعني كيف نبي ناصل؟؟
هنا نجي لفايدة برنامج الماب سورس map source اللي ذكرتلكم في الجزء الاول(التجهيز للسفر)
فتحت الاب توب في السياره وشفت الخريطه وخط السير على الشاشه
وتتبعت المناطق اللي يمر فيها طريقنا
كانت المسافه الى رست 240 كلم
وحصلت مزارع التوت على الطريق يمكن بنصف الطريق بين انترلاكن ورست الالمانيه طبعاً كله من الخريطه واحنا في السياره


دخلت احداثية المزارع واحتسب الطريق
وتوجهنا الى المزارع
وصلنا لمخرج على الطريق السريع يؤدي الى المزارع وهنا الغينا احداثية المزارع وتبعنا اللوحات على الطريق السريع
وبعده دخلت احداثية البارك والحمدلله احتسب الطريق
واكتشفت انه فيه قرابة 20 كلم من الطريق غير مدرجه في الخريطه الموجوده في النوفي
وانا ذكرت هالموقف لأنه قد يحصل معكم علشان ماترتبكون,,,


اتمنى ان يكون هذا الجزء قد حاز على رضاكم
وأي استفسار جاهزين
وانتظروني في الجزء السادس
يوربا بارك








رد مع اقتباس
قديم 11-05-12, 06:23 am   رقم المشاركة : 8
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء السادس

الطريق الى رست الألمانيه (يوربا بارك) 26-6-2011

في الصباح الباكر توجهنا من انترلاكن الى رست عبر منطقة باسل حيث كانت المسافه قرابة 240 كلم وكان الطريق جيد واغلبه سريع وكان يوافق يوم الاحد ورئينا الكثير من العوائل في هذا الطريق متجهه الى اليوربا بارك ...

إضغط على الصورة لتكبيرها ... أبعاد الصورة الأصلية 640x480 وحجمها 35 كيلو بايت .


وقفه على الطريق للافطار ,,,,مثل الجلسات الي على الطرق السريعه عندنا,,هههههه

إضغط على الصورة لتكبيرها ... أبعاد الصورة الأصلية 640x478 وحجمها 79 كيلو بايت .


وصلنا رست في الوقت المحدد وتوجهنا للفندق وكنت استأجرت شقه في فندق 4 نجوم تديره عائله المانيه طيبببه جدا
طرقت الباب وفتحت لي بنتهم وقلتله انا مستاجر عندكم ونادت امها وابوها ورحبوا فينا وقالوا انتم جايين قبل الشك ان ,واصلين يمكن 8.30 صباحا
قلت احنا رايحين للبارك بس حبيت اتاكد من الشقه.
وعطونا تذاكر للبارك قالوا ماله داعي تمسكون سرا على شباك التذاكر وقالوا اول ماتخلصون من البارك تحصلون الشقه جاهزه وكذلك عطونا تذكره لموقف السياره
طبعا ًالتذاكر قيمتها تقريبا 170 يورو لخمسة اشخاص والله ماسألوا عن المبلغ
وطلع الاب قدامنا بسيارته لحد ماوصلنا لبوابة البارك ...

يوربا بارك:

تعتبر اليوربا بارك اكبر حديقه ترفيهيه في المانيا ومن اكثر المنتزهات شعبية في اوربا.
تقع في قرية رست جنوب غرب المانيا بين فرايبورغ وستراسبورغ الفرنسيه
في عام 2011 قدر عدد زوار هذا المنتزه ب 4.5 مليون زائر .
المنتزه مقسمه الى 15 منطقه مختلفه كل منطقه تحمل شعار دوله اوربيه معينه..
هذا المنتزه تمتلكه عائلة ماك , وافتتحت عام 1975 ...

إضغط على الصورة لتكبيرها ... أبعاد الصورة الأصلية 640x480 وحجمها 54 كيلو بايت .




إضغط على الصورة لتكبيرها ... أبعاد الصورة الأصلية 640x480 وحجمها 43 كيلو بايت .


إضغط على الصورة لتكبيرها ... أبعاد الصورة الأصلية 640x480 وحجمها 38 كيلو بايت .


إضغط على الصورة لتكبيرها ... أبعاد الصورة الأصلية 640x480 وحجمها 49 كيلو بايت .






وهنا رابط لموقع الاخ ابوعزيز وفيه معلومات كامله عن اليوربا بارك


http://www.aboaziz.net/blog/?p=691
دخلنا البارك وكان فيه زحمه شديده على شباك التذاكر فدخلنا بدون سرا لان التذاكر معنا.
لحظة الوصول في المواقف لاحظوا ألاف السيارات وفيه ناس تنظم المواقف ولاتشوف أي لخبطه ,,تنظيم صح

إضغط على الصورة لتكبيرها ... أبعاد الصورة الأصلية 640x478 وحجمها 59 كيلو بايت .


مدخل البارك

إضغط على الصورة لتكبيرها ... أبعاد الصورة الأصلية 640x478 وحجمها 49 كيلو بايت .


إضغط على الصورة لتكبيرها ... أبعاد الصورة الأصلية 640x478 وحجمها 47 كيلو بايت .




إضغط على الصورة لتكبيرها ... أبعاد الصورة الأصلية 640x478 وحجمها 66 كيلو بايت .


وهنا كان الجوع وصل حده فصدت هالسمكه واعطيته الشيف باحد المطاعم وظبط لنا الوجبه ب11 يورو,,,ههههههههه

إضغط على الصورة لتكبيرها ... أبعاد الصورة الأصلية 640x478 وحجمها 63 كيلو بايت .


url=http://www.0zz0.com]إضغط على الصورة لتكبيرها ... أبعاد الصورة الأصلية 640x478 وحجمها 57 كيلو بايت .
[/url]


وبعده كملنا لعب ,,الحقيقه متعه لاتوصف بس المشكله انه كنا جايين يوم ويك اند وزحمه مررره نوقف بالسرا فتره طويله علشان نطلع اللعبه بالاظافه وافقنا يوم مشمس الاوربيين فرحين وحنا ودنا تغيب الشمس,
انصحكم صراحه ماتجون يوم الاحد علشان الزحمه ...



جلسنا في البارك لحد الساعه 7 تقريباً وبعد كذا رجعنا للفندق واستقبلنا الاب وكان مايتكلم انجليزي ابداً وجاب بنته نتفاهم معها وسلمنا شقه سوبر ديلوكس فخامه ونظافه .
الصراحه اللي لاحظته ان رست الالمانيه عباره عن تاون صغيره وأغلب اهلها مزارعين لأني اشوف الحراثات في الشوارع بكثره والناس طيبييييين قوه وهذا ماحصل معنا عند العائله الي سكنا عندهم خدمونا بتذاكر البارك وكنت لما اسأل عن أي شي يجتهد ويحاول خدمتي بأي طريقه..

الفندق اسمه Pension Marianna وتصنيفه اربع نجوم وكان اسمه غير كذ لما استأجرنا لما رجعت له في بوكنج وجدت فيه تجديدات وتعديل على اسمه.
كان اسمه gastehaus-weimer

هذا موقعه على بوكنج




http://www.booking.com/hotel/de/gastehaus-weimer.en.html
كلفتنا الشقه 97 يورو لليله واحده لخمس اشخاص وهذي صور الشقه
البنايه من الخارج جديده مبنيه عام 2010


إضغط على الصورة لتكبيرها ... أبعاد الصورة الأصلية 640x478 وحجمها 44 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 42 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 44 كيلو بايت .



إضغط على الصورة لتكبيرها ... أبعاد الصورة الأصلية 640x478 وحجمها 42 كيلو بايت .






الحقيقه تكلفت هذه الشقه تقريبا 540 ريال وهي رخيصه على اناقتها ونظافتها وحسن الظيافه..
صارلنا قصه مع هالعائله لما استلمنا الشقه كان يوم الاحد وسألت الاب عن اقرب سوبرماركت فقالي لاتدور اليوم الاحد وبالمساء كل المحلات مقفله وسالني وش محتاج قلت ابي اشتري لحم اودجاج نبي نطبخ عشانا
راح الرجل ودخل بيته وخمس دقايق والباب يطق وافتح وتدخل الام والاب معهم كيس افخاذ دجاج متبله وجاهزه للشوي جايبينه من بيتهم وبحكم انهم مايتكلمون انجليزي يأشرون لي بالاشاره انه دجاج مذبوح – اعتذرنا منهم وخجلنا واصروا
اننا نقبل وقالت الام ابطبخه لكم وفعلا ظبطته في الفرن وقالت 15 دقيقه يكون جاهز.

لما جاء الحساب حاولت ادفع حق الدجاج ورفضوا .
موقفهم معنا وحسن استقبالهم لن ننساه

هذي صور الدجاج حلفت اني انزله في المنتدى


إضغط على الصورة لتكبيرها ... أبعاد الصورة الأصلية 640x478 وحجمها 42 كيلو بايت .


لما اصبحنا وبعد الفطور اشتريت باقة ورد وكتبت عليها خطاب شكر للعائله ورتبنا الشقه ونظفناها وطلعنا منها مثل مادخلنا

إضغط على الصورة لتكبيرها ... أبعاد الصورة الأصلية 640x478 وحجمها 43 كيلو بايت .


واثناء تحميلنا للأغراض في السياره طلعت العائله كلها من بيتهم الاب والام

والبنات وودعونا وقالوا لنا (هاف انيس ترب)have a nice trip
ودعناهم,,, ولو رجعنا مره ثانيه ماراح نسكن الا عندهم...
اشكركم على المتابعه
وانتظروني في الجزء الأخير باريس
دمتم بخير
ابوعبدالله






رد مع اقتباس
قديم 11-05-12, 06:25 am   رقم المشاركة : 9
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

الجزء السابع


الانطلاق من رست الالمانيه الى الوجهه النهائيه باريس 27-6-2011 :
كما اسلفت طلعنا من رست صباحاً وبعد مامشينا لاحظنا صورة سفينه تظهر على شاشة النوفي وماعرفنا وش السالفه ,,واصلنا السير وتفاجأنا بالطريق يقف عند نهر يبدولي انه امتداد نهر الراين لانه النهر الوحيد الي يشكل حدود بين الاراضي الالمانيه والاراضي الفرنسيه
وقفنا ولاحظنا وجود سفينه كبيره تعبر بالسيارات من الظفه الالمانيه الى الظفه الفرنسيه ,
سألت واحد من اللى موقفين ينتظر السفينه وقلت هذا الطريق يوصل لباريس قالي اعبر الظفه الثانيه وتوجه للطريق السريع وقالي السفينه تنقلك بسيارتك مجاناً
دخلنا سيارتنا وعبرنا الظفه وكانت تجربه حلوه وهذي صوره اثنا عبور السفينه وحنا وسيارتنا على ظهر السفينه




إضغط على الصورة لتكبيرها ... أبعاد الصورة الأصلية 640x478 وحجمها 38 كيلو بايت .


عبينا بنزين من قريه فرنسيه ووصلنا للخط السريع وكانت المسافه من رست الى باريس بعيده جدا حوالي 546 كلم , مررنا خلالها بمدينة ستراسبورغ وهذي صوره من الطريق

إضغط على الصورة لتكبيرها ... أبعاد الصورة الأصلية 640x480 وحجمها 36 كيلو بايت .


وصلنا باريس العصر وكنا مرهقين وتوجهنا للفندق مباشره وكانت الانطباعات للشباب مش ولابد وذلك بسبب الفوضى في القياده في باريس وعدم النظافه مقارنة بالمدن والقرى الالمانيه مع العلم اني محذرهم من باريس بس (اصروا الحاحاً ) انهم يشوفون باريس هههههه
Adagio Paris Buttes Chaumont نزلنا في فندق
وهو الفندق الوحيد الي 3 نجوم في رحلتنا اجمالاً نظيف بس بعيد عن وسط باريس نحتاج وقت في المترو علبال ماناصل الشانزليزيه
والفندق في منطقه يسكنها افارقه يعني بالليل والله كنا نخاف وحنا طالعين وداخلين ولذلك ماانصح فيه ابد
الي اظطرنا لهالفندق ان عددنا خمسه ماحصلنا شقق متاحه في توقيتنا وفي وسط البلد .
كنا مستأجرين ليلتين 438 يورو وكانت الشقق وسط باريس لخمس اشخاص تتعدى 600 يورو لليله الواحده.
وماراح ادرج صور الفندق لأني ماانصح احد يستأجر فيه
ولبقنا سيارتنا في مواقف الفندق ب 20 يورو الى الصبح وفي الصباح خرجت انا وابوصالح وتوجهنا الى مكتب سكست وسلمنا السياره .
ورجعنا للشقه وكملناه نومه مع الشباب
ومما زاد الطين بله كان الجو حاااار جداً والشقه مافيها مكيف وفي المترو زحمه قوووه وحر ومظاهر بؤس وكثير من المحطات قذره للغايه
انا طبعاً من الاصل مارضيت عن الجيه لباريس وكوني شايف اهم المعالم في رحلتي 2009 عطيت العيال الخرايط قلت تمشوا لحالكم انا ودي اغمض وافتح والقى نفسي في ميونخ ولا زيلامسي..
من ميونخ وزيلامسي الى باريس اكتااااااااب ..
واحد من الشباب اخوه راعي صيد كان يكلم علينا وقاله رفيقنا ان الوضع في باريس سيئ فقال كلمه حلوه ومعبره
(اجل باريس مثل صيد الحبارى سمعته ازين من اكله)..
اهم شي لايزعلون علي عشاق باريس
بس من جد ماحبيته

رحت مع الشباب كم مشوار والباقي جالس في الشقه على النت ..
وهذي صورنا
صوره جماعيه مقابل قوس النصر في شارع الشانزلزيه

إضغط على الصورة لتكبيرها ... أبعاد الصورة الأصلية 640x480 وحجمها 56 كيلو بايت .


ساحة الكونكورد امام متحف اللوفر

إضغط على الصورة لتكبيرها ... أبعاد الصورة الأصلية 640x480 وحجمها 49 كيلو بايت .


صوره للشباب مقابل برج ايفل

إضغط على الصورة لتكبيرها ... أبعاد الصورة الأصلية 640x480 وحجمها 64 كيلو بايت .






طبعاً اتمشينا في شارع الشانزلزيه وجلسنا في المقاهي اللي على نفس الشارع
واعتذر عن اختصاري في تقرير باريس لانه ماكنت رايق هناك ابد
في اليوم الاخير استاجرنا تاكسي ب 70 يورو ووصلنا لمطار شارلديقول ورجعنا لارض الوطن,,,,,



ومازلنا نعيش اجمل الذكريات في رحلة جمعت روعة المكان وأعز الاصدقاء
دمتم برعاية الله واشكركم على المتابعه









رد مع اقتباس
قديم 11-05-12, 07:11 am   رقم المشاركة : 10
المنغره
عضوة قديرة
 
الصورة الرمزية المنغره






معلومات إضافية
  النقاط : 10
  المستوى :
  الحالة : المنغره غير متواجد حالياً

'"

ماشاءالله تبارك الرحمن
مدري وش اقتبس وش اخلي
رحله موفقه جدا..احسنتوا الاختيار..

تقرير رائع...وجميل انك وضحت التكاليف
الله يهنيكم..وتعدونه على خير
الف شكر

"'







التوقيع


رد مع اقتباس
قديم 11-05-12, 10:13 am   رقم المشاركة : 11
•¦تفآصِيلَ الخَجَل
رغمَآ عني يخنقنيَ [ الحنينَ ] لـ أيآم لن تعَودّ . . . !
 
الصورة الرمزية •¦تفآصِيلَ الخَجَل






معلومات إضافية
  النقاط : 10
  المستوى :
  الحالة : •¦تفآصِيلَ الخَجَل غير متواجد حالياً


ماشاء الله على الطبيعه
رحله رائعه واختيار اروع
الله يعطيك ال1000ـف عافيه على التقرير







التوقيع


_

كل شئ تحبهـ توقع ضياعهـ هي لم تسمى دآر الفناء عبثاً*


[OVERLINE]مدونتي[/OVERLINE]

رد مع اقتباس
قديم 11-05-12, 03:10 pm   رقم المشاركة : 12
كلوز
فتــى جـهينــه
 
الصورة الرمزية كلوز






معلومات إضافية
  النقاط : 10
  المستوى :
  الحالة : كلوز غير متواجد حالياً

صصور جميله جدآ , ورحله ممتعه







التوقيع

الصمتْ .. هو الورق الذي نكتُب عليه الألـم

رد مع اقتباس
قديم 11-05-12, 03:51 pm   رقم المشاركة : 13
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

اقتباس:
 مشاهدة المشاركةالمشاركة الأصلية كتبت بواسطة المنغره 
   '"

ماشاءالله تبارك الرحمن
مدري وش اقتبس وش اخلي
رحله موفقه جدا..احسنتوا الاختيار..

تقرير رائع...وجميل انك وضحت التكاليف
الله يهنيكم..وتعدونه على خير
الف شكر

"'

هلا بك يالمنغره
تشرفت بمرورك على التقرير
وانشالله تكون الصور كلها ظاهره






رد مع اقتباس
قديم 11-05-12, 03:53 pm   رقم المشاركة : 14
سوااح
عضو محترف
 
الصورة الرمزية سوااح






معلومات إضافية
  النقاط : 10
  المستوى :
  الحالة : سوااح غير متواجد حالياً

اقتباس:
 مشاهدة المشاركةالمشاركة الأصلية كتبت بواسطة غـــلاتي فـــوق 
  
ماشاء الله على الطبيعه
رحله رائعه واختيار اروع
الله يعطيك ال1000ـف عافيه على التقرير

الله يعافيك
وتسلمي على المرور






رد مع اقتباس
قديم 11-05-12, 03:54 pm   رقم المشاركة : 15
المنتصر بالله
كاتب في شؤون مدينة بريدة





معلومات إضافية
  النقاط : 10
  المستوى :
  الحالة : المنتصر بالله غير متواجد حالياً

ماشاء الله من اجمل الرحلات واكثرها ترتيباً

الترتيب والتنظيم هو الاساس لاي رحلة ناجحه

استمتعت جداً بالموضوع .. شكرا لك







التوقيع

كي تكون عظيمأ عليك ان تبتسم عندما تكون دموعك على وشك الانهمار‍‍‍

رد مع اقتباس
إضافة رد
مواقع النشر
يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع
:: برعاية حياة هوست ::
sitemap
الساعة الآن 09:02 am.


Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة

المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها

 

كلمات البحث : منتدى بريدة | بريده | بريدة | موقع بريدة