[align=center]قمة التحدي أن تبتسم .وفي عينيك ألف دمعه [/align]
[align=center]***************************[/align]
[align=center]دائما يقلقني المستقبل في كل شئ . لأني أخاف دائما من المجهول [/align]
[align=center]***************************[/align]
[align=center]صادفت أهلي مو موجودين والاستراحه صادفت ما فيها أحد الظهر . وأنجبرت أتغداء بالمطعم . وأنا بطبعي أكره أكل المطاعم .. أكلت وأنا كاره الاكل بالمطعم .. لاني أكثر المطاعم وسخه وقليل فيها النظافة .. لكن أنتبهوا أذا جاني شئ من اللي أكلته لازم تودوني للمستشفى هههه بسم الله علي .. [/align]
[align=center]***************************[/align]
[align=center]على طاري المطاعم قبل كم يوم جالس انا وأثنين من أصدقائي بأستراحتي . وجت الساعه 11 بالليل . قلنا تبونا نتعشاء . قلنا يالله . بس منين نتعشاء لان ما يمدينا نطبخ . قلنا يروح احد منا للمطعم يجيب لنا رز . والمطعم اللي ذكرناه حنا يبعد عنا 15 دقيقه بالسياره .. قال صديقي مالي خلق أروح . وقلت أنا مالي خلق بعد انا . وقال صديقي الثاني حتى أنا بعد مالي خلق اروح اجيب ( صرنا كسولين ههه ) . قلنا شكلها تبي تصفي ناكل خبز وجبن يالله من فضلك . وقلنا يالله نروح ناكل من المطعم اللي بجنب الاستراحه .. قلنا يالله نروح له . والمطعم هذا اللي بجنب استراحتي ما قد أكلت منه ابد . لاني أدري أن المطعم هذا شكله وسخ . عاد ايش نسوي كلنا كسولين بوقتها . يوم دخلنا للمطعم اللي بجنب استراحتي وكان في الاستقبال عامل ( يمني ) والطباخين يمنيين . عاد أنا أشوف القدور والكواتم وأثاث المطعم يحوم الكبد . عاد صديقي قال لليمني فيه عشاء محلي . قاله ايه قال ايش فيه . قال فيه مندي ورز ابيض ورز عدني . عاد قاله خلاص جب لنا دجاجه مندي مع الرز محلي .. عاد يوم جينا نجلس بالجلسه رجع صديقي لللي بالاستقبال . وقاله صديقي الرز اللي موجود عندكم حق اليوم ولا حق أمس هههه .. يوم قال كذا ضحكت انا وصديقي من قلب . قاله العامل اليمني هذا حق طبخ اليوم . ويوم جلسنا بالجلسه . طبعا صديقنا الثالث ما يدري ان المطعم هذا شين .. علمناه حنا بعدين . علمناه وحنا جالسين يوم جابوا العشاء وبدينا نتعشاء بديت أنا وصديقي الثاني نستهتر ونعلق على المطعم . وجي يقول صديقنا الثالث . أثاريكم جايبيننا لمطعم شين هههه . قلنا توك تدري . وايش نسوي كلنا متعيجزين نجيب من مطعم زين غيره . عاد يوم بدينا ناكل من العشاء واثاري الرز بارد اشوي وأكرم الله النعمه شين الطبخ . والزيت حق الدجاج له ريحه أحس أنهم حاطين زيت منتهي تاريخه . وحنا ناكل بدينا نعلق ونضحك على المطعم . ومن ضمن التعليقات اللي قلناها ... قلت أنا شكلهم اليمنيين يوم شافونا ندخل للمطعم . شكلهم قالوا لبعض ما شاء الله جو لنا زبائن .يالله نسوي لهم أستقبال وحفله بمناسبة مجئ زبائن لنا ههه . وصديقي الثاني قال والله شكلهم حوثيين يوم جو يحطون العشاء لنا تفلوا بعشانا هههه . وقلت أنا لاصدقائي الله يستر شكلنا أذا طلعنا من المطعم يبي يجينا تسمم عاد منهو اللي راح يودينا للأسعاف لانه راح كلنا راح نمرض من التسمم . قال واحد منا ومن قالك أننا اذا طلعنا يبي يجيني تسمم لان التسمم راح يجينا وحنا بالمطعم قبل ما نطلع وراح نخلي اليمنيين اللي بالمطعم هم اللي راح يودونا للأسعاف . قال صديقنا الثالث أيه صح زباين حنا لهم لازم يودوننا للاسعاف ههه وقلنا تعليقات كثيره . بس نسيتها . لكن كلها تعليقات مضحكه .. يوم خلصنا من الاكل . طبعا اكلنا وحنا مغصوبين أيش نسوي . يوم قمنا نخسل بالمغاسل . شفت الاسلاك حقات الكهرب كلها طالعه برا . قلت الله يستر لا يكهربنا الكهرب ههه . عاد يوم غسلنا بديت أسمع صوت السيارات اللي بالشارع اللي رايحه واللي جاية . لانه شارع رئيسي . عاد من اصوات السيارات اللي سمعناها . طلعت انا تعليق مضحك . قلت للعيال من صوت السيارات اللي نسمعها كأننا بمطعم على طريق عفيف وحنا رايحين كاننا مسافرين . وصدق وحنا داخل المطعم . حسينا أننا نأكل بمطعم على طريق السريع . هههه[/align][align=center]
وطلعنا من المطعم والحمد لله ما جانا شئ ولا رحنا للاسعاف . ههه .
لكن فعلا أحيانا يبلش الواحد وياكل من مطعم طبخه شين .. لان الواحد يجي له أوقات ما له مزاج يروح لمطعم زين . لانه أحيانا المطاعم الزينه تكون تبعد عشر دقايق او ربع ساعه . علشان كذا الواحد يكسل يتحرك من مكانه أحيانا . وأحيانا يصير له الواحد مزاج يروح لاي مشوار حتى لو هو بعيد ...![/align]
لكن طبخ البيت هو أفضل بكثير من طبخ المطاعم الشينه .. والله يخلي لنا أهالينا اللي يريحون لأخوانهم وأبائهم وأهاليهم .. عسى الله يخليهم لكم يااارب .. لان الامهات والاخوات يتعبوا كثير من أجل الاخوان والاباء ..
[align=center]***************************[/align]
[align=center]العمل الجيد افضل بكثير من الكلام الجيد [/align]
[align=center]***************************[/align]
[align=center]ما أجمل البساطه وعدم التكلف .. وأكره أنا التصنع [/align]
العرض العادي
