أهل بريده وسوء الظن هل يوجد لها حلول !!!!

[صاحي ورايق]

[align=center]ههههه
أجل يحسبون إنك يا قلبي حرثت عن قرنك
ما يدرون أن أسلوب اللكاعه تحوم حولك حومان
ولا يدرون أن اللعانه منك وفيك
طبعآ لعانه عفويه حسنى !
من حيث إساءة الظن بالأخرين
فا أنا وأنت أولهم وهذا شيء واضح للكل
أحنا في مجتمع وبالذات في وقتنا هذا الطرف الأخر هو من يحكم على نفسه بهذا الحكم
يعني الحب وصفاء النفوس زالت وأنمحت من قاموسنا
أهالي بريده بالذات كل شخص منهم يأكل من لحم الثاني
وكثرة السرقه واللعب على أصحاب الأمانه ممن ليست لديهم هذه الصفه الحمقاء
فا الطيب منهم عندما يرى غيره يأكل وينهب دون وجهه حق من هؤلاء الضعوف
فتأكد بإن الكثير راح يكون خلفه ويتبع منهاجه
هكذا هي المسأله
الكل فقد إمانه غيره بسب ما نسمعه ونراه من الغير
والكل أساء الظن بالغير بسبب أعمال غيره !
من حيث محاصرة الذكاء لإهالي بريده دون غيرهم
فهذي دائمآ ألحظها
ينظرون لغيرهم بإنهم بهائم لا تهش ولا تنش
ينظرون لغيرهم بإنهم أغبياء غير قادرين على مجاراة شخص من هذه المدينه
دائمآ هذي هي نظرة الشخص البريداوي لمن هم خارجها
وتلاقي جميع السلبيات منه وبه لا تتعداه أبدآ
الحلول يا خلفهم خليك مثلهم ما فيه حلول

( هيفاء يومنك تنامين كل هذه الساعات صدق إنتي تصلين أو إذا صحيتي صليتيهن كلهن كانهن تراويح )[/align]

[عاشق ديرتي بريده]

مع احترامي لكل المؤيدين لهيفاءانا اقولهم كيف الحال !!!

اتحدى اي شخص ينام كل يوم 17 ساعه ويصلي الصلاة بوقته !!!

الا اذا كانت مثل الباكستاني المبلط عندي يقول انا فيه يروح للبيت يصلي عصر وظهر ومغرب سوا سوا عشاء !

[منصورعبدالله]

طيب عاشق وراه مارديت الا يوم
صاحي ورايق...
يعني مستفزع بوه... مدري احس
انك بلشت ماتدري وش ترد وجاء صاحي
ورد عشان يفك الازمه...
يعني اذا صارت تنام 17 ساعه مايكون تقوم
تصلي وترجع...هذا سؤ ظن بعد,,
عطني دليل انه ماتصلي..او اي واحد ينام
فتره طويلة... لاصار باكستانيك يجمع الدنيا
كل الناس مثله!!!
ترا مب على كيفك تصنف الناس..تكلم عن سؤ
الظن والي تسوية مدري وش يصير ...؟
سؤ ظن وانانية بعد...
الله يهديك ويهدينا بس...

تحيايت ليكـ,

[عاشق ديرتي بريده]

اقتباس: طيب عاشق وراه مارديت الا يوم صاحي ورايق...

وانت ياقلبي تحسب كل الناس مثلك راعي سهر الى الفجور !

راح مثل مايروحون اهل بريده للدين اذا بلشوا عطنا دليل !!

تبي دليل رح اقعد عند بيت واحد ينام 17 ساعه وشف هو يصلي والا لا !!

[عاشق ديرتي بريده]

نسيت ابقول شي تراي ماهجيت الحين بس عندي دوام الساعه 8 ! باي

تراي قلت كذا عشان ماتسيءالظن وتقول فلخ عشقشق , اعرفكم يااهل ديرتي ,,

[صاحي ورايق]

[align=center]

اقتباس:  المشاركة الأصلية كتبت بواسطة منصورعبدالله     طيب عاشق وراه مارديت الا يوم صاحي ورايق... يعني مستفزع بوه... مدري احس انك بلشت ماتدري وش ترد وجاء صاحي ورد عشان يفك الازمه... يعني اذا صارت تنام 17 ساعه مايكون تقوم تصلي وترجع...هذا سؤ ظن بعد,, عطني دليل انه ماتصلي..او اي واحد ينام فتره طويلة... لاصار باكستانيك يجمع الدنيا كل الناس مثله!!! ترا مب على كيفك تصنف الناس..تكلم عن سؤ الظن والي تسوية مدري وش يصير ...؟ سؤ ظن وانانية بعد... الله يهديك ويهدينا بس... تحيايت ليكـ,

لا يا حبي
ما أرح أكون أنا بوجهه المدفع لعاشق
عنده القدره على مواجه الكل هنا
وأعرف هذا الشيء من ردوده هنا
أن جيت للحق تراه صادق بقوله لهيفاء هنا
أذكر أن عاشق طرح موضوع وأساء الظن بالبنات اللي تسهر على النت لحد الفجر
وأصبح الرجال والنساء ضده ولا زال مصر على رأيه
وكان قدها وقدود في تصريحه هذا
عشان كذا أنا قلت أن عاشق ليس هو الشخص الذي يحجر أو يسقط في الفخ
صحيح أنه جبان وخواف بالطبيعه لكن شقردي بالمنتدى !

يسعدلي صباحك يا حلو[/align]

[د / ماسنجر]

[align=right]عاشق ...


لا أدري كيف عرفت بأن من ينام كل ذلك الوقت لا يصلي في وقتها ، هل أنت تعلم ما لا ترى ؟


هدانا الله وإياك[/align]

[إشراقة حرف]

خروج عن أصل الموضوع

أتمنى أن يناقش الموضوع الأساسي الذي فتح له هذا المتصفح .. وأن تدور الردود والمداخلات حوله

والابتعاد عن الفزعات وتحيز بالردود ..


الموضوع رائع و مشكله نعاني منها جميعا في مجتمعنا اتمنى ان نأخدها بجديه ونناقشها بحزم

و مناقشة الاسباب و وضع الحلول المناسبه والاتفاق على رأي او عدة اراء مناسبة لتفادي هذه المشكله



اخي عاشق ديرتي بريده ,,


ان سوء الظن صفه موجوده في جميع البشر تقريبا ولكن ترتفع نسبيا من مجتمع الى آخر

ورغم أن بريدة مدينه محافظه إلا انها لم تخلو من غزو التقليعات واقتحام العادات الغريبه التي تسببت

في تأثير على مفاهيم و عادات مجتمعنا البريداوي البسيط حتى اصبح مجتمع مستفرس للقيم والمبادئ

مما ادى الى تضخم مشكلة عدم التألف والتكافئ الاجتماعي

واصبح كلا يبحث عن ما يسعده على حساب الاخر فغلبت المجاملات والمصالح الشخصية ,,

والتي ادت الى تشتت العلاقات وانصهار حسن النيه

فاصبح الكل يفكر بأن الاخر يظهر غير ما يبطن , فختفت بذلك حسن النيه

والتي كانت في زمن اباءنا و اجدادنا هي الصفه الغالبه على طبيعتهم وتعاملهم .

ولازال يوجد في هذا الزمن من يتمتع بحسن النيه ,و يبطن الخير حتى يظهر عكسه .

[شاطئ الراحة]

[align=center]
عاشق ..


إن بعض الظن اثم .. !!


لم تحصر في مدينة واحده أو في شارع و احد أو في دولة واحده بل كانت على الأشخاص بأي جزء من الأرض ..


بموضوعك هذا كأنك توجّه حديث الرسول - إنما الأعمال ...- لأهل بريدة .. !!



تحيتي لك[/align]

[ظلام الليل]

اقتباس:  المشاركة الأصلية كتبت بواسطة هيفاءانا     والله ياعويشق انت اولهم اذكر موضوع لى عرضته عليكم انى انام 16 ساعه باليوم وكلهم ردو على رد محترم الا انت جلست تهاوش وحكمت على انى ما اصلي واذا فضيت جبت لك الرابط تحياتى لك يالفطين

يازين بعض الردود عزالله ‘إنها في الصميم

[هيفاء انا]

اقتباس:  المشاركة الأصلية كتبت بواسطة عاشق ديرتي بريده     مع احترامي لكل المؤيدين لهيفاءانا اقولهم كيف الحال !!! اتحدى اي شخص ينام كل يوم 17 ساعه ويصلي الصلاة بوقته !!! الا اذا كانت مثل الباكستاني المبلط عندي يقول انا فيه يروح للبيت يصلي عصر وظهر ومغرب سوا سوا عشاء !

طيب من 10 الى 4الفجر
ومن 30*4الى(30*1) الظهر

عويش كم ساعه هذولى ؟؟؟
وهل فيه صلاة بالوقت اللى انا نايمه فيه ؟؟؟
او تبين اصلى الضحى ؟؟

انتظر ردك يا بو العريف

[هيفاء انا]

موضوعك رائع وكلامك صحيح

بس انت بعد منهم

ولا طلعنا من مضمون الموضوع

اناجبت لهم مثل عشان نصير بالصورة

ههههههههههههههههههههههههههههههههه

[ღ ][ وحيدة كالقمر ][ღ]

مين كاتب الموضوع؟


عاشق؟


تكفون خلوني أنام وأصحى ثانية وأدخل يمكن أستوعب؟؟؟!!!!!!



سوء الظن.....واللي كاتبه عاشق...!!!!!!!!!!!!!ويعترض ع هيك طبع!!!!أو صفة..!!




حلو فيه تقدّم ملحوظ....



الله يطرح بك البركة ياعاشق

[هيفاء انا]

اقتباس:  المشاركة الأصلية كتبت بواسطة صاحي ورايق     [align=center] لا يا حبي ما أرح أكون أنا بوجهه المدفع لعاشق عنده القدره على مواجه الكل هنا وأعرف هذا الشيء من ردوده هنا أن جيت للحق تراه صادق بقوله لهيفاء هنا أذكر أن عاشق طرح موضوع وأساء الظن بالبنات اللي تسهر على النت لحد الفجر وأصبح الرجال والنساء ضده ولا زال مصر على رأيه وكان قدها وقدود في تصريحه هذا عشان كذا أنا قلت أن عاشق ليس هو الشخص الذي يحجر أو يسقط في الفخ صحيح أنه جبان وخواف بالطبيعه لكن شقردي بالمنتدى ! ي سعدلي صباحك يا حلو[/align]

نعم نعم ياروح امك وش قلت


تكنش تراقبنى وانا مش عارفه

وبعدين اى حق اى خرابيط انا كتبت اوقات نومى

بموضوعى قلت انام 16 فقط

ماقلت الوقت

على اى اساس تحكم انت وياه على وقت نومى وانى ما اصلي

وانا بعد عند القدرة على مواجهة الكل هناء

[راشد الصليحان]

حنا مشكلتنا ...بالتذيهن والذهانة واللكاعة ..والبحث عن نقطة ضعف بالشخص المقابل للسيطرة عليه
اما سوء الظن ..اعتقد ان وجوده بالجينات الوارثية امر مفروغ منه ..!!