مجلس قـــايم قاعــــد للسواليف ( متجدد )

[قايم قاعد]

تابع ...........



( 2 - 4 )



.............

الطموح قديما لم يكن سهلا إطلاقا بل كان ضربا من الخيال لقد كان الواحد منا لا يثق أبدا بإكمال سنته الدراسية فضلا عن أن يخطط لسنوات عديدة لمستقبله ! لقد كنا في تلك السنوات نعلّم أنفسنا بأنفسنا فليس معنا أب يتابع ( دفتر الواجبات ) ولا أم متعلمة تقوم بتدريسنا يوميا ! كان الآباء مشغولين بلقمة العيش كما كانت الأمهات مشغولات بالقيام بدورهن المناط بهن في المنزل وربما في المزرعة من طبخ وحصاد و ( تعليفٍ للدبش ) ......

كان الدكتور عبدالعزيز الذي حصل على درجة الدكتوراه من الولايات الأمريكية المتحدة شابا بسيطا ساذجا ينادى دوما ( أبو شطوب ) ولم يكن يرسم لنفسه طريقا بل كان مثلي ومثل بقية أبناء جيلنا نفكر فقط بصعود الدرجة التي أمامنا مباشرة ثم نفكر بالأخرى بعد وصولها ، لم تخطر على باله فكرة دراسة الطب إلا بعد تسلمه للشهادة الثانوية العامة . لقد كان هذا الجيل عظيما عصاميا بنى نفسه بنفسه وبذل الكثير ليصل إلى ما وصل إليه رغم قلة الإمكانات وضعف الحالة المادية وقسوة المجتمع وسلطة العادات والتقاليد .... كان التعليم ومواصلة التعليم أمرا غير يسير خاصة في تخصصات غير شرعية مثل الطب والهندسة والرياضيات ومثيلاتها .....

ما جعلني أتطرق لهذا هو ما أراه هذه الأيام من توفر للإمكانات ووجود كافة سبل النجاح وجميع مدعّمات التفوق ولكن مع غياب الاهتمام ببناء المستقبل ! لو أن جيلنا توفرت له هذه الإمكانات لأصبح بعض من شبابه من العظماء ..........

كنا ثمانية ... أحدهم طبيبا والآخر مهندسا وثالثهم ضابط برتبة عالية ورابعهم وخامسهم معلمون أوقفوا طموحهم وسادسهم موظفا بارزا وسابعهم رجل أعمال حاصل على درجة الدكتوراه في الاقتصاد أما ثامنهم وهو أقلهم حظا فهو محدثكم .........

[جناان]

والله فرحت من قلب
بهالموضوع
وكنت اتمناهـ
>>الحين بالصفحه الخامسه


كل الشكر لك
قايم قاعد
وربي يسعدك على سواليفك
ومتابعين

[الحرف الصامت]

صدقا كلماتك من ذهب ...
جيل اباءنا بنو انفسهم بانفسهم كانوا مثالا للعصامية والاجتهاد ..
نجحوا في زمن كان النجاح له طعم ثاني ..
اعترف ان هذا الجيل الناجح لن يتكرر ....
......( أما ثامنهم وهو أقلهم حظا فهو محدثكم
النجاح ليس بمال ومنصب فقط
النجاح الحقيقي ...حين تملكت قلوبا واسرتها بقلمك الرائع ...
لا عدمنا قلمك .........
فعلا انت مكسب لنا ....
دمـــــــــــت بخير ....

[شكسبير بريده]

اهلين قايم ابو قاعد

انتهت حكاويك

<<من المتابعين بصمت

[بريداوية اصليه]

السراحة موضوع ممتازجداً

[قايم قاعد]

اقتباس:  المشاركة الأصلية كتبت بواسطة جناان     والله فرحت من قلب بهالموضوع وكنت اتمناهـ >>الحين بالصفحه الخامسه كل الشكر لك قايم قاعد وربي يسعدك على سواليفك ومتابعين

( حياك الله يا جناان ، يا هلا وياغلا ، انتم على ماقيل احضروا بس و ابشروا بالخير ، سوالف ، و قصص ، و شعر ، و طرايف ، بس عطونا من انفسكم )

[قايم قاعد]

اقتباس:  المشاركة الأصلية كتبت بواسطة الحرف الصامت     صدقا كلماتك من ذهب ... جيل اباءنا بنو انفسهم بانفسهم كانوا مثالا للعصامية والاجتهاد .. نجحوا في زمن كان النجاح له طعم ثاني .. اعترف ان هذا الجيل الناجح لن يتكرر .... ......( أما ثامنهم وهو أقلهم حظا فهو محدثكم النجاح ليس بمال ومنصب فقط النجاح الحقيقي ...حين تملكت قلوبا واسرتها بقلمك الرائع ... لا عدمنا قلمك ......... فعلا انت مكسب لنا .... دمـــــــــــت بخير ....

( والله انك صادقة .. هذا هو الجيل اللي مهب جيل النيدو ، فعلا جيل قدر يسخر الطبيعة له ، و يتعامل معها بحرفية عالية ، طوع كل شيء الأرض ، الخشب ، الحديد ، الصعاب ، طلها طوعها علشان تكون خدمية له ، جيل لا يمكن أن يتكرر إطلاقا .
أما ثامنهم فيقول لك ، الله مير يرضى عليك و يجبر بخاطرك .. )

[قايم قاعد]

اقتباس:  المشاركة الأصلية كتبت بواسطة شكسبير بريده     اهلين قايم ابو قاعد انتهت حكاويك <<من المتابعين بصمت

( يا هلا وغلا ، يالله حيوه ، والله انها الساعة المبروكة اني اتعرف على شكسبير بريده ، ياهلا ياهلا .. السوالف و أنا اخوك توها بأولها بس ياخوي ماش تقل الربع ملوا منا ومن سوالفنا ، مامن حضور أبدا .. تابع و ابشر بس لا تصير متابعك بصمت ترى الرد لو هو بسيط يشجع )

[قايم قاعد]

اقتباس:  المشاركة الأصلية كتبت بواسطة بريداوية اصليه     السراحة موضوع ممتازجداً

( بريداويه اصليه .. ياهلا بك ومسهلا ، هلا بالطش و الرش و البيض المفقش ، و حنا وش حنا بلا اهل بريده الاصليين ، الله مير يحييك و يحييك نباك ، هذي الساعة المبروكة .. )

[قايم قاعد]

السالفة الثالثة :



( 3 - 1 )


قديما وفي عز مكانة أهل ( الخبوب ) كان التعرف على الأشخاص يكون ( بالمعايير ) ، وكان الناس لا يجدون حرجا في ذلك ، وكانت تلك الألقاب تأتي لأسباب متعددة ؛ صديقي ( التركتر ) شاب في السابعة عشرة من عمره ، أعطاه الله بسطة في الجسم ( دبي وعضل ) ، وكان إذا سار في الطريق يسير باعتدال كامل حتى تظن أن الذي يسير ( جدار ) ، كان أكثر مايزعج أهله في ذلك الحين ( نعاله ) ، فلا يجدون مقاسا لرجله ، ولذلك تجد أن أغلب مايلبس من الأحذية ( متشققة من أول يوم لو شكله شديد (


كان ( التركتر ) صارم الرأي ، متصلب ، أحادي القرار ، يصادر كل من حوله ، ويمارس الإقصاء والقمع ( أمير فركن عن خشومنا ) ، وكان مصدر قوته تلك ( المطرقة ) التي يحملها دوما معه ، وتسمى عند الناس ( يد ) ، وأقرب ما تكون إذا ضم أصابعه إلى بعض بـ( الكابون ) ، وكان له رأس كبير، وعليه شعرات لا تمت إلى النعومة بصلة ، كان قاس الملامح ، كثير الصمت ، ممعن النظر ( عيونه على طول طايره بالواحد )



.......... يتبع

[بنت البدائع]

اقتباس:  المشاركة الأصلية كتبت بواسطة قايم قاعد     ( هالحين لا صرتي تعرفين ان بوه غبره وشلون تقولين يا عمنا ؟ الظاهر ان العمر مامن بعايد كلنا دون السبعين شوي الله يحسن لنا ولكم الختام ، و لاصارت الدعوى بعد كذا فاكيد هالمجلس يبي يعجبك ، مير انتم هلا المجلس و الله يحييك و يحيي نباك )

الحمد لله المهرجانات الحاليه الي تُقام بإجازات الربيع لازم يتخللها برامج
تحاكي التراث القديم ونشوف فيها كل شي
ونأخذ منها صوره لحياة زمان أول
لاتحسبني مثلك عمري 100 تسان مهوب أزود بعد

...

لي عودة مع المقطوعه الأخيرهـ بعد فراغ النفس
جزاك الله خير ياعم

[قطوف]

[align=center]الله يااعمنا ياحلو اسويليفااتك ،، مير ترراك تبطى اشوى حنا نااسً عجلين ودنا نستمتع

لاتقعد تقطعنا <<< اسبووع يالله نشووفك اقررب ترى المجلس مليآآن
بعدين هالتركتور ذا تاركينه يستاانس <<<تسان اجتمعتوا ودبيتوه ههههه
لايقعد يهبل بكم بعيونه الطايره وأيده المرزبه ع قولت اخوننا المصااريه ليتنى بذاك الزماان هههه

[/align]

[الحرف الصامت]

الفاضل / قايم قاعد...
والله تتأخر علينا بالسوالف
امي كل ماشافت وجهي وش صار على " راعي منول "
شفت لقب جديد ...ههههه

اتخيل اشكالكم وصديقكم التركتر معكم... قلوبكم كأنها طبول من الخوف ...أأأأ قصدي من الشجاعة ...
ننتظرك جديدك ....
دمت بخير دائما ...

[بنوته كووول]

مشكور اخوي قايم قاعد هلا بك شـكــ وبارك الله فيك ـــرا لك ... لك مني أجمل تحية .