تدري وش آللي فيك شد آنتبآهي ! آنك تسوي نفسك مطنش ..وآنت مهتـم : مدونتي انــا راكـوني

راكان بريده · 08-09-11, 08:28 pm

بسم الله الرحمن الرحييم

صباحكم عسل . ومساءكم خير < مثلكم عارفين ناس تطب الصباح وناس بالليل

تم افتتاح مدونتي

يووم : الخميس 10/10/1432هــ

طبعآآ مدونتي بكتبه كل شي
سوالف وخوااطر وشعر وكل ابوو شي

ان شالله تعجبكم

راكان بريده · 08-09-11, 08:45 pm

ايه صح بعرفكم على نفسي

اسمي راكاان
عمري 26 سنه
اشتغل ببنك بالريااض
سااكن بريااض واهلي بالقصييم
ياعمري اناا وخوي بس بالبيييت
لحالناااا ولنااا جيراان سوريين
وخوي خااق على بنتهم المشكله انه
مخطووبه خخخخخ >> تسني كبييت العشااء
اناا انساان عجاااز لدرجة اني اناام
احينآآ بصااله عجز ارووح لغرفتي
احب الكووره وراعي تشجييع وتعصب
احب افرفربالمنتدياات لي اكثر من منتدى
عايلتي كبييره مرره ابوي متزووج
ثلاااث ووحده مييته لي اخوان وخوات كثارييييين بسن
اخوي ابراهيم هوو اقرب واحد لي
واسوولف معووه يعني زي صديقيي
وخوي حمووود الي سااكن معي بالرياااض
ايه صح ترااوه ولد خالتي ونشتغل مع بعض وتسذااا

راكان بريده · 08-09-11, 08:52 pm

برووووووب برووح للورشه ازيين سياارتي

اقتباس:


	الف مبــــــــــــــــــــروك المدوونه

يباارك فيييييييك تسلمييين لعاابه

راكان بريده · 08-09-11, 11:35 pm

باااك وغيرنااا الفحمااات ....
والله يووم الخميس كسل كلووه نووم وتسدح

اقتباس:


	مشالله واخيرآآ فتحت مدوونه الف الف مبرووووك

الله يبااارك بعمررك يالشكشووكه او صح شك شك
ايه شفتي اخيرآآ سمعت نصيحتك

اقتباس:

راكان بريده
مبرووووووووووووووكيش اخ راكان مابغيت تفتح مدونة
بداية جميلة الصدز ان بدايتك وسيعه صدر واصل

الله يباارك فييك يالسعه تسلميين ويسعدن انه اعجبتك

اقتباس:


	مبروك اللافي ! ذذذ قصدي البيت الجديد أجل جيرانكم سوريين هههههههههههههههههههه من أوله مصرقعه المدونه شكله على الكيف هالمدونه متابعين لك

يباارك فييييك ياتولييب
ههههههههههه ايه بس تراا خويي هو اللي منفتن ببنتهم ولاا اناا عااقل بسم الله علي

راكان بريده · 08-09-11, 11:55 pm

كلمات الشاعر عبدالرحمن بن مساعد

~~

المشهد الاول

وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي ........طاح الحطب.......... و حلوة الحياة

المشهد الثاني

ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر ......
و عنده دش.......و يكذب كثير
و اذا صحى الصبح ......مشط اللحية
عادي........طاح الحطب.......... و حلوة الحياة

المشهد الثالث

غني و ظالم

......... يطرد المساكين......و يستغل الضعوف

مغرور و فاسق

......

و مجلسه عامر .

.......

كلٍ يبهر له

........

و مع ذلك يجمع حسنات

.......من كثر اللي يسبونه

عادي.

.......طاح الحطب.......... و حلوة الحياة

المشهد الرابع

يكد يدرس و يشتغل

.........

لاجل يبني مستقبله

.......

تزوج و جاب عيال

......ثم تقاعد

صار يسكن في مكان.

....و أم عياله في مكان

والسبب العيال

......

صار دار المسنين بيتهم

............

عادي.

.......طاح الحطب.......... و حلوة الحياة

المشهد الخامس

تغازل و تاخذ ارقام...........

و تطلع مع هذا

.....و تواعد هذاك........

و يوم طاح الفاس في الراس

.......

بكت

........

و راحت تشكي لامها غدر الزمان.

......

طبطبت عليها امها وقالت

:

ولا يهمك

......سفرة لمصر.... وشوية سيولة

و ترجعين بنت

......

عادي

........طاح الحطب.......... و حلوة الحياة

المشهد السادس

مرفوع الكفن أبيض

.......

وصاحبه وسط البياض

.........

بعضهم يبكي

.......و بعضهم عادي

دفنوه

.....و تبكبكوا شوي

و اخر الليل سكارى

.........

عادي

........طاح الحطب.......... و حلوة الحياة

المشهد السابع

سيارة مسرعة ........

و تدعس لها واحد

........

مسكين هندي.

.........

و العسكري صديق الطايش

........

والخطا نصه على الهندي.

.....

والباقي على أبو الطايش

...........

و في الليل

.....الطايش يلعب بلوت

عادي

........طاح الحطب.......... و حلوة الحياة

المشهد الثامن

قارورة مويه

......

ما تضره

.......طايحة في السيارة

يناظرها بغضب

.......زعلان منها

و يفتح الشباك

.....و رماها وسط الطريق

واذا اجتمع مع الشباب قال

:

متى بنتحضر

؟؟؟؟؟؟

عادي

........طاح الحطب.......... و حلوة الحياة

المشهد التاسع

اهم شي الثوب نظيف

.......و الشماغ مكوي......

و القلم ماركة

......والساعة تضوي......

و الجزمة جلد

.......والسيارة عجب ......

و تلفونه ما يسكت

......

إما بنات.

....

أو البنوك تبي فلوسها

.......

عادي

........طاح الحطب.......... و حلوة الحياة

المشهد العاشر

سطحية

.......و مغرورة

غبية

......و متكبرة......و يا ريتها حلوة

تبي زوج مواصفات.

.....

ما يقول لا.

......ويكره الاستراحات

لازم وسيم

.....و انيق.....و متعلم.....و دخله ممتاز

و يحب السفر..

.......

و بعد سنين

......تلاقي نفسها في الانترنت

تدور واحد يقبل بها.

......

عادي

........طاح الحطب.......... و حلوة الحياة

المشهد الحادي عشر

فتح الكمبيوتر......

و دخل للمنتدى

......و كلامه ما يتعدى ان الموضوع روعة و رهيب

و هو ما قراه و لا يعرف كاتبه

........

بس يبي يزيد المواضيع موضوع

.........

ويزيد همومنا هم.

........

علشان يصير صاحب الألف موضوع

......

و يتميز

........

والمشكلة انه يتميز

...........

عادي

........طاح الحطب.......... و حلوة الحياة

المشهد الأخير

الكذب اثم

........ومع ذلك نستخدمه

و ندري ان هذا حرام

........و مع ذلك نجربه

نتذكر السهرة و الفرح و السفر.

......

و ننسى الجالسين على كتوفنا

.........

و نتناسى ان معهم كتاب يسجل افعالنا و نياتنا

.......

كل شي محسوب.

......

حتى النظر

......

نسينا ان ورانا يوم

......علاماته قربت

ومع ذلك كلنا ناسين.

......

أن بقيت على حالك تتناسى

.......لازم تعرف

إن ذاك اليوم مهوب عادي
وانت الحطب
و ما به حياة

~ ~

هذاا كلاام اعجبن ونقلتووه لكم

راكان بريده · 09-09-11, 12:26 am

تدروون وشي الورطه عند العزووبي
اللي ماعندووه مرره انك تنسى ترووح بثياابك
للكواي وتوورط الصبح يااهي ورطه
اقعد اكوي عااد من زيين الكوي بس الشكوى الله وحمووود مجررد ديكوور بالبييت
مايعررف شي ابوو خشم بس يناااا غثيتووه
قلتلووه بوديهن لجيراننا يكونهن على السرييع انهبل يحسبن صااااز خخخخخ
من جد الكوي غيير يعني لو اكل ولا تنظييف عاادي تدبر بس الكوي ورطه
لاا واكوي بلاارض بعد والله من زيين الاموور

راكان بريده · 09-09-11, 12:32 am

اقتباس:


	الذين يشاهدون محتوى الموضوع الآن : 3 ( الأعضاء 3 والزوار 0) ‏راكان بريده , ‏» شـيـخ المافـيــا «

هلاا وغلااا بشييخ المافيااا
منوور

اقتباس:


	الذين يشاهدون محتوى الموضوع الآن : 3 ( الأعضاء 2 والزوار 1) ‏راكان بريده , ‏عبود زمان

هلاابك عبوود منوور بيتي

راكان بريده · 09-09-11, 02:56 am

قبل كم يوم رحت افرفر داخل بالديره طفشان

وانا افر فر قلت خلني امر اقررب سوبر ماركت اخذ لي بيبسي

عشان امخمخ
< نفسيه مايمخمخ الا ببسي خخخخخخخ

وقفت عند السوبر وانزل واروووح واخذ الببسي وانطلق برعايه الله وحفظه
< حسيت على رعايته وحفظه اني الملك خخخخخخخ
وانا منطلق طقيت المسجل الا واسمع
ننه قومي قومي ...سوي لي عصيرا ..مامي ياتعبانه ..تبغى بوسه انا
واررردح على هالاغنيه

وانا مااشي فجأه وقف قلبي

اللي اخبره انا الشريط اللي بالمسجل حسين الجسمي

وش اللي جاب ننه قومي خخخخخخ

والله واطلع الشريط لاهو شريط اطفال قلت

لالا واقلب الشريط قلت
يمكن الجسمي ع الوجه الثاني

< قايل لكم نفسيه يعني مالفت نظرك الا الشريط

والله واقعد افكر

يمين شمااال قلت يمكن مغير الشريط والا شي والله

وافتح الدرج والله والاقي استماره السياره مو لي

والله ويدووور راسي وشووو تسذاااا

والله وارجع امشي ملييييييييييييون لم السوبر ماركت

يوم وصلت المكان والاقي سيارتي موقفه بمكانها

وتشتغل والله والتفت يمين ..يسار ماشوف احد وانا انزل من السياره

واركب بسيارتي ..اشوى انه راعي السياره لسى بالسوبر ماطلع

والا كان متهاوشين انا وياااه

عاد المشكله ان سيارتنا انا وياه نفس بعض

انا وقفت واثره جاء بعدي ووقف جنبي وانا

ادربي راسي اول ماطلعت
ركبت اقرب وحده خخخخخخخخخخخخ

والله وانا انحاش من المكان خخخخخخخ

ومشغل الجسمي لآخر شششششششششي

بس المشكله نسييييييت الببسي حقي بسيارة الرجال
شكله انشطب راسه يبي يعرف شلوون جاء الببسي بسيارته
خخخخخخخخ و

والله واررجع للبيييت ..

بس بصراحه اجمل ثلاث دقايق لي يوم اردح على ننه قومي قومي

خخخخخخخخخخخخخخخخخخخخخخخخخ

من جد موووقف الله لايعيده وهووبعد
غلطااان ليش ماقفل سياارته حتى لو واقف شوي

راكان بريده · 09-09-11, 06:51 am

اقتباس:


	مبروك المدونه رآكــآن

الله يباارك فييك كسرني غياابك والحمدالله على السلاامه

راكان بريده · 09-09-11, 07:06 am

أنا من سيعتلي عرش قلبك

كسلطان العشق الإلهي في كل عصرٍ من العصور

حبيبتي ،، سأقولها دون تردد

سأغزلها شعراً في ليلتي هذه

شمساً وقمراً أحتجبها لكِ أنت ِ

فأنت من أحببتها وألقيت حروفي النرجسية بأحضانها

دعينا نمارس طقوسنا الخاصة

من رقصة في شوارع أنقره على لحن حرفكِ العاجي

دعيني أخالفُ المتعارف عليه لتكوني غير الجميع

فتاة ملائكية التكوين ....

أحبكِ في ليلتي هذه وفي كل ليلةٍ يكون فيها القمر بدراً

لأرى ملامحك فيه ....

أحب الأبجدية التي تبوحي لي بها

حبيبتي سأطرز ليلكةً أتوجكِ بها ...

سأرقدك في أهدابي وستكونين حكراً لي

ونبض قلبي دندنات من حروف اسمك

وفي الزاوية ياسمينةٌ
أعدك أن اكون لكِ وحدك

راكان بريده · 09-09-11, 07:10 am

اقتباس:


	الذين يشاهدون محتوى الموضوع الآن : 4 ( الأعضاء 3 والزوار 1) ‏راكان بريده , ‏رووونــــــآآآ , ‏مشغـــــــول+

اهلن منوريييين يالغوالي

راكان بريده · 09-09-11, 07:57 am

اقتباس:


	راكااان منوور ياللي جيرانكم سوريين

ايه جيراننا سوريين يا شكشك مومثلكم سعوديين لاا وتتسمعيين علييهم يالشروووفه

راكان بريده · 09-09-11, 08:00 am

يالله اليوم الجمعه لاتنسوون سورة الكهف
والدعااء اخر سااعه

يالله تمسوون على خيير يا اهل ديرتي

اقتباس:


	الذين يشاهدون محتوى الموضوع الآن : 4 ( الأعضاء 2 والزوار 2) ‏راكان بريده , ‏شوكولاته بنات

هلاا والله بشكشك اللي تسمع على جيرانهم منووره

راكان بريده · 10-09-11, 04:44 am

خخخخخخ واخيرآآآ غدآآ سيكوون العدل
والكل يداوم مو بيس حنااا
خخخخخخخخخ ياعمري ياللي يدرسوون

راكان بريده · 10-09-11, 11:13 am

والله ياناا متقطع نووم اناا مدري ورااه
ينحااس نوومي بالخميس والجمعه
اليوم شووي ولاا اسحب بس تذكرت
ابو صاالح قسم ان يفنقسن من دواامي
كل شووي شاارب قهووه عشاان اصحصح
لاا وامي تبيين كل اربعااء عنده ولا ارجع الا الجمعه ياحبيلتس ياميمتي ماتدريين
ان ولدك عجااااز الا حق البقاله اخلييه يوصلي

يالله بطلع ويمكن ما ادخل اليووم لاني مييت نووم تمسوون على خيير

يتصفح الموضوع حالياً : 1 (0 عضو و 1 ضيف)