>>> منتدى بريدة العام كلة عنـــــصـــــرية <<<

[الأسترليني]

[align=center]
جالس اسولف انا واحد من الشباب قبل كم يوم واخذتنا السواليف الى شواطئ

منتدى بريدة وقال شف منتدى بريدة عنصرية x عنصرية قلت : نـــــــــــــعم هذي

جديدة ولهيب صحيحة قال : ياخي المنتدى كلة عنصرية قلت: وشلون ما عمري

شفت من عمر وجودي المتوسط بالمنتدى اللي تقولة قال : عندهم عنصرية

النساء ضد الرجال قلت : اها عنصرية جنس انا راح بالي لعنصرية من نوع اخر

قال : شف علشان تنبسط وتستانس بمنتدى بريدة سجل بمعرف انثوي

قلت : (( لا )) بس عطني اثباتات على التهم اللي تقولها قال : شف لو تجي

وتنقل خبر روعه ومهم وتنزلة على العام وانت تملك معرف ذكوري

علطوووووووووووول يشوت للقسم الموحش مقتطفات هنا وهناك ولو انت انثوي

يترك ويصير علية ردود ونسبة المشاهدات مرتفعة ثم يشال بكل الود والاحترام

ويوضع في ذلك القسم ثم تأتي احدى المشرفات او احد المشرفين ويضع رد في

ذلك الموضوع المنقول رضاوة لصاحبتة قلت : ياخي ممكن لم يكن احد المراقبين

موجود يوم ينزل الموضوع قال : طيب عندي لك اثبات اخر لو يجي احد الاعضاء

وينزل موضوع تلقى في بعض الردود دق حنك بين العضوات داخل موضوع

هالمسيكين ولا احد يعترض لكن الويل ثم الويل للذكور لو بس ينزل رد خارج

قليلا عن الموضوع قلت : ياخي انت شانن حملة على المنتدى قال : ابدا بس

في شغلة حلوووة بالمنتدى قلت : زين عطنا قال : المنتدى لا يملك توجه معين

وهذي تحسب لصالحة .


قلت ابنقل لكم اللي دار بيننا لأنه يدور حولنا

تراي يا جماعة مختصر يعني اعذروني على الاطالة



الأسترليني ،، [/align]

[بــرمــودا]

صاحبك أيها الإسترليني محقا في كلامه وهذا ملاحظ وبكثرة,, تشكراتي لك

[فنتآستك]

[align=center]أحياناً نكبر بعض المواضيع ونضخمها , والسبب ردة فعل , ربما صاحبك الذي حدثك قد حصل له ذلك التصرف مرة , وجزم بأن هناك عنصرية و و الخ ..
أقول : ربما ... يعني لا أميل إلى صحة كلامك أو العكس ..
ولكني أقول فكرة عامة , وهي ردة الفعل , وأثرها السلبي ..

كل الود ..[/align]

[اتحادي مووووت]

اي والله انه صادق..

انا نزلت كم موضوع هنا

ويوم شفت الدعوه فيها نقل

قلت اجلس في المنتدى الرياضي ابرك لي...






وتقبل مني خالص التحيا

[][(مشعل)][]

وانـــــــــا اشهد على كل كلمه تقولها

بس ماندخل بالنيات

[جلوي العتيبي]

الأسترليني

سلم على صاحبك وقله كلامك مردود عليك ..لايمكن أن ينقل موضوع للمقتطفات دون وجه حق ،فالمواضيع المنقوله هي التي تنقل لذلك القسم .

الشيء الآخر بإمكانك وبإمكان كل من وافقك هذه النظره الرجوع الآن للصفحه الرئيسه للمنتدى العام وملاحظة النسبه بين الأقلام الرجاليه والنسائيه والموضوعات المطروحه في القسم ..فجل المواضيع الموجوده بأقلام رجاليه نكن لها كل التقدير وتحضى بشعبيه حواريه متميزه .

أعتقد أن نظرة التمييز للمواضيع التي تخضع لجنس الكاتب هي نظره قديمه انتهت مع البحث عن الموضوع الهادف والموضوع الحواري الذي يجذب الزائر والعضو

شكراً لك

[التواق]

الاسترليني سلم لي على صديقك وقلة يسوي له مدونة بمنتدى بريدة
يرتاح ويريح
يقول اللي هو يبي بدون ما احد ينرفزة ولا يحتك باحد
ولا يزمل للردود وتوجيب اللي يستاهل واللي ما يستاهل
كلن ماسكن دريبوه

[أبو تهاني]

اقتباس:  المشاركة الأصلية كتبت بواسطة الأسترليني     [align=center] قلت ابنقل لكم اللي دار بيننا لأنه يدور حولنا [/align]

[align=center]الأسترليني تسلم يا خلفهم على هالموضوع

قل لخويك يسلم عليك أبوتهاني ويقول و الله أنك صادق

و كما قيل : ( الشمس لا تحجب بغربال )


[/align]

[جبل عمر]

صدق وإسأل مجرب قبل أفترك رسالة خاصة بديت أكره الرسايل الخاصة كره كره غرييب نقل الموضوع

ولا شف الأشراف كيف صاير خليها على ربك

[فتاااة النهر]

المشكلة مهب بالعنصرية الحين ,,

المشكلة انهم يدخلون بالدين ويوجهون الاحاديث والايات على كيفهم ,,

الله يصلحنا واياهم ,,

[توتي]

[align=center]هههههههههههههههـ

والله انه صآدز خويك ذا

اذكر مره ازعجن احد المشرفين بالحذف قلت له وش قصتك انت البنات فالاته سواليف و(مشاركات مخالفه) ولا تقول لهن شي

تدري وش قال !!

قال انت كآذب وهذا غير صحيح

قلت افآ انا كاذب مره وحده طيب واللي يجيب لك اقتباسات سواليف بنات

قال هات اللي عندك انت ماغير تهدد هات اقتباساتك

يوم جبتهن قال لا ابي روابط يوم جبت روابط

قال : هآآه حنا بشر نخطي ونصيب لاتدقق << طيب وين حنا بشر نخطي يوم تقول ان (توتي) بلحمه ودمه كآذب !!

للاسف مادرى ان توتي مافيه امل يكذب ولاعمره اتهم ناس ع الفاضي

تحيتي

وشف ردي يبي يشوت ورد سرى يبي يقعد مع انهن بنفس اللهجه ومهب لازم بعد اقول السبب [/align]

[الطرماح]

وأنا أشهد

تقبل مروري

[محب الحقيقة]

بالفعل انا اغلب مواضيعي تنقل للمقتطفات وعانيت الكثير ومررت بحرب شعواء من قبل المشرفات وتحملت الكثير من اجل بريده .. وأرسلت رسائل خاصة للمشرفين وطالبتهم بالانصاف لكن يظهر انهم تكتلوا ضدي ...

لكن ما اقول الا حسبي الله ونعم الوكيل لو كنت اعرف كذا كان ما نشرت موضوعي عن السمنة والدبية من النساء؟؟؟؟؟ اعتقد ان هذا الموضوع هو سبب الكارثة.


لكن لا يهمك يا معشر الرجال سوف أنافح عن مستقبلكم في هذا المنتدى بكل ما أوتيت من قوة حتى انتصر او يلغون معرفي والاخير الظاهر هو اللي راح يحصل ؟؟؟

بالله عليكم اقراؤ موضوعي المعنون بــ ( ماذا يريد الزوج من الزوجة وماذا تريد الزوجة من زوجها ) هذا الموضوع يفترض أنه موضوع خاص بالمجتمع والاسرة ومع ذلك نقل للمقتطفات

[توتي]

88

88

يبدو ان مواضيعك منقوله يا اخي

[منصورعبدالله]

كلام صاحبك صحيح100%...
وقلنها من زماان...اجد احيانا مواضيع
قوية ولاتوجد ردود لان كاتبة تمساح كبير...
اجد موضوع عادي او حتى سخيف لافائدة مطالة
منه اجد الردود تتعدى المئة ...


ولااردى صغارا كما يقول احد الاعضاء باحد الردود
لكن التواضع شئ مطلوب ...



تحياتي ليـكـ.....