بغيناها طرب وصارت نشب وياقلب لاتحزن!!!

[بــرمــودا]

كل مواطن في المملكة إنكوى بنار القروض البنكية وبالفوائد الربوية والباهضة والتي يتم تحصيلها من المواطن الغلبان نتيجة التكرم بإعطاءه قرض وإستغلال حاجته ,,,طبعا حديثي موجه لمن أخذ قرضا من البنك ورهن راتبه لسنوات ربما تتجاوز العشر سنوات ودخل بالقرض الأسهم وطبعا جميعنا نعرف ماذا حصل ؟؟
طارت فلوس الغلبان وجلس يندب حظه وراتبه مرهون للبنك لسنوات طويلة ....وأستطيع القول بأن قرض هالمسكين ذهب لجيوب الهوامير وبالتالي هو دخل عالم مليء بالمشاكل بداية بالمرض النفسي والفقر الذي بدأ يضرب أطنابه في بيوت الكثيرين مننا .....أحد الزملاء إقترض مبلغا تجاوز 350000الف ريال ودخل به سوق الأسهم وبعد شهر واحد حصل الإنهيار المدبر وطارت فلوس زميلي وأصيب بإنهيار عصبي والحمدلله تجاوز محنته الصحية ولكنه لم يستطع تجاوز محنة القرض فقد طار نصف راتبه للبنك لمدة تسع سنوات وأصبح يسدد لقرض لم يستفد منه .
كماتعلمون الآن أغلب الموظفين مقترضين من البنوك بفوائد مرتفعة وبالتالي ستؤثر على أصحاب الرواتب القليلة والمتوسطه نتيجة مايقتطع من راتبه الشهري فأصبح الغلبان يعمل ونصف راتبه ليس له ....
أنا هنا أطالب الحكومة بالتدخل لدى البنوك وطبعا لانطالبها بإسقاط القرض فهذا من المستحيلات ولكن تتدخل لإيجاد حلول عملية قابلة للتنفيذ تخفف الضرر عن ذوي الدخل المحدود.. سواء من خلال تخفيض الفائدة التي تحصل عليها البنوك.. أو إعادة جدولة تلك القروض من جديد بحيث يتحملها المواطن.
اليوم نسبة كبيرة من الشعب تعمل برواتب مرهونة للبنوك.. أو بمعنى أقرب للواقع: بدون رواتب!,,,,,,دمتم بخير

[•°سـرىآ اللـيـل°•]

[align=center]

يابعد عمري ذكرتني بإختي

إشترت بيت وأخذت قرض من البنك بس ياهو ضربه ,, الفوائد وصلت البيت لمليون ,,

مابقى من راتبها إلا 4 بس ياعيني وش تسوي الأربعة هو ألف لي << مصدقة

وغير هذا المدة 15 سنة ماأدري عشرين سنه بصراحة سنين .. مهب معقولة ..

شكلي رحت لموضوع ثاني بس كلمة السر قرض لأن حديثك عن القروض التي إستخدمت في الأسهم ..

وضاعت بدون فايدة تعود على المساهم ,, ربك يعين بلااااوي ..

أهذب تاهيه’

[/align]

[عجوز سمنسي]

الله يهديك يابو خالد

لقد اسمعت لو ناديت حيا *** ولكن لاحياة لمن تنادي

العمل على سحق الطبقة الوسطى تخطيط مدروس لبزوغ نجم الهوامير والمعدومين

والا لو انت لبناني يبي يخلونك ؟

وربي يسددون عنك كل القروض بس ماعليك الا انك ترفع خطاب للحكومة السعودية وتذيلها بقولك لبناني معدوم يبي يفتح مرقص

شف وشلون تجيك المعونات

خلها على ربك فقد فتحت جرحا قربنا ان ننساه

[التواق]

[align=center]تعقيب بسيط
اذا فكر اي شخص بواقع الاسهم "باستثناء الاكتتابات"
يجد انه لا يدخلها الا ابخل البشر واكثرهم ركضا وراء الدنيا
سواء كسبوا او خسروا الامر سيان
لانهم ليسوا مجبرين على دخولها ورغم انكوائهم من نارها الا انهم يعز عليهم ان يروا غيرهم يكسبون وهم ينظرون اليهم فيطمعون ويحاولون العودة وكل احاديثهم عن خسارتهم وكيف يعوضونها[/align]

اقتباس:  المشاركة الأصلية كتبت بواسطة •°سـرىآ اللـيـل°•     [align=center] ذكرتني بإختي إشترت بيت وأخذت قرض من البنك [/align]

[align=center]كان الله في عون اختك وكل معلمة جعلت من نفسها المرأه والرجل في ذات الوقت
والا البيت مسئولية الرجل بالاول والاخير[/align]

[Queen of buraydh]

كلن شاااقي

والدنيا من جفره لدحديره

[الأمواج الباردة]

وربي أنهم عاجبهم حالنا هذا ومستانسين للوضع إللي وصلت إليه اغلب العوائل السعودية ،،
تعرفون ليش ؟؟
لأنهم يعرفون كيف يمسكوننا من اليد إللي تعورنا مزبوط ،،
بالإضافه انهم يعملون وفق المثل القائل
(( اجوع كلبك يتبعك )) بالكرامه ،، وياليتني من لبنن ،،

ودمتم بخير وعافيه ،،

[بــرمــودا]

اقتباس:  المشاركة الأصلية كتبت بواسطة •°سـرىآ اللـيـل°•     [align=center] يابعد عمري ذكرتني بإختي إشترت بيت وأخذت قرض من البنك بس ياهو ضربه ,, الفوائد وصلت البيت لمليون ,, مابقى من راتبها إلا 4 بس ياعيني وش تسوي الأربعة هو ألف لي << مصدقة وغير هذا المدة 15 سنة ماأدري عشرين سنه بصراحة سنين .. مهب معقولة .. شكلي رحت لموضوع ثاني بس كلمة السر قرض لأن حديثك عن القروض التي إستخدمت في الأسهم .. وضاعت بدون فايدة تعود على المساهم ,, ربك يعين بلااااوي .. أهذب تاهيه’ [/align]

كان الله في عون أختك ,,,هناك المزيد ممن هم على شاكلة أختك سواء إناث أم ذكور وقد رهنوا رواتبهم وشربوا أعظم مقلب في حياتهم ,,لكن الأدهى والأمر من أخذ قرضا كبيرا ورهن نصف راتبه وهو على باب الله ودخل الأسهم من أجل تحسين وضعه المادي والإجتماعي والنتيجة أن قرضه رجع لأصحابه مع فوائده وضاع حلم العمر ورجع لبساط الفقر الحقيقي مرة أخرى ,كنا في السابق ننعم بالراحه والإستقرار أما الآن فالأمراض النفسية والتفكك الأسري قد فتكت بنا والمعنويات في الحضيض ,,ومن هنا نطالب الدولة بالتدخل الفوري لإيقاف مهازل البنوك وإستغلال حاجة المواطن المسكين ,,,دمتي بخير

[بــرمــودا]

اقتباس:  المشاركة الأصلية كتبت بواسطة عجوز سمنسي     الله يهديك يابو خالد لقد اسمعت لو ناديت حيا *** ولكن لاحياة لمن تنادي العمل على سحق الطبقة الوسطى تخطيط مدروس لبزوغ نجم الهوامير والمعدومين والا لو انت لبناني يبي يخلونك ؟ وربي يسددون عنك كل القروض بس ماعليك الا انك ترفع خطاب للحكومة السعودية وتذيلها بقولك لبناني معدوم يبي يفتح مرقص شف وشلون تجيك المعونات خلها على ربك فقد فتحت جرحا قربنا ان ننساه

هلا بالشايب , ضربنا على الوتر الحساس ونبشنا جروحك أيها العجوز وتحويشة عمرك راحت بأحد بطون الهوامير جعله للفاري ,,عموما ياسمنسي الدولة لم تضرب المواطن على إيده لكي يأخذ قرضا ولكن يجب عليها التدخل لإنقاذ مايمكن إنقاذه ,,بعض ممن أخذ قرضا ودخل الأسهم وهو يرسم في مخيلته العروس والفيلا والسيارة الفارهة والسفر للخارج كل هذا تبخر نتيجة التلاعب الحاصل في سوق الأسهم والنتيجة النهائية جنون البعض والآخر إنتحر والبعض ممن يعتبر قوي يعيش في حالة نفسية سيئة من جميع النواحي ,,كان الله في عون المقترضين ,,,,دمت بخير

[علشانك بس]

اقتباس: طبعا حديثي موجه لمن أخذ قرضا من البنك ورهن راتبه لسنوات ربما تتجاوز العشر سنوات ودخل بالقرض الأسهم وطبعا جميعنا نعرف ماذا حصل ؟؟

والله ياخوي اللي اخذ قرض من البنك عشان الأسهم هذا واحد مهبول الحمد لله على العافية ,, ولا شخص مرتاح اكل شارب حتى لو كان راتبة قليل ليش يكلف نفسه بقروض هو مايقدر عليها ,, ويدخل نفسة في امور اكبر منه ,, لو يطيح السوق اول ماياكلها هالصغار اللي اخذين قروض مثلة ,,
اما اللي اخذ قرض عشان شراء بيت او سيارة هذا له العذر على الأقل عشانه محتاج ,, وبالأخير بيسكن في بيت او يركب سيارة تهون عليه تسديد القرض ,,
مااقول الا الله يكون في عونهم ,,
فووووتك بعافية ,,,,

[منصورعبدالله]

الله يكون بعونه خويك...كل الناس صارت
هم في هم...حسبي الله عليهم...ناس
تجمع من سنوات واخرته تروح بيوم وليله..
وناس مثل صاحبك يتسلف وتروح حياته يسدد
بدون اي فائده...
لكن لمن يقول طمع ...ليس طمع بل سعي وراء الرزق
وهذه هي الحياة ..يوم ليك ويوم عليك..


هم يبون يكون همنا الوحيد بالدنيا
نحصل على قوت يومنا وتامين مسكننا
ولانفكر في شئ غيره...
لكن جالسين على قلوبكم ...والله يكون بالعون..

تحياتي ليكـ.

[بريداوي لو عذبوني]

شكرااا الله يعطيك العافيه يامبدع المنتدى والله وش نسوي مندووووووونك

[بــرمــودا]

اقتباس:  المشاركة الأصلية كتبت بواسطة صاحب أول مدونة     [align=center]تعقيب بسيط اذا فكر اي شخص بواقع الاسهم "باستثناء الاكتتابات" يجد انه لا يدخلها الا ابخل البشر واكثرهم ركضا وراء الدنيا سواء كسبوا او خسروا الامر سيان لانهم ليسوا مجبرين على دخولها ورغم انكوائهم من نارها الا انهم يعز عليهم ان يروا غيرهم يكسبون وهم ينظرون اليهم فيطمعون ويحاولون العودة وكل احاديثهم عن خسارتهم وكيف يعوضونها[/align] [/align][/B][/color][/size]

هلا صاحب المدونة الرائعة ,,,ليس شرطا من دخل هو من البخلاء ,,لو تلاحظ أن الأسهم عندما بدأت كان هناك مكاسب خيالية وهنا مربط الفرس وهم بذلك يحاولون أن يجروا أصحاب الأموال الكبيرة إليهم وقد نجحوا وبالتالي الفقير صاحب الراتب المتوسط عندما رأى هذه المكاسب أخذ قرضا والنساء باعن مجوهراتهن وآخرين باعوا منازلهم لكي يشتروا منازل فخمة والنتيجة أنهم شربوا المقلب وراحت قريشاتهم ولا من شاف ولامن دري ومافيه أحد يحميك ,,,,دمت بخير

[بــرمــودا]

اقتباس:  المشاركة الأصلية كتبت بواسطة Queen of buraydh     كلن شاااقي والدنيا من جفره لدحديره

أكيد ياكوين إنك من ضحايا القروض ,,عموما مجتمعنا بسيط وعلى نياته ومن الممكن إستغلاله وهذا ماحصل ,,,دمتي بخير

[الكبري]

أبو خالد ...

جوانب الموضوع متشعبة ...

بين المقترض والمقرض والأنظمة ..

اغلب من يقترضون يقترضون لأسباب غير مقنعة وغير ملحة وليست ذات جدوى ..

فأحدهم ليشتري سيارة والآخر ليتزوج والآخر ليسافر والآخر ليدخل في تجارة ليس هو أهل لها .

فكثير من الذين دخلوا سوق الأسهم ليسوا من أهلها ولا يعرفون أبجدياتها ..

البنوك عندنا فيها جشع جامح بنسبها المثيرة للذهول ..

وسمعت أحدهم يقارن بين بنوكنا وبنوك ماليزيا ويذكر أن نسبة الفائدة عندنا مقارنة بماليزيا تعد جريمة نكراء ..

والشيخ الأطرم قبل يوم أو يومين يقول في قناة المجد أن النسب عالية ولعل ولاة الأمر ينظرون في تعديلها ..

أما أنا فأقول لماذا لايسمح بقتح مصارف جديدة تقدم خدمة للمواطن تليق به ..

ربما سأعود للإكمال ..

لكم أطيب المنى

[كونقرس]

أخي وعزيزي أحمد الموضوع شيق :
والشكوى لله الأسهم ضيعت كثير من الناس وراحة الفلوس ؟؟ أنا أسمي الأسهم الدمار الشامل أو فيروس بشري والله من واحد واحد كان غني ومستقر وينام وهو مرتاح وراح يحط افلوسه وثروته بالأسهم ونقلبة الحال وصار يعيش على الراتب وبعضهم صار مديون والله عين القهر :
مابالحكي مشفع ولى النوح يشفي == الدمع يقضي والعذاب يتجدد