والد الفلته

[ابويارا]

يا اغلى من غلا روحي انا محتاج تحضني ----- تعلمني حبيب الروح ليه ..تروح تخليني
ابيع العمر انا لجلك ولا ترحل ابد عني ----- ابي اغرق انا بقربك وقربك بس يكفيني

هذي المره بدأت كلامي زي كل الشباب ببيتين شعر رومانسيه عشان ابين لكم اني ولد رومانسي مشاعري مرهفه ولازم تفهموا من هذا الكلام اني احب الطبيعه واموت في الورود واتجنن على الأطفال وحياتي فداء للمساكين المهم احب اتكلم عن الناس اللي تصتنع اسلوبها ومنهم الناس اللي اقابلهم على النت وكيفك يا قمر ايش اخبارك حياتي وكيف الدنيا معاك وبأتكلم على و كلهم اللي هنا يعني خليك على طبيعتك يعني زي واحد ولد مدري هو ولد على الماسنجر يقلي ايش تحب تربي حيوانات اليفه العن ابو السؤال يعني عمري ما اتسألته فقلتله ولاشئ قام قلي انا احب الفراشات واحب النحل وبصراحه انا ما شفت لا نحل ولا فراش يعني إلا في التلفزيون ومره شفت واحده بالغلط فما ادري هذا كيف رباها وكمان يعني بتجلسلك هيه عشان تربيها ما ادري يمكن في اقفاص جديده او ممكن هو ولد عز وعنده منحله عشان ما يشتري عسل من السوق وانا ما ادري المهم يعني ليه الفيلم دااا كله يا ابويا خليك على طبيعتك ولا اللي يديك احلى الكلام على النت وشوفه بره فنان ملحن يقول السبه بلحن وقافيه خبير في سب الأهل بس لو دبانه عدت على وجهه او نحله و تعله على الماسنجر وهلا بالعسل وانواع الفرش الناعمه فما ادري ايش القصه ؟؟

[ابويارا]

ســيــد جــروحــي 2

هذي تكمله النصائح نبدأ بنصائح الأولاد إذا قالتلك البنت انها ما تحب الولد الثقيل اسمحلي انها كذابه يعني حتحب الولد الخفيف وعاد انت ووزنك ثاني شئ لما تتكلم معاها تليفون بينلها انه انت طول الوقت مشغول يا ااااااالله وعاد انت نبه الحارس يناديك كل شويه وانت تتكلم وكل شويه يغير صوته ويقلك سوي كده وكده وطبعا انت قلها خلاص بعدين اكلمك حياتي تعرفي انتي وقتي مو ملكي ههههه وكمان عشان توفر فواتير الجوال وطلعت دحين البطاقات المدفوعه خليها تشتريلك بطاقه كل اسبوع عاد شوف انتا احتياجاتك ولا تكلمها بكل البطاقه خلي شويه لكم البنت الباقيه مررره نداله بس تحس انك رهيب قسما بالله
نصائح البنات سامحوني يا شباب لا تديله مجال من البدايه يتكلم عن حبيبته الأولى عشان كل ما انتي تسوي شئ يقول كانت حبيبتي الأولى ومدري ايش ويجبلك القلق وكل ما يقول يلا ابغا اشوفك اليوم لا تقوليله لا والله(ماما ماهي راضيه عشان امس خرجنا ) ولا تقوليله لا بابا مررررره شديد خلاص حفظوها الشباب قوليله انه والله احد اقاربك في المستشفى ولازم تزوريه او فرح بنت عمي عمتي واذا خلصوا بنات عمك وعماتك ممكن تستطعيني بصديقاتك هذا طبعا اذا كان الولد اللي حتشوفيه ماله داعي أما اللي في بالك عاد ما يحتاج في كل وقت ممكن تشوفيه وبأي حجه ولا تديله مجال يسوي فيها الولد الحلو ويقلك كنت في السوق وكم بنت كانوا يبغوا يأكلوني بيعيونهم او ازا زودها وقلك عاكسوني فقوليله لابدهم معفنين وغيري الموضوع على طول او قوليله دقيقه امي بتناديني لانه لو غمزله كيس زباله حيرقمه عندنا ناس ما ترحم زي المنشار وكفايه كده سلام
ملاحظه :- ترى هذا الكلام كله بهلله وللتسليه عشان لأحد يسويلي فيها انه مثقف وماله في الكلام هذا ويرسلي ايميل يسويلي فيها نيوتن ولا فيثاغورس يعني قلك داخل يستقي العلم من هنا <<كيف بس يستقي