هاتوا ولدنـــا .... حنا نربيه ...!

[>ريانه<]

يسعد لي صباحكم بكل خير

ماأدري كيف أبدا موضوعي ولاأدري ليه طرى على بالي أصلا ...

يمكن من الوضع المزري الي وصل له مجتمعنا وعدم المسؤوليه من الرجال والنساء

يتزوج الرجال بهدف المتعه... وتتزوج البنت بهدف التجديد والتغيير ...

ولما يجي أول بيبي ومع أول شراره يحصل الانفصال ويقط الرجال ولده على الأم ويروح يعرس ولاكأنه أب مسؤول عن خلق الطفل بهذيك الليله ....!!!!

يقطه وينسااه سنين ويكبر الولد عن أهل امه ويشوف امه هي الي ولدته... وابوه هو جده ( والد أمه)...

وينسى ان عنده ابو يحمل اسمه ....!!!(حتى النفقه ينساها بعض الذكور)....!!!!


طفح الكيل من بعض المحسوبين على الرجال بهالبلد ....

فعلا الوضع ماعاد يطاق مع هالرجال عديمي المسؤوليه...وش ذنب الطفل يعيش بدون أب مع انه موجود بهالدنيا ؟؟!!!!

ولما يكمل سبع سنوات يجي متسلح بسلاح الشرع والدين ويقول هاتو ولدي بربيه انا ...


مستوعبين ياعالم ؟؟

طفل من طلع على الدنيا وهو مايعرف ابوه الا بالسنه حسنه وفجأه كذا ياخذه من أمه...

طفل تعود على نمط حياة معين وفجأه كذا ينحط عن أهله الي ماعمره شافهم ولااستوعب لسى كيف الدنيا عاقبته وخلت أهله ينفصلون .....ََ!!


عتبي أكثر شي على الرجال ...لان الأم ناااادر جدا جدا انها تقط ولدها وتنسااه ...!!

وش ذنبه الطفل يعيش في بيئه اسريه مفككه ومتوتره ومشتته ؟؟؟

وش ذنبه يشيل غلط اثنين ماتحملوا مسؤولية شي اسمه زواج واطفال .؟؟!!

السنين الخمس الأولى أهم سنين الشخص بحياته والي يحصل له بالسنوات الأولى يأثر عليه لما يكبر...

كثير منهم مطلقات معهم على طفل والأب غارق بالعسل مع زوجته الثانيه وناسيه حتى من النفقه ...!!!

وقد يكون دور للأم بذلك ...ممكن تخلي الأطفال يكرهون أبوهم وهالشي صادفته شخصياً...

تقولها قدامي لولدها ...ابوك وع انا ماأحبه وانت بعد لاتحبه ....الطفل لسى عمره 3 سنوات من وين له عقل يستوعب ؟!!!

أعرف شخص كل ماسمع ان طليقته بتتزوج جاهم ياخذ البيبي ...قاعد لهم ابتزاز ...

والثاني مو راضي يعطيهم اوراق دراسته من اثباتات وغيره ...ليه ؟؟؟ كذا لعانه يبي الولد يدرس عنده ...!!

طيب السؤال وينك ؟؟ كل هالسنين وووينك عن ولدك ؟؟!!!


لاحد يتكلم لي عن الطلاق واسبابه رجاءا لانه موضوع مشبع طرح ...أبي نقاش وحلول عقلانيه تكفل للطفل العيش في بيئه سليمه ...!!!



نورونا بـ حل لهالمعضله ....


أثق بآرائكم كثيير


تحياتي لكم

[صـاحي و رايـق]

والله يابنت الحلال
بـ التأكيد بـ أنها مشكلة كبرى تتشعب وتتمحور إلى عدة محاور
هذه المشكله لا يفصل فيها أو يعدل فيها غير الشرع
هناك أمور بـ الطبع أجهلها ما بين الطرفين
لكن طبيعة الشرع لن يترك إستغفال هذا الأب لـ أبنه طوال هذه السنوات
راح يٌجبر على دفع كل النفقه التي لم يدفعها بالسابق
رضي أم أبى هذا هو حكم الشرع في هذه الحالات !


عوافي على قلبك

[رحّــال]

اقتباس: ...أبي نقاش وحلول عقلانيه تكفل للطفل العيش في بيئه سليمه ...!!!

حياته ستكون معلقة بيد أبيه وأمه ,,

فإذا كانت الأم لا تقدر معنى الأمومة ولا الأب يقدر معنى الأبوة

فهو سيعيش في بيئة صعبة ,,

ولن يستطيع أحد تغييرها إلا أن يتغير الأب والأم ,,

[Queen of buraydh]

عزيزتي مافي شك ان الامر مؤلم جداً بالنسبة للأم خاصة ,

لكن هذا شرع الله ورسوله .. وله الحكمة في ذلك

[عبدالله الحلوه]

ريانه


هناك اخطاء كثيرة في هذا المجتمع حتى في تفسير الواجبات والاحكام الشرعية والكثير من القضاة لازالوا يتمسكون في نصوص الاحكام غير مهتمين بفقه الواقع الذي يعيشونه مما فتح الابواب امام هؤلاء للتمادي بأفعالهم


تحياتي

[" TWIX "]

وربي مشكلة .. لكن ما باليد حيلة ..

[عاشق ديرتي بريده]

ابسأل هل في القانون عندكم ان الطفل اذا صار عمره سبع تنتقل حضانته لأبوه حتى لو امه ما تزوجت ؟ وهل تنتقل دايما لحضانة ابوه او في حالات معينة ؟

عندنا في قطر ، زمان في القانون كان الوضع جذيه بس ما ادري اذا كان في كل الحالات او بعضها ..حاليا الاولاد والبنات في حضانة امهم دامها ما تزوجت لحد سن 18 سنة .. للاب حق الزيارة وله حق انهم يباتون عنده في البيت ليلة او ليلتين اظن بالاسبوع اذا كانوا فوق الثمان السنين او العشر ..
لو حد عنده تفصيل اكثر عن القانون يا ريت يفيدنا ، وان شاء الله ما اكون طلعت عن الموضوع .

<<< ناقل الرد مثل ماريانه ناقله الموضوع خخخخخخخخخخخ

http://209.85.129.132/search?q=cache...&ct=clnk&gl=sa

[>ريانه<]

اقتباس:  المشاركة الأصلية كتبت بواسطة عبدالله الحلوه     ريانه هناك اخطاء كثيرة في هذا المجتمع حتى في تفسير الواجبات والاحكام الشرعية والكثير من القضاة لازالوا يتمسكون في نصوص الاحكام غير مهتمين بفقه الواقع الذي يعيشونه مما فتح الابواب امام هؤلاء للتمادي بأفعالهم تحياتي

وهذا الواقع اللي صاير