لــــــــــكل أعضاء منتدى النقـــــــاشــات الحـــــــاده والهواشيــــــه

[&نجدية كووول&]

أولأ:أحب أن أنوه على جميع الاعضاء في منتدى بريده أنني قمت بالتسجيل بهاذا المنتدى لان فيه صديقتي وتقول حلو ماعليه بعدين قلت ليه ماأسجل فيه لأنه منتدى مدينتي الحبيبه>>>>أغنيه ههههههه


ثانياً:لاحظت أن أغلبيه الردود كلها هواش ومادري وشو حشا هو منتدى بفلوس الواحد ماينزل موضوع إلا بإلاعضاء يسبون ويهاوشون وهاذي ليبرالي وعلماني ومادري كيف بالله عليكم هاذا منتدى حشا المفروض تكونون راقيين بكلامكم والله أدخل المنتدى وأطلع ماأستفيد بشي غير التعليقات التافهه ولا وبعد من غبائي رحت عزمت قريباتي من مدن ثانيه أقولهم هاذا منتدانا والله فشيله
ثالثاً:أبسالكم سوال خاص للشباب ليه دايماً أنفسكم زفت بس القصمان وأنتم تكتبون الردود حتى كلامكم ماأفهمه بعض الشي كلامكم قصيمي بحت كلنا قصمان بس كلامكم بحت قوه
رابعاً:رجاآآآآآآآ لاحد يزعل مني لاني منقهره كذا تكونون

[نـدى الـورد]

ياعزتي لك ماشفتي شي ياقلبي

المهم حياك اقلطي علشان تلاقين كم شتيمه دسمه مع الصبح


.

[شايب سمنسي]

[align=center]

اقتباس:  المشاركة الأصلية كتبت بواسطة Manayr     أولأ:أحب أن أنوه على جميع الاعضاء في منتدى بريده أنني قمت بالتسجيل بهاذا المنتدى لان فيه صديقتي وتقول حلو ماعليه بعدين قلت ليه ماأسجل فيه لأنه منتدى مدينتي الحبيبه>>>>أغنيه ههههههه ثانياً:لاحظت أن أغلبيه الردود كلها هواش ومادري وشو حشا هو منتدى بفلوس الواحد ماينزل موضوع إلا بإلاعضاء يسبون ويهاوشون وهاذي ليبرالي وعلماني ومادري كيف بالله عليكم هاذا منتدى حشا المفروض تكونون راقيين بكلامكم والله أدخل المنتدى وأطلع ماأستفيد بشي غير التعليقات التافهه ولا وبعد من غبائي رحت عزمت قريباتي من مدن ثانيه أقولهم هاذا منتدانا والله فشيله ثالثاً:أبسالكم سوال خاص للشباب ليه دايماً أنفسكم زفت بس القصمان وأنتم تكتبون الردود حتى كلامكم ماأفهمه بعض الشي كلامكم قصيمي بحت كلنا قصمان بس كلامكم بحت قوه رابعاً:رجاآآآآآآآ لاحد يزعل مني لاني منقهره كذا تكونون

متى عزمتي خوياتك ؟

وراك ماعلمتينا؟

على فكرة يامناير انتي شفتي الساحات العربية ؟

تراها وهي ارقى منتدى عربي اردى من اللي عندنا

وبعدين مو عاجبتك كلمات القصمان؟

وش دعوه يابنت واشنطن؟

هذا منتدانا وهذي لهجتنا واللي مهب عارف لنا يجيب مترجم حنا مو مكلوفين بالعالم يامناير

حشا مهب كلام هذا

وبعدين نسيت اقولك

ترى الهواش سمة ايجابية للتفاعل واذواق الناس بالطرح تحتلف مو لازم يكونوا متفقين على موضوع معين

التقسيمات اللي تقولينها ماجبناها من عندنا

الليبرالية والعلمانية فرق ضالة قديمة ومو من عندنا جايبينها متكلمين فيها علماء وفطاحلة

تبين نلغيها؟ قولي لهم الله يجزاك خير لايتعرضون للدين ولا للقيم الاجتماعية وحنا مانقول لهم ياليبراليين

تحياتي لحضورك واهلا وسهلا فيك وشرفتينا ياغالية[/align]

[سـمـا]

تصدقيين عاد انا صرت نجسه واحب الهواش منهم تاثرت


من عاشر قوم اربعيين يوما صار منهم


يعني كان اتني مو راعيه هواش الحقي عمرك تراك بتأثريين

وعادي حبيبتي راح تحبين المنتدى وتتقبليين منهم اي شي هواشهم لجتهم حتسيهم اسلوبهم

ولجل عين تكرم مدينه

[شموع تحت المطر]

والله يامناير يالعزيزة

كل ماله المنتدى يدحدر.... تبين تطنز وتريقة خوذي
وغسل بالناس ...ياكافي،،،
تبين ترقيم ايميلات وارقام ورسايل انواع واشكال
المشكلة انهم يدعون الكمال ووخر عنهم والواحد ماعنده الا الدجة

ولا اذا ستلموا العضوات تقل انهم احسن مابهالدنيا وهم........مجمعه،،!!

انا غاسلتن ايدي منهم ادخل عشان اضحك واتفرج
وامـــــــــــــــــــــــــــــــــــــــــــــــ ـــــشي..

عقبال مايصير منتدى انثوي متكامل.....

[&نجدية كووول&]

هـــــــلا والله ملايين ولا يسدن بطلاتكم


مشكـــــــــــــــــورين على الردود


ياشايب ومدري وشو ماسبيت لهجتنا أنا

[نـدى الـورد]

تبين الصدق عزيزتي؟

لا للحساسيه هنا

وقلبك ارميه لاتجيبينه معك

والله الله على الصبر والتحمل

وقليل من الثقه با النفس الخالصه الصافيه النقيه

لانه إحتمال تصابين بكلمة قويه تنزلك اسفل السافلين من واحد مريض

والا الوضع إجمالي حلوو.... موفقه



.

[شموع تحت المطر]

شايب انا اعرفك زين

ولانها ماوقفت الا عليك انا بحقرك حتى تقطع مصارينك

لاني قلتها لك قبل ماوراك الا الدجة....

[نفسي تفهمني]

طبيعي يكوون ي كذا بالمنتدى نتيجة لاختلاااااااااف وجهات النظر والسن والجنس
بس مو معناااته ان الواحد يغلط عالوااحد

وأهلين فيك مناااير بيننا

[الفتـ الذهبي ـى]

ههههههه


مروور ع السريع

[العصامي]

ياشايب سمنسي

خف شوي على الجنس الناعم 00
تراهن رقيقات إحساس ما تعوّدن على الخشونــه 00

[شاطئ الراحة]

الفاضلة مناير ...

المكان العام ليس كـ المكان الخاص .. و العقول المترامية في الفكر ليسة كـ المحصورة في رؤيه واحده ..

هذا هو منتدانا .. فـ يجمع بين أروقته أفكار و رؤى متعدده .. ناهيك عن المخالف من الأعضاء و اللذي يشارك من أجل أن يعطي صورة للآخرين .. بخفة دمه .. بموضوع قد كلف على الكاتب جهد كبير ..


المراوغه في عقول الآخرين و تشتيت فكرهم .. في إسلوب سوقي من أجل أن يبتسم الأعضاء له أو يشار له في البنان .. بأنه عضو .. مضحك ..!!

أعتقد بنظري .. أنه من قمة التأخر في الفكر .. فـ الأقلام هنا تتجالد من اجل توضيح الأهداف في الموضوع ..

و هذا ..؟؟.. يشارك من اجل أن يذيل مشاركته بـ هه ..!!!

تحياتي لكِ

لي عوده في موضوعكِ

[جمان البحر]

أختي مناير ..
أنا عكسك تماما فلم يعجبني في هالمنتدى الا النقاشات الحادة وأعتقد انك ماشفتي غيرنا من المنتديات اللي تغث وماعندهم غير سلمت يمينك.. جزاك الله خير على الموضوع الرائع ... وهلم جرا من كلمات المجاملة.

مع ان فيه أعضاء يجيبون الهم بحيث انهم يضلون متقوقعين بأفكارهم ولايريدون المناقشة والتفاهم فيذهبون الى الملاسنات التي لايجدون أفضل مها للهروب من العضو المناقش.

[فتاة المستقبل]

فعلا أنا رأيي من رأي جمان البحر
يابعد قلبي يامناير , والله رحمتك
وبالنسبه للسمنسي نوب يشب تسبدي ويفطسن ضحك يعني يشب الضوء همن يكب عليه ماء ونوب يبرد السبد بردوده
بس أقولك من خلال هالمنتدى قولي رأيك ولاعليك من أحد لاتصيرين حساسه بزياده
واهل بك وسهلا
يالله حيه أقلطي

[التلميذ]

لهجتنا هي ملح منتدانا. بالنسبه للهواش هذي طبيعة ديرتنا الصراحه مافيه الا الهواش بحياتنا الطبيعيه وش عاد بالمنتدى لكن اهم شي اختي انك تبردين اعصابك .