البارحه ياعبيد عييت اناما
قلب الخطاذكر علي الهواجيس
يالايمي جعلك ببحر الظلاما
والا ربيط في يدين المحابيس
غديت مثل اللي طواه الهياما
طي حالي مثل طي القراطيس
ويالايمي فرخ القطا والحماما
مخضبات يطربن النواميس
والله لاصلي لي فروض تماما
واسجد لربي فوق روس الطعاميس
بالك تشوف نايفات العدامى
ويولعك غرو بزين الملابيس
يوم الصبا هبت بريح الخزامى
الشوق في قلبي تعدى المقاييس
قلت اه ياما يا صبا نجد ياما
في القلب جددت الجروح المراميس
ليتك من الخلان جبتي سلاما
يرتاح قلب غارق بالهواجيس
لو قلت داله ما يفيد الكلاما
الدمع يكشف خافيات الاحاسيس
الدمع يرسم في عيون الهياما
مع ما شقاهم ياهبوب النسانيس
العرض العادي
