فضفض ياخطاوينا .. فكلنا آذان صاغية ..

[مخرج تلفزيوني]

[align=center]

اقتباس:  المشاركة الأصلية كتبت بواسطة خطاوينا     في البداية كنت متصفح.. زعلت على المنتدى اللي كنت فيه.. فيني ادمان على الكتابة.. قلت يا ولد سجل في بريدة علشان تتسلى ولا تضعف وترجع بفعل الادمان للمنتدى اللي تاركه.. ابشرك ما رجعت للمنتدى اللي تركت وحصلت نفسي اشارك واكتب.. بس تبي الجد خف الادمان وصرت متعاطي فقط للمنتديات.. حتى اليوم جاي متصفح حصلت موضوعك.. قلت لازم ارد.. حسيت اني محتاج افضفض وفضفضت.. : ياخي شف لنا موضوع نفضفض فيه.. احسني محتاج فضفضة.. فضفضت لواحد البارح وقال اقول قم ارقد وريحني.. وصدمني.. ياخي مدري الناس ليش صايرة متجلفة ولا تسمع الفضفضة..

فضفض ياخطاوينا ..
فكلنا آذان صاغية ..
وكل عضو سيحمل جزء من همك ..
،
،
استرخي على هذا الكرسي ..
سأخفت الإضاءه قليلاً ..
وساشعل شمعتان ..
وأعطنا ما يختلج في صدرك .[/align]

[اسم العضو]

شمعتان ويصير الجو رومانسي أحب الشموع موت لو انا مكانه كان أعطيك قصة حياتي ....


سلام....

[إخلاص]

ميخالف ادخل معكم بالغرفه ... سوف اجلس هنااااك في الزاويه لن تسمعوا مني هسا

[مخرج تلفزيوني]

ياجماعه
لا تروعونه
كذا مارايح يقول اللي عنده ..
عطوه فرصه .

[هامة حاسوبية]

[align=center]





بانتظار الفضفضة ...





[/align]

[ساعة خراشية]

ننتظر فضفضة خطاويناااا

[برود الثلج]

[align=center]مرحبا أخي مخرج ،،
كم هو جميلٌ أن يشعر الإنسان بألم أخيه ويشاطره فيه ولو بالأستماع الصادق ،،

وفضفضه أخينا خطاوينا صادقه وصريحه وملموسه ونعايشها ولكنها تشعرنا بأحباط فوق أحباط ( تزيد من الطين بله )

ولكن لم نعلم نحن أننا نعيش في عالم من الأفضل لنا أن نصمت فيه

لكي !!! لا نموت قهر وغبن وندم على مانقول ونثرثر به ،،


والله يعينك ياخطاوينا ويعين الجميع على مايواجهون بهذي الدنيا ،،


وتحيه عطره للجميع ،،[/align]

[نـدى الـورد]

ماحوولكم احد

[خطاوينا]

[align=center]مخرج.. ههههههههههه..
والله كنت امزح..
وبعدين ليش انا وحدي اللي يفضفض..
الكل يفضفض..
ويشكي همومه.. ومآسيه..
طيب..
بفضفض بطفولتي البائسة رغم ما فيها من دلال من والدي ((حفظهما الله))..
بس لحد يضحك علي..
:
:
في نهاية الثمانينات الميلادية..
فاز بوووووش الأب بالانتخابات الرئاسية الأمريكية..
ابوي كان يتابع الحدث.. وأعجب بالتجربة الديمقراطية الأمريكية..
قرر ان يتنازل طواعية عن لقب (سيد المنزل) ويطبق التجربة الأمريكية في المنزل..
وفعلا بدأ في تطبيق أول انتخابات حرة وديمقراطية في منزلنا الكائن في العاصمة السعودية الرياض..
قسمنا البيت لحزبين أطلقنا على الأول الحزب الديمقراطي برئاسة أبي والحزب الثاني سميناه الجمهوري برئاسة أمي..
سوينا الاقتراع وفاز ابوي بالاكتساح بعد ما خذلت أنا وأخوتي امي ولم نصوت لها صوتا واحد خوفا من بطش ابوي..
فوووووز ابوي كان شبيه تماما بفووووز حكام العرب باقتراعات بلادهم وبنسبة تصويت تربو على الـ 99.99..
:
المهم ابوي وزع الحقائب الوزارية على البيت..
واستفرد بالحقائب المهمة من الخارجية والداخلية والمالية وأيضا الهوشية.. <<<<< مشتقة من الهواش..
في ذيك الفترة انطلقت في مصر ثووووورة (الرغيف)..
خشا ابوووووي أن تمتد الثورة على بيتنا..
فكر وبنظرة ثاقبة قرر ان يمنح حقيبة تمويل البيت بالخبز (الرغيف) لشخص شجاع ويتحلى بالحكمة..
وقع الاختيار علي بعد عدة مشاورات مع نفسه..
:
كان عمري 8 سنوات..
ابوي مؤمن بإعطاء الأجير أجرة قبل أن يطلع عرقه..
وكان يعطيني اجري ريالا واحد قبل ان انطلق لجلب الخبز..
كان فيه واحد بزر في الحارة ابن كلب يترصد لي في نهاية الحارة وفي طريقي للمخبز..
هذا الحقير كان مؤمن بالمقولة اللي تقول (اسرق اجر الأجير قبل أن يجف عرقه))..
بعكس مفهوم ابي تماما..
وكان الريال اللي يعطينياه ابوي يأخذه مني عنوة..
يأخذه برضاي دون مقاومة.. ولو قاومت بس يعطيني كفا واحد وهذا الكف كفيل بمنحه ريالي الوحيد..
:
مرت الأيام والليالي وتم التجديد لي بمسؤليات حقيبة الرغيف لفترة أخرى..
التمديد نضير عدم فقد خبزة واحدة طوال فترة عملي..
ما كانوووو يدرون اني اضحي بريالي من أجل مدهم بالرغيف.. <<<<<< ابو التضحيات..
:
وفي يوم من الأيام قررت اني اوقف في وجهه الورع اللعين..
وانتصر لأيام الذل والهوان التي عانيتها منه طوال اسناد حقيبة مد البيت بالرغيف لي..
أخذت معي سوط مصنوع من اسلاك الكهرب..
ووضعته في حقيبة الخبز..
في منتصف الطريق ظهر لي كالشبح وقال اين الريال ايها الورع..
قلت تريد الريال قال نعم..
والله واطلع السوط بفرشه..
مسك الصوت بيده وتله مني وفرشني وضربني ضربا مبرحا بالسوط الذي صنعته بيدي..
وزاد على ذلك أخذ ريالي وبقية ريالات الخبز..
وعدت للبيت اجر اذيال الخيبة والهزيمة..
وبلغت ابوي بمعاناه 3 سنوات..
:
جمع ابوي مجلس الأمن حق الحارة..
عقد مجلس الأمن وتم انصافي باعتذار..
ولكن المؤلم أن المجلس جمع ورعان الحارة كلهم وطلب من المعتدي الاعتذار مني بعد أن يعترف بجرمه..
اعترافه كان بالنسبه لي تشهير أمام ورعان الحارة..
ومن ذلك اليوم اصبحت صيدا سهلا.. وأفضل نفر ممكن لورع في الحاره ضربه دون أي مجهود منه ومقاومة مني..
بس تراني بعد سنوات صرت بطل.. <<<<< يا بكااااااااااش..
ووووووووووووووووووووووووبس..
:[/align]

[هامة حاسوبية]

[align=center]

اقتباس:  المشاركة الأصلية كتبت بواسطة خطاوينا     [align=center] بس تراني بعد سنوات صرت بطل.. <<<<< يا بكااااااااااش.. :[/align]

ههههههههههههههه

ترا هذا أهم جزء بالقصة

الله يرجك ياشيخ





[/align]

[اسم العضو]

مخرج تلفزيوني

أنت سااااااحر فضفض خطاوينا وفضفضته ممتعه بس حزنت عليه عندما قال

والله واطلع السوط بفرشه..
مسك الصوت بيده وتله مني وفرشني وضربني ضربا مبرحا بالسوط الذي صنعته بيدي..

سلام...

[الأسترليني]

حلوة يا خطاوينا فضفضك.....ليت كل اللي يفضفضون مثلك ناوي أشيل معك الهم لكنك اضحكتني

ابوووووك يالفضفضة


تقبل مروري

الأسترليني ،،

[باونتي]

احسكـ خيآآآآآآآآآآآآآآآآآآآآآآآآآآآآآآليـ



الله يوفقك ويخلي لك والديكـ

[علشانك بس]

وين العدل يامخرج ,, يعني ناس يفضفضون ويرتاحون .. وناس ينطقون ومالهم من الفضفضة نصيب .. !!
الصراحه هذا الظلم بعينه ,,
شوفو ,, ترى اذا ماسمحتو للكل هنا يفضفض عما في داخله فـ لاتلوموني اذا خربت لكم هالغرفه وطفيت الشموع وخليت ليلتكم سوداء ,, لاتجي يامخرج وتقولي تهدديني ؟ سمها اللي تسميها , تهديد .. هواش .. طلب .. اللي تبيه ,, اهم شي خلو الاعضاء يفضفضون ترى اليوم الإربعاء وسهرتنا الليلة خلووهااااا صباااحي ,,
فووووتك بعافية يادختوووووور مخرج ,,

[علشانك بس]

اقتباس: وكان يعطيني اجري ريالا واحد قبل ان انطلق لجلب الخبز..

أوووه ريال كامل وبعهدك يوم كان عمرك 8 سنوات ,, والله وطلعتو مليونيرية ,,
ترى الريال بوقتكم يحكي ,, عن مية ,, لو هاللي يطقك وياخذ ريالك يوميا تاركك بحالك كان الحين مشتري لك سيارة ولا عامر لك فيلا بسبع ادوار ,, ترى أجرتك ريال يعني مو سهله ابد ,,
هذا شيئ ,,
الشيئ الثاني وش ذكرك بهالسوالف قبل اربعين سنه << والله وتخليه شايب ,,
فضفض لنا عن اللي مضايقك الحين مو قبل سبعين سنه << زودت عشرين ,,
ننتظر فضفضه طااازه ,,
فوووتك بعافية ,,