هل توظف قبيحاً في مكتب الاستقبال؟ << هل هذا حقاً واقعنا ..((القشور اهم من اللب))..
[align=center][align=center]هل توظف قبيحاً في مكتب الاستقبال؟
لو تقدمت اليك مربيتان ؛ الأولى تدعى "خديجة" والثانية "نانسي"؛ فمن ستختار لأطفالك!؟
في الغالب (خديجة)..
ولكن ماذا لو كنت تملك شركة عابرة للقارات تتمركز في سنغافورة أو نيويورك واحتجت الى موظفة استقبال!؟
.. في حال تساوي المؤهلات ستفضل غالبا (نانسي) !
هذا مابدأ به الكاتب الكبير فهد عامر الاحمدي
وتطرق الى
.. هذه المظاهر أصبح تأثيرها حقيقيا وثابتا (وإن كان يغلف بقدر كبير من المجاملة) في تحديد مواقعنا الوظيفية.. فصحيفة الديلي تلغراف مثلا نشرت في نوفمبر الماضي احصائية تثبت ان طوال القامة ينالون رواتب اعلى من غيرهم بنسبة 10% وان الوسيمين يكسبون دخلا اعلى بنسبة 15% وان النساء الجميلات يكسبن دخلا اعلى من العاديات بنسبة 11% ومن القبيحات بنسبة 23%!.
وختم بشي رائع كروعته
.. (كلمة في أذنك): قد يصعب عليك تغيير الهيئة أو الملامح التي ولدت بها؛ ولكن في حال حملت اسما (غير مناسب) فالخيار ما يزال بيدك.
ماراح اكثر من الهرج لان الكاتب الكبير فهد ما ترك شي
لكن عندي كم سؤال وابي اعرف آرائكم ..!
هل هذا واقعنا في هذا المجتمع !! هل فيه ناس تركز على القشور فقط !!
وهل هم كثره ام قله !!
وهل صحيح ان الشكل الخارجي يؤثر في حياتنا في هذا المجتمع الذي نعيش فيه ام لا !! [/align][/align]
هل هذا واقعنا في هذا المجتمع !! هل فيه ناس تركز على القشور فقط !!
نعم وبالتأكيد ..
اقتباس:
وهل هم كثره ام قله !!
للأسف لم أعمل احصائية على ذلك ولم أقرأ عن احصائية لهذا الموضوع أبداً .
اقتباس:
وهل صحيح ان الشكل الخارجي يؤثر في حياتنا في هذا المجتمع الذي نعيش فيه ام لا !!
تقريباً ..
فالمسألة تعتمد على من تقابله اذا كان ممن يهتمون بالقشور فسيحكم عليك من هيئتك الخارجية وينسى روحك الداخليه وفكرك ..
للأسف أنه وحتى في العلاقات الاجتماعية من صداقة وغيرها تجد أناس تعتمد على جمال الشكل وتنسى جمال الروح ..
فتجدهم يصادقون ويحرصون على انتقاء الجميلات أو الجميلين وينسون أن المهم هو اللب والجوهر ..
من وجهة نظري (الذرابه) هي الأهم ..,
فكون الموظف ذرب وخفيف ضل وسمح وبشوش مع المراجع والزبون .., هذا أهم عندي
من "وسيم" ويكد على خلق الله .., نفسه شينه ..,
ولو نعمل إحصائيه على أكبر شي يطفش الزباين خاصه المحلات التي تعتمد على الأستقبال ..,
أكيد يبي يصير "عدم" البشاشه و سوء الأستقبال ..,
وليس "ذميم" أو غير وسيم .
أما إن صار وسيم وذرب (نور على نور) .., أو أن صار قبيح "ونفس شينه" (حشفاً وسوء كيل) ..,؟!
والله الواسطه هي اللي تحدد ,اذا تكلمنا عن التوظيف
اما بوجه عام فكلام الاخ فهد صحيح الوسيم بالاستقبال
هو اللي يوظف عاى طول وهو (قشر) طبعا هذا بالعمـــل
الخاص وليس الحكومي ,,والدليل شف المستوصفات
الخاصه (براقع كحل حركات)وتعال شف الزباين ياشيـــــخ
مره رحت لمستوصف خاص وكان قدامي بالاستقبال رجال
بس ماشوف وجهه داخل وسط الجخر يعني مابقي الا كتوفه
يسجل اسمه وبعد ماطلع طبعا عطيته اكسجين من ضيق
النفس لأن فتحة الاستقبال صغيره شوي .,المهم بعد ماراح
جااء دوري وش اناظر عيون تجدع الطير ,قلت ايييييييييه
الله يهديهــــــــــا بس ...وانا اقول ليش العالم سراا عاى
هالمستوصف ,,,
بالأصل لو تبي تشترط موظف وسيم لشركتك للأسف تبي تجلس ماراح تشتغل الشركه لأنك راح تتعب ولا راح تلاقي الا كشابير للأسف ,,
لكن لو قدر الله عليك ولقيت لك كم واحد حلو طبعا يكون مهجن بالتأكيد يكون أحسن ,,
مع اني والله ماأأيد توظيف شباب حلوين في اي مكان يدخله حريم ,, لأن المكان هذا بيصير مهزلة ,, وأول من يأثم صاحب الشركه لأنه بالأصل ماراح يراقب موظفينه ,,, راح يخلي الدرعى ترعى ,, واذا خلى الدرعى ترعى تبي تخرب الشغله ويبدا المغازل والبلاوي المتلتله ,,
قبل شوي كنت بجيان وانا احاسب كان قبلي رجل والظاهر ان الموظف مل من خشة الرجل اللي قدامه واسمعه بصوت واطي يلعنه ياويلي ,, ويوم جيت انا وبديت احاسب تعال شف الأدب ,, لوسمحتي ارفعي الكرتون الله لايهينك بحاسبه <<< انواع الذرابه سبحان الله ,, والموظف كان مقبول الشكل لكن نفسه شينه على الرجال فقط مثل ماظهر لي ,,
يعني اذا لقيت شكل حلو تبي تلقى النفس شينه ,, واذا لقيت واحد شين وعبد تلقاه مرح وماودك تخلص محاسب ابد ,, لذلك انا انصح بوضع شباب شينين عشان مايجذبون الجنس الناعم ,, وعشان تصير نفوسهم زينه ,, والرجال يحطون حريمهم وهم مرتاحين يدرون ان حريمهم مستحيل ينفتنون ,, هذا طبعا اذا كان المكان يدخله عنصر نسائي ,, اما اذا كانت شركه مايدخلها الا رجال فـ يحطون اللي يبون عاد ماراح اتشرط عليهم << وش دخلك انتي ,,
يالله فتكوووو بعافية ,,,
موظف استقبال اكيد لازم جميل الشكل
بس الاهم جمال الروح
اذكر مرة رحت لفندق خمس نجوم بدوله عربيه وكانن اللي بالاستقبال
حريم روسيات جميلات بس معاملتهن قبيحه جدا معي
حتى ان جمالهن راح
لو كانت الواحده منهن قبيحه بس ضحكته من ذا لذا وتستقبلنا كأننا في بيته كان الامر افضل بكثير
التوقيع
[align=center]
ويلٌ للمشعوذ والنفاذات في العقد
من شر قد حل واقتربْ
أمراضٌ وأسقامٌ تصيب الجسد
يقطع أوصالهم إرباً إربْ
يختلف هذا الشي من وظيفه لثانيه في وظائف ما تعتمد على الشكل لكن على العطاء والمؤهلات
والشخصيه وهذي للاسف احيانا بعد تنقلب الموازين ويصير المعيار فقط الشكل .
وفي بعض الدول ما نقيس على السعوديه وبس صار الشكل عدوه الحجاب يعني حلوه
ومحجبه ما ياخذونها
بس شينه وكاشفه في المقدمة !!!
وترا الجمال ماهو عيب ويمكن يكون اللي يملك الجمال في الواقع افضل بكثير كـ فكر وعمل
من الدميم لكن فكرة اني احكم الجمال بالعمل فيه ظلم نوعا ما للاخرين .
لكن فيه وظائف كـ استقبال وخدمة عملاء لازم و ظروري يكون الشكل مقبول + الذكاء والفكر
لكن بعيد عن الشكل والوسامة والطول والوزن البلد فيها شح للوظائف سواء الجميل
والقبيح والمتوسط وصارت الواسطه هي المعيار و الشهادة
هلا بك اخوي ..,
صراحه ما اخفيك اني كنت قبل ما اقرا الموضوع ادربيه ولا ادري وين الله حاطن يعني مالاحظت هالشي
بس بعد ماقريت الموضوع قعدت اتذكر الشركات اللي عندنا والموضفين (خصوصاً من يتعامل مع الناس منهم)
دائماً ماشاء الله عليهم وسماء بس (يكدون) والقليل منهم اللي وسيم ولا يكد
وابقول لك قصة حقيقية حدثت لـ اثنين من اصدقائي وكلهم معي بنفس الحوش
واحد وسيم والثاني لك عليه عادي شكله
وحنا جالسين قال لنا واحد ان المحل الفلاني يدور سعودي يتوظف به (المحل مشهور ببيع الملابس النسائيه بـ (العثيم) )
راح اللي عادي شكله لصاحب المحل يوم قال خابرن عندكم وظيفه قال لا ماعندنا شي رح اقضب الباب
وبنفس اليوم راح رفيقنا الثاني وتوظف !!!!!!!
صدز اننا بتلنا نضحك على الاول ونتطنز بوووه بس للاسف هذا الحاصل بمحل مشهور بالعثيم [/align]
ما عندي فكرة ..ولكن ما نشاهده في الافلام والمسلسلات العربيه يشير الى صح هالامر بس هالفكرة
وارده في المجتمعات العربيه وأقصد الشام وبلدان المغرب العربي بس في دول الخليج العربي لا أعتقد
ذلك ..
اقتباس:
هل فيه ناس تركز على القشور فقط !!
أكيييد في ناس تفكر بالشكل الخارجي والمظاهر بشكل عام وفيه اللي يفكر بالجوهر الداخلي كلا
الفئتين موجودتين في أي مجتمعا كان سواء في مجال العمل أو الحياة الاجتماعيه ..
اقتباس:
وهل هم كثره ام قله !!
مادري ..
اقتباس:
وهل صحيح ان الشكل الخارجي يؤثر في حياتنا في هذا المجتمع الذي نعيش فيه ام لا !!
في نظري هذا يعتمد على الفرد نفسه فهناك اوناس عندهم ثقه في أنفسهم ومتقبلين شكلهم كما
خلقهم الله تعالى ولكن فيه فئة آخرى لا يعجبها العجب وهنيئه تشوف كم انتشرت في الاوانه الاخيره
عمليات التجميل وبرأيي هذا قله ثقه ونقص في شخصيه الفرد ..وطبعا هالشيء بيأثر عليه وعلى
مجتمعه بشكل عام .
لا ياخي لان الشين يبي يهجج الزباين والي شكله حلو يبي يخلي الزبون يجدع الي بمخباتة وهو فاتح اثمة كخ كخ كخ
التوقيع
[align=center]استغفر الله
شاركونا حملة الاستغفار
كل يوم 100 مره
فقط في اقل من دقيقه
لعل الله يغفر لنا ويغيث البلاد
ستغفر الله العظيم الذي لا اله الا هو الحي القيوم واتوب اليه[/align]