ما الفرق بين الزجارة و الشكولاته .. دعوة للتأمل

[خيال الانسان]

[align=center]في الحقيقة أنا أحب الشكولاة لاكن المشكلة إذا أكلت كيكاو بالسيارة مثلاُ ووقفت عند إشارة تلقى الناس تناظرك بستصغار وينقدون عليك بنضراتهم
غير كذا لو شفتوا واحد معه زقارة عند إشارة ويدخن بالسيارة شئ عادي والي بالسيارة رجال ولاينقد عليه ومنظر طبيعي
غير كذا لو فرضنا إن فيه وزير شوهد في منتزه معه أولاده وياكل آيس كريم وش راح تكون نظرة الناس له ؟تخيل أن الي ياكل آيس كريم دكتورك بالجامعة أو إمام المسجد أو مديرك بالعمل وشفته ؟
ولو شفتو وزير أو شخص يدخن وش راح تكون نظرتكم له ؟
أتوقع الي ياكل آيس كريم أكثر إستنكار وينقدون الناس عليه أكثر
مع أن الأول حلال والثاني حرام
هل العادة جرتنا لهذي النظره؟
أم ماهو السبب!!!!!![/align]

[هامة حاسوبية]

[align=center]




خيال الإنسان


موضوع أكثر من رائع

فكثيراً مانمنع الحلال بسبب نظرة المجتمع

ونحل الحرام لأن المجتمع اعتاد عليه

ذكرتني بما حصل قبل ليلتين ، حينما كنا جلوس عند برنامج فتاوى

فإذا بمتصل يطرح سؤالاً على شيخٍ فاضل معروف ، ويسأله : "هل يجوز أن يقبل الرجل أخته من الرضاع ؟"

فأجبت أنا وأنا جالسة : نعم لأنها أخته

وأجاب الشيخ وقتها بنفس إجابتي وأتى بالدليل : "يحرم من الرضاعة مايحرم من النسب"

فرفض بعض الجلوس عند التلفزيون هذا الحكم الشرعي وبدؤا يفصلون الموضوع كما يريدون

فقبلة الرأس حلالاً وقبلة الخد لا تنبغي إطلاقاً >> هذا قولهم

فقلت : لو كان هناك تخصيصاً لكان الشيخ أولى بذكره منكم

ولكن ، هي أعراف المجتمع





[/align]

[خالد التويجري]

فعلاً هو مفهوم عجيب .., غلط في غلط

أترك الوزير و المدير .., الشخص العادي ومن عامة الناس مايسلم ..,؟
لا .., عاد الشي لو يشوفونك تلعب مع عيالك بالملاهي .., أمنا بالله تصير "مهبول" وطاير من رأسك "وشره" ..,؟ حتى لو الملاهي "للبالغين" أصلاً ..,؟!


تحياتي .,’

[علشانك بس]

اقتباس: أمنا بالله تصير "مهبول" وطاير من رأسك "وشره" ..,؟

ههه كأني مع جدتي الله يرحمها ,, للأسف الناس صارت تحكمهم العادات والتقاليد ,,
ثانيا ياخيال انت تدري انك في بريدة والشهبان هناك يكثرون يوما بعد يوم ,, اذا صرت عند الاشارة لاتاكل اذا مشيت كل اللي تبيه ,,
الحين ليتهم يناظرون اللي ياكل بس وينتقدونه ,, تلقاهم يتلفتون على محارمك وانت بالسيارة ,, ودك تنزل وتفرشهم على السفلت عشان يدرون ان الله حق ,,
انت راعي اكل ماشاء الله عليك وشوكولاتات بعد << كأني اشوف وزنه 99
يعني يلزمك تضليلة لشبابيك سيارتك من النوع الثقيل جدا ,, عشان ماتجيك عين تخليك تترك الحلويات وتتوجه للموالح ,, عاد اذا اتوجهت للموالح يبي يصير وزنك 155 وبعدين دور السياره اللي تقدر تدخلك ,, تصير تركب شيول بدون ابواب ويالله يالله بعد ,,
فووووتك بعافية ولا تنسى التضليله ,,

[أبو تهاني]

اقتباس:  المشاركة الأصلية كتبت بواسطة خيال الانسان     هل العادة جرتنا لهذي النظره؟

[align=center]خيال تسلم يا خلفهم على هالموضوع

أشوف أن اللي يدقق بمثل هالأمور يعاني من الحساسيه الزايده

إذا كنت مقتنع بما تعمل لا تهتم لرأي المجتمع


[/align]

[بنت البدائع]

مرحباً خيال


مجتمع القصمان توقع أي شي ,,

أجل ماألوم الرجّال اللي لاطلع منتزه قصيمي مع عياله يطق اللطمه
وكل هذا خووف يشوفه أحد يعرفه ويشره عليه ,,

مازال فيه ناس عقولهم مقفله ,,

دمت بود ..

[جورينا]

*

خيال انسان ..!!
اختصرتها هامة بكلمتين ..!!
ولكن ، هي أعراف المجتمع ..!!
بكل بساطة ..!!
لكن كل انسان يعمل العمل والشي اللي مقتنع فيه ولايهمه احد ..!!
شكراً لكـ ..!!


*

[خيال الانسان]

[align=center]هامة حاسوبية
بريداوي9
علشانك بس
أبو تهاني
بنت البدائع
جورينا[/align]
[align=center]الله يعطيكم العافية على المرور وتفاعلكم مع موضوعي
لكم جزيل الشكر وفائق إحترامي[/align]

[أبو مـاجد]

اطلع عن بريده وكل واشرب بدينك ورجلينك

اما داخل حدود الدائري فاحذر

[الأسترليني]

خيال لو تشوف واحد بالمطعم يأكل من كل ما لذ وطاب عادي ما نستغرب لكن لو تشوف واحد عند باب

المطعم نفسة يأكل ساندويتش لقمنا بالاستغراب..!!


بالنسبة للأكل في غير محلة في اي مكان بالعالم يدعو للأستغراب دائما



تقبل مروري..


الأسترليني ،،

[الكبري]

السبب أن أصل المقارنة يحتاج لإعادة نظر .

فلماذا لم تقارن السيجارة بالمسواك مثلاَ .

لأن الشكولاته عادة يأكلها الأطفال كما الأيس كريم .

والكبار قليل يألكونها ولأكلهم لها حدود .

تذكرت عندما انتشرت ظاهرة أكل الشباب في عمر العشرين للحلاو (المصاص ) من خلال أقكار سابقة يمثلون سذاجة سطحية منقطعة النظير .

السيجارة في أمكن محددة تعتبر جريمة وتختلف بإختلاف المكان والزمان الحكم عليها وعلى مناسبتها وذلك يجري على الأيسكريم والشكولاته .

لكم أطيب المنى

[خيال الانسان]

[align=center]أبو مـاجد
الأسترليني
الكبري[/align]
[align=center]أشكر لكم تفاعلكم مع الموضوع وإبداء آرائكم التي أحترمها واستفيد منها[/align]

[سكايب]

يالله العافيه ..
اشياء سخيفه متعودين عليها ..
والمجتمع يحتاج (قلب ) للاساليب ..
متشكر يا (خيال الانسان) للفت انظارنا ..
دمت ..

[تلميذة الحياة]

يعني على بالهم ان الشوكولاته والحلويات للأطفال بس ..!!
والله من العقول الفارغه ..عادات لاأصل لها من الصحة..