لعب ا لعمال على المواطن

[نايف الصغير]

[align=center]ارجوعدم حذف الموضوع من المنتدى العام لتعم الفايده الجميع

السلام عليكم ورحمة الله وبركاته

جبت لكم هذا الخبر اللي اتوقع قليل اللي يعرفونه وقليل جداً بعد

كنت في جده قبل أسبوع وسمعت صوت تنسيم بالكنداسة طبعاً سيارتي شبح موديل 96 المهم رحت لمحلات الشكمانات اول واحد قالي الحمها لك بـ30 ريال والثاني قالي لازم تغير هذي الكنداسه وتركب فلاتر لأن هذي حقت بلادها ترجع الحرارة على المكينه وتخفظ عزم السيارة قلت كم الفلاتر قالي بـ100 ريال قلته وريني إياها (الفلاتر) يوم شفتها شكيت بالموضوع لأن من شكلها (الفلاتر) انها تكلف اكثر من الـ100ريال رحت لمحل ثالث قالي غير وركب فلاتر قلت كم قالي بـ220 ريال بعدها تأكدت ان الموضوع ماهو طبيعي رحت لواحد رابع وبدأت تنكشف اللعبه قالي غير وركب فلاتر قلت له مو مشكله اغير بس لاتقولي أكثر من 50 ريال قالي ترا اللي عندك تحتاج فلترين قلت له خلاص لاتقول أكثر من سبعين قالي خلاص 70 ريال دخل السياره قلت له شوف يابن الحلال اخر كلام كم قال انت قول قلت خمسين قال دخل السياره عاد هنا تأكدت ان الموضوع ماهو طبيعي أبداً .
قلت يامعلم ترا القديم ابي اخذه قال لا القديم من حقي عرفت الحين السر انه في القديم قلت طيب لو أخذ القديم كم تغير قال بـ400 ريال قلت له طيب اعطيك القديم كم اخر كلام قالي راس براس من هنا عرفت الشغله زين قلت له مع السلامه .

الآن تجيكم الزبده انا داري اني طولت عليكم بس زي ماصبرت انا على هذولي العمال انتم اصبروا علي ..

رحت للمحل الخامس والأخير قلت له ابي اركب فلاتر بدل الكنداسه قالي بـ100ريال قلت له شوف يابن الحلال فيه واحد قالي اغيرها لك راس براس انت وش تقول قال روحله قلت له مع السلامه قال اصبر شوي خلاص زي ماقالك ذاك قلت لا تزيدني قال كم قلت 100ريال قالي كثير قلت كيفك ابي امشي قال خلاص دخل السياره والله ياشباب انه اشتغل بالسياره من بعد صلاة العصر الى بعد العشاء يمكن بحوالي ساعه حتى الصلاه ماصلى وانا صليت جمع وقصر عنده داخل المحل لأني ماني من أهل جده والصراحه اني خفت اخلي السياره عنده وهو ماراح يصلى
بعد ماخلص وطلعت السياره قلت له هات ال100 قالي خذ طبعاً من غير نفس عطاني ال100 وقالي اول مره يمر علي واحد مثلك دايم الزباين خاصة اصحاب الفرد سياراتهم فيها اربع كنداسات ماهو اثنين مثل سيارتك يغيرون عندي ويدفعون لي فلوس ويمشون وانت تغير وتاخذ فلوس .بعد كذا دريت ان الكنداسات حقت السيارات الأمريكية يستخدمون الماده اللي من داخل الكنداسة في تصنيع اصياخ اللحام ويبيعون هذي الماده الكنداسه الوحده بـ250 ريال عاد لااحد فيكم ذحين يقول انت قلت سيارات امريكيه وانت معك مرسدس الماني ابي اقوله سيارتي صح الماني بس استخدام امريكي

على العموم انا طولت عليكم بس حبيت انقل لكم الصوره واضحه للاستفاده

ويعلم الله اني ماكتبت هذا الموضوع الا من باب قول المصطفى عليه الصلاة والسلام (لايؤمن أحدكم حتى يحب لأخيه مايحب لنفسه)



وللجميع تحياتي وتقديري[/align]

[الحقيقة والواقع]

مشكور على التنبيه
وشفنا منهم أكثر من كذا
الله يكفينا شرهم

[الرأي الأول]

حقيقة بينت اخى الكريم ان هناك نوعية من الزبائن تستحق اللعب عليها

بسبب الثقة المفرطه والكسل من ناحية البحث عن الافضل

القصص كثيرة

لكن بقولك نكته لواحد من الربع دخل سيارته عن ميكانيكي هندي

ويوم خلص قال الحساب 200 ريال صرخ وقال ايش قال 180 ثم صرخ ثانيه قال 160

المهم انتهو على 100 ريال


المكاسر وطريقة التعامل مع العمال فن ودراية لايتقنها الا من يتعامل معهم يوميا


تحيتي لطريقة تعاملك

[البرنس الذهبي1]

يعطيك العافية والله لا يحيجنا لهم ان شاء الله

[memo2003]

أنا جاني النوم من ذا القصة عن أذنكم ابغى أنام وشكرا

[تلميذة الحياة]

.
العمال لن يقدموا مصلحة المواطن على مصلحتهم

خاصه انهم جايين من بلاد فقر ..!

جزاك الله خير اخي على التنبيه ..

.

[التواق]

شكرا على جهدك
جزاك الله خير

[الكبري]

نايف الصغير ..

أثمن فيك ذكائك ..

فمن أهم مقومات الثقافة الإستهلاكية أن نذهب لأكثر من بائع في أماكن متعددة ..

ومن ثم البحث عن الأفضل ...

أما بخصوص العمالة ...

يأتي سؤال هنا ،،،،،

هل يعجز السعودي عن عمل الكنداسة تلحيم وتركيب وترهيم !!؟

ربما انها من أسهل الأشياء في صيانة السيارة ..

ولكن ثقافة استيراد عمالة أجنبية مسيطرة علينا حتى أننا عجزنا أن ننفك عنها ..

العمالة يستغلون كثيراَ السذج والأغبياء بما يطلبون من أسعار ...

لكم أطيب المنى

[نايف الصغير]

مشكورعلى مروركم والله يكفيناشرهم

[االرمش]

مشكور على التنبيه
وشفنا منهم أكثر من كذا
الله يكفينا شرهم

[علشانك بس]

[align=center][align=center]

اقتباس: فمن أهم مقومات الثقافة الإستهلاكية أن نذهب لأكثر من بائع في أماكن متعددة ..

الكبري ,,, وين الشباب اللي يدورون ويدورون بين المحلات يدورون الأفضل والأرخص ,, عندك شباب عجازين يبون شغلهم يمشي لو دفعو فلوس زيادة ,,
ولو تبي دوران وهياته مايقصرون فيه ,,
فتكوووو بعافية ,,,[/align][/align]