كان يا مكان في سالف العصر ومسيان
وفي احد الإجازات جالس لحالي في بريدة كل العالم مسافرين.
حتى البنقالية والهنود والبساسة والكلاب مسافرين.
صاير لحالي أوقف عند الإشارة أتلفت ما بجنبي احد
ضاق صدري
أصلا دائم ضايق صدري. بس المرة بزود
ما فيه احد أروح له ولا قريب أزوره
ولا حبيب اشتكي له
المهم جلست أسبوع على الحال ما أشوف مخلوق
لا إنسان ولا حيوان . ومير أقرر أسافر
وأجيب القلم والدفتر عشان اخطط لسفر
وين بروح كم تكاليف الرحلة
المهم رسمت خطة لسفر
وصار قراري أسافر لمكة اخذ عمرة واعين خير هناك
طبعا اخترت مكة مو حب للعمرة
لا عشان أروح أنام بالحرم يعني ما فيه خسائر.
عاد انتم تعرفون الزنون ما يحتاج أعلمكم انه اكبر بخيل بالعالم
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
المهم إني حملت عفشي وتفقدت سيارتي ومشيت
وأنا بالطريق طبعا بعد ما تعديت الديار. يعني بالخلا
إلا وأنا أشوف ذاك الآدمي اللي يأشر! ما صدقت خبر أشوف احد
وأنا على طول أوقف وانزل اسلم عليه وأبوسه وكل شي
بعذري كم لي ما شفت احد
المهم سألته وش عندك وش ما عندك؟
قال ابد أبيك توصلني قدام
قلت ابشر طال عمرك لو تبي الصين أوصلك
المهم ركب معي وقعدت اسولف عليه وانكت
بعذري لي كم يوم اسولف على نفسي0 شوي وإلا صاير نفسية
أنا اسولف وهو ساكت وأنا بس قرق
وأخيراً تكلم قال بس وصلنا إذا تبي تكرم توصلني لحد البيت
فشكرا لك
قلت هماي قايل لك لو تبي الصين
قلت وين بيتك بس؟
قال ادخل مع المفرق
طبعا المفرق عبارة عن طريق ترابي. وحنا كنا نمشي بالسفلت
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
والله ويلف الزنون على سرعته ويمسك الطريق طيران على الربع
كان الوقت مع غروب الشمس
وعقب المغرب وصلنا بيت قديم مظلم موحش
قلت وش البيت؟
قال هذا بيتي وساكن به أنا وعيالي
قال انزل تقهو
قلت الله يسلمك
قال تقهو وربي يسلمن
قلت بمشي وراي سفر طويل
قال تبي تنزل وإلا وشلون؟ غصب عليك تنزل
قلت ما فيه شي بالغصب يا الله انزل خلني امشي
ويجي يطفي السيارة ويسحب المفتاح
وجاء بينزل ومير امسكه قلت وين يا ابوالشباب هات المفتاح
قال ولا كلمة
والله والزنون يعصب ويجي يلفعه بكف
ومير يحمق ويعطين ذاك البوقس مع وجهي
من قوة البوقس ناظرت وجهي بالمرآية
اثري صرت تقل فلبيني دخل خشمي
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
ايه الدعوة وصلت كذا
ونقعد نتصابخ أنا وهو
ومير يضرب بوري إلا ويطلعون اثنين يوحشون
واحد معه مسدس والثاني معه رشاش
قالوا انزل يا حمار
قلت ابشروا طول الله بأعماركم
الدعوة فيها رشاشات نصير حمار بس
وينزلونن ويدخلونن ذيك الغرفة المظلمة الموحشة ويربطونن بذاك العمود
وأنا أقول لهم فكون وأفك فكون وأفك
يا ناس تراي بروح اخذ عمرة
فكون اخذ عمرة وإذا فضيت ارجع لكم
اخذوا بوكي وفلوسي وجوالي وكل اللي بمخباتي
والله ويطلعون ويتركونن ما كن فيه احد يكلمهم
واجلس بالغرفة الموحشة ساعة ساعتين ثلاث ما اسمع صوت ولا حس0
أصوت يا ناس يا هوه يا ولد يا ناس ما يرد احد
هيه ياولد أنت وإياه جوعان أبي شي يوكل0
ما يرد احد
راح الليل وانا بمكاني لا تعشيت ولا ذقت العود0
طيب ابي الحمام مظطر تكفون ابي حماااااام
للأسف ما فيه احد
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
ومع كثر التصويت والازعاج اخيراً دخلوا علي وقلت ابي الحمام
فكوني و ودوني للحمام ورجعون
عطوني باقي عشاهم بلعت إلى اني لحست الصحن
كتفوني مرة ثانية وربطون بحبيبي العمود وطلعوا
غفت عيني شوي وصحيت مع طلعت النور
أصوت ما فيه احد
يا ناس بصلي راحت علي صلاة المغرب والعشاء والفجر وأنا ما صليت
للأسف ما اسمع احد
ضاقت بي الأرض ليتني ما ركبته ليتني ما خدمته
هذا جزاء المعروف اخدمه وأخرتها يعذبوني
صار وقت الظهر الغرفة صارت فرن من الحر
ذقت العذاب تقطعت من الحر والمشكلة ما اقدر أتحرك مربط
إلى أن جاء المغرب وأخيراً دخلوا علي
قلت وش تبون بي خوذوا كل اللي تبون بس فكوني
ولا واحد تكلم ولا احد رد
فكوني و ودوني للحمام ورجعوني وربطوني وطلعوا
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
جلست ثلاث أيام على هالحال
يفكونن ويعشونن او يفكونن وللحمام ويرجعونن وللعمود يربطونن
طقت كبدي انقهرت طلعت شياطيني وصلت حد الجنون
صرت ما اشعر ولا أفكر من القهر0
في اليوم الرابع دخل علي واحد منهم لحاله وفكني عشان يعشين
وبما إني واصل حدي 0
أول ما فكني التفت له وتطاقيت معه خلاص بضربه وبهج
ومع الضرب والضريب مسكت رأسه وصرت اضربه بالجدار
اضرب واضرب لمين أغمي عليه
طلعت من الغرفة وأنا خلاص صرت مثل الأعمى ما أشوف شيء
صرت مثل المغلوث أبي أي واحد بدقه بضربه بذبحه!
صار البيت ما فيه احد طلعت من البيت الدنيا ظلام ما أشوف ولا ادري وين أنا فيه
أبي سيارتي ما أشوفها أبي أي سيارة ما فيه
هجيت كان فيه جبال كبيره مو بعيدة من البيت
رحت لهن وجلست فيهن أراقب الوضع بشوف وش يصير
قعدت ساعة ما جاء احد
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
نزلت وصرت امشي لمين وصلت الشارع المسفلت
مشيت بالطريق انتظر احد يجي يوصلني ما جاء احد
وصلت احد الهجر واتجهت لمركز الشرطة
وبلغتهم باللي صار
أخذوني معهم للموقع اللي فيه البيت
شافوا الرجل موجود بمكانه كشفوا عليه وأثره متوفي
اهاااا الرجل متوفي!
رجعنا للقسم وحلتوني بالسجن
يا ناس فكوني وش دخلي أنا مخطوف ودافعت عن نفسي
قالوا وش يثبت لنا ؟
جلست يومين وهم بس يحققون معي
جاهم تعميم حول فقدان رجل ومع التعميم فيه صورت الرجال
وصار هو اللي أنا ذبحت
بعد التحقيقات تبين لي أن المقتول واللي شلته معي والثالث كانوا أخوان
لكن وش يثبت أنهم خاطفينن ما قدرت اثبت
حصلوا سيارتي مجدوعه
المهم أن التهمة ثبتت علي أنا
أهل المقتول رفضوا التنازل
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
بعد الأخذ والرد والمحاكمة صدر قرار بالقصاص
يا الهي خلاص القصاص تام تام
أهلي أخيراً عرفوا بالسالفة
رجعوا من السفر وبدأت الواسطات والمحاولات
يمين يسار لكن للأسف أهل المقتول رفضوا التنازل
بل طالبوا بسرعة تنفيذ القصاص
سلمنا أمرنا لله ورضينا بالأمر
دخلت السجن وجلست 4 شهور
لا اكلم احد ولا أتدخل بشيء
كنت مقهور لحد وصلت بي مرحلة الجنون
حفظت القران ولله الحمد كاملا
وفي يوماً من الأيام وصلني الخبر بان القصاص سوف ينفذ بد يومين
أصبحت لا أكل ولا اشرب حتى النوم لا استطيع أن أذوقه
مضت اليومين وفي يوم الجمعة الفجر
دخل علي الضابط واخبرني بان اليوم سوف يتم تنفيذ القصاص
وذلك بعد صلاة الجمعة
قلت الحمدلله على كل حال
جلست اعد الدقائق والثواني
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944
تمنيت أنهم لم يخبروني
تمنيت أنهم أخذوني ولساحة القصاص مباشرة دون علمي
مت قبل تنفيذ القصاص
ياشين الموقف ما بيدك شيء
لا تقدر تهج ولا تقدر تسوي شيء
جاء الوقت الموعود أخذوني
غطوا عيوني وكلبشوني
توجهوا بي لموقع التنفيذ
نزلوني وأنا اسمع اللي معه المذياع(الميكروفون) يقول اسمي وسبب قصاصي
قادوني لبقعة الرمل التي يتم فيه القصاص
أول ما لمست الرمل جلست بسرعة
أنا ألان منهار خلاص ما بي حيل
الإقدام ما قدرت تحملني
اللي يقودوني يقولون قم تونا ما بعد وصلت المكان المحدد
وأنا جالس عيوني مغطينها ما أشوف شيء ولا ادري عن شيء
الدنيا ظلام ظلام ظلام
يهزوني ويسحبوني قم قم قم قم
العرق يصب مني وأنا ارتجف
وهم يقولون قم وش فيك ما تسمع
ويهزوني هزة قوية رفعت راسي لهم
التوقيع
[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944