ألفاظ كان أجدادنا ... يتلفظون بها ... ادخل

[هاجــــــــــد]

[align=center]أكلن وجحدن # تقال للخسارة
حافرن جادة # كناية عن كثرة الذهاب والإياب لمكان ما
وجهه يقفي ويقبل # كناية عن القلق
أزلب(أقلب) # تغير لونه
إمبلبط # جالس
يبلص # يبرق ويلمع
إنهج # استعجل
التوايح والروايح # الأيام التي تسبق دخول الشتاء
مقرود # شقي
إنشله-حاسه- # بعثره
يجعر - يلعي # يبكي
يسج # يفكر
غرفه شريرة – حوسة # أي غير منظمة
حده # أجبره على فعل شيء لا يريده
أكربي عليه # كوني حازمة معه
انت مالك ضلوع # أي لا تجزم على شيء
طايرن مزبود عقله # يريد شيء لا يستطيع الحصول عليه
تفاختوا #اختلفوا في مكان ما
إزبسوا ( إقبسوا ) # تخاصموا
يون ويطن # أي يتألم
يتلولس عليه # أي يلتف عليه
مادتن جرانه # تتحدث بصوت عالي
يدفق العقل # كناية بالاإنبهار والجمال
مابووه زود # أي عادي
يتدودح # يتأرجح
خر مر # يذهب ويرجع
يخجّل # يتردد
إرتزت # وقفت وتأتي بمعنى .. مرتز أي واقف
ماصرناش # لم يتم شيء مما أردنا
أبو قعو # كناية عند شدة النحف
يزهم # يتصل
ضرب عطب # أصيب
نافج بطنه # يتطلع إلى أعلى
طباخ التمر # أغسطس
أطقع ما أشوف # لا يهمني
نمت وأنا تسبدي (كبدي) تلحس # بتُّ خاوي البطن[/align]

اخوكم هجوددددي

[شقرديه]

واياك وكل مسلم

انت تدعي والا تسولف والا تهاوش والا وش تقول؟؟؟

عموما شكرن وشكرن وعفون وعفون ومع السلامة

[خـــــــــــــــالـــــــــد]

اخي هاجد

ما شاء الله عليك وشلون جمعتهن

وشلون قدرت تكتبهن


وشلون طلعت شرح لهن


بس تراث صحيح واحسن مافيهن الشرح للمعنى


هذي دايم اسمعها >>>>> انت مالك ضلوع


وابتسم مادري وش السالفه و لا وش يقصد


اتاري ان الدعوا توبيخ وتفشيل !!

[الوحيـد]

أزلب >>>>>>> وفي رواايه أزلب وجهك # أي ضف وجهك وعفشك

كشريااات على الغبار



تحياتي

الوحيـد

[هاجــــــــــد]

عاد تصدق يا خالد
واحد من اخواني يدرس بالغربيه .. يعني بجده .. زين
والعطله اللي راحت .. جلست أنا وإياه نكتب اتلألفاظ ونترجم

و أعلمك شيء ..
كتبانا في العشرررر صفحات .. ولا ولعلمك بعد .. مهوب صفحه ورا صفحه .. الصفحه له جهتين صح ..
ملينااااهم كلهن ... وبالعطله ان شاء الله نوافيكم بهن

بس صبر ..
صراحه انا اجيب كلمة او مثل او فعل مضارع وهو يجيب المعنى او العكس ..
همن عاد خذ ضحك ؟؟؟

تمممزعت أكبدنا ..

<< تمززعت أكبدنا..... أي ظحكنا كثير ..



اخوكم
هجودي

[هاجــــــــــد]

هلا الوحيد شكلا على المرور ..
شكلا حلوه ..

قصدي شكرا ..
ولا تنسى أخييييييك هاجد من الدعاء ..

<< أخيييك ...........تصغير لكلمة أخيك ..

[جوااااااااد]

والله تراث جميل


تصدق قليل من الناس يستعمل هذه المصطلحات الجميله



يعطيك العافيه

[هاجــــــــــد]

صراحه انا دايم بلسااني ..

والمصطلحات هذي لعلمك .. تراها شويه جدددا .. بالنسبة للمصطلحات اللي بحطها لكم ..
بس كما قلت لكم .. بعد الإختبارات يعني في العطله ..

الله يعافيك
هجودي

[د.ارجونــــــان]

مشكور أخوي هاجد على هالمشاركة الحلوة .... ... واصل إبداعك ،

مع خالص التحية :
د.ارجونــــــــان

[ابو خليل]

مشكووووووووووور اخوي هاجد

الله يعطيك العافية على التراث القديم

تحياتي لك