بعد السلام عليكم ورحمة الله وبركاته
انا اطلبكم
يالشعار تكتبون قصيده في قصتي ذي لعل وعسى زوجي يكلم ضميره ويراجع نفسه
انا عمري 23 سنه تزوجت قبل سنتين رجال مطلق وعنده ولد وبنت رضيت فيه وبعياله رغم ان حالته الماديه ميسوره تعيشنا فقط والحمد لله
بعد فتره اكتشفت الرجال عصبي زياده وكل فتره يرمي علي طلقه لكن لحسن حظي اني كنت حامل وما وقعت الطلقات وصلت عددها 5 من قوة تهوره صحيح اني ارفع صوتي عليه لكن مايحق له يطلق كل شوي سكت وتحملت وصبرت لين ماكشفت انه ع علاقه بحرمه اكبر منه عجوز يغازلها بعذر ان بينهم شغل ومتفقين علي سنتين انه اذا دخل البيت ماترسل له شي اخذت رقم الحرمه ذي اللي اكبر من امي قلت لها ليش تخربين حياتي قالت هو يقول انه اخذك مطلقه وعندك بنتين قلت والله يكذب اخذني بنت عمري ماتعدا 21 سنه وبنهايت كلامها قالت بخليه لك لكن المشكله مو فيها
المشكله هو ماقدر تضحيتي ورضيت اربي عياله بدون شغاله بدون شي
وااكلهم وانومهم ماقصرت معه لدرجة ان دراستي تركتها عشان
ماديته بالنهايه واجهته قلت ليه تخطب وحده مثل امي قال شغل انا هنا انفجرت عليه وقلت ودني بيت اهلي وجتني طلقه بهذا الوقت وانا الحين في بيت اهلي لكن المصيبه ان عندي طفل عمره سنه وش ذنبه بتهور ابوه وتحجره المفاجئ ... مع العلم انه عيشني لحظات حلوه وبين لي انه يحبني كزوجه يقدرني لكن تغير ...مدري اعاتبه او اقوله اني احبه وابغاه او اقوله عبدالله ماله ذنب بطلاقك لي عشان مصالح اشغالك ... اتمنى احد يقرا القصه ويكتب قصيده تناسب وضعي وارسلها لزوجي ... مع العلم ان
لقبه ابو فهد... واسعدكم المولى♥