هل توافق تخلي أختك تسجل في المنتدى ؟؟؟؟

[خلف المعطف]

شي عادي اذا كان الاخ واثق من اخته واسم العضو يقول ان اخته تدخل في الصاله قدام الكل

وعادي اخوي فيه هنا ونتناقش ومافي اي مشكله ..

[علشانك بس]

والله هذا يعتمد على تربيتة لأخته أو بنته ,, فإذا هو واثق من هالتربية فهو راح يدلها على المنتدى وبكل ثقه ,, واذا كان العكس فـ يظف النت عن بيتهم اريح لراسه وراسها ,,
ومايمنع اذا صار واثق منها يكون حولها بكل شي ولا يترك الحبل على الغارب حتى لو كان واثق فيها ,,
هذي وجهة نظري ,,
فوووتكووووو بعافية ,,

[@ الجفولة @]

صديقك هذا فيه مرض عقدة الشك (الله يشفيه) الله يعينه في حياته!!

[كيفي عتيبي]

ياربيييييييييييييه

وش هالردود المثاليه من الشباب ...

وش هالملائكه اللي تحلق في سمائنا الالكتروني

كلكم ماعندكم مانع ياكافي

كلكم نفس الاسلوب ^_^

مافيكم ولا واحد صرخ بأعلى صوته .. وأرضى ( ضميره ) وقال :
لاع .. انا حمش ..انا بغار .. مارضاش على ( اوووختشي )

ورغم ذالك .. وخلال مسيرتي الالكترونيه العريضه .. لم اجد اخ مع اخته يكتبون في منتدى واحد ^_^

وعندما يطرح مثل هذا الموضوع
يخرجون بمثل هذه المثاليه التي جعلت الابتسامه ترتسم على شدوقي


يقابلهم ردود ( ورديه ) من الحسناوات .. تحيي فيهم هذه الشجاعه .الغير متوقعه ^_^

وتزيد من ( ثقتهووون ) بـ انفسهوووونااا

لـ ان بناتنا الله يرحم حالهن .. يعتقدوووون بـ ان الشباب ينظرون لهم بنظره سيئه داخل اروقة المنتديات

ترى قلت ( يعتقدن ) .. ما اكدتها ^_^

وهذا مايسبب لهن ضغط نفسي ويجعلهوووون دائماً امام صراع عاطفي مع كلمات الثناء التي ( يتم رشقهن ) بها مع كل موضوع تقوم بطرحه ..

وتقعد البنت تفكر
ياترى موضوعي عاجبه يوم يثني علي
والا له نوايا شيطانيه ^_^




المهم الحديث يطول ..

ولكن

تكفى .. طالبك مطلوب ^_^

ابيك اجاوبني انت ونخبة هالملائكه ^_^
واللي متأكد ان بعضهم لن يعود خوفاً من ان يقع في مأزق ^_^

هل السماح لها يقتصر على المنتدى
ام ان مساحة الديمقراطيه لديكم لاتمنعها من اضافة ( شب ) لبق في ماسينجرها ^_^


وعلى قولتكم

البنت المحترمه ( والمتربيه ) كويس .. ماينخاف عليها ^_^

عادي تحتك مع الجنس الاخر ..

وطاح الحطب
وحلوه الحياه ^_^


انتظركم ايها الجهابده

ولي عوده ان قدر الله ^_^

[نـدى الـورد]

هلابك يا ولد العم

هم قالوا رأيهم ويجب إحترامه

مثل تماماً ما أحترمنا رأيك

بس خليني اقولك شغله يمكن غابت عنك

لعلمك الكمبيوتر اصبح صديق العائله صغيرهم قبل كبيرهم

كذا من الله فرض حاله علينا واستفدنا منه كثير

وخصوصاً عالم المنتديات

ولعلمك البنت الي ماتدخل بعلم اهلها

بتدخل من وراهم ... ولاتنسا ان الجامعات والمدارس فيها كمبيوترات واتصالات والله وكيلك حتى المراكز

التجاريه فيها اقسام نسائيه

يعني اذا ماشاركت من بيت اهلها عندها ملجأ اخر وهو المدارس والكليات وحتى المعاهد

البنت اذا ما حطت على ذاتها رقابه ذاتيه.... صدقني لا اخوو ولا حتى ابوو.... بيحمونها

مليون.... ومليوون طريقه تقدر تدخل البنت في ( النت)

لذلك الأفضل ان تبلغ اهلها بأسمها ومنتداها بما انها تتحرك على المكشوف

واتمنى... اتمنى اعطائها مساحه كافيه من الثقه حتى تأمن جانبكم




:

[قهوووووري]

كما قال أبو تهاني في رده أنا أوافقه
أرفض بعمق وبقوة وبدون مناقشه لهذا الموضوع
الباب اللي يجيك منه ريح سد وأستريحه

[نـدى الـورد]

طيب عبدالله ليش الرفض

اقنعني يمكن اكون ظاله بفكري

ويش بيجيني يعني وانا اشارك المواضيع وترد علي وارد عليك

[ღ ][ وحيدة كالقمر ][ღ]

قهوووووري


ليه ماأكون عارف إختي وبإذن الله ماراح تجيني ريح من هالباب؟



كبيرة وتفهم,,,,



و ع فكرة الضغط يولد الإنـــــــــــفجار,,,,



وبالأخير كل(ن) ووجهة نظره,,,


تحيتي

[نـدى الـورد]

مو إنفجار ياوحيده...!



الا دماار


لذلك لا لين زياده على اللزوم

ولا تحجر زياده على اللزوم

وخيركم من توسط


.

[ღ ][ وحيدة كالقمر ][ღ]

أريج


إذاً


لاإفــــــــــــــراط ولا تفريط,,,,,


بضرب لك مثال:الحين أغلب البنات اللي كبري واصغر مني,,,معاهم جوال اوكي



بس ماعندهم نت,,,,


محسوبتك عندها نت بس ماعندها جوال,,,,



وعائلتنا من العوائل اللي ماتعترف بالجوال مع البنت قبل الزواج,,,,


عرفتي؟


يعني يكون فيه متنفس أحسن من الضغط والدمار مع كل جهة,,,,

[مخرج تلفزيوني]

نعم أوافق .

[شمعة امل]

الدنمارك وصلت لرسولنا اللهم صلي وسلم عليه وانتم للحين على هالموضوع كل سنة يطلع بشكل ....

على قولة علشانك فوووووتكو بعافيه

[منصورعبدالله]

هؤلاء الناس تبرمج على الرفض ضد المراءة بكل شئ ...
الثقة منزوعه ...لاداعي لنقاشة لانه متعب ... خصوصا اذا
اراد المناقشة والحوار له فقط تستمع اليه....هذا انهيها من اولها...


من ناحيتي اوافق ...

تحياتي ليكـ...

[•°سـرىآ اللـيـل°•]

فيصل بجامعة أكسفورد ,,,,,,,,,,,,,,,,,,, يعني وين فيه غيره بالقصيم !!!!!!!!!!!!!!!

ــــــــــــــــــــــــــــــــــــــــــــــــــ ــــــــــــــــــ,

أسم العضو ..

اقتباس: سرىا أرجو توضيح لحزام الأمان هنا !!!

أقصد فيه وضع ضوابط وخطوط حمراء وعدم إذابة جميع الحواجز بين الفتاة وبين الرجال في المنتدى حتى لو كان من باب المزاح والذي تهاون به الكثير هنا ,, فلاااااااااا مـــزاح مـــع رجــــال ,, فمنذ متى مبادئنا تسمح بهذا ؟!؟ أم أن النت يختلف عن الواقع ؟! وهذه مشكلة قد يقع فيها الكثير أيضاً وهي أنهم يعتبرون النت غير الواقع ,,

* نقطة توضيحيه ::: الكثير يعتقد أن الضياع لابد أن يكون ضياعاً كلياً لا عفواً بغض النظر عن البنت قد تخدع أو لا ,, ربما تنجو وتكون لعابة ليس إلا ,طيب أين مراقبة الله ؟ يعني هل أصبح الخوف لدى الكثير على النفس والسمعه فقط ؟! الأنسان الواعي لابد أن يحترم نفسه ويرتقي بها عن مواطن السوء ,, هذا لمن يفعل مايريد بالمنتدى من باب أن الفرصة متاحة له بدون مراقبة ,, لايعني أن يضيع جسدياً كمفهوم سائد عند الكثير من الفتيات والشباب شوفوا الحمد لله أقول اللي أبي ولا خربت ولا ضعت لاخطأ قد يكون الضياع ضياع شخصية وضياع مبادئ حتى لو نجوا من الضياع الأخلاقي الفادح ..

أضل أقول حتى وإن كانت التربية مضبوطه فالإغواء من الشيطان وحتى لو كنت أثق في أختي أو أبنتي فطريقة تفكيرها واضحه لي بحكم قربي منها الواجب أني أدرس عقليتها وتفكيرها وعلى ذلك أحكم هل يناسبها البقاء في المنتديات أم الرحيل ,, ترى مادمر بناتنا إلا الثقة الزائدة من قبل الأهل كلاً يثق في بناته على غير مبدأ يسنه في حياته بس أنها بنتي ومربيها !! لاخطأ قد تكون مربيها ولم يكتب الله لها الهداية الذاتية .. أي لابد من مراجعة تفكير البنت لكي لاتيسر لها سبل الضياع ,,

أهذب تاهيه’

[اسم العضو]

اقتباس:  المشاركة الأصلية كتبت بواسطة الخيّال     مــــريــــض خويك ذا

[align=center]الخيال

لاليس مريض لكن له وجههة نظرة تختلف عني وعنك

سلام...[/align]