ياجماعه والله مستحي أخطب بنت ... من أهلها على سنة الله ورسوله . وش الحل

[عاشق الخير]

الزواج خطوة جيدة و موفقه
لكن رضا الأهل وقناعتهم مهم

لذا أن اقتنع اهلك بجديتك ومدى استعدادك لتحمل المسؤولية
فافعل

والا فانتظر

[A.S]

مع اني ضد الزواج المبكر

الا اذا انت واعي و راغب بالهشيء وعندك دخل مادي فرفض اهلك مو رفض صارم واضح انهم مو مستعدين بس =)

لذا الخطوبه اذا انت محدد البنت مهب شيء يخوف ولا صعب سلم على ابوه او ولي امره بعد الصلاة وقله هيك وهيك .. هذا اللي اشوفه يصير عندنا
موب لازم خطبة حريم =)

والله يسهل لك اللي بوه الخير =)

[روفه]

تفكيرك بالزواج جيد وماعليه غبار

احساسك بأن للزواج مسؤوليه مش سهله وانك قادر ع تحملها هالشي ممتاز

الخطبة بدون العوده للاهل انا ضدها
حاول اقناع اهلك والاهم من ذلك اختيار البنت المناسبه

[نـدى الـورد]

حبيبتي سكره

من قال لك الزواج فقط رغبه؟

يجب ان يتوفر معها شروط مهمه

[أختنق بدونك]

اذا ماتبي البنت تطير من ايدك روح توكل واخطبه بس خطبه
اما الزواج خله بعدين لانك صغير عش حياتك ومتى مأكونت نفسك تزوج
والله يوفقك

[صحاري نجد]

الله يعافيكم بالنسبه لي خريجي إحدى الكليات وموظف وظيفه مرموقه ولا محتاج أحد بريال واحد لكن الهدف من زواجي الاستقرار

[شاها]

حالتك سهله لكن شواللي مصعبها على آهلك
مستحيل كيذا يرفضون فيه شي ناقص
طيب آنت تشرب تتتن

[أختنق بدونك]

اقتباس:  المشاركة الأصلية كتبت بواسطة صحاري نجد     الله يعافيكم بالنسبه لي خريجي إحدى الكليات وموظف وظيفه مرموقه ولا محتاج أحد بريال واحد لكن الهدف من زواجي الاستقرار

اجججل توكل على الله ورح اخطب هالبنيه بس ورأه اهلك متفشلين ؟؟؟

[رفيــع الشــان]

خريج وموظف واهلك رافضين !!!
ما أعتقد فيه رجل بزوجك بنته وأهلك رافضين ولا هم معك
فيه حاجة ناقصة

[SAGA]

رضى الأهل لابد منه
إذا فشلت بإقناعهم بكل الطرق
دخل أحد من برا العايله يقنعهم
مثل أقرب خالاتك لأمك تقنعها ..
ورفضهم غريب لكن تأكد إنه خيــرهـ,,

[نـدى الـورد]

موظف؟
طيب حلو كتير مع ان شكلك صغير

لكن تبقى سوال مُلح ليه ابوك وامك رافضين تزويجك؟

لان

[نـدى الـورد]

بص

فيه حلقه مفقوده

[سوااح]

اخوي المسأله كما قالت الاخت ندى ليست قدره ماليه او جسميه
اعتقد موضوع الزواج يحتاج الى نضج عقلي ولا تسمح للعواطف ان تسيطر على قرارك
اذا انت بالعشرين وحوله ماانصحك بالزواج ابد ..
ولو تزوجت بالعمر هذا اضمن لك انك في الثلاثين رايح تندم على تصرفات كثيره ومواقف اكثر صارت لك في الحياة الزوجيه ويمكن تنتقد نفسك على بعض التصرفات او تبحث عن ثانيه بحجة ان الحياة الاولى نص ونص...
ياخي انا متزوج وعمري ٢٧ وحاس ان اهلي وئدوا شبابي وانت تبي تزوج بهالعمر ،،،،،،،،

[مشعل باسكلاني]

يارجال بدري على الشقا

كمل دراستك وبعدها اختر البنت الي تبي

واذا قصدك على البنت ماتبيها تروح منك بسيطه

كلم الوالده تكلمهم انا نبي فلانه لفلان بعد مايكمل دراسته هذا اذا انت بعمرها ماهيب اكبر منك بعشر سنين واذا وافقوا تمام ضمنت انها لك وانت لها ياالعاشق الولهان

مسالتك بسيطه ياشيخ الله يجعل مشاكلي كلها مثل مشكلتك انكان تحصلني اسعد ادمي بهالدنيا

وبعدين ليش مستعجل على الشقا
الله يوفقك وييسر امورك ياكريم