بعد نومة أهل الكهف .. قام حظي أخيراً !

[@ ابتسام @]

من يوم تغطيتي وحظك راقين النخل ’’’ اعتقد والله اعلم كل ما تزيدين طبقه على وجهك يزيد حظك
>> متأثرة بذاك الدرس اللي يقول لكل فعل ردة فعل مساوية له في القوة ومعاكسة له في الاتجاه ’
بس انتي الاتجاهات ظابطه معك هالمرة !

ذكرتيني بقريبه لي عجيز كل ماقالوا عن احد شي قالت :
ياحظي اللي عمى ما يشوف واصقه ولا يوحي الداعي
مدلبحن ما يطيق وقوف مدلبحن ينقش القاعي .. عاد انتي اشرحي المفردات ههه

... على العموم ترى سالفة الحظ اخرطي . مافيه احد محظوظ واحد لا ..كللللللل الناس مرة هيك ومرة هيك

[فتحـية]

[align=center]

اقتباس:  المشاركة الأصلية كتبت بواسطة @ ابتسام @     من يوم تغطيتي وحظك راقين النخل ’’’ اعتقد والله اعلم كل ما تزيدين طبقه على وجهك يزيد حظك >> متأثرة بذاك الدرس اللي يقول لكل فعل ردة فعل مساوية له في القوة ومعاكسة له في الاتجاه ’ بس انتي الاتجاهات ظابطه معك هالمرة ! ذكرتيني بقريبه لي عجيز كل ماقالوا عن احد شي قالت : ياحظي اللي عمى ما يشوف واصقه ولا يوحي الداعي مدلبحن ما يطيق وقوف مدلبحن ينقش القاعي .. عاد انتي اشرحي المفردات ههه ... على العموم ترى سالفة الحظ اخرطي . مافيه احد محظوظ واحد لا ..كللللللل الناس مرة هيك ومرة هيك

أجل رايتس أتغطى بكرا بالقاعة أغدي الحظ يحالفن وأجيب الفل مارك << إخس يالتفاؤل ..
بالنسبة لعجيزكم فتراي أعشق العجز وسواليفهن ..
البيت اللي كتبتيه واضح مايبي شرح الظاهر حظه مايل ودايم نازل لتحت
مدنق ينقش القاع والناس واصلين للقمة

تشكرات أستاذتي على المرور [/align]

[أمــاسي ونص]

كركركركركر
اخ بس وش هالمواضيع الي لكم تفطس ضحك
المهم تدخل بصلب الموضوع<< ماني هينه اعرف اهرج
الحظ الحمدلله انا ماني متشائمه حضي حلو مو شين بس احيانا يقهر ويجي يعتذر واسامحه
كركركر

[شمعة امل]

ياحظ ركز شوي


ههههههههههههههههههههههه>>>>>>>ميته ضحك

عساي ماأحتاج هالنيك نيم أبد ....عاد تصدقين والله يامواقف الامتحانات يرفعن المعنويات شوي

يحسسنك أنك حظك فيه أمل أنه يقوم ذكرتين باأيام الكلية ماعمري ذاكرت المذكرات كاملة والحمدلله

الطريقة ماشية معي تمام ماكان يجين الا اللي أنا مذاكرة بس >>>حظ يكسر الصخر قولي ماشاء الله

((بس السر طبعاً مو بالحظ السر بــ صلاة الأستخارة ....كنت أحذف واستخير والحمدلله مشت الطريقة معي تمام)))

جعل حضك يقوم قومة مابعده نومة ياااااااارب >>>>يقاله تعرف تدعي


*

*

خارج نطاق التغطية((((ياحبيلك طلبتك طلبة غيري الصورة الرمزية .....مادري ليش تقل أحس أنه به مس هاللي متغطية>>>خخخخخخخخ ))

أحترامي لكِ وللجميع....

[فتحـية]

[align=center]

اقتباس:  المشاركة الأصلية كتبت بواسطة أمــاسي ونص     كركركركركر اخ بس وش هالمواضيع الي لكم تفطس ضحك المهم تدخل بصلب الموضوع<< ماني هينه اعرف اهرج الحظ الحمدلله انا ماني متشائمه حضي حلو مو شين بس احيانا يقهر ويجي يعتذر واسامحه كركركر

وش هالضحكة ياكافي مادخلت مزاجي لو هي خخخخخخخخ أو على الأقل هههههه تسان أوجه << ماودتس تنثبرين
ماعلينا << على وزن المهم
أجل حظك يجي يعتذر !
مالت عليّ وعلى حظي اللي قضى عمري وأنا أتليوق له بس ماش راسه يابس مصمم يخلين أكبر منحوسه !
تشكرات حبوبه على المرور [/align]

[فتحـية]

[align=center]

اقتباس:  المشاركة الأصلية كتبت بواسطة شمعة امل     ياحظ ركز شوي ههههههههههههههههههههههه>>>>>>>ميته ضحك عساي ماأحتاج هالنيك نيم أبد ....عاد تصدقين والله يامواقف الامتحانات يرفعن المعنويات شوي يحسسنك أنك حظك فيه أمل أنه يقوم ذكرتين باأيام الكلية ماعمري ذاكرت المذكرات كاملة والحمدلله الطريقة ماشية معي تمام ماكان يجين الا اللي أنا مذاكرة بس >>>حظ يكسر الصخر قولي ماشاء الله ((بس السر طبعاً مو بالحظ السر بــ صلاة الأستخارة ....كنت أحذف واستخير والحمدلله مشت الطريقة معي تمام))) جعل حضك يقوم قومة مابعده نومة ياااااااارب >>>>يقاله تعرف تدعي * * خارج نطاق التغطية((((ياحبيلك طلبتك طلبة غيري الصورة الرمزية .....مادري ليش تقل أحس أنه به مس هاللي متغطية>>>خخخخخخخخ )) أحترامي لكِ وللجميع....

هلا وغلا خيتو
الصراحة إني معذورة لو أدخل الاختبار ماخلّصت مذاكرة والأسباب كثيرة !
بكون جادة بهالنقطة ..
حين درست الإبتدائي والمتوسط والثانوي كنت أجتهد كثيرا كثيراً وغالباً ماكنت الأولى وكانت أتعس أيامي تلك التي أضطر فيها للغياب من شدة تعلقي بالمدرسة .. وما إن دخلت الجامعة حتى اكتشفت أن طاقتي استهلكت ونفذت ولم يتبقى لدي سوى اليسير والذي بالكاد يكفيني للنجاح إضافة إلى أني _ لاسيما هذا الترم _ لم يمر عليّ أسبوع إلا وقد غبت يوم أو يومين !
بينما أرى الكثير من الزميلات ممن كن في مستوى متوسط قبل الجامعة يجتهدن كثيرا في الجامعة ويحققن نتائج رائعة والسبب عائد بالطبع إلى أنهن ادخرن طاقتهن الدراسية للوقت المناسب !
ولذا فإني أنصح كثيرا شقيقتي بأن تستانس وتسهج أبو جد الدراسة وأن لاتغضب حينما تنقص درجة أو اثنتين وأن لا تسهر لمذاكرة مادة ما وأن تغيب
فاالوقت مازال مبكرا على الاجتهاد !

بالنسبة لخارج نطاق التغطية فأنا عجزت أعرف لكم أحدن يقول كل ما كثرتي الطبقات زان حظتس وأحدن يقول بتس مس .. صدق رضا الناس غاية لاتدرك
كحل وسط أعلن ارتدائي النقاب عقب أيام قابلة للتمديد
تشكرات حبوبه على المرور
والله يوفقنا وإياك


خارج نطاق الرد
تراي ما أضفت هالرد وبعيوني قطرة خلص الشحن وأنا أسوي معاينة للرد
وخبركم كمبيوتري مهب بطيء أبد أبد ولا هوب يعلق بتاتاً البته
والسبب معروف النحس ولا شيء آخر[/align]