بعد قناة بداية قررت أخذ مطوع !!

[طايرتن بوهته]

ياحليلهم المطاوعه:
يرقصون عادي !
ويلبسون بدلات عادي!
ويحطون جل ويسرحون شعورهم عادي!
ويمزحون عادي !
ويلبسون سبورتات عادي!
ويبتسمون ويقهقهون عادي !
ويلبسون عقل ومرازيم ويحطون نشاء عادي !
ياحليلهم والله يعني طلعو دين ودنياء وحنا نحسبهم معقدين
وش بعد يزينون علمونا اقصد وش حدهم من الفرفشه علشان تتغير فكرتنا شوي عنهم ومانخاف منهم ونوافق عليهم
صراحه جزاك الله خير يابدايه اللي غيرتي فكرتي عن المطوع
وإكتشافي إن الطوع بالقلب مهب بالشكل

[شـــــادن]

.



الحين المطاوعة إذا صاروا متشددين قال البعض: كرهونا الدين
وإن فرفشوا ومزحوا قالوا هذولا
ايقالهم يمثلون الدين !!

مدري شنو مفهوم المطوع عندهم أو مفهوم التدين عموماً !!

[رفيــع الشــان]

وراعين سفريات للخارج كل صيف
وفيه اشياء ثانية بس فيه ناس ما تقبل النقد لهم

توكلوا على الله وتزوجوا مطوع
المطوع الحين تغير مو مثل اول
الحين متفتحين اكثر من غيرهم

[طايرتن بوهته]

اقتباس:  المشاركة الأصلية كتبت بواسطة شـــــادن     . الحين المطاوعة إذا صاروا متشددين قال البعض: كرهونا الدين وإن فرفشوا ومزحوا قالوا هذولا ايقالهم يمثلون الدين !! مدري شنو مفهوم المطوع عندهم أو مفهوم التدين عموماً !

لا والله منب اقول إيقالهم يمثلون الدين لإن بالعكس ماشفناهم طالعين عن الخطوط الحمراء وبنفس الوقت فرفوشيين وحنى نحسب المطوع معقد هذا مقصدي

اما عن مفهوم التدين الكثير شوه صورته لذلك التبست علينا الامور وبدينا نعاف الرز بتلبيده

[فانتازيا إعلامي]

الدين ولله الحمد موجود بالغالبية العظمى ..
والثانية الخلق ..
هذا المقياس والباقي الهادي الله ..

تشكري ..

[ابو فارس الحمادا]

اقتباس:  المشاركة الأصلية كتبت بواسطة رفيــع الشــان     وراعين سفريات للخارج كل صيف وفيه اشياء ثانية بس فيه ناس ما تقبل النقد لهم توكلوا على الله وتزوجوا مطوع المطوع الحين تغير مو مثل اول الحين متفتحين اكثر من غيرهم

وإذاسافروا للخارج وش فيه
خلوهم يستانسون ويكيفون يعني الواحد إذاسافربرا
لازم يزين اللي براسك
إذاأنتي تبي تحاسبينهم عطيهم صفر
خل الناس بكيفهم

[طايرتن بوهته]

اقتباس:  المشاركة الأصلية كتبت بواسطة رفيــع الشــان     وراعين سفريات للخارج كل صيف لا توهقنا !! يعني مايخالفون على الحريم لامرقن من عندهم بالشورت <<<< الله وفيه اشياء ثانية بس فيه ناس ما تقبل النقد لهم علمنا هو بس مايسود الوجه توكلوا على الله وتزوجوا مطوع المطوع الحين تغير مو مثل اول الحين متفتحين اكثر من غيرهم

وشلون متفتحين اكثر من غيرهم ؟؟


ابراء للذمه انا ماابي اتكلم عن اللي يظهر مالا يبطن انا ابي المطوع الحقيقي وش حدوده ؟

[رفيــع الشــان]

اقتباس:  المشاركة الأصلية كتبت بواسطة ابو فارس الحمادا     وإذاسافروا للخارج وش فيه خلوهم يستانسون ويكيفون يعني الواحد إذاسافربرا لازم يزين اللي براسك إذاأنتي تبي تحاسبينهم عطيهم صفر خل الناس بكيفهم

ابو فارس
ما فيها شي السفر للخارج
لكن اذا سافر شخص ما هو متدين
صار فيها مشكلة وانه مسافر يبي يسوي شي خطا
لكن المتدين لا الوضع يختلف
القصد اننا ما نكيل بمكيالين

[طايرتن بوهته]

اقتباس:  المشاركة الأصلية كتبت بواسطة فانتازيا إعلامي     الدين ولله الحمد موجود بالغالبية العظمى .. تبن لي إن لم قل غير هذا .. والثانية الخلق .. هذا المقياس والباقي الهادي الله .. تشكري ..

الدين والخلق صحيح هذا اهم شي بس فيه امور ثانيه تبيها المره لكن ماتخرج عن حدود الشرع ..

[رفيــع الشــان]

طايره
متفتحين يتقبلون الثقافات الاخرى
يمرقن بشورت باي شي ثاني عادي
طبعا ما نقول انهم راضين عن ها الشي
لكن المكان اللى هم يصيفون فيه
وخاصة الشواطئ لازم يكون فيها كذا
الاشياء الثانية ما اعتقد راح يتقبلها الاعضاء وينقدوني رغم انها واقع

[ابو فارس الحمادا]

اقتباس:  المشاركة الأصلية كتبت بواسطة رفيــع الشــان     ابو فارس ما فيها شي السفر للخارج لكن اذا سافر شخص ما هو متدين صار فيها مشكلة وانه مسافر يبي يسوي شي خطا لكن المتدين لا الوضع يختلف القصد اننا ما نكيل بمكيالين

الأصل للشخص إذاكان غير متدين وسافرللخارج
هل نقول له سافر للخراب وغبره
أعتقد لا قليلا من حسن الظن بالجميع

[عناية بالبشرة]

انا اقولك المطوع الحقيقي ...>وجهة نظر مو عن دراسه او بحث ...
المطوع الحقيقي واللي تتمنينه ويملا عينك .. هو المطوع الملتزم اخلاقيا ودينيا وملتحي
ويلبس عقال وكبك ..وماحشر نفسه وعقدها بأمور الدين

لاتقربين هاللي مايلبس عقال ولحيته مغطيه صدره من طوله.. >> ما اعمم ابدا
لكن ماقد شفت تقريبا او سمعت عن مطوع هذا شكله إلا العلوم السيئه ...
منهم نموذجين اتذكرهم... ماتلقينه بالمجالس إلا مغتاب يتكلم بخلق الله ..ومسيء
للظن لاي رجل ماعجبه شكله يقول عنه سيء الخلق وشكله شبهه..! والثاني الناس
في العزايم مهبلين بزوجته يتحرش ببزرانهم المزايين ..وهو مطوع ثوب قصير و يلبس
عقال ولحيته مربيه وماغير يكدكده المشط مايطيح من مخباته لهاللحيه..!!
و التلفزيون مايدخل بيته خير شير..















/

[قلب أبيض]

الله يبلغ كل منا ماتمنى !

[انين الذكريات]

الاخت اللي كاتبه الموضوع اول شي اتمنى انك تفرقين بين مطوع والشخص المستقيم يمكن حنا اعتدنا على هيئة الشخص لحيه وثوب قصير ..يعني مطوع..)الدين في القلب والتربيه الدينيه والوازع الديني مههههم
تعكس على الشخص وعلى افكاره وتعامله
السيد قطب يقول في امريكا رأيت الاسلام ولكن لما ارى المسلمين,,
الدين المعامله وليس المظهر..
لاتحسيبن انك اذا اخذتي مطوع بيترقصلك ويلبس جنز وبيطبخلك
لاتغرك بهرجة الاعلام والتصنع لايغرونك شباب بدايه انا مااحب اجرح ولا احط بذمتي عقلك في رأسك وعيدي حساباتك منهم المطاوعه اللي في شباب بدايه؟؟؟؟مافيه الا غرم البيشي اخلاق دين منطق رجال
ابراهيم المعيدي ...كابتن فرقه ترفيهيه ويترقص
محمد الرفاعي.. العصيمي....شباب حليقين
عبدالرحمن الفراج وفارس المطيري منشدين
ابو زناد ابو عناد طباخين
ابو عبدالكريم رجل جمعهم ترفيه وماقصر مجالس ذكر ومشائخ ودروس..

...اتمنى تقبلين كلامي برحابة صدر

[ليلـ]

ماهي على مطوع وإلأ دآشر والا متزن
((الطبع ،،الأخلاق))اهم شي بالزوآج خآصه.