ياناس ياعالم وش أسوي تكفون ؟؟

[اتحادي مووووت]

انا عندي لك فكرة ممتازة وانا مجربها شخصيا

ونفعــت..


انت واصل مثل العادة بس حاول انكـ تواصل الى

العشاْء..

وبعد صلاة العشاء ارقد ..

بعدها ان شاء الله راح يتغير نومكــ...

اسأل مجرب ولا تسأل خبير..

تقبل تحياتي

اخوكـ::: اتحادي مووووت

[أبو ريان القصيم]

اقتباس:  المشاركة الأصلية كتبت بواسطة قلب ضب     المشكله انك معلم يعني شكل الطلاب اللي عندك نصهم بالمهني بعدين . بس لاتهتم والله وراح تنام حط براسك ان مافيه موت انشاء الله وبس اذا مانمت الا بالنهار وكذا راح تناااااام

المهني تغير مو على خبرك!!

الحين ماتدخل الا جايب واسطه ومعدلك رفيع علشان تقدر تصير سباك!!

[أبو ريان القصيم]

اقتباس:  المشاركة الأصلية كتبت بواسطة اتحادي مووووت     انا عندي لك فكرة ممتازة وانا مجربها شخصيا ونفعــت.. انت واصل مثل العادة بس حاول انكـ تواصل الى العشاْء.. وبعد صلاة العشاء ارقد .. بعدها ان شاء الله راح يتغير نومكــ... اسأل مجرب ولا تسأل خبير.. تقبل تحياتي اخوكـ::: اتحادي مووووت

ياعيني يا اتحادي وياعيني على ناديك المفضل!! ((مع اني هلالي))

والله رايح نجرب طريقتك لو ان اليوم فيه مباريات!!

[بنت البدائع]

أحسن حل إنك تسنتر على النت لين آذان العشاء (النت يمشي الوقت بسرعه عجيبه)

الله يعدل الأحوال للكل

أحسب مافيه إلا حنا كذا وأثاري العالم محتاسه

والله حالتنا يرثى لها

نفل سفرة عشانا الساعه 3 بالليل

لأن البيت يصحون على حدود12

أمي تقول ياخزياة من الجيران لاشموا ريحة الكشنه بنص الليل

أسفين على الرد للمرة الثانيه لكنـ حبيت أشرح المعاناة

[أبو ريان القصيم]

اقتباس:  المشاركة الأصلية كتبت بواسطة بنت البدائع     أحسن حل إنك تسنتر على النت لين آذان العشاء (النت يمشي الوقت بسرعه عجيبه) الله يعدل الأحوال للكل أحسب مافيه إلا حنا كذا وأثاري العالم محتاسه والله حالتنا يرثى لها نفل سفرة عشانا الساعه 3 بالليل لأن البيت يصحون على حدود12 أمي تقول ياخزياة من الجيران لاشموا ريحة الكشنه بنص الليل أسفين على الرد للمرة الثانيه لكنـ حبيت أشرح المعاناة

هذا امر يمر على كل الناس وان شاء الله الامور تتعدل الى احسن

اشكرك على ردودك الجميله والمقنعه

[السراح]

اخوي تايقر

الله الله بالسبريسو بعد الدوام علشان تصحصح حتى الليل

وإلا ارهق نفسك قبل الليل يا العب كوره ولا اطلع لك لنفود ولا دركال وابد اطلع وانزل لحد ما تحس انك انتهيت و تحس ان جسمك متفكك بعدها راح تنام

واذا ما نفع معك الحلين قدم معروض يطالب بالدوام مسائي (:



اخوك
ابومتعب

[أبو ريان القصيم]

اقتباس:  المشاركة الأصلية كتبت بواسطة السراح     اخوي تايقر الله الله بالسبريسو بعد الدوام علشان تصحصح حتى الليل وإلا ارهق نفسك قبل الليل يا العب كوره ولا اطلع لك لنفود ولا دركال وابد اطلع وانزل لحد ما تحس انك انتهيت و تحس ان جسمك متفكك بعدها راح تنام واذا ما نفع معك الحلين قدم معروض يطالب بالدوام مسائي (: اخوك ابومتعب

(( السبريسو !!!)) هذا مانعرفه وانا اخوك!!

حنا مانعرف الا تميرات وشويهي وقهيوه بعد المغرب ويالله من فضلك!!

المشكله داخل دوري بعد العشاء ولا استفدنا شيء!!

[فتاااة النهر]

اممممممم

يعني انت وهو تواصلون للدوام ؟؟!!

لو انا مكانكم كان فقعت بالمديرة خخخخ

مافيه اشين من الدوام وانت فيك النوم ,,

شووف خيووو

اذا جيت الظهر نم الى صلاة العصر قوم للصلاة وارجع نم ,,

وقوم قبل المغرب ولاتنام الى الليل وبعدين يجيك النوم ,,

وكذا تتنظم ,, اتمنى تستفيد من نصيحتي خيووو ,,,

مشكووور

[السراح]

اطلع لقهوة الإستاذ او اي قهوه الي على الشوارع الصغيره وقله عطني اسبريسو وجربها

تصحصح على التمام

واذا انت داخل دوري دور لك على دركال خلك طالع نازل لحد ما تقول الليلة عيد

ورح نم



يا تايقر



اخوك
ابومتعب

[عاشق ديرتي بريده]

بس هذا اللي معقدك ياتايقر !!!

ياخي اقرب صيدليه وخذ حبوب اكتوفيد والا اشرب قارورة هستوب وتدوخ وتنام !!

[اميرة الورد]

كلنا كذا ياتايقر نروح لدوام مانمنا زين
انا نظامي ارد من المواصل انام الساعه عشر واصحى الساعه ثلاث عاد من تلاقي هالحزه كلن نايم
والدوام توه ياربيه بس مادري متى نتعدل

[جمان البحر]

اذا رجعت من الدوام لاتنام ..وأول مايأذن العشاء وتصلي حط راسك ونم ...
ولا فيه حبوب بالصيدليه اسمها بنادول لايت ...اذا أكلت حبتين تقعد ساعه ثم تنام ومفعولها يدوم 7 ساعات نوم ..

[الذاهـبـة]

أووووششششششششش ..

لا حد يرد على هالموضوع الليلة ..

خلاص الرجال نايم ..

خلوه لا تزغرونه .. !!

ما صدقنا يرقد مسكين .. هه !!

عقبالكم .. يا مجانين ..

[مــنــال]

لا تنام بعدما تأتي من الدوام و حاول أن تخرج من البيت إلى صلاة العشاء ..

و حينها سيغلبك النوم و تنام و يتغير نومك إن شاء الله .

و الله يعينكم .

[أبو ريان القصيم]

اقتباس:  المشاركة الأصلية كتبت بواسطة عاشق ديرتي بريده     بس هذا اللي معقدك ياتايقر !!! ياخي اقرب صيدليه وخذ حبوب اكتوفيد والا اشرب قارورة هستوب وتدوخ وتنام !!

ياعاشق كل وقت وفيه عقده وعقدة الشهر هذا التخبط بالنوم وخاصة وقت الدوامات

بعدين انا محافظ على صحتي ولا اروح للصيدليه عشان انام!!