|
انا مارحمت الا المركى بكل الموضوع ,, احس ان المركى تقول للمكيف تبادل أماكن .. !! نتفتوها خافو ربكم ,, عاد تدري .. !! المركى ماعليها خوف اذا هي تحت يدك يالمايع ,, البلا اذا كانت تحت يد عثمان الأقشر ,, اول من بيشهد على كل كلمة تقولونها يوم الحساب هالمركى المسكينة ,, ولو نطقت هالمركى كان نطقت بالشهادة قبل لاتغادر الحياة تحت يد الأقشر وحرمته ,, عموما مو هذا موضوعنا ,, انا عن نفسي مانب راعية كورة ,, اللي اعرفه ان الازرقاني هلال والاصفراني نصر ,, والله يزيدني جهل فيهم ,, الصراحه اني اتعجب من الرجل الذي يدعي الغيرة على نساؤة وهو يشوف حرمته واخته تناقز فرحة ان فلان من اللاعبين سجل هدف ,, وصور اللاعب مليات جوالها ,, مالت عليه ,, مخلي الدرعى ترعى وهو فاقن خشته فرح يقول حرمتي رياضية ,, والثاني اللي يلعن ويشتم عند اي مباراة ,, والأدهى والأمر ان بعضهم تنزل دمعته اذا خسر فريقة ,, آخ على هيك رجولة ,, راحو الرجال والله ,, الله يرحمهم ويغفر لهم ويسكنهم جناتة ,, حتى انت يالشايب الله يغفر لك ,, شكلك تبي تنام الليله المقبلة بغرفة بابها من حديد على هالصور ههه ,, فووووتك بعافية مع ان تعليقي ناقص ,, تعرف الجمس يدور هونيك ,, احذر ياراقل ,, |
[align=center]
عجـــــــوز... أهم شي الأخـــــــــــــلاق.... لويدخل اللي يدخله... الإنسان صاحب الأخلاق يملكك دون شعور منك... أنا سيم سيم علشانك بس.....ماأدبر بأم الكووووورة... وعساي من هذا وأردى,,,, تحيتي لك [/align] |
مجال الرياضة مجال أعمى .. من يدخلة بالأغلب يتووه بعالمة .. و هذا المرض تتوارثة الأجيال وسوف يدوم
عزائي لمن كان هذا همه .. برايفت ماقصدته في كلامي أعلاه .. خاص بمن دخلوا عالم الرياضة بروح التعصب والجنون الرياضي :) دمت بخير ... |
اقتباس:
عجوز سمنسي شوف هالمركى كل موضوع جايب طاريها وازعجتنا فيها عندي فكرة تفكنا منها وتريح صديقك (عسمان ) من سحب المركى وهو فاتح كشرته يتابع التلفزيون ولا يدري إلا وجهه صاك بالأرض افتح حساب في أحد البنوك وحط رقم حسابك مشان تشتري مو مركى بس تشتري مجلس كامل يا (القعيطية) |
عاشق ديرتي بريدة: هلابك ياقلبي
والله يابعدي ما اقول الا الله يلعن ابو الشهرة اللي تحط من قدري وتخلي المتردية والنطيحة يتطاولون على الكبار دمت بحب ياروحي |
[align=center]
اقتباس:
وانت الصادق يصير علقم سمعت مقطع لجماهير الاهلي وهي تغني وتقول عن البلوي ضاعت فلوسك يادبا ضاعت فلوسك وهي متنح هو وكرشته رايحة مهابته وقدره رجل مثل هذا من الممكن ان يكون اكثر وقارا واحتراما قارن بينه وبين الراجحي مثلا او اي تاجر اخر احترم نفسه ووقر مكانته وعمره ماغير يدربي الكرشة بالملعب والجماهير ترمية بقوارير الماء وتستهتر فيه غني معي على طاري هزيمة الاتحاد وقول : ضاعت فلوسك يادبا ضاعت فلوسك دمت بحب ياروحي[/align] |
[align=center]
اقتباس:
ياخي لك وحشة وربي الله لايحرمنا وجودك صراحة انا مثلك ولو زعلوا المعازيب ربعنا انا اعتبر الكورة لعبة قذرة مادام فيها حثالات يشوهون هذه اللعبة البارحة حصلت مشادة ومضاربة بين هلالي واتحادي ووصل الضرب فيها الى الكراسي هجيت انا قلت لايجيني كرسي يرضرض راسي اسال اي شخص عن تاريخ الصحابة او تاريخ الامة وربي جامعيين لايدركون هموم امتهم ولامشاكل مجتمعاتهم لكن اسالهم عن اللاعبين والفنانين تلاقيهم موسوعة تدري يابرود الثلج اني اعرف رجل خريج جامعة تهاوش مع ولد اخوه اللي باول متوسط وزعل عليه وسلعنه بكل مجلس علشان ذاك نصراوي وهو هلالي؟ يعني ينزل من قدر نفسه ويحب ويبغص في الانديه وليس في الله يالله لك الحمد والشكر برود الثلج : كن دائما في متصفحي فأنت تشرفني ياحبي[/align] |
[align=center]
اقتباس:
هذا مرض الله يكفينا الشر امحق من شهرة اللي يصير ملطشة لمن هب ودب كمن بال في المسجد ليعرفه الناس وش نفع عيال سعود والا البلوي والا راعي البعارين يوم يصيرون ملطشة لمن هب ودب الحديث ليس فقط عن بعض الامراء الحديث ايضا عن كل من يترزز من اجل ان يعرف حتى ولو كان على حساب قيمه ومبادئة ووقاره دمت لي بحب ايها الحبيب[/align] |
[align=center]
اقتباس:
ياحبي صدقت وربي هناك من يحبون ويبغضون في الرياضة اعرف احدهم صار مايجينا في الاستراحة علشان معنا نصراوي واحدهم كلمته قبل مبارة الهلال والاتحاد يقسم انه ما افطر ولاتغدى من الهم خايف يهزم الهلال وربي فرحت يوم فاز الهلال قلت اخاف تجيه انيميا والا يروح فيها بجلطة احمد ربك على العموم قضيتنا في العالم اللي اعطاها ربي مكانة وضيعتها في مجال الرياضة والتصاريح البايخة والمهايط الفاضي دمت بحب ياقلب الاسد [/align] |
رامي الباز ( الوئام ) جدة : لقي مشجع اتحادي مصرعه بعد مباراة فريقه مع نادي الهلال مساء امس والتي توّج الهلال من خلالها نفسة بطلاً للدوري حيث توفي المشجع الاتحادي متأثراً بالهزيمة التي تعرض لها فريقه . وأكدت مصادر طبية لـ ( الوئام ) أن مشجعاً اتحادياً لقي مصرعه بعد خروج فريقه خاسراً من بطولة الدوري السعودي وذلك بعد الهزيمة التي لحقت بفريقه امام منافسة الهلال مساء امس . وكان المشجع إلاتحادي تعرض لنوبة بكاء شديدة بعد الهدف الذي سجلة مهاجم الهلال ياسر القحطاني وغادر الملعب حزيناً بعد نهاية اللقاء الى سيارته برفقة اصدقاءه لكنه سقط ارضاً جوار سيارته بعد تعرضه لنوبة قلبية حادة وعند نقله الى المستشفى تأكدت وفاته هناك . يذكر ان نادي الهلال قد تأهل عبر أصعب الطرق في لقاء الفريقين الكبيرين على أرض فريق الاتحاد بعد ان سجل نجمه الكبير ياسر القحطاني هدف الفوز الذي منح الهلال لقب بطل الدوري لهذا العام. |
| الساعة الآن 08:26 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة