|
.
ياحبك لهالمواويل ياعسولي :) المشكلة مو في التعدد ومااحد يعترض على حكم الله المشكلة فيما بعد التعدد بدايةً مقدرة الرجل على فتح البيتين !! وإن كان ميسور مقدرته على العدل بين زوجاته لأن كثير من المشاكل تحصل في البيوت بسبب ميل الرجل لزوجه واهمال الآخرى اتذكر واحد معدد والله يهديه منحرف للأخيرة مررررة ومهمل المسيكينة الأولى عاد اختي يوم سمعت سالفتة قالت وااااااوك الله يعينة يوم القيامة يبي يجي يجنح على جنب http://www.buraydh.com/forum/images/icons/icon10.gif!! تعرف الحكم بس ماتدري وشلون تصيغة :) فيه قصة طريفة تروى عن الشيخ ابن عثيمين رحمة الله سئل سؤال يقول فيه صاحبه أنه متزوج ويريد الزواج بالثانية بنية اعفاف فتاة فقال له الشيخ ابن عثيمين رحمه الله اعط المال لشاب فقير يتزوجها وتأخذ أجر الاثنين؟ |
جزاه الله خير :)
|
انا عن نفسي لم اتزوج ولن اتزوج ؟..
خلنا نعيش بهالراتب اللي عجز يكد علينا لاخر الشهر وشلون اجيب بنت الناس معي .. لالالا الراحه تشرى شرى وانا اخوك |
طيب هالشيخ الوقور ...تتوقعون مطبق
هالكلام على نفسه...؟؟؟ |
يعني الحين التعدد وتقبل الفتيات له هو الي رايح يحافظ على البناء الأجتماعي للاسرة والمجتمع ؟ ليش الله يجزاه خير ماقلب المسأله ودعى الشباب الى تقبل منطق الزواج باالمطلقات والأرامل والعوانس !! وبعدين وش ذنبي انا كــ زوجه اتحمل التعدد عشان احافظ على البناء الأجتماعي اجيب لنفسي ضره واموت قهر واذا سألني احد اقول عادي عادي انا قاعده اقوم بدور عظيم وبطولي .. انا قاعده اساهم في بناء المجتمع !! بصراحه شي ( يفقع المراره ) بدل ما يقعد سماحة الشيخ يدعوا الى التعدد يروح يدعوا الحكومه الى توفير الوظائف للشباب برواتب تتماشى مع متطلبات العصر عشان يقدرون يفتحون بيوت يروح يدعو من هم مغالين في المهور والطلبات الى الأعتدال عموما وفي الزمن هذا يالله يالله الواحد يفتح بيت مو يعدد بعد ؟ |
السلام عليكم
مشكور عسولي على الموضوع الذي تكلم عليه الناس في الوقت الحاظر الزواج نصف الدين اوكيه والرسول صلى الله عليه وسلم حلل التعدد بالزوجات بشرط ان يعدل بينهم طيب اذا صارت زوجتي قايمة بالواجبات اتجاهي كامله ومحافظه علي ليش اتزوج عليها والعانسات اطلب منهن ان يدعوا الله ان يرزقهن بالازواج الصالحين وهذا اختبار من الله عزوجل بيشوف مقياس صبركن وكلن يجيه واللي كاتب الله عليكي بيصير وسامحوني لو اخطيت عليكم وجهة نظر وشكرا وتقبلوا تحياتي |
نفرتن تنفرهم بيت الاهل افضل مليون مره من الدخله على رجل متزوج والله كلن يخليله مثل ماانا ماارضى يدخل علي بعد بزوجه انا ماارضى لنفسي ادخل على بنت الناااس واللي به خير يزوج اخته لهالمتزوجين والا ماغير همق..؟؟ |
عن نفسي ماراح ارضى على ضره لكن رضينا او مارضينا هو شرع الله والزوج اصلا اذا هو ناوي ع الثانيه مارايح يرده اي شيء. تقبل مروري
|
العوانس واجد
والدليل التحرش اللي يصير من البنات بالاسواق والخ .من االاماكن العامه مآخلو احد !! متفلتات ياكافي :( |
|
استغرب بعض ردود العضوات اكثر كلامهم عن العدل ومالعدل
اكيد ان العدل امر مهم ولااا عليه غبار ولكن سماحة المفتي الله يطول بعمرهـ ماتكلم هذا الكلام الا من علم وخصوصا ان النساء الان اكثر عدد من الرجال وهذا مايجعل المراء عانسا وهو الحل الامثل والاقرب لسد هذه العنوسه ولحفظ شرف بناتنا وصونها ... اعتقد انه هو الحل المناسب لسد هذه العنوسه وغيرهــا |
قبله على جبين الصمت الخجول ~
ولآغيره ~ ياشيخ بارك الله فيك [ يجوز شرب الشيشه للتعافي من رائحة الفم الكريهه ] ؟ |
شرع الله ,,,ولا اعتراض عليه,,,
لكن في نظري لو الرجل يعدل كان ماظهر الكررره في التعدد!!!! |
كل الشكر والتقدير لمن مر من هنا وشكري الخاص للبنات العاقلات والمتزنات واللاتي يؤيدن التعدد . أما اللي لعب عليهن إبليس خله ينفعهن إذا حمضن وهمن تصفي بالنهاية على شايب كحيان .
|
[quote=@فارس@;4116937]استغرب بعض ردود العضوات اكثر كلامهم عن العدل ومالعدل
اكيد ان العدل امر مهم ولااا عليه غبار العدل مو امر مهم بس امر واجب والمصيبه انكم عارفين بس ماتطبقون بس فالحين بقولت الشرع محلل اربع وفكر بعد ان الشرع قال( وان خفتم الا تعدلوا فواحده) |
| الساعة الآن 03:25 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة