|
اقتباس:
مسألة الدبغ انا مانيب من اهلها... لا ما عمري وقفت عند مدرسة اولاد... مثل ماقلت ما راح اعاملهم باخلاقهم بل بأخلاقي ..... ياليت يطيع يدخل المشكلة مايبي... جزااااااااااك الله خير على مرورتس وابداء رايتس |
اختي زهرة الكادي
فيه نقطه مهمه جدا احب ان انبهك لها وهي ان تكون لهذه الضربه تتبعات حيث يعاود على ضرب ابنك بين الحين والآخر فإذا وصل الامر الى هذا يجب ان تخلقين لابنك اعوان من جنسه حتى ولو بمقابل ويقومون بضربه ضربا يفقده توازنه حتى لا يكون مسيطر على ابنك . وبلغي ابنك انه اذا عاود له بأي حال من الاحوال انه يبلغك فورا . فالمفروض مثل هذه الحالات يذهب والده الى مدير المدرسة ويستدعي بالطالب ومن ثم يقوم والد ابنك بالنظر اليه بنظره تهزة ويقول له هذه هالمرة انا بسمح لك واما اذا عاودتك عملك لا تلوم الا نفسك وتكون نظراته له مرهبه بدون ان يمسه بشيء . بشرط لا يكون ابنك حاضر في وقته . ذكرتينا ايام الدراسة والله من الضرب والمشاكل اللي حصل لنا وحصل منا . |
اقتباس:
وش بقى للشنبات ...؟!! جدة وتضرب ..:c7: وين اللي يتكلم عن الرومانسية وأننا جفاة .. بالله رومانسية مع واحد مثلي بالضبط بس ما يطلع له شنب ..:c7: أجل دبغته دبغا مبرحا ..:c7: |
اقتباس:
له أصدقاء الحمد لله بس بغفلة صار هالشئ وماتوقع شلة الفساد الله يهديهم... وفعلا قلت له اي واحد يتلفظ غليك اتركه وقل حسبي الله ونعم الوكيل خله هو يتاثر بأخلاقك وتصير قدوة له... مشكوور يالزنون |
اقتباس:
مشكور يالعاصي على مداخلتك ..وماقصرت على أطروحاتك القوية جزاك الله خير راح ابوه وعطى الولد وولدي تعهد اناأقول ليش ؟؟المفروض بس الولد يعطى .... وان شاء الله اطبق افكارك يعطيك العافية |
اقتباس:
ياتويكس انا ماابي اوصل هالمواصيل لأني إمرأة مالي شنبات على قولتك...وهالجدة من حر ما توجس....على فكرة ترى هالجدة ماهيب قصيمية من اطراف الرياض.... ولا حتا رومانسيات بس مالنا حظ... اي والله دبغته دبغا مبرحا يعطيك العافية ياتويكس |
اقتباس:
هذه إجراءات إدارية جيدة حتى ابنك لابد ان يأخذ تعهد حتى لا يطالب بالثأر . الله يخليه لك يبدو انك ماشاء الله محافظه على ابنائك ودائما الام التي تحافظ على ابنائها هي من تنعم ان شاء الله في برهم ويكونون ابناء صالحين لان التربية اساسها على الام . فكثيرا من الامهات اضاعت وقتها بين السوق والجاره والابن مع الخادمه . فيطلع الابن خالي من التربية والحنية ومن ثم يكون عضو غير صالح في المجتمع وللمعلومية التربية للابن منذ الولادة حتى سن الرابعة يكون اخذ 85% من التربية والاكتساب . فمن ارادت ان تحسن تربيت ابنها عليها الاهتمام فيه بهذا السن ومخاطبته ومرعات طلباته ولا تقول انه طفل لايفهم بل انه يفهم وهي اساس التربية . |
اقتباس:
جزاك الله خير يالعاصي وان شاء الله اننا عند حسن الظن ... وفعلا التربية الصحيحة هي على عاتق الأم وليس الشغالة وماقصرت على نثر ابداعاتك |
شوفي يابنت الناس يامن الهشله علمي ولدك الشجاعة وانه ياخذ حقه بيده من اللي يمد ايده عليه
علميه انه يكون اسد على الجحوش الهمل وتبي ترتاحين اما سالفة بروح للوكيل والمدير والثاني اللي اربع وعشرين يتبطح لا شعل ولا مشغله اللي يسمونه مرشد عسى الله مانتي شايفه الا الكسافه خلي ولدك ورر ولا قراد بري ينشب بحلق اللي يقرب له وتتادب كل الجراذي اللي ماتربوا وبعدها كبري الوساده احلام سعيده . |
أختي.. من خلال تجربتي في التعليم كمرشد طلابي وأقف على حالات الطلاب أقول : أولاً أنتي تعرفين أبنك هل هو مؤدب ولا يتعرض لأحد أم لا..؟ ثانياً بما أنه هدد إبنك قبل الخروج فمن المفترض أنه أخبر المرشد الطلابي بذلك أو جعله يتصل على والده ولذلك نبهيه لهذه النقطة إن هدده أحد مرةً أخرى وإن شاء الله تكون الأخيرة. الأمر الآخر لا تسكتي عن ذلك أبد وليذهب والده أو ولي أمره الى المدرسة ويلتقي بالوكيل والمرشد الطلابي ويخبره بما جرى ويؤتى بذاك الولد وليعلم أن وراء إبنك أهل يأخذون حقه. وليؤنب أولئك المناوبين ( هناك مناوبة يومية توزع على المعلمين حتى وقت إنصراف الطلاب والتأكد من سلامتهم وعدم وجود أي مشاكل. ومعهم الوكيل والمرشد). أختي.. لابد أن يعلم ذلك الولد الذي ضرب إبنك بأن وراءه أهل يأخذون الحق له فلا تتركي الأمر وتسكتي أبداً إبنك لا بد أن يجد الأمن في المدرسة كما يجده في البيت.. إذاً : تواصلوا مع المدرسة لمعرفة الحقيقة وأخذ الحق ورد الظلم.. وفقك الله أختي،، أرجوا أن أكون أصبت في رأيي،،، |
اقتباس:
هذا ان اخذوه!! فمايوجس الجمهره الا واطيها وكان الله بعون زهور الكادي ماحك جلدك مثل ظفرك الله يعينك يازهور ادري بك دار راسك من كثرة الحلول . |
اقتباس:
على كلام إنه يأخذ حقة.. كانت هناك مضاربة قبل إجازة العيد وبعد خروج الطلاب من المدرسة.. المهم هذا الطالب الذي أعتدي عليه كان من الطلاب الذين يحملون أخلاقاً عليه ولكن ( خذ حقك ) هي من أودت بحياته فقد تضاربوا وقام أحد أحد الطلاب بضربه مع رأسه في الجزمة ( كندرة ) مما سبب له نزيفاً داخلياً توفي على أثرها قبل الوصول للمستشفى. نعم يأخذ حقة ولكن ليس بالضرب فقد وصلنا الى هذه العمر ونحن لم نبادل غيرنا بالضرب وإنما بالشكوى للإدارة أو للأهل. أقدر نقدك البناء أخي.. ربي يوفقك،،، |
اقتباس:
حشى حنا بغابة يا القلم؟؟؟؟؟ لا ياغالي ما هكذا تورد الابل.... ولا ان شاء الله ما اخليه ورر ولا قراد..نترفع عن هالصفات صفات اعيال الشوارع... الإنسان بأخلاقه ومعاملته ... جزاك الله يا القلم والمرة الثانيه وفر أفكارك ... |
اقتباس:
جزاااااااااك الله خير يا زين نجد كلامك على الرأس والعين..وتشكر عليه وهذا يدل على حرصك ويكفي انك مرشد طلابي وتعرف اكثر منا.... وما قصرت على اطروحاتك وآرائك الموفقة.... ومشكووووووووووور على المداخلة .. |
اقتباس:
هذا اللي انا خايفة يصير الله يستر...والله خير حافظ... والشكوى وتمت والله يجيب العواقب سليمة ياااااااااارب... يعطيك العافـــــــــــــــــيـــــــــــه |
| الساعة الآن 10:40 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة