![]() |
شاطي قمت بالرد عليك قبل ان يلعب لقاء الشباب ونجران
وذكرت ان التعاون لن يبقى لاى بمساعده صريحه كالفاكس والمرداسي !! وحتى بعد فوز نجران التعاون ان استعاد قواه سيكون ايضا بتلك المساعدات وغير هذا يفتح الله بس شاطي ماتلاحظ ان هنألك معرفات تاتي فقط للرد عليك وتترك المواضيع الاخرى ! ياحليلهم يستحون منك |
جنون : جاء فوز نجران عكس أمنياتك ، لازم يدخل التعاون معمعة الهبوط ..!
الكرينخوف : سواليف أم حديجان هذي جابتك مع شوشك الي كله ملح .. و طلعت سواد بصدرك قديم ، سببه الاتحاد السعودي الي أظهرك على كتف نجران ..! يا وليدي لا تحلف و لا يحزنون و ش ندك يا التعاون نحلف عليك ..! صحيح التعاون فاز و استحق التأهل ، و لكن يجب أن تكون صريح مع نفسك و خل عنك شاطئ في مسألة ..! ليه تلغى مسألة لاهداف بعد لقاء نجران الأول بنجران أي بعد فوزهم ..! مهب أنتم زعيم القصيم ، ليش يوقف معكم الاتحاد السعودي ضد نجران و تهبطون نجران .. و ليش المهنا يعطيكم 6 دقايق بالوقت الضايع الشوط الأول دون أي حق ، سجلتوا هدف منه ..! حبيبي حنا خلافنا القديم الي ماله ثمرة بالهرج الحين في مسألة دغملت الأهداف .. شغل المبزرة و أنا أخوك مهب عندي فتقول تهرب و ما تهرب ، احترمنا وفق ما قدمنا من طرح .. و خل عنك حنتس الحريم بأم حديجان و غيره ..! إذا لك وجهة نظر عطنا إياه و إذا ورطان و الزمن خان تعاونك فلا تحط حيلك بنا حنا مجرد وجهات نظر فقط ، فعلى العموم دفقت عقلك الموسم بالهبوط واردة .. لذلك تحمل مواضيعنا و إذا بك حرارة أخرش السراح الي صعدكم و ليته ما صعدكم ..! نسيت ضحكك العام مع أبها ضد الشباب ، شف الشباب اليوم نكبك و عطاه نجران ..! لذلك هدي يا حبي هدي ، و تراه كورة إذا هبطت السنة كله عشر سنين و تصعد هذا إذا قلت لك أن الأولى أربع جولات ..! رائد نت : نسيت وش قلت لكم العام ، قلت إن صعد التعاون إلزموا الشهادتين ..! شوفت عينك وينك يا حسني مبارك و وينك يا ابن علي ، وش لو يدري حسني إن التعان صعد وااااو ، لذلك لا تستغرب من سحب النتيجة فالليلة الظلما بيّنه من عشاه .. إن بقوا للموسم الثاني ترى هالغطاء مهب على قلم .. :) ثلاث نقاط حقات الحزم ما يسقن من الماء ، خبرك نجران فاز على الشباب و القادسية أموره أسهل من التعاون ، يعني لابديد من دفقت العقل بالهبوط .. عليك نظرة ثاقبة تبي تكره التعاونيين بك ... أسير بريدة : من 2007 و أنا أراهن على عجز صعود التعاون ، وينك كل هالسنين و إلا ما حالفك الحظ ، تراي الموسم الي راح خسرت الرهان في صعود التعاون .. استانس ..! طبيب طيب : شكراً لجميل حضورك .. رائد البطولات : نجران حاس كل توقعات التعاونيين و أدعاه لقسه ..! الهوية : لا يستركضونك ..! شداد : الواقع يقول بأن التعاوني يُعاني حرج البقاء الصعب ، لهذا فالطرح جزء من واقع التعاون ..! جنرال المعركة : و الله يا هالكثب و الحياد بهذلوك ، شاركنا و خل عنك الترقب يا سي المرقب .. دائماً : والله يا أنا غاثك ، تدس خشمك بشيء ما يخصك ..! يا وليدي هد ترى الدعوى ما تبي قلق أكثر من اللازم .. يعني بمنتدى بس نسوي خروج و ينتهي كل شيء .. الله يعظم أجرك و يلقيك الصحة ..! المعروف : أخجلتني بتواجدك جداً ، احترم وجهة نظرك .. |
اقتباس:
شكلك امجنس على ها التوقيع الله يحوم كبدك الهلال احب عليك من السعوديه قبلة المسلمين الله يخلف علينا اللي انت سعودي وين الوطنيه اجل لونك اتحادي وش تكتب ؟؟ |
اقتباس:
هههههههههههههه يا حسره وش عليه غاثن !!! يمكن على مواضيعك الرائعه |
فريق أقل من عادي لكن الله يجازي أهل الصافره وضربات الجزاء الظالمه ..!
الظلم ظلمات وفريق نجران أنظلم من التعاون كثراً ..! حوبت الفاكس وصافرة المرداسي لن تضيع هدر اً .. سلمت والله سلمت شاااااطيء القلوب ... |
درغام : لا تدقق ..!
دائماً : عالميتي لاهدك لهده ..! مع الحدث : و لأن لعبة الفاكس خربان لا تموت ، إلا أن الله أراد سقطت التعاون مقابل نجران و في آخر الدوري .. حتى يشعر التعاون بجرح الهبوط المخطط له ضد نجران ، إلا أن تهبيطة التعاون هذه وفق لوائع الاتحاد السعودي الذي وقف في يوم مع نادي التعاون ..! |
إلا على طاري عالمية ناديك
ما قلت لنا بهــالموضوع لو بقى التعاون هل ستطلب من إدارة المنتدى رفع الموضوع كما في موضوعك السابق في صعود التعاون |
التعاون يبحث عن الحلم وهو البقاء
وليس الطموح فالحلم تحقيقه أصعب من الطمووح |
الساعة الآن 11:32 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة