|
اوويهاااا وديم احــلى عرووس http://vb.eqla3.com/images/smilies/060.gifhttp://vb.eqla3.com/images/smilies/004.gif
ديوومه القواز قبل 10 سنوات كان حلو وماشيه امورهم لكن قواز هاليومين موش حلو :( شهر بالكثير وتجيك البنت لبيت اهلها عاد هي وحظها ياتجيهم ومعها بيبي ..ولا تكون خفيفه ولوحده وتكون من نصيب الشيبان اللي يبون يتشببون ع حساب مطلقه عمرها 20 :( اقتباس:
اممم فيه حب قبل القواز وينتهي بالقواز لا الحب يموت بعد القواز يكون فيه احترام وموده وارتياح وووو الا الحب ينتهي ههههه |
حبيبتي ..
الزوآج .. لكِ ولا تتذوقي مآيشتهيه النآس .. فلذآئقتك نكهة لن يميزهآ سوآك .. وإن سآءت نكهتهآ واصبحت مُره .. بذكائك اضيفي السُكر .. وإن أعجبتك ..حآفظي عليهآ حتى تستطيعي الاستمرار بتذوقهآ دائما ... لكِ آن تختآري الكوب < الزوج .. فأحسني اختيآره حتى يَحسُن نضحَه ُ ... إن رَق قلبك وآحببتي وسخر الله لك الزوآج ... لا تحرمي نفسك لآ يوجد شي نحبة أعظم من أنفسنآ ..ومآزالت تغمرنآ لحظآت نتمنى أننا لم نفعل ولم نقول .. فلا عآلم برزخي بهذه الدنيآ .. مُوفقة يآ طُهر http://www.mqassim.com/vb/uploaded/11_01260980316.gif |
المشكله ان الزواج في الخليـج صور للشباب والبنات بأنه عذاب
وانه مشاكـل وصار الولد وحتى البنت يضـربون حساب ويسـالون قبل الزواج عن ايـش رايح يلاقي بعد الزواج لان تفكيره من كثــــر مايقراء في الانترنت والمجالس وينقل له ان الزواج تعب ومشاكل لان مايكتب بالمنتديات والصحف هو (( المشاكل )) فقط .. وانا من وجهة نظري ان الزواج راحه نفسيـه عندما يكون فن التعامل حاضر من قبل الزوج والزوجه .. |
وصايا ليست من واقع التجربة ! بس يمكن تمشي معتس
دمدوومه على البركة ياختشي :11_4_124v -- شوفي يابعد حيي .. نصيحه لكل الحالمات : ( لا تتخيلون " القواز " بوابة لتحقيق احلامكم ، من هدايا و صور و كَلمات رقيقة ! .. :) مشان ماتنصدمووش بعدين .. ) .. و لاتحكمين على خطيبك من خلال المكالمات .. يمكن تظلمينه و هو حلييوووه .. -- الزواج تنازلات .. حطَّي كبريائك في بيت اهلك .. نفس الكلام بالنسبة للزوج .. الألُفه معناها التنازل لأجل عينيه ، و غض النَظر عن اصغر الملاحظات لأجل عيني ! و بارك الله لتس .. |
شوفي هذي خلاصة تجربتي الخاصه ( 32 سنه زواج ) قول ماشاء الله
لاتتوقعين كل الأيام عسل ( السبب العمل والأولاد الظروف المحيطه ) حبي زوجك بكل مافيه ولا تدققين (مافي انسان كامل حتى انتي ) ادعيله واذكريه بالخير دايم خليك صديقه وحبيبه وزوجه ( حسب حاجته في تلك الحظه) فضليه عالبشر كلهم وخليه يعرف هذا الشي قومي بكل اموره بنفسك ولا تسلميها لغيرك ابدا هوا الرجل خلي كلمته فوق دايم واذا رايه مو صح لا تقولين لا قولي طيب وش رايك بكذا اذا زعلتي لا تطنشيه ( أذا هو رجل بيقدر وبيعتذر ) وبالاخر هو توفيق من رب العالمين مو عشان مكالمات قبل الزواج ولا بسبب اختيار ولا ولا ولا بس توفيق من رب العالمين وفقك الله |
اقتباس:
ياقلبي على هيك رد ....تراي ابنغز تركي يعطيك وسااام التميز والاقلاع بالردود بس كودوه يطيع... الا اقول وش معنى الطنايا خخخ رحمت هلاوين |
وحيث ان كااااجو نفحتني بشحطه مااقدر اقتبسها اخاف تركي يقزع ادياتي :| بس اسمعي مني يالديم وكل وحده شاربه حليب بفراوله او لابسه قميص زهري :) وشايفه الدنيا قدامها لؤلؤي برشه حليبي هه الرجال مو زي ماقالوا لنا امهاتنا احفليه واكفليه واحشميه واشبعيه ولاعبيه يكن لكي عبدآ مع احترامي للعجوز اللي مطلعه هالنظريه الا انها تعقب :/ الرجال دواهي يمه ياللي بروسهم يبون وحده مليعتها الدنيا علشان تعرف تسعدهم هذيك اللي من قرطاستها ماتجيب اللي بروسهم واغربالي يحطونها ام عيالهم ومدبرة بيوتهم وواجهتهم بالمجتمع والقلب والجوارح والردح لذيك اللعوب اللي ضحكتها لعانه وزعلها ولع وردحها جنون ..! يختي انا فكرت يااني اصير ام عياله وشايله بيته واعرف كم عنده من سروال وفنيله وحافظه كم فنجال سكر بابريقه العدن :/ وطايرتن شوشتي ورا هالوغدان وبلشه بالشغاله لاتويتز على العمال وكل عصر ودي اروح لبريده اصاله :) اممم افكر بالليل وش اباخذ لاهلي معي حلا:11_4_124v زوجه مغموسه بالتقليديه والطاعه وتدوير المفارش المضيئه هه او اني اصير بقلبه نبضه عيونه تلك المجنونه التي لاتهدأ ثائره بحبه وقودها انفاسه وان شاف نوريه تلوى بقناة غنوه قال والله لو هي فلانه < أنا:) وان قلت ابي قال لبيه مخلي لي الكره الارضيه كما كرتون البيض ان بغيت بسطتها واذا مليت كورتها لا والله ياحيي ماابي الا قلبه وذيك العيون بلا سنه اولى زواج بلابطيخ مبستم زي مايقولوا هاظولاك الربع |
آصبري توتس ع آلعرس .! مآمثل قتّآله , صآدزهـ :) حبي آول وجربي آلحب ,,, لو تقولين له ي آلتسلب قم جب لي تسذآ لآألعن وآلديك يصير تقل بسيسه يبي رضآك !! يقوم و يزينه و آخر شيء يقول آرضيتك حبيبتي ؟ بس آصحي ترضينوهـ آنتي .! ترآ آن آرضيتيه تصير مثل مرتووو :( خخخخخ :) وآلعرس كل وحده و حظه .! آلرجىل حظوظ و غر تسذآ بعد بعد آلحريم يتسذبن .! وحده من خويآتي بس تشكى لي من رجله , قلتله دآمتس مآبعد جبتي منه عيآل آدبيه روحي لأهلتس آسبوع !! قآلت : هه , مآدري صعبه آخليه .! عقبه لآحسيته بتسب رجله آضيع آلموضوع , وشوله آلتسذب , !! وفيه بعضهن تقل كنآري مع رجآلهن .! يجننون :) آلله يرزقنآ آلحظ آلعدل :) |
اقتباس:
قتآله .. ترآ يصلح تصيرين تسذآ و تسذآ .! بس عندك قلب يقوى يخون آلأول ؟ تسآن عندتس آزهليهآ و فليهآ بس .. جيبي عيآل من الأول و آردحي للحبيب يستآهل فديت عيونوووووووو >> فيس يغمز |
ليش انا ماافكر باللون الوردي بالزواج
<<كل تفكيرها بالمواعين شايله هم تسبيعهن ): |
اقتباس:
اذا وفق الله ان شاء الله زين :d1: |
اقتباس:
لماذا انت (خائفه وقلقه ) من رمزك (طفله يعتيرها الخوف ) ومن كلامك ( اشعر بنوع من القلق والخوف من المستقبل ) وحيره وارتباك اختي (الزواج ) غايه كل انسان وهدفه ومصيره الحب ياتي بعد الزوج وقبله واثنائه وربما اتي بعد المولود الاول اعرف اشخاص احبو بعد المولود الاول لادخل للمنطقه ولا للاختيار اعرف شابه احبت فتي مدة خمسة عشر سنه ثم تزجت به وهربت منه في الاسبوع الاول السعاده الزوجيه (عطاء الهي ورباني ) ( ومن اياته ان جعل لكم من نفسكم ازوجا لتسكنو اليها وجعل بينكم مودة ورحمة ) لاحظي (جعل ) الله سبحانه هو الذي يجعل الموده والرحمه كان رسولنا يقول ( هذا قسمي في ما املك فلا تلمني فيما تملك ولا املك ) رواه ابوداود في سننه لاحظي ( فيما تملك ) وهو الحب والسعاده ( بيد) الله وما عند الله لاينال الا بطاعته ( ومن يتق الله يجعل له مخرجا ) توكلي على الله واكثري من الدعاء وسبحان من بيده (مفاتيح الفرج ) |
لابالله اعرسي واركبي قدام ،، وامسكي يده
انتي اللي امعطيه والا هو مهب ماسكه خخخ وتمشي بالاسواق وسافري معه ترى السفر مع الرجل غييير كل شيء بتخطيط منك وكل ماتبين يتم واذا ماتم بس خرطمي شوي وتشوفينه يدللك لأنه متخسر واخرته توقف على هالطلب خخ وتعوذي من ابليس وخلي الحريم ومشاكلهن انا كل اسبوع يصير شيء واحمق عليه ومن باتسر ماكن شيء صار .. واللي يكتبن يبن الدنيا صافيه والا لو يصبرن شوي ويلزمن سجادتهن وينجحن بإختبار ربي لهن مااحتاجن لمشورة احد ،، عاد يالله اعزمين على عرسك وتراي أبي كرتين أنا ووحده ماأروح الا معه حتى أقدر أرقص خخخخ |
آبنه المطر " ديــم " خلق الله البشر ليتزاوجون ويتكاثرون , وخلقت حواء لادم وادم خلق لحواء . فمن غير ممكن بأن تعيش المرأة من غير رجل والعكس كذلك . فالتصور المحيط بالفتيات من الظلام الدامس من رهبه الزواج تكون غالبا من نساء فشلو بحياتهم أو من الأم تصور لابنتها بأن الرجل صعب وشديد و .. ألخ , فالفتاة تملك مفاتيح السعادة والحب الاصلي وليس التقليدي :) فأن فتحي الباب الأول فتحتي جميع الأبواب , وهكذا يبقى الدور عليكِ كفتاة بأن تقدمي المودة والسمع والطاعة والدلال والحب والاشتياق وو .. ألخ , لايخلو بيت من مشاكل سواء السنة الاولى أو الثانيه أو حتى طول العمر , ولعلمك وان كان هناك زواج بدون خلاف فصدقيني ليس للحياة طعم جميل :) الجميل بأن يكون خلاف ولكن ليس بالخلاف الشديد بل خلاف بسيط ينتهي لحظته هنا يكبر الحب والمودة :) " : |
تنويه ليس (32 سنه )) بل (( 23سنه )) زواج لا تقولون عجوز
|
| الساعة الآن 02:29 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة