|
العزيزة فتاة الشرقية..................
شكر جزيل على الترحيب وكرم الضيافة ................ اكبر دليل على صحة كلامي واضح وضوح الشمس من ردك ............ ليش الزعل والانفعال فهميني اني غلطان واعترف لك قدام الكل بالغلط .......... اما حكايت العاطفة الزايدة فأكثر شيئ دلني عليه قصة ((بيان)) والقصيدة...... وقلتي في تاريخ 25/12 /2001 ((* تصدقون إن بيان قرت هالي كتبتة وكلمتني تقول ليش تكتبينة في المنتدى وقلت لها مافية من أشكي لة وقالت الله يعينهم إذا بتقعدين كل يوم تشكين لهم وبعد كلمتها هذي خلاص ماعاد صرت أحب أشوفها كلـــــــــــــــــــــــــــــــــــش )) وبعد ذلك بيومين اي في تاريخ 27/12/2001 ((نداء لصديقتي بيان اللقاء يصعب الآن بيننا فلكي هذة الكلمات لتتذكريني بها فهاهي الحياة تلعب معنا لقاء ثم فراق أبدي كنتي : الشعور والكلمة .. والورد والباقة .. التي أنصهرت وتبلورت في شخصيتك .. )) وفي اخر المقال كتبتي: ((أختك : صديقة بيان فتاة الشرقية )) وليس كما قلتي (( بالله عليك سؤالي عن أفضل نادي سؤال عاطفي )) العواطف عندك ضاهرة بسرعة الانفعال ........وايضاً بسرعة اعادة النضر والتراجع ......... عزيزتي: لا مانع ان تكوني عاطفية لماذا الزعل؟؟؟ المراة بلا عواطف كلاشجار بلا ورق و بلا ثمر وكلوحة فنان مات عنها ولم يكملها........... العواطف مطلب لكي تسير هذه الدنيا بيسروتساعد البيوت والصداقات على الاستمرار............... لكن لابد من استخدام العقل............. عزيزتي اضرب لكي مثلاً صغيراً :--- الابن في العاشرة من عمره عندما لا يصلي سيضربه والده صح هل الاب في هذه الحاله الغا العاطفه ام ان العاطفه هي التي امرته ان يفعل ذلك ؟؟؟؟؟؟ والله انها العاطفه لانه يخاف عليه من عذاب الله ................ العواطف مطلب ونحمد الله الذي اوجدها ولكن لابد من الاتزان والتريث وتحريك العقل................ ووالله الذي لا اله الا هو لم اعبر ردي السابق شماته او صعود على اكتاف الاخرين للوصول الى شيئ معين.................. وانما الدافع هو مصلحتك اولا واخيراً ...................... اعتذر عن اي كلمه جرحت الاخت فتاة الشرقية ........وذلك حدث لصراحتي وخوفي عليها ...... ووالله ان ردك على الاخ الخبي اثلج صدري بحق.............. وارجو منها الرد لاعلم ما تقول وما بدى لها الامر عليه بعد ان هدءة......... اختي فتاة الشرقية ((((( اختلاف الرئ لايفسد للود قضية ))))) صافي يا لبن (((( اريد ان اسمع الرد ))))) والاخ تقهو اشكر لك المداخله وحسن الرد.............. |
آه...
معليش نسيت أقول شي.. الخزي اللي تعيشه الأمة الإسلامية، من أحد أسبابه سطحية الاهتمامات.... فعلا نجح اليهود أن يشغلونا بالرياضة والعفن اللي يسمونه فن أحسن ممثل.. أحسن نادي... أحسن رقاصة... أحسن مش عارف ايش... الخ.... أدري أن نظرتك لي يا شرقاوية ستتغير ... ولكن المعذرة ..متعود أكون صريح خصوصا في مثل كذا مواضيع صدقيني بكره راح تكبرين وتعرفين ان هالحثالة من المتعفنين، هم من أسباب بلاوي مجتمعاتنا وأمتنا مع السلامة... عاد خلاص هالمرة من جد رايح الواجهة ...اشم شوية هوى لأني اختنقت هنا :) :) |
معليش خلاص والله راضية
ومو زعلانة كلش وحليب ياقشطة بس صراحة كلامي الي قلتة لأن ضغطي ارتفع يوم شفت الأغلب ماتقبل الموضوع ويقولون لأني مو من بريدة وهذا الي زاد الطين بلة ورفع ضغطي آسفة على الكلام الي بدر مني ولك كل الإعتذار وخلاص ماعاد رح اكتب في هالمنتدى لاني شرقاوية ومالي محل بينكم بااااااااااااااااااااااي أشوفكم على خير فتاة الشرقية ;) |
حبيبي العاشق كلامك قوي انتبهله.............
المتعصبين ؟؟؟؟؟؟؟؟؟؟؟؟؟؟ بلله عليك فسرها لي بدقة..................... قصدك الي يكلمون الناس بالحق المنزل من عند الله ؟؟؟؟؟؟؟ اذا كان هذا قصدك: الحق على نفسك واستغفر ربك العظيم.......... واذا كنت تقصد المتنطعين ......... فورني كلمة وحدة فيها تنطع مني او من غيري الي قبل ردك.......... حبيبي الدنيا ميهب عبرة...........كل شيء محسوب عليك ......... افرح واستانس ووسع صدرك لكن حط ابالك ان الله يناضرك ومطلع عليك لك حبي وتقديري يا عاشق معشوقتي ......... ومن كل قلبي انك تناظرني لاني شخص عادي ماني من الي تحسبهم .. ودمتم............ |
ابداً يا اخت فتاة الشرقية ...............واشكر لكي قبول العذر ...........
ليكون عندك روح رياضية .................... وتكفين كان لي خاطر عندك لا تزعلين ولا تخلين هذا المنتدى ............ ارجوك من الاعماق................ واذا كنت ملزمة علميني تراي ابنسحب انا بعد ........لاني احد الاسباب ....... ارسليلي على الخاص اذا كنت زعلانه وملزمه تروحين ............. انا في انتظار احد الردين |
اول شي السلام عليكم
ثاني شي اخوي الفاهم: كلمة المتعصبين اقصد فيها معنى ( الجديه في كل شي ) اذا كان مفهومي خطأ للتعصب فـ اتمنى منك ان تقولي ايش معنى التعصب المعروف بين الناس . بعدين انا مستحيل احاول او افكر اني اتكلم في شي يمس الدين الاسلامي او احاول استهزءى اصلاً . انا مااقصد في كلامي انكم متنطعين او غيره لا انا اقصد ان فتاة الشرقيه حطة الموضوع هذا عشان تغير من جوى المنتدى شوي بس قمتم انتم وحليتو فيها . حاولت اسوي شي وانا عارف انا مالي اي دخل بالموضوع لكن انا اعتبر المنتدى هذا قريب مني والاعضاء اللي فيه ايضاً قريبين مني لانكم ابناء معشوقتي عرفت شلون. وانا اشكرك اخوي الفاهم على خوفك على اعضاء المنتدى الرهيب وخوفك على , ونا اتقبل كلامك بسعة صدر . بعدين الواحد منا لازم تكون له زلات بهالدنيا . والله يكفينا الشر قولو آمين : نتلاقى بجنات النعيم آآآآآآآآآآآآآآآآآآآآآآآآآمين يالله سلام انشاء الله نتلاقى في احسن من هالنقاش والله يوفق الجميع بالدنيا والاخره |
أولا : السلام عليكم
من قال ان اهل بريدة عندهم عصبية لغير اهلها وقاطنيها ..... ماذاتقول ياماجدالأول ...... المنتدى للجميع ........ واختلاف الرأي لايفسد للود قضية شعارنا هنا : اكتب ماتشاء ولتكن انت الرقيب على ماتكتبه " كل نفس بما كسبت رهينه: ماجد الأول .....الله يهديك ....." اخشى ان تكون خلف التخوم ..لأن توقيعكما واحد" تحياتي للجميع |
لالا أختي بنت الشرقية ما قصدت هالشي ابدا .. يا أختي انا ما ادري اذا كنتي اصلا من بريدة ( مثلي ) ولا لا . أنا من بريدة لكن ما عشت فيها مولود ومترعرع ( حلوة مترعرع ) :) هنا في الشرقية. لكن مع هذا أعرف بريدة واهلها زين، لأني كل اجازة اكون فيها، وآخرها في العيد الماضي، أنا من خلال معرفتي باهل بريدة قلت ان هذا الموضوع ما يمكن يكون له قبول هنا ( ولا في غيره يمكن ) وصدقيني هذا الموضوع اول موضوع اتناقش فيه من سجلت قبل أيام. وإذا فعلا تبين تتركين المنتدى أنا أقول لكم بعد مع السلامة لأني راح أحس بالذنب اللي هو تطفيشك من المنتدى واللي هذى أولته ينعاف تاليه .
يا وخيتي المنتدى ما هو ملكي انا علشان تتركينه بسبتي .. أرجو أنك تواصلين الكتابه هنا، لأن الكتابة مع القصمان لها طعم مميز، ولا يعني وش اللي جايبني من الشرقية علشان أكتب هنا:D صدقيني أهل بريدة رائعين جدا، بس يبون واحد يفهمهم حبتين. أكرر يا أختي: إذا سترحلين من المنتدى خبريني لأني مالي جلوس إن كنت سبب في رحيل أحد من المنتدى. والسلام أبهى ختام. ملاحظة: عدلي كلمة التوحيد في توقيعك. ==== كبف حالك يا خوي تقهو .. تراني ماني صايم إذا فيه قهوة صب لي راسي يبي ينفجر :) الحين من اللي قال أن أهل بريدة عندهم عصبية لغير أهلها وقاطنيها ؟؟؟ أنا ما قلت ، يمكن أنت اللي قلت وبعدين انا يا تقهو ( يا صعب اسمك .. هذا فعل ما هو اسم :) ) أنا أتابع كتاباتك من قبل ما اسجل صراحة انت انسان محترم مع الجميع لكن هالمرة معي اسمح لي اقول انك غلطت علي.. كأنك تتهمني بالكتابة باسمين.. من قالك إني خلف النجوم ، أنا يا حبيبي خلف شاشة الكمبيوتر .. فليبس .. 17 بوصة، كبيرة ومريحة.. لكن عيبها أنها تحب تزور المصلح كل شهر . :) بالنسبة لخويك هذا اللي قاعد ورا النجوم واللي صاجنا فيه عطني له مشاركة وحدة علشان اشوف توقيعة، وبعدين نتفاهم انا وهو ... ياهو يغير توقيعه يا أنا. وبعدين أحسن لك خلك معي تمام..وإلا والله لأكرن عليك كرة لا تقوم بعدها لك قائمة ( أخوف صح ؟؟ ) :p على فكرة وش رايك تزورنا في الشرقية .. ترا الشرقية فيها قصمان واجد، سواء في الدمام أو الخبر، مثلا في الدمام فيه حي معروف بكثرة القصمان فيه وهو حي العدامة ، اللي ذكره تركي الحمد في وحدة من رواياته، ونفس الشي في الخبر لكنهم في الخبر متشتتين .. الله يجمع شملهم. وعلى فكرة إذا جيت عندنا للشرقية لا تنسى القهوة .. ودي أذوقه .. بس ياويلك إذا طلعت كلك. :) ==== الأخ عاشق بريدة.. الكلام اللي تبي تقوله مفهوم وواضح ..بس عاد خليك في المعقول..يعني علشان ما نكون متعصبين.. لازم نقبل هالموضوع ؟ :) |
انا ابطلع من الموضوع وفكوني والا ؟؟؟؟؟؟؟؟؟؟؟
ياناس مادام صار فيها زعل خلاص يكفي احنا هنا عشان نخدم بعض مو عشان نتهاوش والله فشيله من المنتديات الثانيه انتم تبغوني اتهور :mad: :mad: هههههههههه |
مرحبا
الاخ ماجد الاول ...... كم سعدت بردك لاني اريد التواصل من الجميع .. اسمي هو في الاصل فعل امر .... وبقدرة قادر اصبح اسم:p :p وقبل لازوركم في الشرقية انا ابغاك في موضوع خاص وهذا بريدي وانا بانتظارك...... * وتذكر....... انا بانتظارك ..... للجميع ...... دمتم بخير..:cool: |
لا تدورون غير عزازي تلاحظون أكثر بريدة عزازي :D :D :D
|
أولاً وقبل كل شي
تعلمي كيف تكتبين كلمة التوحيد انصحك يا وردةالشرقية انك تاخذين دورة املاء اما عن أسئلتك أفضل فنان الشيخ عبدالعزيز الأحمد افضل فنانه ما نب اسمع لحريم؟؟!!! افضل شاعر حسان بن ثابت افضل نادي نادي قيام الليل افضل لاعب من يصعد جبال افريقيا للدعوة الى الله اعتزل ذكر الأغاني والغزل ********************* ودع اللهو وجانب من هزل الشاعر ابن الوردي اجمل ما اعجبني بهذه الحياة قيام ليل الشتاء وصيام ايام الهواجر #### آسف اختي وردة الشرقيه اجوبتي فوق مستواك بكثثثثثثثثثثثير :) اسأل الله ان يصلح شباب المسلمين وفتياتهم اخوك مثنى |
أخوي عاشق بريدة :
قال الرسول صلى الله عليه وسلم (( اللهم صلي على نبينا محمد )) :(من رأى منكم منكراً فليغيره بيده فإن لم يستطع فبقلبه فإن لم يستطع فبلسانه وذلك أضعف الإيمان ) أو كما قال عليه الصلاة والسلام . |
إخواني أختكم فتاة الشرقية بحاجة إلى أن تأخذوا بيدها ... لا أن تهاجموها.. ( ادع إلى سبيل ربك بالحكمة والموعظة الحسنة ...)
وأنا اعترف لكم ان ما عندي علم شرعي كبير يؤهلني لذلك، لكن عندي ما يردعني عن الشبهات بحمد الله.. الأخت الشرقاوية ... جاوبيني إذا بتتركين المنتدى لأني ما زلت عند كلامي للجميع تحياتي |
1 مرفق
الاخ الغالي مثنى
شكرا للوعظ الذي قمت به لكن .. من كتب الموضوع هوفتاة الشرقية........... وليسوردة الشرقية.. وبما انك قمت بالتشهير بوردة الشرقية .. وهي لم تشارك اصلا هنا فإنه ينبغي عليك اعتذار امام الجميع عن الخطاء غير المقصود .. ----------------------------- تقبلوا خالص تحياتي ..... وادعوا لي بالتوفيق وللمسلمين في شتى بقاع الأرض |
| الساعة الآن 05:40 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة