|
اذا كانت القدوة كذا وهي المديرة
والسؤولة عن البنات تقوول كذا ....؟؟؟ لازم يتم مااعقبة المديرة اجل ولاحول ولاقوة الا بالله |
لازم يكون فيه حمايه للطالبات |
ما يبيلها كلام شكوه على طول واجيهاا في مدرستهاااا وعلمها منهن بنات الشوارع
|
حسبي الله
اولا
اشكرك (مثلي قليل) على طرح الموضوع لانك لو ماطرحتيه كنت بطرحه في عدة منتديات ثانيا احب اقول للاخ (ابلشتونا) و (شروووق) ان الطالبتين ماكشفوا بالباص والمديره مجرد وحده كذابه و حاقده والدليل على كذا انها لما هاوشت ع الطالبتين وطلبت منهم يوقعوا تعهد رفضن يوقعن تعهد وقالن اننا ماكشفنا قالت انا شايفتكن بعيوني لابسات كذا وكذا والطالبتين ماكان هذا لبسهن في ذاك اليوم ولما دقت ام الطالبتين عليها قالت ان وحده من الطالبات قايله لي ماشفتهن انا يعني واضح انها كذابه وحاقده لا وسكرت التليفون وام الطالبتين كانت تتكلم وربي وقااحه وين الادب والعلم للأسف انها مديييييييره والكلمات اللي تلفظت فيها محد يتجرىء يقولها الا اللي مايستحي الفاظ ماتقولها مديره متعلمه القدوه للطالبات والد الطالبتين اشتكى من الفاظها لانه مو اول مره حتى السنه اللي راحت وقت الاختبارات هاوشت وهزئت طالبات المتوسط كلهم وقالت (يابنااات الشوارع) منشان سبب تافه والله قويه ماتحملوها اهالي الطالبات بس مابيدهم شيء يسوونه لان الشكوى للاسف احتفظ فيها بالادراااج في ادارة التربيه والتعليم واسطات يسندن مديرااات المدارس ياللي تقولين امك موجه تربويه بادارة التربيه والتعليم قولي لامك هالكلام ان الشكاوي ماتنفع الحين لان الواسطه اقوى من الشكوى مانقول الا حسبي الله عليه مديرة مدرسة خضيراء وكل المديرات اللي كذا حسبي الله عليهم وربي يشهد على كل كلمه كتبتها انها صدق |
الللللللللله يعين يـارب
والله يهديهآآ ومن قـال ان المعلمه قددددددوهـ معصي احنا قدووتنآآ عائشه وخديجه رضي الله عنهم مو معلمااات معصـي >>بفم مليان بعد |
اقتباس:
|
اختي العزيزه وردة مات ساقيها
انا اجزم انه في الشكاوي ما فيه واسطه يعني لو تقدمتوا بخطاب لوحده االمتابعه كان لزم يجي المديره تحقيق انا سئلت وستفسرت قالوا اي خطاب يرفع للمدير الركيان على طول يحوله للمتابعه بعدين هم يجون ويحققون معه يمكن يكون فيه واسطه في تنفيذ العقاب بس على الاقل اسمكم سويتو شي علشان توقف عند حده بس لي طلب عندكم اذا رفعتو شكوى اشكو المساعده علشان هي مثله تحسب المدرسة مدرسة ابوه اجل تخلي البنات بنظفن الطاولات وتقول انا اعلمكن النظافه ليش تخربطن على طاولاتكن ليش طاولات ابوة لا وماسك معه شي اسمه الحواجب كل يوم توقف البنات الحصه الاول تقول ليش حواجبكن كذا لزم تعدلنه ما تبي نتجمل ونصير ؟؟؟؟؟؟ الغيره تلعب دوره تقول انا اذا شفت جواجب الشيطان كأني شايفة شيطان قدامي يعني تقصد البنات يشبههم بالشيطان الله يا خذه (للمعلومه حواجب الشيطان صبغ الحواجب ورسم خط الى الاعلى بس بس هي تكبر الموضوع) مسويه شيخة تقول حرام ما يجوز مالت يعني وقفة على حواجبنا0 |
صراحه مدرسة خضيراء
تعقيد اداره فاشله ظلـم كل شي فيها غلط القرارات الزينه تطبق بأخر السنه والقرارت الشينه تطبق على طووووووووول الله يعين كل من يدرس بمدرسة خضيراء والمديره الفاظها الفاظ قبيحه جدا الله مستعان والف الف شكر لاختي مثلى قليل والاخت ورده مات ساقيها |
والله عجيب هل هذا اسلوب يليق بمديره ؟؟؟
|
مثلي قليل
عندي شوية أسئله :- 1- إبنتك الطفله هل برز ثدييها ؟؟ 2- إبنتك الطفله هل جاءتها الدوره الشهريه ( الحيض)؟؟ 3- إبنتك الطفله هل بإمكانها أن تحمل طفلاً بأحشائها ؟؟ 4- إبنتك الطفله هل لو أعتدي عليها والعياذ بالله تفض غشاء بكارتها ؟؟ 5- إبنتكِ الطفله هل تعلم عن العلاقات الجنسيه ؟؟ 6- إبنتكِ الطفله هل تصوم ؟؟ 7-إبنتكِ الطفله هل تصلي ؟؟ إذاً إبنتكِ ليست طفله بل إمرأه بكامل أنوثتها فجدتي وجدتكِ تزوجوا بسنها وأصغر منها أنا هنا لاأتكلم عن بذاءة كلمات المديره أو أن بناتكِ فعلنا مايقلل الأدب أنا هنا أتكلم لو وضعتِ بحسبانكِ أن بناتكِ فعلن هذا أترضينه ؟؟ إن كنت ترضينه عليهن فاليكن والدهن هو من يأتي ليأخذهن من باب المدرسه المدرسه مسؤوله عن البنت حتى تصل الى بيت أهلها فلو تأخرت إبنتكم عن الرجوع للمنزل لأتصلتوا بالمدرسه مباشره ألست بهذا على حق ؟؟ والأم العاقل هي من تذهب بنفسها للمدرسه كي تأخذ بحق بناتها أن كان لهن حق فإن لم تجد تجاوب منها تذهب بشكوى لمن هم أكبر منها فلابد من التعقل في الأمور وكما قرأت من تعقيب وردود فإن هذا الأمر ليس جديداً فالذنب ليس ذنب المدرسه الذنب ذنبكم أنتم لأنكم تركتن لهن الحبل على الغارب في دول شرق آسيا والدول الغربيه المدرسه تربي الجيل حتى خارج الدوام ونحن هنا نسعى لآخر إصدار من نوكيا وأبل تفكيرنا محدود للأسف ونسعى لشهوة ساعه ناسين تربية الجيل الجديد (كم من ولد عق والده ووالده يحلف الأيمان بأنه لم يقصر عليه وهو قصر بتربيته ولم يشعر) أتمنى أن تربوا بناتكم فهو جيلنا الجديد فالمثل الدارج يقول ( العود من أول ركزه ) |
دوروا لكم وحده نشيطه من العائله وأرسلوها لها تشوف لها صرفه
دوروا لكم وحده نشيطه من العائله وأرسلوها لها تشوف لها صرفه دوروا لكم وحده نشيطه من العائله وأرسلوها لها تشوف لها صرفه |
اقتباس:
خيتو من السنه اللي راحت مرفوع شكوى ع المديره ماشفنا لاتحقيق ولا شيء اما ع سالفة حواجب الشيطان اسمع انها كلمتها المعهوده كل صبح ههههه لسه ماشفتوا شيء الله يعينكم |
وش جايهم المدرااارس
اليوم اختي جايه تصيح وهي بسادس ابتدائي تقول اخطيت بكلمه بدال النون حطيت تنوين وعدلته وجت المدرسه وضربته وين التربيه على هالمعلمااات ماله الا رفع شكوى ضد مع رد اعتبااار صرااحه وقحه |
هذي يبي فوووقه مديره
معرووف عن اداراة المدارس تتلفظ بالفاااااظ بذيئه ومحد من الطالبات لديها الجرئيه بالمناقشه والسبب لانه مديره وربي لو هذولي بناااتي كان خليته عبره للمديراات الثانيات هذا شرف موب لعبه <<ما نقوول الا حسبي الله ونعم الوكيل |
من حق مديرة المدرسه العقاب ولكن ليس بهذا الأسلوب المتسلط..
أسفي لهـــا... كيف وصلت هذا المنصب بهذا الجهل ..! ولكن على ولي امر الطالبه برفع الشكوى لإدارة التعليم.. فهم بذلك يحسنون التصرف . تقبل مروووري. |
ليش صفيتو كلكم على المديره بلعكس بس المفروض ما تقول بنات الشوارع
|
[align=right]الله يعين على هالمديرات والله ياهن يكدن على العالم تقل حلال ابوهن
لاتسكتون قص الله لسانه عيب عيييييييييييب بمكان تعليمي وصرح تربوي تطلق هالألفاظ ومن مين؟؟ من قائده هذا الصرح هزلت والله [/align] |
اقتباس:
ياندوو ليش مانصفي على المديره زمان العصى ولى وراح تقدر تكلم البنات بهدوء وتناقشهم وتقنعهم وبكذا بيحبون العباية وبيحبون المدرسة والادارة لكن تقرف عيشتهم بهالاسلوب السخيف ابد مو اسلوب تربوي |
اللي يقهر في الموضووووع ان الطالباااات ماكشفوا في الباص
ظلم وربي ظلم يعني تشهير و ظلم اي اداره اي سياسه اي تربيه هاذي حسبي الله عليه |
انا ارى يا اختي الفاضله ان تذهب ام البنت وتجلس مع مديره المدرسة وتعرف حقيقة الكلام الذي صدر منها تجاه البنت هذا اولا ثانيا تعرف نوع المخالفات والسلوك الذي صدر من البنت وبعد ذلك يكون لديها تصور كامل للمشكله ولها الخيار اما بقبول اعتذار المديره لها اذا كانت هذه اللفاظ النابئه صدرت منها ولها الحق ان ترفع شكوى للجهة المسؤوله وهي تتولى التحقيق معها واتخاذ ماتراه مناسبا وارجو من الاخوه والاخوات عند التعليق على هذا الموضوع او غيره ان لاتاخذنا العاطفه الزائده لاننا لم نسمع الا لطرف واحد يقول الله تعالي في كتابه الكيرم { يايها الذين امنو ان جائكم فاسق بنبا فتبينو ان تصيبو قوم بجهاله فتصبحو على مافعلتم نادمين }صدق الله العظيم
وليعلم الجميع انني لا ادافع عن هذه المديره اذا كانت صدرت منها هذه الكلمات النابئه البعيده عن الاساليب التربويه السليمه ولاكن اشكرها لهتمامها بامور شرعيه وهي اللتزام بالحجاب وعدم التهاون في المخالفات الشرعيه من قبل بعض الطالبات هذا اولا ثانيا لا ننسى ان المخالفه حدثت في الباص اي خارج حدود المدرسه من يحمي هذه البنت من الشباب في الشارع او حتى من سائق الباص لا نبسط الامور ونقول طفله وتاخذنا العاطفه ونبرر الخطا يجب ان تعي البنت الخطا الذي صدر منها وتلتزم بالتعليمات ولاكن عن طريق المرشده الطلابيه وليس باسلوب المديره الخطا وتفبلو تحياتي |
أصلاً مـآله أي حق تهزء بهـآ الطريقة هذي لو حصل سلوك سيء من طالب او طـآلبة المرشد /المرشدة هم اللي يصلحون المشكلة * |
للاسف قراءت ردووود فيها من الجهل والتخلف الشي الكثيرررر وحمدت الله ان الكاتبه امثالها قليل فتخيلو معي لو ان ( مثلي قليل ) كانت هذه الجاهله بامور دينها وعقيدتها واصول التربيه السليمه مديره مدرسه او وكيله او معلمه ماهو الشي المفيد الذي ستعلمهم اياه صبغ الحواجب ورسم خطوط وتستغربي من انكار الوكيله لهذه الاشياء انا ارى انك انتي الشيطان وامثالك يتعوذ منهم الناس لانك تبسطي هذه المخالفات الشرعيه والسلوكيه وتشجعي عليها وتنكري على من يحاربها
|
اولا المديره مالها حق تقول مثل هالكلام البذئ والمفروض الام تجي لها وتفاهم معها..
وثانياالمديره لها حق انها تعاقب البنات على اشكالهن ذاك اول البنات جايات يتعلمن الحين لاجت الوحده من فجر الله الحواجب مرسومات والعيون مكحوله ومورمه الحمدالله والشكر والاصابع كل ظفر به لون مناكير والشعر محيوس وطالع شوشه مع فوق ايقاله تسريحه بالله ذي جايه تدرس ولا تستعرض هذولي بنات الحكوميه ماشفتو بنات الاهليات تقل رايحات لعزيمه صح الوحده لازم تجي مرتبه ونظيفه وريحتها حلوه بس مو لها رالدرجه عاد ومو بس الطالبات حتى بعض المعلمات نفس الشي ماكأنها جايه تدرس وتشرح بعضهن يعجزن يشرحن من هالخصل الي على وجهها تقل بسجن استغفر الله مااقول الا الله يخلف:4_1_104[1 تقبلو مروري |
فتخيلو معي لو ان ( مثلي قليل ) كانت هذه الجاهله بامور دينها وعقيدتها واصول التربيه السليمه مديره مدرسه او وكيله 0
الاخ اسير الود هل ممكن الاجابة على بعض الاسئلة؟ 1-هل الدين الذي تدعي اني اجهله يقر الالفاظ السيئة؟ 2-هل التربية الي تربيت عليها تقر ان تتلفظ على غيرك بالافاظ غير سوية؟ 3-انا عقيدتي تقر احترام الغير ومعاملة الناس بمثل ما احب ان يعملوني وعقيدتي ترفظ التقليل من الغير وقذف الناس بالباطل هذا ما اعرفه من عقيدتي فما عقيدتك لبد انت تكون عكس ما انا عليه من عقيده؟ 4-هل عقيدتك وتربيك السليمة تسمح انا يتلفظ احد على ابنتك او اختك يقول بنات شوارع؟ 5-هل شعرت بحرقت قلب الام والاب على طفلتهم بنت شوارع؟ 6-هل تعرف معنى كلمة بنات شوارع؟ 7-هل ادركت الهدف من طرحي للموضوع انا طرحت الموضوع من نا حية الالفاظ السيئة اي اني لا اقر الفاظ المديره وهذا لا يعني اني اقر واوافق على ما قمت به الطالبات ولكن فهمك القاصر للاسف هو الذي جعلك تتهمني بعدم فهمي امور الدين ؟ حسبي الله ونعم الوكيل |
[align=justify]تحسبي الله وارفعي فيها شكوا وحطي بنتك بمدرسه خاصه احسن لك
(((----- متاثره جدا مع البنوته [/align] |
حسبي الله ونعم الوكيل
|
اختي (الغاليه)
انا اقولك البنات غلطانات ولازم يعاقبن لكن مو بهذي الطريقه قدام كل البنات وتقول انتن بنات شوارع كلمه كبيره مره والغريب من مديره مدرسه!! واذا كان كما قالت الاخت (ورده مات ساقيها)ان الطالبتان مظلومتان وانهن مو هن اللي كاشفات بالباص فليس لها الحق في معاقبتهن حبيت اوضح نقطه شفت الكثيييير من الردود تقول ان البنتين صغار ومو لازم يتغطون خلاص الى متى تكون كاشفه بهذا العمر خلاص المفروض متغطيه!! هذي رائيي واختلاف الراي لايفسد في الود قضيه |
انا اقول ان ابو البنات يرفع خطاب الى المديره ويهزاها
|
فعلا شي يحز با القلب عموما لو اشتكت امهم بيقولون لها اثبتي ومن بيشهد انها قالت كلن نفسي نفسي ....:( دنيا عجيبة وياقلب احزن :(
|
[align=center]قلت أدب من المديرة
والرقيب نايم بالعسل[/align] |
| الساعة الآن 11:33 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة