|
رجعنا بعد غيييبه طوييييله
لكن والله اشتقنالكم يقول الشاعر : النفس طابت ماتبي منك معروف ... دامك تمن بشوفتك لاتجينا ادري ان البيت ماله دخل بس قلنا نكمل فراغ ههههه |
وش سويتوا بدوني ؟
عساكم عرفتوا تكتبون وتستانسون وانا مو موجود؟؟ <<< جاوه العقال والكعب الاصبع مع الجبهه خخخخ |
اليوم نمت لساعه 5 ونص وقمت الساعه 7 الصبح !!
قمممممة الخراص بالنوم !! |
اليوم جايكم بثوب جديد بمناسبة العيد
مو ثوبي اللي لابسه لا ااااا رايح يحصل تغيير بالمدونة وهي عبارة عن (( تعرفون بعدين ))!! |
كل يوم اختار لي واحد من الأعضاء واسوي له قصة !!
عاد القصة يمكن تكون زينه له ويمكن مو زينه !! الموضوع مجرد تسليه وضحك ولا احد يشيل بخاطره علينا !! |
البارح واحد من المعازيم يتسذب عينك عينك !!
يقول : انا ماعمري سهرت الى الساعه 1 بالليل حتى برمضان انام!! يقولها والساعة الآن 2 ونص !! كلااااااااك هههههههه |
|
القصة الأولى*
بعد السماح لقيادة المرأة للسيارات* (( فديكا التميمي بصناعية السليم ))* بعدما رفض اخوها يوديها للسوق كل شوي قررت فديكا انها تشري سيارة* راحت يوم الجمعة لمعارض السيارات النسائية واشترت سياره كورلا موديل 2001 لونها زهري ههههه وطلبوا منها المعرض انها نفحص السيارة باحدى الورش !! فديكا من الفرحه بالسيارة راحت لصناعية السليم بالمنتزة ودخَلت الورشه !! طلب منها العامل تدخلها بالميزان ليفحص محركات السياره* عاد الميزان لازم تمشي عدال وماتميل ولو مالت طاحت بالحفره !! ههههه فديكا شافت الحفرة وتوحشت وقالت : الله مير يسلمك دوك المفتاح دخلها انت (( متوحشه ))!! ههه العامل قال ابشري واخذ المفتاح ودخَل السيارة وفحص كل شي وقال : عندك اذرعة السيارة متكسره ولازم تجيبين اذرعه امامية* فديكا راحت لمحل قطع غيار بجنب الورشة وقالت : ياولد ياولد ياولد عندك ذرَاعات ؟؟ (( على وزن دراعات )) هههههه قال البائع وشتبين يابنت ؟ هي توحشت وقالت ابي ذراريع ههههه البائع فهمها وقال موجود بس اللي عندي لسيارة لكزس !! فديكا شرتهن وراحت للعامل بالورشه وقالت خذ الذراريع هذولي وقصهن الين مايركبن بسيارتي* (( تقولها وهي مستانسه تحسبه فستان تبي تقصره عند الخياط )) ههههه العامل طقت تسبده منها وراح ورجعهن واشترى اذرعه للسيارة وصلحها وصارت السيارة تمام !! ورجعت فديكا للبيت ومددت رجلينها بالصاله وقالت : الله لايعيد السيارات اثرهن تسذاتا وحنا نحسبهن ماغير شغَل وامش !! ياحبيل اخوي بس!! واذا ماوداني اليوم يوديني بكرا !! وحنا مالنا الا البيت وبس !! هههههه |
انتظرونا غداً مع قصة جديده وعضو جديد
شرايكم من نختار من الاعضاء ؟؟ |
تصبحون على خير
|
الكثير من البنات دائمآ تفكر بفارس احلامها يجيها بطريق الصدفة .. أو بعد موقف يحصل بينهم مثلاً وهي بالبحر وتغرق يجي هو وينقذها أو وهي تمشي بالشارع يجي يصدمها المهم (( مرتن من المراريت اللي راحن )) طلبت الأم من بنتها تأخذ صحن ( اللقيمات ) للجيران كان في رمضان والجو باااارد وممطر !! فلبست البنت فروة ابوها وشراب شتوي لونين كحلي والفردة الثانية بني وشال أمها المهم أنواع العفسة وطلعت بالصحن .. والا سيارة جاية طايرة لانه بيأذن المغرب وتصدمها ويطير صحن اللقيمات ونزل صاحب السيارة والا شاب وسيم وطويل لقاها منكسرة رجلها وخاف عليها أما هي ما حست بشيء (( ماصدقت خبر !!)) هههه بس تطالع فيه وتتبسم في وجهه لأن حلمها تحقق وجاء فارس أحلامها زي ما تبي اتصل الشاب الوسيم بأخوها وودوها المستشفى يجبسوا رجلها ومضى رمضان والبنت تنتظر الفارس ليطرق الباب طالباً يدها وبعد أيام رن التلفون .. ورد أخوها .. وقال وعليكم السلام ورحمة الله وبركاته إي نعم .. حياك الله .. بخير ولله الحمد وطار قلب البنت لما شافته مبتسم وسمعته يقول رجلها في تحسن ولله الحمد جزاك الله خيراً مع السلامة وبعدها مات أخوها من الضحك سألته الأم .. من المتصل ؟ .. وليه هالضحك ؟ البنت تنتظر الجواب على أحر من الجمر قال: هذا اللي صادم أختي وكان يسأل ويقول : !! عسى خدامتكم طابت بعد الصدمة !! هههههههههههههههههههههه |
تذكرت موقف حصل لي يوم اتخرج من الجامعه
اعلنوا النتائج في شهر رمضان قبل آذان المغرب وبعد الفطور رحت للجامعه وانا في قمة الشد العصبي والخوف من النتيجه !! اول مادخلت للجامعه قابلني احد الزملاء وهو ضايق صدره ومتلطم ولم يكلمني !! انا طاح قلبي باصبع رجلي الدبي من الروعه !! المهم سحبت رجليني مرى اشوف العالم متجمعين يدورون اساميهم مطقوقه بالجدار !! جاء واحد من الشباب وقال ابو ريان مبروك النجاح تراك نجحت وتخرجت !! مادريت بنفسي الا وهم يصبون علي ماء هههههههه وانا رايح للبيت قلت خل نصلي العشاء بالمسجد على الطريق !! عاد تعالوا شوفوا وشلون صليت ههههههه كبرت والامام يقرأ سورة التين وبعد ماخلص منها قلت : آآآآآآميييين هههههههههه قلتها لحالي مادريت من فرحة النجاح اللي بجنبي ضربن بكتفه ينبهني !! يوم صلينا 3 ركعات وباقي الرابعه ركع الامام الرابعه وانا سجدت لحالي هههههه وقمت وركعت معهم !! الحين انا افكر باللي بجنبي وش يبي يسوي !! اول ماسجدوا كلهم هجيت من المسجد ههههههههه ورحت وصليت بمسجد ثاني !! |
|
قصيده صوتيه نناشد فيها ملكنا ابو متعب حفظه الله من كل شر بتمديد الاجازه ننشرها http://www.qassimy.com/up/users/umar/abomteb.mp3
|
صبحكم الله بالليل
والله يانومي احسن طعش بالعالم اليوم نمت الساعه ٩ وتوي اقوم حسيت اني صرت مثل جدي علي الله يرحمه |
| الساعة الآن 08:25 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة