|
[align=center]
هل أحسست يوم من الأيام تتصادم مع بني جلدتك ومن نفس أرضك بطريقة تربيته وطريقة تربيتك وبعاداتك وبعاداته نعم أنا قابلت ناس من نفس ديرتي وكأنه عايش هو بدوله وأنا بدوله طبعه يختلف عن طبعي حتى كلامه تغير سبحان الله التكنلوجيا تغيرنا وحنا جالسين توي أدري أنه في حاجات الإنسان فاقدهـا ويحس بنقص بها يوم طلع على التكنلوجيا وشاف أشياء غريبه حس أنه ناقص نسى أنه له قيمه نسى أنه إذا طلع بصورهـ غير للناس ينقدون عليه وكأنه أنولد بطريقه جديدهـ مهجنه [/align] |
[align=center]
كنت في الماضي أرى الوجوهـ كلها جميله وكأني أرى فوانيس مُشعّه لماذا تقدم العمر يحرمنا من طيبات الماضي[/align] |
[align=center]
المرأهـ الوحيدهـ التي تفهم الرجل , قريت كتاب قديم وماقريت فيه إلا صفحتين والمؤلف يقول أن المرأه تعرف عن الرجل الكثير, أكثر من الرجل وش يدل عليه؟؟ يدل على أن المرأه أحاسيسها كلها مع الرجل تصرف طاقتها لكل شيئ على الرجل يعني نقدر نقول همها الزوج الأول والأخيــــر أتمنى من كل زوج إذا شاف راعيه بلاحدود من زوجته يقدّر ولو بالقليل يحسسها بإحساسها تجاهه المرأه مملكه فصعبه إذا أنهارت تنهار بداخلها مدن والمدن داخلها شعوب من الإحاسيس [/align] |
[align=center]
الغيوم بتماسكها في قلب السماء نراها جميله لكن تتعب عندما لاتدمع بقطرات المطر ولايفيدها تماسكها وتتفكك إشتباك الأيادي شعور جنونـــي بين الطرفين [/align] |
[align=center]
مودرن اقتباس:
؟؟؟؟؟؟؟؟ ذكرتيني بسالفه لو أكتبها أخاف الله يغضب علي لذلك أقول الله يعين اللي مثل هالنوعيه لو أنا أطلع مباشرهـ على طول [/align] |
اقتباس:
أستغفر الله العظيم لا إله إلا الله محمد رسول الله هذا يدل أن بالي مشوّش وفكري بحالة شغب!! |
[align=center]ساندرا[/align][align=center]
اقتباس:
|
[align=center]ريانه[/align]
[align=center] اقتباس:
بالضبط لكن الأولين بهم حقهم اقتباس:
نتشابه في خلقتنا , الله وأكبر يتمتع الواحد وهو يقرأ مثل هالسطور |
[align=center]العبرى[/align][align=center]
اقتباس:
اقتباس:
|
[align=center]أحب نفسي[/align][align=center]
اقتباس:
والله شكله كلام لاجاء الصدق ماشفنا شي بلاحب بلا خرابيط , ينصحن واحد من أخوياي يقول لاجيت تحب حب الأكل لأنه يطغي على المشاعر مع أني ماتسد حبيت حب اللي يقولونه للأن فيه حب جربته جديد ناجح! مادري وشو الحب اللي يهرجون فيه , الحب مهب لنا أدري أن هالمقتبس لبروفايلك بس لاصارو أمنعو الروابط قلنا نعلّق [/align] |
[align=center]
ذوي الإحتياجات الخاصه كلام لايختلف عليه (هم منا ونحن منهم) بالنسبه للعقلاء لكن عند كل برنامج أشاهده بالتلفزيون أو بمقاطع اليوتيوب الاحظ عليهم يحطون موسيقى حزينه إذا دخلو على مركز (لذوي الإحتياجات الخاصه) وكأنهم بعالم ثاني أو أن حياتهم غير حياتنا , يعني لو أن معاق بعيد الشر أو أصم أو أي من الأمور التي تخص (الإحتياجات الخاصه) وأسمع ببرنامج موسيقى حزينه والله لا أصك على نفسي بغرفه وأعتزل المجتمع!!! والله يأنبني ضميري لاشفت برنامج يحط موسيقى حزينه !! ليش مهوب عارفين أنهم جزء منا , إذا أنت حاط موسيقى حاط موسيقى تبعث روح التفاؤل تحسس الفرد أنه جزء من المجتمع لايتجزأ[/align] |
[align=center]
الأمنيات كثيـــرهـ لكن أمنيتي الوحيدهـ أرجع أتعلم من جديد من الصف الأول إبتدائي كل ماتعلمته بصفوفي الدراسيه هو ( الجهل) إلا قليل من العلم إللي أستفد منه وقليل جــداً رحت لواحد قريبي له أخوان يدرسون بالصفوف بين المتوسطه والإبتدائيه وأخذت منهم الكتب حقاتهم لاخلصو من الأمتحانات وأقرآهن والله العظيم أني أقرآهن وأن كلي حزن ماعلمون المدرسين وش تفسيرات اللي بكتبنا يعني الحكومه ماقصرت حاطه كل شيئ يخص الدين وغيرهـ بمناهجنا بس المدرسين مايشرحون , وأنا أقرأ بالكتب أقرأ بلهفه وحب وتفتح عقلي أكثر حتى الطلاب اللي معي بالصف نفس طريقتي وأعرفهم الآن ماستفادو شيئ من دراستهم مازلو فيهم شوية تخلف والله أني أدخل النت وأقعد أدرس وأبدأ أفتح مواقع وأعيد الدراسه من جديد, حتى كتب العلوم صرت أعرف وشو الفيتامين والبقول وووو الخ أول نقرآهن مانعرف شي بس كل شيئ نسخ ولصق هالكتب اللي أخذتهن من قريبي عزيزات علي أقراهن وأنا كلي حيويه هذا غير النت أسبح فيه ويعلمن أشياء فقدته بمراحلي الدراسيه يعني ما لا أحد فضل علي أنه علمن , إلا معلم صف الأول إبتدائي بس ما أقول إلا الله يعوض[/align] |
رحت حجيت قبل فترهـ زمنيه أنا وولد جارنا قالي أنا بروح عن طريق حمله (مجانيه) يعني تروح معهم على حسابهم وقالي سجلت أسمك معي علشان تروح معي أنا بالبداية ضاق صدري ماتهيأت نفسياً للحج ببداية الأمر قلت خلاص بروح معك وأنا داخلياً منب رايح بس قلت ابقوله كذا علشان يطمأن ولا جت الصدزهـ بقوله عندي إرتباط صدفه رحت أنا وواحد زميل لي للشرقيه وبوقت الحج قلت تمام علشان القى عذر ماروح دق علي قبل مايجي وقت الروحه بـ 3 أيام قلتله معليش أنا بالشرقيه ماقدر أروح معك وخلقت كم عذر وأعذرن !! يوم صار المغرب وتدق علي والدته |
[align=center]
قالت وراك ماتروح مع ولدي شكله بلشت بوهـ ولدي يحبك ومايبي يروح معك إلا أنت < رحمته تقل بزر عندهـ يوم قالت هالكلمه المهم أنا صرت ضعيف قدامه قلت أبشري علشانك يا أم محمد أروح معه بكرا أنا بجي للقصيم وانا شاء الله مايروح معه إلا أنا وأجي وألقى حموودي يحترينن قلت يالله مشينا على سيارتي قال لا خلنا نروح على الباص معهم قلت أكرهـ ماشوف هالباصات أمشى على سيارتي نروح لمكه ولا وصلنا ندخل للحمله عليهم ونوريهم بطاقتنا وافق حمووودي ومشينا ووصلنا قبل الباص بيوم لكن يوم جينا ندخل الحرم قالو ماتدخل السيارات إلا المرخصه ويحجزون سيارتنا مع جميع السيارات ونروح مع سيارهـ مرخصه وندخل منى يوم حجينا وقضينا رحنا نطوف طواف الوداع وضاع حمودي[/align] |
[align=center]
كان بوقته جوالي مقطوع وأروح أدورهـ يمين شمال عجزت ومن كثر مادورته قلت شكلي منب لاقيه وأشوى وألقى واحد وعطان جواله وأدق عليه ولايرد صار راعي الجوال مستعجل راح وأتركن بعذرهـ هو بعد وراهـ ناس بيروح معهم وأقعد بالصفاء والمروه وماسك القرآن حقه قلت أبقعد اعاين لعلي أشوفه وأقعد بجنب شايب جزائري كبير بالسن وأسولف أنا وياه تسان هو فهمن ولا انا فهمته زين!! قالي أبي القرآن اللي معك ماودي أقوله أنا القرآن مهوب لي ويوم طلبه من صعب أردهـ وعطيته أياه وسلمت عليه ومشيت يوم قمت أبروح أدور مرهـ ثانيه وألقى حمووودي أحسبه بلش مثلي أثرهـ قاعد يتمشى قلت وووووينك تقل ضايع له سنه قال وراك قلت أدورك قال: قايلك الوعد محلنا الفلاني لاضعنا وشوله تدورن وحلفتله أنه ماقالي المحل قال :إلا قايلك وأنا رايح لمه بس لقيتن بالصدفه قلتله شكلك قايل لخوك قبل كم سنه تحسبه أنا وإلا هالحين أقوله أنت ماقلتي يقول إلا قايلك[/align] |
| الساعة الآن 04:11 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة