|
ولكم كلكم ., شخصياً ماأحب أروح للزواجات أصلاً لإنهن تقليديات ومليت منهن ماتغيرن من عمري 5 سنوات ., ولو قدّر وحضرت زواج يعز علي فرقصي أمام حريم الناس أعتبره إحتقار لنفسي وإهانة ., أوكي أجيب لهن طق وهن يرقصن لين الفجر التعب على رجليهن أما أنا فأعتذر ولربما إكتفيت بالضحك عليهن :p ليس كرهاً للرقص بل كنت في أيام الصبا من عشاقه لكن مابعد الأربعين عمر ورقصي حالاً سيجعل مني ((فتاة مخفة مرتزة بكل منصة)) طبعاً لامانع من الإرتزاز فوق المنصة لكن أبقى على السايلنت هكذا أفضل ., ووقوفي فقط مجاملة للمخفات معي :D وإن كنت أتحفظ على رقص بناتنا رحم حال اللي مايعرف يرقص وبازع ., عاد ياللي بشوف ناس محترفه ., عموماً ماعندي إشكالية في مشاهدة الرقاصات السعوديات :b3: بل لاأحب حضور زواج جامد لكن أفضل التقيّد بالضوابط الأخلاقية في كل مكان ., والله مهزلة الهز بجد مهزلة ., يعني رب العالمين حاط عقل وقدره في رأسي وأروح أدوس عليه وأهز قدام هالمخاليق التعبانه ., إن صرت رقاصه نحتون وإن صرت كمخه بالرقص تشمتوا وصرت علك إستيف لهم لاأبوهم لاأبو اللي جمعهم هالمقرد ., مؤيدة للدف لأني أعتبره أساسي لتحريك الحضور سمعياً - مع مراعاة الألفاظ لإن فيه أغاني سخيفة وبقوة وهذي ممنوعه - وبنفس الوقت أفضل بإن تلزم كل آنسة مكانها المخصص كذا إيتكيت وأرتب للمكان ., وبما أني الراعية لزوجات قريباتي الخاصات صايرة رادار تباً ., إي أغنية سخيفة يوقف الشوط بالكامل وأحوس على نانسي وهيفاء رقصهن :p ., بصراحة نشأت بين أخوان يكرهون الطقطقة حتى النخاع ., وحالهم كحالك واقفين بحلقي أيام الصبا واللحين بحلوق بنات خواتي وإخواني ., مافيه إشكالية بالدف لديهم بل المشكلة لايطلع للرجال ولاترقصن عيب ., وقبل كل زواج حرج وطبعاً سمعاً وطاعة فكسر كلمة المربين قلةٌ في المروءة ., زبدة الكلام لله في خلقه شؤون ,,,,, والله يوفق المعاريس في هالصيف حطوا طق وإلا ماحطوا هذا ليس من شأننا ., أهذب تاهيه’ المهم وقبل المغادرة حبيت أطرح حكم الرقص في الوسط النسائي (( لكي لايفتي من ليس لديه علم ولعل إللي فاهمين الدين غلط يفهمونه صح علشان مايقولون حرمنا ما أحلل الله :p )) الفتوى للشيخ إبن عثيمين رحمه الله . فضيلة الشيخ حفظكم الله ، بعض الأخَوات تسأل عن حكم الرقص إجمالاً وتفصيلاً ، خاصةً فيما يتعلق بالرقص في الوسط النسائي ، والمبتذَل منه وغير المبتذَل وهل يليق بالمسلمة مثل هذا الأمر؟. الجواب: الرقص مكروهٌ في الأصل ؛ ولكن إذا كان على الطريقة الغربية ، أو كان تقليداً للكافرات صارَ حراماً لقولِ النبي صلى الله عليه وسلم: "مَن تشبَّهَ بقومٍ فهو منهم" ، مع أَنَّهُ أحياناً تحصل بِهِ الفتنة ، قد تكونُ الراقصة امرأة رشيقة جميلة شابة فتفتن النساء ، فحتَّى إن كانت في وسط النساء حصل من النساء أفعالٌ تدل على أنَّهُنَّ افتُتِنَّ بِهَا ، وما كان سبباً للفتنةِ فإنه ينهى عنه . وفتوى آخرى له يقول فيها :: السؤال: هل يجوز الرقص والطرب للنساء؟ الجواب: الرقص مكروه، وكنت في الأول أتساهل فيه، لكن سئلت عدة أسئلة عن حوادث تقع في حال رقص المرأة فرأيت أن أمنع منه، لأن بعض الفتيات تكون رشيقة وجميلة وخفيفة ورقصها يفتن فتفتتن النساء بذلك، حتى إنه بلغني أن بعض النساء إذا حصل مثل هذا تقوم وتقبل المرأة التي ترقص وربما تضمها إلى صدرها ويحصل بهذا فتنة، ولهذا كنت أخيراً أقول: إنه ممنوع. والله أعلم، وسبحانك اللهم وبحمدك، نشهد أن لا إله إلا أنت، نستغفرك ونتوب إليك. وسأل فضيلة الشيخ صالح الفوزان عن حكم الرقص فقال: اذا كان الرقص بلباس عاري وعلى الطريقة المعاصرة فلا يجوز وسأل الشيخ خالد المصلح ., http://www.almosleh.com/publish/article_894.shtml ^^ الكلام المختصر مفيد :p ., ولايفوتكم إستدل بحديث رائع ., [fot1]أهذب تاهيه’[/fot1] |
اقتباس:
|
السلام عليكم ورحمه الله وبركاته
انا طقاقه وشفت الموضوع وسجلت لرد اشوف الاخوات الكرمات بدن يتميلحن انا اعرف ارقص وانا حب الرقص وانا ما ارقص بس اجلس اضحك على اللى يرقصون لانهم مايعرفون بس انا اللى اعرف ترى الموضوع يتكلم (على التايد ) مو طلب تسجيل راقصات ووالعجوز اللى بالصفحه الثانيه اشوفها تستهتر بالطقاقات وتقول فوووووووووق هام السحب حنا عندنا القدره اننى نغنى جميع الاغانى (مصري **لبنانى**خليجي)مع فرقه عيون المها الكل راضي ونتقنن فنون الدبكه واقاع المصري والحمد لله من وراء هالشغاله اندخل دراهم مو مثلكم نصكم فقد عقله بعدالاسهم حنا نغنى ونطق والبنات اشكال والوان يرقص ونتفرج وبالليله نكسب 1000ريال من غير العشاء اللى على حسابهم الزواج بدون طق مو زواج عزاء واى بنت تهز هز خفيف يسمى رقص وبالعكس البنت اللى ترقص هى اللى يطلق عليها انثى ولاتقطعون رزقنا بمواضيعكم اللى مثل ووجهيكم ترانى مقبلينن على افراح خلو فتاويكم بالدراسه[/font][/color][/size][/align] |
وعليكم السلام ياكامو:
أولاً أنت مغيّر إسمك؟<<<هو أنت سيبويه وإلا يورّالي؟ بصراحة الطربنقه والطقطقة تطف لي....بس مانب من هواة الرقص أبد الأبدات....يعجبني ماأقول لا..بس ماحب أرقص وماأظبطه بالحيل حتى بزواج إختي العالم تسحبني تسحيب للمنصّة تبين ارقص...طبعاً بنات قرايبي..بس أرفض وبالغصب هزّيت كم هزّة وطلعت! مالي خلق أرقص...بس احب أتفرّج على الرقص....والطق والخرشة... زفّات وخرابيط ياهي مادخلت مزاجي! أحسّهم يلعبون على ارواحهم....وكلّه إسراف وتبذير....كلك بكلك..<<<عجزت تقتنع بهن... طيّب لاصار بوه زفّة وحركات عشان يقولون الناس ياسلام زواج الفلاني كشخه وحركة ووووالخ<<الحمد لله أصحاب العقول في راحة وعلى قولة إمي نركض على عرس العرب<<<هههه بصراحة مرة يقولون الطق حلال ومرة حرام ....وبصراحة هو يلهي خلق الله عن السب والتشليق بلحوم خلق الله عاد من كثر زواجاتنا كلهن بهن طق<<<أتطنّز تراي مجتمعنا بعضهم يمقت الطق والخرابيط تحيّة |
كامو
نزّل المقطع هنا الله يخليك....قديمة مررررررررة بس رهيبة... ترى من جد أبيها |
اقتباس:
لا ادري ما اذا اسمي هذا الكلام انت وصاحبك الطاحونة ... تتهمونهم بالعصبية والعنصرية .. وانتم أكثر شعب يمارسها ويتصف بها .. لا بد ان تظهرو حقدكم وكرهكم وتنقصكم لأهل البادية وهذا اعتبره والله اعلم شعور بالنقص .. وعلى العموم ما يفعلونه في زواجاتهم من ( خلوها خلوها ) فهذا موروث قبلي يتفاخر بفعله كل قبلي فلا يجوز لغير القبليين ان يسخرو منهم .. |
فرقة عيون المها وش عندك :D إيه أضحك بس ماقلت أعرف هه هذا اللي ماطار طيره أعلمك أني أعرف وإلا ماأعرف !! ألبسي نظاراتك وأقري ردي زين أنا قلت أحب الرقص أيام الطفولة يوم أنا بيبي مهب هالعمر ., ومالي علاقة باللي كتبن حنا نرقص لأنهن مخفات ويتميلحن قدام هالرجال عليك بهن يالشيخة أدبغيهن ., للمعلومية جربت كل الفرق ماشفت مثل فرقة أم سجى يجنن وأنفسهن روعه ., ^^ لاتزعلين على نفسها جنت براقش والحق بقوله :D والفتاوى بنكتبه بالدراسة وبالعطلة وإذا ماأعجبك الموضوع أطلعي عنه ., لاتخافين إذا واثقة من حلال لقمة عيشك وراك خايفه من الفتاوى ؟! على العموم باقي فتاوى بطرحها أصبري بس ., حلوه بتعزلين الدين عن الحياة علشان طيرانك ., المهم تراي جاريتك مع أني أدري أنك كلاكة مو فرقه أنتِ وحده داخله تستهبلين بس أنا كلاً أعطيه على قد عقله ., يالله سلملم يالغلا بروح للسوق ., أهذب تاهيه’ |
الأخت فرقة عيون المها مرحبا فيك بيننا , و تو ما نور المنتدى , ودي أجيب فرقة ترحب فيك. هه عموما أختي أنا كاتب الموضوع و لم أتطرق لكن أنتن يا معشر الطقاقات , و حتى أغلب الردود لم تكن تمسكن بسوء. عموما الكل يعبر عن رأيه و هو حر بذالك ما دام أنه لم يخل بشروط المنتدى , و أنتِ يا أختي لك حرية الرد عليهم و مناقشتهم بذالك. و بما أنك تشتغلين بهذه الفرقة فلا تبتعدي كثيرا , فوجودك هو بحد ذاته يثري الموضوع , و يزيده إثارة و طقطقتن. :) و بالنسبة للمقاطع فأتوقع أن المشرفين لن يخالفوا تنزيلك لبعض المقاطع , لكن الأهم ألا يكون فيها موسيقى. طبعا هذا رأيي أنا , و بالنسبة لي سوف أنزل مقطع ( قولوا بسم الله ) , لكن للأسف لا أعرف كيفية تنزيل مقطع صوت , لكن سأحاول قدر المستطاع. شكرا لكِ و دمتِ دائما بود |
[align=center]
اقتباس:
معقولة يقرن حضور الزواج بوجود الطق !! و بالنسبة للطق يخلي الحريم ما يحشن و لا يتطنزن , فهذا شي جيد و طلعنا بفائدة عظيمه. :) بس مثل ما قلت قبل , راح يكتمل الحش و التطنز بإتصالات آخر الليل , و كل وحدة راح تخر ما عنده !! شكرا لك و دمتِ بود[/align] |
[align=center]
اقتباس:
يا أوخيتي ما خليتي شي لنا , جبتي الداء و الدواء و الوصفة الطبية و كل شي. و أنا معك أكثر اللي ينهبلن هن بنات المطاوعة المتشددين , يا كافي كأنهن ما شافن عرس , و مثل ما قلتي هذا نتاج الكبت و التحجير عليهن. أعرف وحدة ما بدأت بالرقص إلا بسن الـ30 , و ذلك بعد ما تغير زوجها و خف من الحدة اللي كان فيها , حتى أن كل الحريم مستغربين يوم قامت ترقص , و لما سألوها قالت: و أخيرا إنفك الحصار , لأنه كان محلفها ما ترقص !! و بالنسبة للرجال فعساك ما تدخلين زواجاتهم , أنواع الطفش , ما غير كل شوي يعدلون الشخصية على بالهم الوليد بن طلال :) , و من ثم يدكون بطونهم بالرز و كل واحد يقبض الباب و من ثم يدق على أهله إذا خلصتوا دقوا علي. هه شكرا لك و لإثرائك الموضوع.[/align] |
عجوز سمنسي يا أخي لا تحسب الناس كلها مثلك , فلا صار عندك وظيفة تدر منها الفلوس و تعيشك , فترى غيرك ما عندهم شي يسدون به حاجاتهم !! و بعدين البنت قالت هذا هو مصدر رزقنا , و هي بالنسبة لها تعتبرها هواية أكثر من أنها وظيفة. . |
[align=center]
اقتباس:
أنا ما أدري كيف الناس يوافقون و يخلون العريس يدخل عند الحريم , أولاه يالعجراء:) , و بعدين أفضل له أن لا يدخل , لأنه ساعتها ستكون كل العيون موجهه له و أحتمال كبير تصيبه عين قشراء.:) أما الطق الذي فيه موسيقى فهذا مفروغا منه فهو منهي عنه و لا يجوز . شكرا لك[/align] |
ما فية مثل الفرقة اللي عندي حتى اغاني انقلش تغني الله يرزقنا مع هذه العطلة يلة ترى به تخفيضات |
سمنسي ممكن تجيب لنا دليل شرعي على أن ما تقوم به الأخت عيون من عمل هو حرام و أن مالها سحت. ( طبعا إذا كانت تعمل على الطق الإسلامي المعروف للجميع) . |
[align=center]
اقتباس:
هب قالت انها طقاقة ولها فرقة يعني مايبي سؤال ماتعرف وش يسوون الطقاقات والفرق الغنائية هذي ؟ اعتقد اني وصفت لكم وش يسوون وماينطقون من تلك الكلمات وتلك الاصوات الفاضحة بكلام ساقط اذا تقدر تنكر فالله يقويها خلها تنكر اما مانعرفه عن الطقاقات فمالهن حرام حرام تعليق بسيط وشو الطق الاسلامي ؟ بعد بعد صار فيه طق اسلامي طيب نبي نقبل الطق الاسلامي هذا ونبيها تقسم انها ماتغني الا بالطق الاسلامي وماعمرها غنت اغاني للفنانين [/align] |
| الساعة الآن 06:32 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة