العريف

تأكد أن فوق هؤلاء والدين أخلصوا في تربيتهم ., واللي مافوقه أهل يكون أشد تفلت لو يطلع برا ويعيش .,
يعني كلها ترجع للتربية فوق أي أرض وتحت أي سماء ,, لافرق .,
أخوي سافر لأمريكا بعد زواجه بسنة و أبنائه الأوائل ولدوا هناك وكان مايجي للسعودية إلا كل 3 سنوات .,
لو شاهدت أولاده ماتصدق أنهم مولدين ومتلدين في فلوريدا تقول هذولا عايشين بيننا ولابعد وراهم أم و أبو قاطعين حيولهم .,
بصدق ماقد شفت مثلهم تبارك الله متميزين بكل شيء لامن ناحية الأخلاق ولامن ناحية الدين ولامن ناحية الإجتهاد الدراسي .,
والآن ولد أخوي يدرس معاي بالجامعة ولازال في تميزه أحياناً يسألوني بنات يعرفونه من أخوانهن أحس بسعادة لاتوصف وأنا أنطق "إيه محمد ولد أخوي "
بعدين أفكر "ليه أفرح؟" يبقى ولد أخوي والله لو هو ولدي :( ومتى يجي اليوم اللي أشوف فيه عيالي كذا ناجحين بحياتهم !!
صدقني كل أم و أب يتمنون أولادهم الأفضل من كل جانب ولكن السؤال ماذا قدموا لأولادهم ؟!
على قدر ماتعطي يجيك ., إذا عطائك واجد بتلقى منهم إللي يرضيك ويجزي تعب ماضيك وإذا لا ,, لائين مو لا وحدة .,
وبالنسبة للحريم فحدث ولاحرج الدين على كيف كيفهن يمشي ولكن الحشمة هذي ماترجع للبنت بحد ذاتها بل ترجع لولاة أمرها بس ماحولك أحد .,
للآسف إذا قلت لك الأهل بخلاء مع ذرياتهم جداً جداً ذكوراً وأناث ومع ذلك يسعون لزيادتها على غير سنع .,
اللهم أحفظ جنى ووالديها وأرزقنا كحالها ذرية صالحة ترفع روؤسنا في الدنيا و الآخرة .,

أهذب تاهيه’

قلب أبيض

للأسف مايقدر لأنه صدر نظام يجبر طلاب الأكاديميات بالدراسة صباحاً في المدارس البريطانية ومساءاً في مدارسهم الخاصة .,
ولذلك مايقدر وطبعاً حلوها بمراسلة وزارة التعليم في السعودية ., غير إن أختي تبي بناتها يدرسون معاهم علشان يكتسبون اللغة .,

إلا سؤالك له داعي وكنت أنتظره وهاأنت طرحته ..,

أهذب تاهيه’

الصديقة :: تالي هلا هلا هلا << ماصدقت

لالالا تراي ماأتحمل كل هالمدح :D << قلت لكن إسألن أم خليل والله أكره المدح يوقعني بالحرج مع نفسي المتواضعة .,
ومثل ماذكرتي مواقف جنى جداً رائعة ومع صغر سنها إلا أنها قريبة من قلبي كثيراً أحب أسولف معها .,
فاتتك يوم السبت ياحياتي هي و نونو إلا بيروحن للمدرسة المشكلة رحلتهم آخر شوال يعني مايمدي يدرسن هنا .,
بس ماش كسرن خاطري و أشتريت لهن مراييل وأرسلتهن لمدرسة أختي بطرف الحارة قلت إستقبليهن خليهن يستانسن .,
ورفضن يطلعن مع الباب إلا تعبين لنا سلتين حلوى علشان ندخل لخالة ونوزع على المدرسات كلهن .,
يالله وماله وأعبي لهن حلاو ياسفابه :D طعم و غالي بس ماعندي غيره قلت اليوم ولا بعده خوذنه كله .,
وش تبين تناظرين :p << عندي إحساس إنك مطيرة عيونك خلاص إنتهى قرقي .,

أهذب تاهيه’