|
لبؤه ادخلي على مبنى العماده من باب الطواريء اللي من جهة شؤون الطالبات وبعدين ادخلي على العميده غصب على الموظفات الحقيرات .. صحيح اول ماتشوفك الوحده منهن بتسكر باب مكتب العميده وتقولك وش تبغين فيها ؟؟ تقولين لعب بزارين ... بس لا تهمك وقولي لها ماراح اطلع الا لما اكلم العميده .. صدقين راح ترضخ لك وتدخلين غصب عليها .. ترى انا صار لي هالموقف والحمدلله عدى على خير الله يوفقك ويحقق لك كل آمالك |
مرحبا شيختي لبؤة ., أولاً بقول وبصراحة الشباب قاطين قطة في الموضوع قطة من لدنهم ولقافة وياليتهم قالوا شيء مفيد ., بالنسبة للي حكوا بالردينية أقول بطلوا حكي عنه إنسانة فشلت على يد عميد من عمداء الجامعة ., شهادته صارت كلك في كلك في كلك في أرانب وجايه تهايط عليكم كم سنة مسوية هاي ماي ., ياحلالي لو مكانكم أموت قهر إللي إنسانة مثله تصير عميدة بغير وجه حق أي زور وبهتان هه المهم بالنسبة للنظام الجامعي تأكدي إن الفوضى بتغيب بعده عاد من زين كلياتكم قبله خربطة ولعب طول السنة !! على الأقل خليهم يضبطون هالتسيب اللي صاير منذ عشرات السنين وخليهم يعدلون المناهج اللي زي الزفت تقل في صالة بلياردو مستانسين ., ياشيخة حرام عليكم وقسم بالله إنكم بنعمة تحسدون عليها << كلامي عام لأي كلية,, إقتصاد. تأهيل. أدبية. علمية ., عشنا وشفنا الفرق بين الكلية والجامعة ., الكلية وربي إنه حديقة ماغير قهاوي وحليات وفطاير وبلع وأخر السنة يجمعون المذكرات ., أنتم لو تجون للجامعة وش تسوون ؟! صح ماعندنا عميدة وصارت د/ وفاء المبيريك لمدة ترم ورحلت والله إن الطيب يحسدها الله يحفظها ., بس عندنا أمن كسر متخرجات من ثانوي ويتحكمن بنا لنا سنتين لاقهوة ولاشاهي ولافرشات ولاعيشة سنعة مثل غيرنا اللي هم أنتم ., وعندنا عمادة كليات مسوين فينا كنترول بوورد حولوا المواد كلها أنجليزي وجلسنا مع العميد ماعندنا لغة على الثانوي بس قال مالي شغل بكم خوذوا كورس ., ولاتفكرون نحط لكم كورسات بالجامعة كيفكم صيروا حقل تجارب وطلعوا أنفسكم << باللفظ هذا يقولها وأسكتنا ودرسنا مثل مايبي غصب !! بالإمتحانات نقول للدكتورات ترجموا لو بعض الكلمات يلقننا ظهورهن ويطلعن وإلا توقف رئيسة الكلية تقل راصود خوفاً من الترجمة هذا حالنا بكل المواد ., مواد صعبة وأساتذة صعبين وطريق صعب وخطر وساعات صعبة من 8 إلى 3 وحنا بالمليداء نحن ونرن ., الحياة بالجامعة أصعب ألف مرة منكم ومع ذلك ماشكينا أبد أثرنا حبيبين يابعد قلبي :( السعادة والراحة النفسية والوناسة تيجان فوق رؤوس طالبات الكليات لايراها غير المصابات في الجامعة :( الله يكون بالعون بس بجد أسجدي لله شكر إنك بكلية قريبة وسهلة ., وينك ياأم خليل تشوفين دلع بنات الكليات !! حديثي السابق لايعني تبرأتي للعميدة وأعرف إن عمادتكم ميييييييح بس ولو فيه جوانب إجابية عندكم والدنيا ماتكمل ياآنسة ., والله يجيب السيل لو بالليل :) أهذب تاهيه’ |
كركركركركركر
والله ياذكر أني كنت مهبله ببنت الرديني بس بالأخير هي الي هبلتبي سوت لي طي قيد كركركركر اهم شي ذليتها واشفيت غليلي حتى لو على حساب مستقبلي الرديني <<تف على ذكراه |
الفوضى مستمرة داخل اروقة الجامعات للطالبات
|
[align=center]
حسبنا الله على من ظلم بناتنا الله يعينكم وينصركم على من ظلمكم الصراحة مآآآآآآآآآآآآسسسسسسسيييييي,,, تحياتي,,, [/align] |
السلام عليكم ...........بدخل للموضوع مباشرة بدون مقدمات
بصراااحة ما عمري رديت على أحد.....لكن كلامك المتعدي حدوده جعلني أكتب من غير شعور أولا ....يلزمكـ و جميع من وافقكـ بتظلمك وكلامك المتعدي حدوده أن يتقوا الله وتحاسبين نفسك قبل أن تحاسبي يجب على كل من وافقك محاسبة نفسه لأنها خصمكم يوم القيامة وأنتي قلتي كلام ليس في محله أنا بنفسي ومن باب الفضول دخلت حتى وصلت الى باب غرفتها والله على ما اقول شهيد (قالت ايش قالت فيه حارستين عند بابها سمر وسمان معهن عصيان)بصراحة أسلوب لا يتوافق مع وحده جامعية وتطالب بنظام كيف وكيف !!!! وهذا أسلوبك في التعبير وليس أي تعبير بل إنه كاااذب أنا ليست بموقف المدافع لها ولم يدفعني أي أحد لرد ولكن كلامك المتجاوز للحقيقة هو ما دفعني(أنا طالة)ليش فقدتي شعورك يوم ردت عليك وحده وخالفتك بقول الحقيقة وبصراااحة أنتم أجبرتوا أعضاء التدريس أنهم يغيبوكم عشان يضمنون تكاملكم بداية المحاضرة لأنهم لو بيطلقون العنان كان ما جيتم للمحاضرة لازم يغيبونكم عشان تكونوا عبرة لغيركم وتجون للمحاضرة بدري لأن من يشوف ترامس القهوة على الطاولات يشك أنه بكليه وجاااي يتعلم كأن الوحدة باستراحة من الصبح إلى الظهر وهن يتقهون تكل محلوف عليهن!!!!! آسفة على الإطالة لكن ليس هذا كل ما في جعبتي (أبى الحق إلا أن يظهر) |
اقتباس:
الحكمة... وما من كاتب إلا سيفنى ويبقي الدهر ما كتبت يداه تأملي هذا البيت بعين الواعي ولا تكوني منفعلة .. حتى تدركيه أنتي ومن هم في شاكلتكـ (اتقوا الله في أقلامكم) |
الكليه الزفت الادبيه
لو بكتب عنها لبكرى مااخلص تقول ابشرح محاضرات الى الاسبوع اللي قبل الاختبارات !! <<< تقول نظام الجامعه تغاضينا لكن المصيبه العظمى ان تقابلين وحده بمرتبة الدكتوراه والفاظها ..... الحمدلله الذي عافانا مما ابتلاهن به هل المنصب من يلزم عليها هذا ؟ ام الغرور والتكبر ولما تتكلم مع الطالبه تناظرها من فــوق لتحـــت و .... بحقران الغريب في الامر ان الاجنبيات في الكليه مصريات وهنديات رغم منصب الدكتوراه الا انهم قمه الاحترام والاخلاق وسلام عليك يازمن الله يصلحك فشلتينا بالمبنى فرحانين فيه مسوين انه جديد لاتنسين تذكرين ان اليوم خرب الكهرباء والا تسريب الماء شي فضيع احسها بتنتهي بالتماس كهربائي لاسمح الله والا الاسقف عليها السلام |
بنات .......
وقفو حرام اللي يصير هنا سب بالعميده مع انها قمة بالاحترام والاخلاق صديقاتي كذا مره دخلو عليها بالرغم ان فيه مرات منعوها السكرتيرات لكن طولو واقفين لحد مادخلو بالغصب وحتى لما دخلو عليها يمدحون تفاعلها معهم واخلاقها تذكري قول الرسول صلى الله عليه وسلم .... : (( من أربى الربى الاستطالة في عرض المسلم بغير حق)) اقتباس:
يــؤ يـــؤ الاسبوع اللي راح مرتين شفتها تتمشى بالكليه لامن جد شكلك ماتدرين عن الاوضاع |
أول \ شكرا باونتي
لكن بالنسبة لكلامك عن الدكتورات بتعاملهن السيء على حد قولك التعامل وفنه ( حاجة شخصية ) مع العلم إني أنا برابع ولحتى الآن ما شفت عن هالدكتورات إلي أنتي تقولين!!!!!!!! |
أولا _ احس اللي يكتبون عيال بأسامي بنات لأن فيه ألفاظ ذكرتن بالجذعان مهايط وما أدري ايش تراه حلاة البنت بحلاة لسانها مب باسترجالها بالحكي
ثانيا _ انا بثالث والحمدلله مبسوطة بالكلية وماشية أموري والعميدة ما عليها كلام وكم مرة نشوفها تدور وتتقبل البنات بأريحية . يكفي انها سمحت لنا بالجوال وبالالوان غير الصارخة وطلعت لنا بطاقات خروج نطلع وندخل متى ما بغينا مو مثل أول واللي تبي تسنع روحه وتمشي أمورة تزين أسلوبه اذا كان كذا اسلوبك مع الدكتورات زين اللي ما اطردوك الدكتورات يبيلهن كم من كلمة حلوة ويمشن أمورك تمام |
شكراااااااااا سارة وضعتي النقاط على الحروف
|
اقتباس:
الحمدلله جعلك دوم ماتقابلين الاشكال اللي قابلتها |
اقتباس:
الخروج الله يوفقها الحمدلله ارتحت مررره لان ايام ماعندي الا الخامسه والسادسه واداوم من 7 :( |
الله يكون بعونكم
|
| الساعة الآن 06:48 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة