|
السلام عليكم
اقتباس:
أسأل الله لك التوفيق دنيا وآخرة نعم العين حق لكن ارى فيما يرى القايم :o إني لو نضلتك كان أصبحتي أفضل :g1: ياخيتي أنا عيني بارده إلا إن كان من غيري أو تذكير الغير بك وانتي ياخيتي مثل ماقالي قريني تمرة ماتنلحس :e8: صدتز ؟. ماشاء الله تبارك الله ( قُلْ أَعُوذُ بِرَبِّ الْفَلَقِ (1) مِنْ شَرِّ مَا خَلَقَ (2) وَمِنْ شَرِّ غَاسِقٍ إِذَا وَقَبَ (3) وَمِنْ شَرِّ النَّفَّاثَاتِ فِي الْعُقَدِ (4) وَمِنْ شَرِّ حَاسِدٍ إِذَا حَسَدَ (5) لا إله الا الله ، اللهم صلي على محمد إذا حسيتي بشي علميني اجي اقرأ عليتس ! [line]-[/line] سبحان الله وبحمده ....عدد خلقه ...ورضا نفسه.... وزنة عرشه ....ومداد كلماته.... --------------------- أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه |
اقتباس:
الريم قوية وكبيرة عند الله اطيب تحية |
إذا الفلوس فلوسه وتصرف على نفسه وعياله وبغت أغراض مافي مانع تروح تشتري وتحاسب
وش له آخذت الرجال معه بالصراحه ماله حاجه كان خذت ولده ويكفى وهو خلته ينام بالبيت يحرس الأثاث لايسرق أفضل لها وأفضل له اللي رضى على نفسه تصرف على البيت وهو يتطمش بيرضى كل شي وبعدين لو بغت ترزه ماينفع بيصيركل شوي جاي يستشيره باللي تبي ولا يرجع ياخذ فلوس منه إذا إنقصوا يازينه مخليته بالبيت أزين لهم - |
الله يعاافيهم ولا يبلاناااا ....
قد يتناازل الرجل عن رجوولته .... لكن الغريب كيف تترك بعض النسااء حيااءها في المجمعات والاسوااق ... والله ولا كان الحيااء من مواصفات النساااء ... ومن الامور التي حثها عليهاا ديننا الحنيف .. |
* هُناك من يجعل الناس يعاملوه بطريقة لا تليق به ,,!
|
من الممكن أن أُعرف الرجولة الحقيقة والتي تحمل في طياتها المعاني السامية والعلامات الفارقة التي يجب أن يتميز بها الرجل..
ولكن في مجتمعنا للأسف ظهرت أحكامٌ جديدة ومقاييس حديثة لتقييم الرجولة!! فالشماغ أصبح رجولة!! وحمل الأثقال والأحمال أصبحَ رجولة!! وتعنيف المرأة وضربها أصبح رجولة!! ومحادثتها بخشونة وبكلمات بعيدة عن الشفقة والإحترام في الأماكن العامه أصبحَ رجولة!! ..................... في موقفك يا رحَال عتبت على الرجل حينما ترك زوجته تقفز لتجلب ذاك وتسأل عن الحساب (بغض النظر عمن سيدفع!!) ولكن الطريقة كانت تهميشية للرجل!! ولكن أعجبني أنه لم يتركها في السيارة.. .................. بعيداً عن تساؤولك يارحال .... أردت أن أسرد هذه الحادثة الطريفة والتي دائماً ما أرى مثلها وبصورة كربونية يومياً!!؟؟؟ .......... رجل في السوبر ماركت وجد الحليب... وزوجته بعيده عنه قليلاً فقال لها: هيه هيه!! فأتت!! وآخرٌ عندما أمر بجانبه هو وزوجته !! لا أعرف لماذا يتعمد تعنيفها أمامي!! وليس أمامي فقط ولكن تعنيفها أمام كل شخص غريب في المحل لكي لا يُقال أنه ظلٌ لإمرأته!!؟؟؟؟ أناس غريبين فعلاً وأصحاب عقول شبه خالية!!؟؟ ............. هذا غير من يضرب أطفاله في الأسواق والمحلات لكي لاتظهر عليه الرحمة التي توصف في مجتمعنا بالغباء!!؟؟؟ هذه أمورٌ نفسية تحدثُ كثيراً ويمكنكم مشاهدتها!!؟؟ شخص يسير هو وإبنه في أحد المحال فيسأله إبنه : (يبه سنكرز ليش سموه سنكرز!!؟؟) فيرد الأب: بضربه على مؤخرة رأسه ويقول له: "أنت وراك ماتصكت ولا رجعتك عند أمك بالسيارة" وآخرٌ تسأله زوجته عند صف المنظفات في السوبر ماركت وتقول له بصوت منخفض .. وقد كنت بجانبهما : محمد ما عندنا فيري.. فلكي لايوافق لزوجته أمامي بعد أن توقع أنني سمعت : فقال لها لا وش نبغى فيه.. خساير بس!!؟؟ فقالت: " انت وش دراك , تخربط وانت ماتدري , فكر قبل ماتقول رايك:29_3_10[1!!! عندها هربت انا!! .................. العلاقات الأسرية يا عزيزي تحتاج لتعديل عندنا خاصةً في الأماكن العامه, إلى اللقاء وعذراً على هذه المشاركة المختلطة!!؟ |
اقتباس:
لازم من التوعيه والدروس الأسريه (كيفية التعامل مع الزوجه في داخل وخارج المنزل):4_1_107v[ وبعدين يامشرفنا رحال المرأه راضيه وزوجها راضي ليه زعلتو من موقفه هكذا تحسب الرجوله لديكم!؟ فلو وقف خلف زوجته وهيا تسير امامه ليس برجل!! وعندما تحاسب وهو خلفها ليس برجل!! |
اقتباس:
لكن مو الرجال مع زوجته يعني ما فيه خطر عليها!! |
اقتباس:
المفروض كوّن نفسه وكدّ واجتهم ووفر المال وانفق هو بنفسه على اسرته عشان مايذل نفسه لا لها ولا لغيرها ,, رجولته اذا هو ماحافظ عليها بنفسه .. مافي احد بيحافظ عليها ,, ومافيه احد بيحرص على حفظها من حرصه هو عليها ,, يترك عنه التسدح بالاستراحات والإتكال على زوجته وفلوسها وانا اضمن له رجولته ,, |
رحّال حبيبي انت والله تسمع بالرجوله ومهام كل من يتصف بها :) صدقني التربيه اولاً واخيراً هي مقياس التصرفات المقبوله والغير مقبوله بغض النظر كان ذكر ولا انثى ! اعرف وحده رممت بيتها بالكامل !! كل يوم تركب مع سواقها وللمحلات بأختلافها ! اختارت واشترت انواع الارضيات .. رخام وبلاط وباركيه و و و اختارات واشترت انواع البويات خارجي وداخلي ورق تعتيق وبدون تعتيق ! اختارات واشترت بعض الاثاث المطلوب بعد مرحله الترميم ! تعاملت مع العمال والشركات والمهندسين والمقاولين عن طريق الجوال .. وصفت بيتها 1000 مره لـ 1000 عامل ! وزوجها المنسّم ماحرك ساكن ! مكتفي بأنه يصحى من النوم الصبح يطلع للدوام ويرجع اخر العصر يدف حبه الرز وينام لين بعد العشاء ! طبعاً اضافه الى تحمل االزوجه لهذا الزوج الكسول البليد الغير قادر على تحمل المسؤوليه! تقوم بتربيه الابناء وشراء حاجات البيت والتكلف بمصاريفه من بعد اول سنه من زواجهم ( يعني بعد مرحله الطفه :p )! وانت ياحبيبي مستكثر لوحده تحاسب واللي جنبها يتفرج ! |
اقتباس:
اما الاتصالات بينها وبين العمال واختيار البلاط والباركية والرخام كلله عليها هي ,, وهي الآمرة الناهيه ,, والعمال ياخذون رايها وزوجها مطير عيونه يقاله واثق بذوقها ,, وعمرها مااتعدى الـ 26 سنة ,,, يعني صغيرة والكل يتمنى يتعامل معها ,, مو من القواعد من النساء ,, |
اقتباس:
[align=center] اعـــــــرف أكثر من عشــر نفس هالحــاله..^^ وكلهم حواليني ماأحد يكذبني فيهم.. ياحيــــــــــــــــــــــــــــــــــــــــــــــ ــــــف.. وع على هيك رخومــه,,:( [/align] |
8
8 لا والله السباحين الردين اللي فوقي هههه اقول كيف الحال تصدقن عاد تسني قاعد مع عمتي حصه يوم تقعد تسبحن و تسذب علينا وتقول تسد ذبحت سعلو لاحقن انا وبنيتي بالمزرعه قلت وشلون قالت انه لحقنا ونطمر للغرفه ونصك الباب واهو يرجف الباب برجلينه !!قلت السعلو يرجف الباب ؟ قالت ايه !! قلت همن وش صار قالت اني خنعت راسه بمخلب وطاح بين رجليه !! اقعد يالزير قلت اومير وش صار قالت ابد شلته وجدعته عند باب المزرعه المهم نرجع لموضوع اخونا رحال صدق فيه عينات مثل هالرجال الله يعافينا وياهم ياحيف بس وععع ولو انا من حرمته كان وطيت على راسه هالهيس وربطت به حبل وجرس بعد ياحسافة الرجولة اللي عنده كنت ابفتح موضوع قريب لموضوعك يمكن بعد ولد عم له بس دامك فتحت الموضوع هذا قلت مايلزم نخلي سالفتنا وحده وموضوعنا واحد ويكون شامل وكامل تصدق مرتين افتح مثل السوالف هذي مع ربعي ويعارضونن ودايم شيل وحط انا وياهم !! عندي 2 من ربعي متزوجين مدرسات وهم ماعليهم وظايفهم حلوة ورواتبهم فوق 6 الالف حلو انا اقول الحرمه ماتنفع تشتغل برى بيتها وهم يقولون لا انا عندي قناعه كامله ومقتنع وقاضي ان الحرمه مكانها افضل شي بيتها واهتمامها بزوجها وعيالها معززه مكرمه وهم يقولون مهيب مشكلة اذا اشتغلت وساعدتك كلنا واحد مهيب ذالتك وهي مرتك قلت طيب تدور الدنيا وتذكرون كلامي تراي منب رجل اذا ماذكرتكم بكلامي هذا المره خله بس تشوف زله عليك تذكرك بكل ريال اخذته منه وفوق هذا كله بتقولك كل عمري اعطيك هذا غير نظرته الداخليه لك . ورب البيت اني ما ابالغ هذي الحقيقه اللي نحاول نتغاضى عنه هذا ادم وهذي حواء مهما صار ماراح يقتلبون ملائكة المهم انا اقول الحرمه ماتنفع تشتغل برى لعدة اسباب: 1- من متى والحرمه تصرف على البيت او تعطي رجله فلوس ماخبرت ابد ابد.. 2-اذا الحرمه والرجال كلهم برى البيت من يهتم بالطفل اذا فيه طفل ؟؟ بتقولون عند ام الرجال او الحرمه .. طيب وش اللي حادن اني اجدع بزري عند حرمه كبيره تبي ترتاح تالي عمره من مصالا البزران هي فاضية لبزركم او لنفسه او عياله .. 3- اذا الحرمه والرجال كلهم برى البيت من يطبخ الغداء ؟؟ بتقولون المطعم وش اللي حادن اكل من مطعم وانا متزوج ؟ او متزوج اسم بس واللي يكابر صز يقول مهوب لازم غداء ههههه تلعب علينا ولا على روحك تجي تلفان ومستدير مخك من الفجر قايم وماتبي غداء 4- اذا كلكم تشتغلون متى تفضى لك الحرمه تقعد انت وياه ؟؟ الحرمه تجي الظهر تعبانه ترتاح له ساعه ساعتين وتصحى من النوم ماتدري وش تبدي هو تنظيف والا غسيل والا طبخ والا ترتيب وقضى اليوم وانت تلفت همن تمل وتطلع قلي متى بتقعد مع مرتك ؟؟ 5- اللي متزوجين حريم تشتغل يلعبون على ارواحهم يقولون الحياة الحين صعبه وكل شي غالي؟ طيب عارفين ان الدنيا كل ماله بزود وغلا واقصاد ذبح الناس بس انك تقدر تامن مصروفك وزيادة الديرة فيها رزق بس تبي من يتحرك . والا شلون بنقالي يدخل بالشهر 15 او 20 الف اذا مهوب اكثر ؟؟ وقد شفت قدام عيوني باكستاني ورى مرتبة سيارته فوق 10 مليون منين جابهن ؟ لاتبطح بالأستراحات ورح ترزق الله وشف انت تحتاج لأحد او لا وش يمنع انك تشتغل وظيفه ثانيه مسائيه لو تتكيس مهوب عيب الشغل ورب البيت اعرف كذا شخص رواتبهم فوق الـ 7 الآلف واخر الشهر يتكسون عشان بس مايتسلفون الكل عارف ان اغلب ذوي الدخل المحدود مايكفيهم رواتبهم بس بامكانهم يخلونها تكفي وزود لو اقعد الى باتسر الظهر اتكلم ماقضيت بس ماابغى اطول عليكم وعلى صاحب الموضوع والحين يبي ينط واحد ويقول انت رجعي وتفكيرك تفكير شيبان ايه رجعي وافتخر اني رجعي ولا اخلي مره تصرف علي يادلخ وبتنط وحده وتقول وشلون يدرسون بناتنا ؟؟ وشلون يدرسون البنات دكاترة الجامعات ؟؟ كلها بروجكتر وانتهى الموضوع منها الحريم يقعدن ببيوتهن ويهتمن لرجالهن ومنها يوفرن هالوظايف للشباب اللي متخرجين وصايرين عاله على المجتمع الله لايوفق من كان له سبب بضياع مستقبهلم وفوق هذا ممكن يصير دخل الفرد اعلى بكثير وانا اسف يارحال يمكن شطحت شوي ومسكت بكم خط ظلم بس صز به رجال يقهرون . يمكن ارجع ثانيه اذا صار شي :) فمان الكريم |
العذر والسموحه على ردي باللهجه العاميه لأن الرد ماله طعم الا بالعاميه
|
^ ^ ^
وخــــــــــروا جاكم طرزان الرجــــــــالة.. قال ايش اانا رجعي.. لا لقيت حرمه توفر دراهمك قلت انا رجعي وقريح.. ياشين اللي يتفلسفوووون وبالواقع ماحولك أحـــــــــد.. كيف الحال بس.. |
| الساعة الآن 09:33 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة