الله يسمع منك ياخوي والله تعبت نفسيا ولو علي انا كان مايشوفوني الا بالمناسبات بس اللي كاسر ظهري ((اختي)) بس الحمدلله صار عندها مناعه من زوجة ابوي .
بس اللي حاز في خاطري ان اخواني وخواتي من ابوي صاروا يقلدون امهم بالتحريش والتجسس علينا .
تصدق مامعي مفتاح لباب بيتنا يعني اذا جيت للبيت اطق الباب واحيانا يزرعونن عند الباب بس مو مهم المهم هو اختي اذا جت من المدرسه تصدق انها تطق الباب واحيانا تجلس على عتبة الباب العشر والعشرين دقيقه وبعدين تتكرم العقرب وتفتح لها الباب .مشكور يالقرار

الله يسلمك ويخليك يانبراس .
تصدق من نذالتها تبي تزوج اختي لواحد من اخوتها وهو متزوج وعنده ثلاث بنات ويوم عرفت اختي بالسالفه بغت تنتحر بس قلت لها ولايهمك على جثتي زواجك من اخوها وتدخل خوالي وعمي وفركشوا الموضوع وهي خافت مني لاني هددتها بعيالهاا اللي هم اخواني وعرف ابوي بتهديدي وزعل علي شهر كامل والحمدلله رجعنا لبعض وتأسفت لبوي وتفهم ليش انا هددتها .
لا والطامة الكبرى مكوشه على الاستراحه حقتنا ويوميا يااهلها او خواتها او قريبها مسنترين بالاستراحه . الله يريحنا منها والله اني داعي عليها ليلة تسع وعشرين في رمضان والامام يختم القران الكريم.

[align=center]هلابقصة سندريلا[/align][align=center]

بكره تروح لزواج ان شاء الله باحد القصور وتنسى احد حذيانها وتتزوج سيد سيد زوجة ابوك

لاتخاف فالله لايضيع اجر الصابرين[/align]

والله مو مقصر معاها وصاير لها الاب والام والاخ والاخت وكل شيء بحياتها لانها هي حياتي ودنيتي عشنا الالم والضيم والقهر سوى وبيننا ذكريات مستحيل ننساها .
بس امنيتي بس اشوفها مع زوجها مبسوطه ومتهنيه هذا هو حلمي .انا مو مهم حياتي اهم شي هي عندي تكون مرتاحه .
زوجة ابوي ذكيه ومو من السهوله اصيدها ماتعرفونها زين هبلت بشنبات ودوختهم حسبي الله عليها وغير كذا عندها اخوانها ماسكين مراكز ومسؤولين اللي بالبحث الجنائي واللي بالاماره . الله يفرجها بس

فيه ناس العن من كذا وليش الله خلق جنه ونار .
يوم كنا صغارين انا واختي كنا مانخاف الا من شي واحد ((المرض)) حتى لو كان زكام او حراره لان ماعندنا من يهتم فينا خصوصا بعد موت جدتي وبموت جدتي اسودت الدنيا بوجهي انا واختي .
ابوي ضعيف شخصيه قدام زوجته وبصراحه اكثر كان اناني ومايهمه الا وناسته وعمره ماقال لي تبغى شي ناقصك شي . منتهى الاهمال .
يمكن تقولون يبالغ في كلامه لكن الخافي اعظم وانا ماكتبت موضوعي علشان تعطفون علي لا .حبيت انقل معاناة يعيشها كثير من الاطفال واللي تموت امهم او ابوهم وماعندهم سند بهالدنيا .مشكوره على شعورك الطيب

مشكوره على النصايح بس صدقيني ماخلينا شي حتى ان خوالي وعمي يقول اشك ان ابوك مسحور لانه لما نكلمه يواعدنا انه يصلح كل شي ويوم يرجع للبيت خلاص بح ماكأنه سمع شي وترجع حليمه لعداتها القديمه. بالعربي الوالد وجوده كعدمه بالنسبه لي ولاختي بالاضافه انه بلش بعمره عنده ضغط وسكر وهو ماتجاوز الخمسين سنه واحيانا ارحمه قوووه اذا شفته يعاني من الضغط .بس الشكوى لله تمنيت ان الضغط والسكر بهالعقرب علشان تسدد فواتيرها .

فيه منظمه حقوق الإنسان سبق قريب لي أعطاني عناوينهم لما أبو بنتي ما سجل بنته وما أعطانا وثائق رسميه تثبت انها بنتي ...
لكن أنا رفضت قلت صلاة الليل والدعاء أقرب من فتح باب للمشاكل
ولو ما نفعت هالوسيلة بيكون أنا أتحمل ما كسبت يدي واستغفر ... وللآن ما فيه إثبات أنها بنتي .. ومن القراده ما تشبه لي أبدا .
لكن لو تريد العناوين والرقم أرسلها لك

الله يعينك يـ قلبي
بـ أمكانك أنت من يسطر الحلول في هذه الأوضاع
بما أن أهالي الخير في هذه المدينه لديهم القدره على المساعده لمن يحتاج
فكري يـ قلبي وبعدها قرر
أكيد أبيك له قريب أو صديق يثق فيه ويؤثر فيه تأثير كلي
متأكد أنا أن فيه حلول راح تفتح لك أبواب الخير لك ولـ أختك بما إنك قادر على تحمل المسؤوليه
,
,
,
الله يوفقك ويفرج كربتك

الله يرحم والدينك على هالنصيحه . وموكلين امرنا لله عز وجل والدنيا مهب طويله ويبي يجي يوم كلن ياخذ حقه .
بس اللي يقهر ليش تسوي كذا بمسكين ومسكينه والرسول اللهم صلي عليه يوصي بالمساكين ويتمنى انه يحشر مع زمرة المساكين المظلومين .تسوي هالشي علشان المال والعقار وهالشي يبي ينفعها يوم القيامه اكيد مو نافعها الا عملها الصالح وياما كلمتها بس تستهتر فيني وتطنز لما انصحها وتقوللي انت ولد البارح تعلمني . الضال ضال مهما سوينا .
واللي يقهرني ماعمرها مرضت او جاها مصيبه مع انها مجرمه بحقي وحق اختي بس يمهل ولايهمل

اصلا هي تبي تخليني عبد عندها وتخطط اصير سواق لها بما انها تذلني بالمصروف بس معصي ويابعد هالشي عليها والرازق الله .
تصدق فصلوني من الشركه بدون سبب ((استغناء عن خدماتي)) وماعطوني مستحقاتي بس دعيت عليها وشكل الدعوه صارت بخوي الصغير صار عنده ثقب بالقلب ومبهذلها بالمستشفيات .تمنيت ان الثقب بقلبها هي مو في اخوي بس حكمة الله.
والله يشرفني معرفتك بس خويك كله حزن والم يعني ابضيق صدرك بمشاكلي .

ترانا يالسعوديين احسن مافينا اننا نتحمل المصايب ومانشكي بس المشكله هالتحمل له ضريبه لما تكبر بالسن تبدا المشاكل سكر وضغط وجلطه .
لو ماعندي اخت مثلا ماكان عندي انا اي مشكله نا رجال واخذ حقي بس هالمسكينه اللي بين اربع جدران وعند هالذيبه وعيالها . ولا يقهرني الا لما يسوون اهل زوجة ابوي زياره لنا والله ياهي تكرف هالمسكينه كرف ولما اشوف اختي اخر الليل قبل النوم قسم بالله كانها جايه من الرياض على رجليها . هاتي وجيبي وصلحي وزيني ونظفي واطبخي ووو وهي طاقة زينها واكل من هالمكسرات ومع خواتها وضحك . طيب واختي وشفيها تمنعينها من الجلوس معكم .مشكوره على نصيحتك

[align=center]شفت ياخالد ؟ [/align][align=center]

يوم انا احط على السعالوه وانتم تقولون اعقل تراك ظالمهن

شف السعلوة وش مسوية فيك عساها لصاروخ سكود يفقع كرشتها

مو انت فقط الضحية
الضحية ايضا ابوك والضحية كل رجل على هذه البسيطة يعيش في كنف امرأة [/align]